Janja 17
17
Pole bɨla Silase o Tesalonike
1Pole bɨla Silase ayiri ma le Afipolise na Apolini, awasihi Tesalonike. O ŋa eki na njo Ajife mavwonoŋo. 2Pole oyeni ma otiiri a nde amono Ajife. Lemihi le ecuhu mawuumaŋa etari, nde aki awobo bɨla bo o mbari e Njyami eli nca Esaangumu. 3Nde aduha bo, nde se alaha ndi: «Krisi aki ove omoni ambaba, omana nde onyusihi nca leku. Ŋa Jesu a me etooso be yu omakaaha Krisi.» 4Baari ake o mpaniŋi e bo ayalihi, bo se ayeni bɨla Pole na Silase. Ŋa na asi Ngɨrese kuna mavwoniŋi Njyami ayeni bɨla bo, bɨla ŋa akaasi kuna ma ali na etomi me enini. 5Ŋa Ajife amoni mfunwamwo. Bo ayahi elibi e baari e bo mamoni ma ewoombo. Bo acyesi lemvuuru, okʉrukusu ovi nca onguundu. Bo ayeni njo e Jason na ayaha Pole bɨla Silase. Mo oma bo asahi obira bo o mwa baari. 6Ŋa bo aka mono bo ni. Bo ayeni na Jason bɨla ŋa baana ma anguhu ake ma amayalaha Nkʉmu, mwa ankʉmu a mo onguundu kya. Aya ma wʉla ankɨma ndi: «Baari ba amasa lesuhu me esi eso, ŋa bo amito kuuni. 7Jason omayamba bo o njo e nde. Baari baa aso ama bele ekele e Sesare a nkani. Bo ndi nkani okɨmaoli, nkuumi e nde Jesu.» 8Mbari e bo jya etiila lemvuuru bɨla ankʉmu a mo onguundu. 9Ŋa Jason bɨla abuha maamo, aki ove awuri adoro a kuna, ŋa apami anyasihi bo.
Pole bɨla Silase o Bere
10Lempiibi leya, baana ma anguhu atumi Pole bɨla Silase Bere. Bo aso awasihi mo onguundu kya, ayeni nca njo Ajife ma vwonoŋo. 11Ajife a Bere avʉli Ajife a Tesalonike ecimiŋi ove. Bo ayambi mbari e Njyami bɨla ove oso. Ecuhu eso bo ma liira mbari e Njyami eli nca Esaangumu, ma omono yuhu maami a Pole aduuhi ali asisyele. 12Kuna o mpaniŋi e bo ayalihi Jesu. Na asi Ngɨrese, na akaasi ma ali na etomi ma enini. Abalaha kuna se ayalihi. 13Ŋa Ajife a Tesalonike ayuhi ndi Pole atooso mbari e Njyami o Bere, bo ayi nca onguundu kya na alehe ojangavuya na lecyese le baari. 14O ŋa baana ma anguhu atumi Pole mpili okeri onini. Ŋa Silase bɨla Timote asiili o Bere. 15Baari ma ayeni na Pole abiri nde tii ngo Ateene. Emana bo avurihi Bere na aduha na Silase bɨla Timote ndi Pole aduha ndi leje na basaha nde asisari.
Pole awobo ŋa onguundu Ateene
16Pole adɨla Silase bɨla Timote ŋa Ateene. Nde omoni ndi nca onguundu kya, mavwono anjyami mo oca oca kuna. Kya obila otima asi nde obi. 17Nca njo mavwonoŋo, nde awobo bɨla Ajife ŋa na baari akɨma mavwonoŋo Njyami. Ŋa o mwa lebuhu nde se awobo bɨla ayiri a njila ecuhu eso. 18Anga ncimi aki baari angula Epikire bɨla ŋa setohisye ma ayi se na awobo bɨla nde. Ake ndi: «Yu nga lesuhu, nde ema aduha ŋa?» Maamo ndi: «Nde mva mvuuru atoosiho anjyami ma anjya.» Ni bu Pole atooso ŋa Ncya e mve e Jesu. Nde se atoosi ndi akwi ma aje onyusiha. 19Bo abiri Pole bɨla bo, ayeni na nde mpili ankʉmu ŋa Aropaje#17.19 Aropaje omakaaha okuri o mpili ankʉmu ma Ateene ma vuniŋi ma owobo maami. Okuha a bo jwa se nkuumi eya Aropaje.. Bo na nde ndi: «Bisi lebuuna oyuha eyisihi enyarihi e we awobiho bi? 20We awobo na bisi maami a bisi le eli i yaa ni. Ŋa bisi lesaha oyaa osuumbu a kari eduha.» 21Mo oma asi Ateene bɨla anjya ma ali ŋa Ateene aso, okaha ma owobo bɨla leyuha le maami ma anyarihi. 22Ŋa Pole otemiŋi ŋa Aropaje, nde oyahi mbari ndi: «Asi Ateene, me emono mbɨri be baari lelaha mbɨri be levʉli ovwono. 23Ntini e me eyirihi me ewoombo e be, me emoniŋi edima e be levwoniŋi. Me emoni na nkobe eli amateende ndi: “O Njyami ma ali i yaa ni”. Ŋa me eya na atooso be njyami a be leli i yaa ni jwa. 24Njyami awaangi ncye bɨla biibi me eli o yula ncye eso, nde Nkʉmu a yulu bɨla ncye, nde aka kaha ma anjo matuuŋa mo jyala e baari ni. 25Jyala e baari mo omwo me eka janjaha o nde ni, nde se kaama o kiila o mvuuru kali. Obila nde mvuuru ampaha baari aso lebihi bɨla owulu, na me emo eso. 26O ngula mvuuru o mwo omo otu, nde owaangi baari aso, mo bu ndi bo aka o yula ncye eso. Nde ayeesi antini me esibi, bɨla antini ma ebari e ncye e bo ma aka o jo bya mo bo. 27Njyami asi vwa mo bu ndi baari asaha nde. Si na bo mamono syami mo osaha nde, bo leke ma aje omono nde. Asisyele nde la na saabe kali. 28Obila:
“Saabe lebihi ŋa o nde,
Saabe lejyeŋe ŋa o nde, saabe se leli mwo ŋa o nde.”
