Mark 7
7
1ယေရုရှလင်ဟ ဖာရါရှဲချို့နမောရှေပညတ်ကျမ်းတတ်ဆရာချို့ဟ ကိုယ်တော်ဆီဝို စုဝေးရော့ရှေ့လာရယ်။ 2အယ်လူဒွေဟ ကိုယ်တော်ယေရှု၏ဗြိချို့လက်ဆေးဘဲန စားသော့ဒွေစားနေကေ့ဇာဝို တွီ့ဗြင်ရလေရယ်။ 3ဖာရိရှဲဒွေန ယုဒလူမျိုးဒွေဟ မိရိုးဖလာထုံးစံဒွေဝို လိုက်နာကေ့ပီး စာမစားမှီလက်ဆေးကေ့ရယ်။ 4ဈေးရနေ ဝယ်လာဝို စားဇာဒွေဝိုလဲ သေချာဆေးကြောဘဲန ဟယ်သူမှစားကေ့ရ။ အဲမိုပြင် ခြားသောသွန်သန်ချင့်ဒွေဝိုလဲ လိုက်နာကေ့လေရယ်။ ဥပမာ- ဇံဒွေ၊ လန်းဗန်းဒွေ၊ ကြေးခွက်ဒွေ၊ သတ္တုဇလုံဒွေအားလုံးဝို သန့်ရှင်းစွာဆေးကြောကေ့ရယ်။ 5အဲဖြစ်ရိ ဖာရိရှဲနမောရှေပညတ်ကျမ်းဆရာဒွေဟ "ကိုယ်တော်ရဲ့ဗြိတော်ဒွေဟ ဟဲဖြစ်ရိ မိရိုးဖလာဓလေ့ထုံးစံဒွေဝို လိုက်နာကေ့ရနူး၊လက်ဆေးဘဲန ဟဲဖြစ်ရိစာစားနေကေ့နူး" ဆိုပီးမေးခွန်းထုတ်လေရယ်။ 6အဲကြော့ကိုယ်တော်ဟ "ပရောဖတ်ဟေရှာယဟ ခမ်ဗျားဒို့ဝို ရည်စူးပီး "လူပေါဒို့ဟငါ့ဝိုနှုနဂုဏ်တော်ဝိုချီးမွမ်းကေ့ရယ်။ အယ်ဘေမဲ့ သူ့နို့စိနှလုံးထဲမှာ ငါဘုရားနဝွီးကွာနေရယ်။ 7လူပေါဒို့ဟ ပြဌာန်းထားဝို မိရိုးဖလာဓလေ့ထုံးစံဒွေဝိုသာ သန်ကြားလိုက်နာစေကေ့ရယ်။ အဲဂျော့ငါဘုရားဝိုအဲမျိုးဆည်းကပ်ပူဇော်ခြင်းဟ ချဉ်းနီးဘဲဖြစ်ရယ်" ဆိုပီးကျမ်းမှာ ဖော်ပြထားကြောမိတော်မူလေရယ်။ 8"မင်းဒို့ဟလဲ ဘုရားရှင်ရဲ့ပညတ်တော်ဝိုပစ်ပယ်ပီး လူဒွေရဲ့မိရိုးဖလာဓလေ့ထုံးစံဒွေဝို လိုက်နာနေကေ့ရယ်" ဆိုပီးမိတော်မူလေရယ်။ 9ဆစ်လက်ပီး ကိုယ်တော်ဟ မင်းဒို့ဟ ထုံးတမ်းစဥ်လာဒွေဝို ကျင့်သုံးနိုင်ဝို့တွက် ပညတ်တော်ဝို ပစ်ပယ်ပုံဟလော ရားဒိုင်းကျွမ်းကျင်ကေ့လေရယ်။ 10သင်ဒို့၏မိဖဒွေဝို ရိုရိုသေသေပြုစုစော့ရှော့ကေ့ပါ။ မိဖဝိုကလီဆဲသူဟသေဒဏ်ကလစေ" ဆိုပီးမောရှေဟပညတ်တော်မူခဲ့ရယ်။ 11အယ်ဘေမဲ့ မင်းဒို့ဟလော "မိဖဝို လှူဖွယ်ပစ္စည်းဒွေန ပြုစုလုပ်ကျွေးရဝို့စား "ကော်ဘန်" (ဘုရားဝိုလှူဝို့ပစ္စည်း)န ဘုရားဝိုပူဇော်ရင် 12အဲလူဟ မိဖဝို ပြုစုစော့ရှော့ဝို့လိုရ၊ ဆိုပီးသန်ပေးကေ့ရယ်။ 13အဲမျိုးနဆင့်ပီးဆင့် လက်ဆင့်ကမ်းလာဝို ဓလေ့ထုံးစံဒွေန ဘုရားရှင်ရဲ့နှုကပတ်တော်ဒွေဝို ပစ်ပယ်ထားကေ့လေရယ်။ လားတူ ဆိုးဝါးဝိုဓလေ့ထုံးစံများကီးဝိုလဲ မင်းဒို့ကျူးလွန်ထားကေ့ရယ်" ဆိုပီးမိတော်မူလေရယ်။ 14အဲနော့ကိုယ်တော်ဟ လူထုပရိသတ်ဝိုစုဝေးခေါ်ယူပီး 15ငါ့ဂါးဝို သေချာနားထော်ကေ့ပီး နားလည်အော်ကြိုးစားကေ့ပါ၊ စားသော့ကြော့လူဝိုညစ်ညမ်းစေနိုင်ရ၊ ကောဘဲဝိုဂါးလုံးဒွေဟသာ လူဝိုညစ်ညမ်းစေနိုင်ရယ်" ဆိုပီးမိတော်မူလေရယ်။ 16ငါ့ဂါးဝို သေချာနားထော်သူဒွေအားလုံးနားလည်ကေ့ပါလိမယ်" ဆိုပီး မိတော်မူလေရယ်။ 17ကိုယ်တော်ဟ ပရါသတ်ဒွေရှေ့ရာအီထဲဝိုပလန်ဝမ်ခါမှာ ဗြိတော်ဒွေဟ ထက်မှာပြောခဲ့ဝို ဓိပ္ပါယ်ဝို ကိုယ်တော်ဝိုမေးကေ့လေရယ်။ 18အဲခါကိုယ်တော်ဟ "အယ်ဥပမာဆိုလိုရင်းဝို ဗြိဒို့နားလည်ကေ့ရလော။ မင်ဒို့သိတိုင်း 19နေ့ဒိုင်းစားနေဝို စားဇာဒွေဟ စိနှလုံးထဲဝိုရော့သွားရ။ အယ်စားသော့ဒွေဟ စာအီထဲဝိုရော့သွားပီး မစင်ဖြစ်စွန့်ထုလိုက်ရရယ်။(အဲကြော့ လူဒွေတွက် သန့်ဘဲဝိုစားဇာဆိုဇာမှေ့ရ) ဆိုပီး မိတော်မူလေရယ်။ 20အဲနော့ကိုယ်တော်ဟ "လူဝိုညစ်ညမ်းစေဝိုရာဒွေဟလော လူဒွေရဲ့တွမ်းနှလုံးသားထဲရထွက်လာဝိုရာဒွေဘဲ ဖြစ်ရယ်။ 21လူ့ရဲ့စိနှလုံးသားထဲဟ ညစ်ညမ်းဒဲ့ကြံစည်ဒွေ ထွက်လာတတ်ရယ်။ ကာမဂုဏ်လိုက်စားခြင်း၊ ခိုးဝှက်ခြင်း၊သတ်ဖြတ်ခြင်း၊ 22အီထော်ရေးသစ္စာဖော့ခြင်း၊ လောဖကီးခြင်း၊ ယုတ်မာခြင်း၊ လီလည်လှည့်ဖြားခြင်း၊ လိုရမ္မက်ကီးခြင်း၊ မနာလိုခြင်း၊ လူတဖက်သားဝိုအသရေဖျက်ခြင်း၊ မာနထော်လွှားခြင်း၊ မိုက်မဲခြင်း 23အစရှေ့ဝို ကိလေသာရားဒွေဟသာ လူဝိုညစ်ညမ်းစေနိုင်ရယ်" ဆိုပီးမိတော်မူလိုက်လေရယ်။ 24အဲနော့ကိုယ်တော်ဟ အဲရပ်ရထွက်ခွာလာပီး တုရုဗြို့နဇိဒုန်ဗြို့ဝိုကြွရော့တော်မူပီး အီတအီမှာ တည်းခိုရယ်။ အဲမျိုးတည်းခိုနေဇာဝို ဟယ်သူမှသိစေလိုရ။ အယ်ဘေမဲ့ လူဒွေဟ ကိုယ်တော်ဟယ်နေရာမှာရှေ့ရယ်ဆိုဇာဝို ချင့်ချင်းသိသွားလေရယ်။ 25အဲခီမှာ မျိုးမီးတဦးချင့်ချင်းရော့လာပီး ဒူးထော့တောပန်လေရယ်။ 26သူမ၏သမီးငယ်မှာ ကောဆိုးဝါးတကော်ပူးကပ်နေရယ်။ သူမဟ ဖိုးနီးရှားဆိုပီးခေါ်ဝို ဆီးရီးယားနိုင်ငံဒေသတခုမှာ မွီးဖွားဝို ဂရိလူမျိုးတဦးဖြစ်ရယ်။ သူမဟ အဲမိုကောဆိုးဝါးဝို နှံထုပေးဝို့ ကိုယ်တော်ဆီဝိုလာရော့တောပန်လေရယ်။ 27အယ်ဘေမဲ့ကိုယ်တော်ဟ "သားမီးဒွေဝိုသာဦးစွာပထမ ဝအော်ကျွေးရမယ်။ သားမီးဒွေစားဝို့ စားဇာဝိုယူပီး ခွီးဒွေဝိုကျွေးသင့်ရ" ဆိုပီးမိတော်မူလေရယ်။ 28အယ်ဘေမဲ့ အဲမိုမျိုးမီးဟ "မှန်ပါအရှင်၊ သားမီးဒွေစားဝို့ကျန်ဝို စားကြွင်းစားကျန်ဒွေဝို ဘွဲခုံအော့မှာစော့နေဒဲ့ခွီးဒွေဝိုလဲ ကျွေးသင့်ပါရယ် ဘုရား" ဆိုပီးပလန်လည်ရှော့ထားလေရယ်။ 29အဲခါကိုယ်တော်ဟ "မင်းရဲ့ရှော့ထားချင့်ဟ မှန်ကန်သင့်လျှော်ပါရယ်၊ စိချမ်းသာစွာန အီဝိုပလန်ပါ၊ ကောဆိုးဝါးဟ မင်းရဲ့သမီးဆီဟနေ ထွက်ပလေးသွားပါပီ" ဆိုပီးမိတော်မူလေရယ်။ 30အီပလန်ရော့ဝိုခါမှာ ကောဆိုးဝါးထွက်သွားရိ အိရာထဲမှာ သက်သာစွာလဲလျောင်းနေဝို သူ့မီးဝိုတွီ့လိုက်ရလေရယ်။ 31ကိုယ်တော်ဟ တုရုဒေသဟ ဇိဒုန်ဒေသဝိုသွားဝို့ဂါလိလဲရေအိုင်ဝိုထွက်ခွာလာလေရယ်။ လမ်းမှာ ဒေကာပေါလိခေါ် ဗြို့ကီးဆယ်ဗြို့ဝို ဖြတ်ကျော်သွားလေရယ်။ 32လူချို့ဟ ဆွံ့အနားမကြားနေသူတဦးဝိုခေါ်လာပီး အဲလူဝိုကိုယ်တော်၏လက်တော်နထိပီးကုသပေးဝို့ တောပန်ကေလေရယ်။ 33အဲလူဝိုလူအုပ်ထဲရနေ ကိုယ်တော်၏နီးဝိုခေါ်လာပီး အဲလူရဲ့နားဝိုကိုယ်တော်ရဲ့လက်ညိုးနထိထားလိုက်လေရယ်။ လူနာ၏လျှာဝို ကိုယ်တော်ယေရှု၏ထွီးရေနဆွတ်လိုက်ပီး 34ကောကံဝိုမော့ကေ့ပီး "ဧဖသ" (ဖွမ့်ပါ) ဆိုပီး မိတော်မူလိုက်လေရယ်။ 35အဲခါလူနာဟ နားကြားလာပီး ဂါးပီပီသသပြောနိုင်သွားတော့ရယ်။ 36ကိုယ်တော်ဟလူထုဝို သူလုပ်ဆော်ခဲ့သမျှဝို ဟယ်သူမှပလန်မပြောဝို့ မိတော်မူလေရယ်။ အယ်ဘေမဲ့ကိုယ်တော်ဟမပြောဝို့တားဘေမဲ့ လူထုဟ အဲမိုကြောဝို ပြောဘဲနေနိုင်ကေ့ရဖြစ်ရယ်။ 37လူထုပရိသတ်ဒွေဟလဲ ရားဒိုင်းအံ့အားသင့်ပီး "အယ်ကိုယ်တော်လုပ်လိုက်ဝိုကိစ္စမှန်သမျှဟ အံ့ဩစရာကောရယ်၊ ဆွံ့အနားမကြားဖြစ်နေဝိုလူကိုမှ ကောပကတိဖြစ်အော်လုပ်နိုင်ရယ်" ဆိုပီးပြောဆိုကေ့လေရယ်။
अहिले सेलेक्ट गरिएको:
Mark 7: ttpv-rv
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Mark 7
7
1ယေရုရှလင်ဟ ဖာရါရှဲချို့နမောရှေပညတ်ကျမ်းတတ်ဆရာချို့ဟ ကိုယ်တော်ဆီဝို စုဝေးရော့ရှေ့လာရယ်။ 2အယ်လူဒွေဟ ကိုယ်တော်ယေရှု၏ဗြိချို့လက်ဆေးဘဲန စားသော့ဒွေစားနေကေ့ဇာဝို တွီ့ဗြင်ရလေရယ်။ 3ဖာရိရှဲဒွေန ယုဒလူမျိုးဒွေဟ မိရိုးဖလာထုံးစံဒွေဝို လိုက်နာကေ့ပီး စာမစားမှီလက်ဆေးကေ့ရယ်။ 4ဈေးရနေ ဝယ်လာဝို စားဇာဒွေဝိုလဲ သေချာဆေးကြောဘဲန ဟယ်သူမှစားကေ့ရ။ အဲမိုပြင် ခြားသောသွန်သန်ချင့်ဒွေဝိုလဲ လိုက်နာကေ့လေရယ်။ ဥပမာ- ဇံဒွေ၊ လန်းဗန်းဒွေ၊ ကြေးခွက်ဒွေ၊ သတ္တုဇလုံဒွေအားလုံးဝို သန့်ရှင်းစွာဆေးကြောကေ့ရယ်။ 5အဲဖြစ်ရိ ဖာရိရှဲနမောရှေပညတ်ကျမ်းဆရာဒွေဟ "ကိုယ်တော်ရဲ့ဗြိတော်ဒွေဟ ဟဲဖြစ်ရိ မိရိုးဖလာဓလေ့ထုံးစံဒွေဝို လိုက်နာကေ့ရနူး၊လက်ဆေးဘဲန ဟဲဖြစ်ရိစာစားနေကေ့နူး" ဆိုပီးမေးခွန်းထုတ်လေရယ်။ 6အဲကြော့ကိုယ်တော်ဟ "ပရောဖတ်ဟေရှာယဟ ခမ်ဗျားဒို့ဝို ရည်စူးပီး "လူပေါဒို့ဟငါ့ဝိုနှုနဂုဏ်တော်ဝိုချီးမွမ်းကေ့ရယ်။ အယ်ဘေမဲ့ သူ့နို့စိနှလုံးထဲမှာ ငါဘုရားနဝွီးကွာနေရယ်။ 7လူပေါဒို့ဟ ပြဌာန်းထားဝို မိရိုးဖလာဓလေ့ထုံးစံဒွေဝိုသာ သန်ကြားလိုက်နာစေကေ့ရယ်။ အဲဂျော့ငါဘုရားဝိုအဲမျိုးဆည်းကပ်ပူဇော်ခြင်းဟ ချဉ်းနီးဘဲဖြစ်ရယ်" ဆိုပီးကျမ်းမှာ ဖော်ပြထားကြောမိတော်မူလေရယ်။ 8"မင်းဒို့ဟလဲ ဘုရားရှင်ရဲ့ပညတ်တော်ဝိုပစ်ပယ်ပီး လူဒွေရဲ့မိရိုးဖလာဓလေ့ထုံးစံဒွေဝို လိုက်နာနေကေ့ရယ်" ဆိုပီးမိတော်မူလေရယ်။ 9ဆစ်လက်ပီး ကိုယ်တော်ဟ မင်းဒို့ဟ ထုံးတမ်းစဥ်လာဒွေဝို ကျင့်သုံးနိုင်ဝို့တွက် ပညတ်တော်ဝို ပစ်ပယ်ပုံဟလော ရားဒိုင်းကျွမ်းကျင်ကေ့လေရယ်။ 10သင်ဒို့၏မိဖဒွေဝို ရိုရိုသေသေပြုစုစော့ရှော့ကေ့ပါ။ မိဖဝိုကလီဆဲသူဟသေဒဏ်ကလစေ" ဆိုပီးမောရှေဟပညတ်တော်မူခဲ့ရယ်။ 11အယ်ဘေမဲ့ မင်းဒို့ဟလော "မိဖဝို လှူဖွယ်ပစ္စည်းဒွေန ပြုစုလုပ်ကျွေးရဝို့စား "ကော်ဘန်" (ဘုရားဝိုလှူဝို့ပစ္စည်း)န ဘုရားဝိုပူဇော်ရင် 12အဲလူဟ မိဖဝို ပြုစုစော့ရှော့ဝို့လိုရ၊ ဆိုပီးသန်ပေးကေ့ရယ်။ 13အဲမျိုးနဆင့်ပီးဆင့် လက်ဆင့်ကမ်းလာဝို ဓလေ့ထုံးစံဒွေန ဘုရားရှင်ရဲ့နှုကပတ်တော်ဒွေဝို ပစ်ပယ်ထားကေ့လေရယ်။ လားတူ ဆိုးဝါးဝိုဓလေ့ထုံးစံများကီးဝိုလဲ မင်းဒို့ကျူးလွန်ထားကေ့ရယ်" ဆိုပီးမိတော်မူလေရယ်။ 14အဲနော့ကိုယ်တော်ဟ လူထုပရိသတ်ဝိုစုဝေးခေါ်ယူပီး 15ငါ့ဂါးဝို သေချာနားထော်ကေ့ပီး နားလည်အော်ကြိုးစားကေ့ပါ၊ စားသော့ကြော့လူဝိုညစ်ညမ်းစေနိုင်ရ၊ ကောဘဲဝိုဂါးလုံးဒွေဟသာ လူဝိုညစ်ညမ်းစေနိုင်ရယ်" ဆိုပီးမိတော်မူလေရယ်။ 16ငါ့ဂါးဝို သေချာနားထော်သူဒွေအားလုံးနားလည်ကေ့ပါလိမယ်" ဆိုပီး မိတော်မူလေရယ်။ 17ကိုယ်တော်ဟ ပရါသတ်ဒွေရှေ့ရာအီထဲဝိုပလန်ဝမ်ခါမှာ ဗြိတော်ဒွေဟ ထက်မှာပြောခဲ့ဝို ဓိပ္ပါယ်ဝို ကိုယ်တော်ဝိုမေးကေ့လေရယ်။ 18အဲခါကိုယ်တော်ဟ "အယ်ဥပမာဆိုလိုရင်းဝို ဗြိဒို့နားလည်ကေ့ရလော။ မင်ဒို့သိတိုင်း 19နေ့ဒိုင်းစားနေဝို စားဇာဒွေဟ စိနှလုံးထဲဝိုရော့သွားရ။ အယ်စားသော့ဒွေဟ စာအီထဲဝိုရော့သွားပီး မစင်ဖြစ်စွန့်ထုလိုက်ရရယ်။(အဲကြော့ လူဒွေတွက် သန့်ဘဲဝိုစားဇာဆိုဇာမှေ့ရ) ဆိုပီး မိတော်မူလေရယ်။ 20အဲနော့ကိုယ်တော်ဟ "လူဝိုညစ်ညမ်းစေဝိုရာဒွေဟလော လူဒွေရဲ့တွမ်းနှလုံးသားထဲရထွက်လာဝိုရာဒွေဘဲ ဖြစ်ရယ်။ 21လူ့ရဲ့စိနှလုံးသားထဲဟ ညစ်ညမ်းဒဲ့ကြံစည်ဒွေ ထွက်လာတတ်ရယ်။ ကာမဂုဏ်လိုက်စားခြင်း၊ ခိုးဝှက်ခြင်း၊သတ်ဖြတ်ခြင်း၊ 22အီထော်ရေးသစ္စာဖော့ခြင်း၊ လောဖကီးခြင်း၊ ယုတ်မာခြင်း၊ လီလည်လှည့်ဖြားခြင်း၊ လိုရမ္မက်ကီးခြင်း၊ မနာလိုခြင်း၊ လူတဖက်သားဝိုအသရေဖျက်ခြင်း၊ မာနထော်လွှားခြင်း၊ မိုက်မဲခြင်း 23အစရှေ့ဝို ကိလေသာရားဒွေဟသာ လူဝိုညစ်ညမ်းစေနိုင်ရယ်" ဆိုပီးမိတော်မူလိုက်လေရယ်။ 24အဲနော့ကိုယ်တော်ဟ အဲရပ်ရထွက်ခွာလာပီး တုရုဗြို့နဇိဒုန်ဗြို့ဝိုကြွရော့တော်မူပီး အီတအီမှာ တည်းခိုရယ်။ အဲမျိုးတည်းခိုနေဇာဝို ဟယ်သူမှသိစေလိုရ။ အယ်ဘေမဲ့ လူဒွေဟ ကိုယ်တော်ဟယ်နေရာမှာရှေ့ရယ်ဆိုဇာဝို ချင့်ချင်းသိသွားလေရယ်။ 25အဲခီမှာ မျိုးမီးတဦးချင့်ချင်းရော့လာပီး ဒူးထော့တောပန်လေရယ်။ 26သူမ၏သမီးငယ်မှာ ကောဆိုးဝါးတကော်ပူးကပ်နေရယ်။ သူမဟ ဖိုးနီးရှားဆိုပီးခေါ်ဝို ဆီးရီးယားနိုင်ငံဒေသတခုမှာ မွီးဖွားဝို ဂရိလူမျိုးတဦးဖြစ်ရယ်။ သူမဟ အဲမိုကောဆိုးဝါးဝို နှံထုပေးဝို့ ကိုယ်တော်ဆီဝိုလာရော့တောပန်လေရယ်။ 27အယ်ဘေမဲ့ကိုယ်တော်ဟ "သားမီးဒွေဝိုသာဦးစွာပထမ ဝအော်ကျွေးရမယ်။ သားမီးဒွေစားဝို့ စားဇာဝိုယူပီး