भजनसंग्रह 19:5-7
भजनसंग्रह 19:5-7 नेपाली नयाँ संशोधित संस्करण (NNRV)
ऊ विवाह-मण्डपबाट निस्केको दुलहाजस्तै छ, एक जना विजेताझैँ, जो आफ्नो दौड दौड्नमा हर्षित हुन्छ। आकाशको एक छेउमा उसको उदय हुन्छ, र अर्को सीमासम्म परिक्रमा गर्छ। त्यसको तापबाट केही कुरा लुकेर रहँदैन। परमप्रभुको व्यवस्था सिद्ध छ, प्राणलाई पुनर्जीवित गराउने। परमप्रभुका कानूनहरू विश्वसनीय छन्, निर्बोधलाई बुद्धिमान् तुल्याउने।
भजनसंग्रह 19:5-7 पवित्र बाइबल, नेपाली समकालीन संस्करण (NCV)
जुनचाहिँ विवाह-मण्डपबाट निस्केको दुलहाझैँ छ, दौडमा दौडिने धावकको विजयमा झैँ रमाउँछ। त्यो आकाशको एक कुनाबाट उदाउँछ, र अर्को कुनासम्म चक्कर लगाउँछ; त्यसको तापबाट कुनै कुरो लुकिरहन सक्दैन। याहवेहका व्यवस्थाहरू सिद्ध छन्, प्राणलाई ताजा गराउने, याहवेहका कानुनहरू विश्वासयोग्य छन्; सोझा व्यक्तिलाई बुद्धिमान् तुल्याउने।
भजनसंग्रह 19:5-7 पवित्र बाइबल (NERV)
घाम एक हर्षित दुलहा जस्तो भएर आफ्नो ओछ्यानबाट आउँछ। यो एउटा बलियो खेलाडी जस्तै दगुर्नमा तीव्र इच्छा भए झैं, आफ्नो यात्रा आकाशमा तर्न शुरू गर्छ। घामले आफ्नो यात्रा एक क्षितिजबाट थालेर अर्को क्षितिजमा शेष गर्छ। यसको तापबाट केही पनि लुक्दैन। परमप्रभुको उपदेशहरू पनि त्यस्तै छ। परमप्रभुका शिक्षाहरू अत्युत्तम छन्। तिनीहरूले परमेश्वरका भक्तजनहरूलाई शक्ति प्रदान गर्छन्। परमप्रभुको व्यवस्था विश्वास योग्यको छ। यसले मूर्ख मानिसहरूलाई ज्ञानी बनाउँछ।
भजनसंग्रह 19:5-7 सरल नेपाली पवित्र बाइबल (सरल नेपाली)
त्यो बिहानै निस्केको हर्षित दुलहाजस्तै निस्कन्छ। दौडमा दगुर्ने उत्सुक मानिसजस्तो त्यो निस्कन्छ। आकाश पार गरी त्यो अर्को कुनामा पुग्दछ र त्यसको तापदेखि कोही पनि लुक्न सक्दैन। परमप्रभुको व्यवस्था सिद्ध छ; त्यसले नयाँ बल दिन्छ। परमप्रभुका आज्ञाहरू विश्वासयोग्य छन्, त्यसले बुद्धि नभएकालाई बुद्धि दिन्छ।