Ati ma eyuumba a be, aki amaduha jaa jya ndi:
“Ee saabe baana a nde.”
29O vwa saabe baana a Njyami. Saabe i buuna ocimiŋa mbɨri Njyami mva edima ma amatʉla o kele e mvunu, bɨla kele adoro, si kali o kele e baari ma asi, awaangi ma ecimiŋi e bo anku ni. 30Ŋa njyami aya i keese antini a baari ma aki i yaa maami maa ni. Ŋa nde aduha na baari ame esi eso, akaala eku e bo. 31Njyami omayeese cuhu mo, e nde aje opama baari a ma yula ncye aso, bɨla opami a tele. Nde aki omaswolo mvuuru omo otu o maami maa. Nde omalaha ndiimi oyalihi e nde anyuusi nde o nca leku!»
32Asi Ngɨrese ayuha ndi Njyami abuuna onyuusa mvuuru nca leku, maamo aya masebe Pole. Akɨma aya maduha ndi: «Bisi le eje oya jwe lekɨma na ayuha we awobo maami ma.» 33Ŋa Pole onyili bo. 34Okoroho ake ayeni bɨla nde, bo se ayalihi Nkʉmu. O nca bo eki na Deni nkani o nca okuha ŋa Aropase. Bla okaasi omo ma cwolihi o Damarise, ŋa na maamo.
अहिले सेलेक्ट गरिएको:
Janja 17: MDT
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 17
17
Pole bɨla Silase o Tesalonike
1Pole bɨla Silase ayiri ma le Afipolise na Apolini, awasihi Tesalonike. O ŋa eki na njo Ajife mavwonoŋo. 2Pole oyeni ma otiiri a nde amono Ajife. Lemihi le ecuhu mawuumaŋa etari, nde aki awobo bɨla bo o mbari e Njyami eli nca Esaangumu. 3Nde aduha bo, nde se alaha ndi: «Krisi aki ove omoni ambaba, omana nde onyusihi nca leku. Ŋa Jesu a me etooso be yu omakaaha Krisi.» 4Baari ake o mpaniŋi e bo ayalihi, bo se ayeni bɨla Pole na Silase. Ŋa na asi Ngɨrese kuna mavwoniŋi Njyami ayeni bɨla bo, bɨla ŋa akaasi kuna ma ali na etomi me enini. 5Ŋa Ajife amoni mfunwamwo. Bo ayahi elibi e baari e bo mamoni ma ewoombo. Bo acyesi lemvuuru, okʉrukusu ovi nca onguundu. Bo ayeni njo e Jason na ayaha Pole bɨla Silase. Mo oma bo asahi obira bo o mwa baari. 6Ŋa bo aka mono bo ni. Bo ayeni na Jason bɨla ŋa baana ma anguhu ake ma amayalaha Nkʉmu, mwa ankʉmu a mo onguundu kya. Aya ma wʉla ankɨma ndi: «Baari ba amasa lesuhu me esi eso, ŋa bo amito kuuni. 7Jason omayamba bo o njo e nde. Baari baa aso ama bele ekele e Sesare a nkani. Bo ndi nkani okɨmaoli, nkuumi e nde Jesu.» 8Mbari e bo jya etiila lemvuuru bɨla ankʉmu a mo onguundu. 9Ŋa Jason bɨla abuha maamo, aki ove awuri adoro a kuna, ŋa apami anyasihi bo.
