काइल इडलम्यानसँग उडन्ता पुत्रको जस्तो रुपान्तरणनमूना

"दुबै छोराहरुमाथि अनुग्रह"

बुबाको यस्तो व्यवहार देखेर जेठो छोरालाई रिस उठ्यो । यो जेठो दाइले कडा परिश्रम र विश्वासपूर्वक खेतबारीको काम गरेको हुन सक्छ, तर ऊ आफै आफ्नो बुबाको घरैमा हराएको थियो ।

त्यहाँ जागृति थिएन । इमान्दारिता थिएन । अनि कार्य भएन ।

सत्य के हो भने, उ पनि हराएकै छोरा थियो । उ पनि बुबाको हृदयदेखि टाढा थियो । ऊ पनि हराएको थियो, तर उसले यो देखेन । टिम केलरले यसलाई यसरी भन्दछन्, “खराब छोरा उसको खराबीमा हरायो, तर असल छोरा उसको राम्रोपनमा हरायो ।“

तपाईं टाढाको देशमा कहिल्यै नगएको हुन सक्छ । आत्मिक क्षेत्रमा तपाईंले पुर्याएको योगदानको प्रभावशाली सूची तपाईंसँग हुन सक्छ । तपाईंले सबै नियमहरू पालना गर्नुभएको हुन सक्छ । तपाईंले यो पूरै किताब पढ्नुभएको हुनसक्छ, तपाईंले टाढाको देशमा चिनेका सबै मानिसहरूको बारेमा सोच्दै हुनुहुन्छ जसलाई यो सुन्न आवश्यक छ । तर मलाई लाग्छ कि तपाईं त्यो व्यक्ति हुनुहुन्छ जससँग येशूले कुरा गरिरहनु भएको छ ।

भाग्यवस, जब जेठो दाजु खेतमै थियो, तब बुबा उत्सव छोडेर उसकहाँ गए । बाबु आफै छोराकहाँ गयो ।

यसले हामीलाई परमेश्वरको बारेमा के बताउँछ? परमेश्वर आफ्ना छोराछोरीहरूसँग सम्बन्धको लागि चाहनुहुन्छ । तपाईको जीवन जेठो छोराको जस्तो होस् वा कान्छोको ।

कान्छो छोराको अपमानजनक छनौट र लापरवाहीपूर्ण जीवनपछि पनि, बुबाले उसलाई चुम्बन र अँगालोले अँगालो हाले । र जेठो छोराको कठोर शब्द र अनादरपछि, बुबाले उसलाई मायापूर्वक स्पष्ट पारे । प्राचिन समयमा घरको मुख्य पुरुष अभिभावकले आफूले गरेको कामको स्पोष्टोक्ति दिनु पर्दैनथ्यो । घरपरिवारका सदस्यहरू आफूलाई जे मन लाग्यो त्यो गर्न स्वतन्त्र थिएनन् तर तिनीहरु मुख्य अभिभावको खटनपटनमा चल्नुपर्ने थियो । तैपनि बाबुले जेठो छोराको रिसप्रति नम्र, धैर्य र अनुग्रहका साथ व्यवहार गरे ।

हामीलाई परमेश्वर न्यायको माग गर्ने क्रोधित बुबाजस्तो हुनुहन्छ भनेजस्तो लाग्नसक्छ, तर येशूमार्फत उहाँले हामीलाई प्रेम र अनुग्रह प्रदान गर्नुहुन्छ जबकि हामी त्यस यसको योग्यका छैनौं । अन्ततः लूका १५ मा उल्लेखित कथा अनाज्ञाकारी दुई छोराहरूको बारेमा होइन, तर यो एक पिताको बारेमा हो, जसले आफ्ना सन्तानहरुलाई बिनाशर्त प्रेम गर्नुहुन्छ ।

*जब तपाईंले कुनै पाप गर्नुहुन्छ, तब तपाईंको बारेमा परमेश्वरले के सोच्नुहुन्छ भनेर तपाईं कल्पना गर्नुहुन्छ? उहाँको अनन्त अनुग्रह र प्रेमले सम्पूर्ण अहा प्रक्रियालाई कसरी उर्जा दिन्छ?

के तपाईंले यो पाठ योजनाको आनन्द लिनुभयो? यदि त्यसो हो भने, पूरा किताब जित्न सहभागी हुनुहोस् । यहाँ