ခွီးဒွေဝိုကျွေးသင့်ရ" ဆိုပီးမိတော်မူလေရယ်။ 28အယ်ဘေမဲ့ အဲမိုမျိုးမီးဟ "မှန်ပါအရှင်၊ သားမီးဒွေစားဝို့ကျန်ဝို စားကြွင်းစားကျန်ဒွေဝို ဘွဲခုံအော့မှာစော့နေဒဲ့ခွီးဒွေဝိုလဲ ကျွေးသင့်ပါရယ် ဘုရား" ဆိုပီးပလန်လည်ရှော့ထားလေရယ်။ 29အဲခါကိုယ်တော်ဟ "မင်းရဲ့ရှော့ထားချင့်ဟ မှန်ကန်သင့်လျှော်ပါရယ်၊ စိချမ်းသာစွာန အီဝိုပလန်ပါ၊ ကောဆိုးဝါးဟ မင်းရဲ့သမီးဆီဟနေ ထွက်ပလေးသွားပါပီ" ဆိုပီးမိတော်မူလေရယ်။ 30အီပလန်ရော့ဝိုခါမှာ ကောဆိုးဝါးထွက်သွားရိ အိရာထဲမှာ သက်သာစွာလဲလျောင်းနေဝို သူ့မီးဝိုတွီ့လိုက်ရလေရယ်။ 31ကိုယ်တော်ဟ တုရုဒေသဟ ဇိဒုန်ဒေသဝိုသွားဝို့ဂါလိလဲရေအိုင်ဝိုထွက်ခွာလာလေရယ်။ လမ်းမှာ ဒေကာပေါလိခေါ် ဗြို့ကီးဆယ်ဗြို့ဝို ဖြတ်ကျော်သွားလေရယ်။ 32လူချို့ဟ ဆွံ့အနားမကြားနေသူတဦးဝိုခေါ်လာပီး အဲလူဝိုကိုယ်တော်၏လက်တော်နထိပီးကုသပေးဝို့ တောပန်ကေလေရယ်။ 33အဲလူဝိုလူအုပ်ထဲရနေ ကိုယ်တော်၏နီးဝိုခေါ်လာပီး အဲလူရဲ့နားဝိုကိုယ်တော်ရဲ့လက်ညိုးနထိထားလိုက်လေရယ်။ လူနာ၏လျှာဝို ကိုယ်တော်ယေရှု၏ထွီးရေနဆွတ်လိုက်ပီး 34ကောကံဝိုမော့ကေ့ပီး "ဧဖသ" (ဖွမ့်ပါ) ဆိုပီး မိတော်မူလိုက်လေရယ်။ 35အဲခါလူနာဟ နားကြားလာပီး ဂါးပီပီသသပြောနိုင်သွားတော့ရယ်။ 36ကိုယ်တော်ဟလူထုဝို သူလုပ်ဆော်ခဲ့သမျှဝို ဟယ်သူမှပလန်မပြောဝို့ မိတော်မူလေရယ်။ အယ်ဘေမဲ့ကိုယ်တော်ဟမပြောဝို့တားဘေမဲ့ လူထုဟ အဲမိုကြောဝို ပြောဘဲနေနိုင်ကေ့ရဖြစ်ရယ်။ 37လူထုပရိသတ်ဒွေဟလဲ ရားဒိုင်းအံ့အားသင့်ပီး "အယ်ကိုယ်တော်လုပ်လိုက်ဝိုကိစ္စမှန်သမျှဟ အံ့ဩစရာကောရယ်၊ ဆွံ့အနားမကြားဖြစ်နေဝိုလူကိုမှ ကောပကတိဖြစ်အော်လုပ်နိုင်ရယ်" ဆိုပီးပြောဆိုကေ့လေရယ်။
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.