Pole bɨla Silase o Bere
10Lempiibi leya, baana ma anguhu atumi Pole bɨla Silase Bere. Bo aso awasihi mo onguundu kya, ayeni nca njo Ajife ma vwonoŋo. 11Ajife a Bere avʉli Ajife a Tesalonike ecimiŋi ove. Bo ayambi mbari e Njyami bɨla ove oso. Ecuhu eso bo ma liira mbari e Njyami eli nca Esaangumu, ma omono yuhu maami a Pole aduuhi ali asisyele. 12Kuna o mpaniŋi e bo ayalihi Jesu. Na asi Ngɨrese, na akaasi ma ali na etomi ma enini. Abalaha kuna se ayalihi. 13Ŋa Ajife a Tesalonike ayuhi ndi Pole atooso mbari e Njyami o Bere, bo ayi nca onguundu kya na alehe ojangavuya na lecyese le baari. 14O ŋa baana ma anguhu atumi Pole mpili okeri onini. Ŋa Silase bɨla Timote asiili o Bere. 15Baari ma ayeni na Pole abiri nde tii ngo Ateene. Emana bo avurihi Bere na aduha na Silase bɨla Timote ndi Pole aduha ndi leje na basaha nde asisari.
Pole awobo ŋa onguundu Ateene
16Pole adɨla Silase bɨla Timote ŋa Ateene. Nde omoni ndi nca onguundu kya, mavwono anjyami mo oca oca kuna. Kya obila otima asi nde obi. 17Nca njo mavwonoŋo, nde awobo bɨla Ajife ŋa na baari akɨma mavwonoŋo Njyami. Ŋa o mwa lebuhu nde se awobo bɨla ayiri a njila ecuhu eso. 18Anga ncimi aki baari angula Epikire bɨla ŋa setohisye ma ayi se na awobo bɨla nde. Ake ndi: «Yu nga lesuhu, nde ema aduha ŋa?» Maamo ndi: «Nde mva mvuuru atoosiho anjyami ma anjya.» Ni bu Pole atooso ŋa Ncya e mve e Jesu. Nde se atoosi ndi akwi ma aje onyusiha. 19Bo abiri Pole bɨla bo, ayeni na nde mpili ankʉmu ŋa Aropaje#17.19 Aropaje omakaaha okuri o mpili ankʉmu ma Ateene ma vuniŋi ma owobo maami. Okuha a bo jwa se nkuumi eya Aropaje.. Bo na nde ndi: «Bisi lebuuna oyuha eyisihi enyarihi e we awobiho bi? 20We awobo na bisi maami a bisi le eli i yaa ni. Ŋa bisi lesaha oyaa osuumbu a kari eduha.» 21Mo oma asi Ateene bɨla anjya ma ali ŋa Ateene aso, okaha ma owobo bɨla leyuha le maami ma anyarihi. 22Ŋa Pole otemiŋi ŋa Aropaje, nde oyahi mbari ndi: «Asi Ateene, me emono mbɨri be baari lelaha mbɨri be levʉli ovwono. 23Ntini e me eyirihi me ewoombo e be, me emoniŋi edima e be levwoniŋi. Me emoni na nkobe eli amateende ndi: “O Njyami ma ali i yaa ni”. Ŋa me eya na atooso be njyami a be leli i yaa ni jwa. 24Njyami awaangi ncye bɨla biibi me eli o yula ncye eso, nde Nkʉmu a yulu bɨla ncye, nde aka kaha ma anjo matuuŋa mo jyala e baari ni. 25Jyala e baari mo omwo me eka janjaha o nde ni, nde se kaama o kiila o mvuuru kali. Obila nde mvuuru ampaha baari aso lebihi bɨla owulu, na me emo eso. 26O ngula mvuuru o mwo omo otu, nde owaangi baari aso, mo bu ndi bo aka o yula ncye eso. Nde ayeesi antini me esibi, bɨla antini ma ebari e ncye e bo ma aka o jo bya mo bo. 27Njyami asi vwa mo bu ndi baari asaha nde. Si na bo mamono syami mo osaha nde, bo leke ma aje omono nde. Asisyele nde la na saabe kali. 28Obila:
“Saabe lebihi ŋa o nde,
Saabe lejyeŋe ŋa o nde, saabe se leli mwo ŋa o nde.”
Ati ma eyuumba a be, aki amaduha jaa jya ndi:
“Ee saabe baana a nde.”
29O vwa saabe baana a Njyami. Saabe i buuna ocimiŋa mbɨri Njyami mva edima ma amatʉla o kele e mvunu, bɨla kele adoro, si kali o kele e baari ma asi, awaangi ma ecimiŋi e bo anku ni. 30Ŋa njyami aya i keese antini a baari ma aki i yaa maami maa ni. Ŋa nde aduha na baari ame esi eso, akaala eku e bo. 31Njyami omayeese cuhu mo, e nde aje opama baari a ma yula ncye aso, bɨla opami a tele. Nde aki omaswolo mvuuru omo otu o maami maa. Nde omalaha ndiimi oyalihi e nde anyuusi nde o nca leku!»
32Asi Ngɨrese ayuha ndi Njyami abuuna onyuusa mvuuru nca leku, maamo aya masebe Pole. Akɨma aya maduha ndi: «Bisi le eje oya jwe lekɨma na ayuha we awobo maami ma.» 33Ŋa Pole onyili bo. 34Okoroho ake ayeni bɨla nde, bo se ayalihi Nkʉmu. O nca bo eki na Deni nkani o nca okuha ŋa Aropase. Bla okaasi omo ma cwolihi o Damarise, ŋa na maamo.
अहिले सेलेक्ट गरिएको:
:
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES