Janja 16
16
Timote aje bɨla Pole na Silase
1Pole oto Derbe bɨla Liste. O ŋa eki na olwoni omo ma cwoloho o Timote. Nguhu a nde Ojife amayalaha Jesu, taara aki o ngɨreke. 2Baana ma anguhu makihi o Liste bɨla Ekonyome aduhi maami ma ave o nde. 3Pole aki na njala oje bɨla nde. Nde osi nde sasi obila ma Ajife ma aki me enkese bya. Mo oma, bo aso aki ama jyaba ndi taara a Timote aki ka Ojife ni. 4Pole bɨla Silase ayiri me enguu ndu eso. Bo atoosi baari ma amayalaha Njyami maami ma antuma bɨla akuuru mo okuha a Jerusaleme maduhi bo, ndi bo se anyiima maami maa. 5Ekuha se eselihi obaha mpari mo oyalihi. Otali a baari mayalahi oselehi okuna.
Acwoli Pole ŋa Masedwane
6Oduduma Santi okaniŋi Pole bɨla Silase mo otooso mbari e Njyami nca Asi. Ŋa bo avuuli Frisi bɨla Ngalasi. 7Bo ato tuha na Miji, asahi oje Bitini. Ŋa Oduduma a Jesu okaniŋi bo mo oje kwa. 8Kya obila o bo mavuuli Miji, mo osuriha na Tʉrwa. 9Lempiibi lemo Pole omoni balaha mo eki osi Masedwane, ma otele nca lworo. Nde opɨsi Pole kolo kolo ndi: «Yira na Masedwane, we oya na ayamaŋa bisi!» 10O ŋiŋa emana lworo e Pole, bisi lesahi oje Masedwane. Bisi leyaa mbɨri Njyami acwolo bisi ma atooso Ncya e Mve kwa.
Lidi ayalaha Nkʉmu mo onguundu o nkuumi Filipe
11Bisi leyahi mbuungu o Tʉrwa, leyeni tele tele ndubu e Samotrase. Eto na encyere bisi leyeni Nyapolise. 12Lecyehe ŋa leyeni onguundu o nkuumi Filipe, co se oki onguundu enini nca ngaala e Masedwane. Asi Rome aki ankʉmu a bo. Bisi leci ecuhu ŋa. 13Cuhu mawuumaŋa, bisi lecuuhi nca onguundu mo oje paani okeri. Lecimiŋi mbɨri lebasaha biri ma ovwono. Bisi lekihi o nci, emana lewobi bɨla akaasi ma aki ma ama kusuha abuha o ŋa. 14Omo otu o nca bo aki nkuumi Lidi osi onguundu o Tyatire. Nde aki otehi amfa ma wali a ba, nde se avwono Njyami. Okaasi jwa aki ayuha bisi. Nkʉmu onaani otima a nde mo bu ndi nde oyuha mbari e Pole yemiŋi. 15Nde bɨla nkwono e nde eso ayahi ateeme. Nde ocwoli bisi ndi: «Yuhu be lecimiŋa mbɨri me ema yalaha Nkʉmu jaa jaa, leya na aka mpili e me.» Ŋa nde ompi bisi okʉra mo oyalaha.
Alehi Pole bɨla Silase ongeneŋe o Filipe
16Cuhu mo bisi leki leje na biri ma vwonoŋo, ojanji omo okaasi, oji ŋa vunuŋa bɨla bisi. Nde aki na odidima o mbomo emonoŋo maami. Nde aduuhi baari maami ma aje oya o bo. Mo osuumbu jwa, ankʉmu a nde abaahi adoro kuna. 17Nde oya alwono bisi bɨla Pole. Na owʉla ankɨma ndi: «Abalaha ba ajanji a Njyami a Nkara Yulu. Bo ma laha be njila e be levuuha!» 18Nde osi vwa ecuhu ekuna kuna. Lo le vʉla vwa, Pole obye nkala okalihi na odidima ndi: «O nkuumi e Jesu krisi, cuuha mo okaasi yu!» Odidima se ocuuhi ŋiŋa. 19Ankʉmu mo okaasi jwa amoni ndi bo aya i buuna obaha adoro o ngula nde ni, o ŋa bo akwari Pole bɨla Silase, abiri bo o mwa lebuhu mpili apami. 20Bo ayeni na bo mpili apami ma asi Rome ndi: «Abalaha ba ami ya na lesuhu o nca onguundu o saabe. Bo se Ajife. 21Ba aya mayisiha ekihi ekɨma, me eli ka e saabe ni. Ŋa saabe ma asi Rome, saabe i buuna oyalaha maami a bo, lelwoni bo ni.»
22Lemvuuru lebye nkala na Pole bɨla Silase. Apami ma asi Rome, apuli bo aso vwele amfa. Atumi ndi abeere bo ekaci. 23Amana obeere bo yemiŋi, alehi bo mo ongeneŋe. Atumi oworo ma okyele bo yemiŋi. 24Amana oduha na oworo vwa, nde olehi bo nca osuhu ongeneŋe. Akuri bo o tahi. 25O mwa otima lempiibi, Pole bɨla Silase aya mavwono, bo se mayima anduumu a Njyami. Engeneŋe me emo me eyuha bo. 26O nci na nci ŋa, ncye etirihi. Ebaha mo ongeneŋe eya me enyuha. Edubihi eso enaahi. Endi ma aki ma amakura bo o jo ecuuhi. 27Okyeli engeneŋe onyusihi, omoni edibihi mo ongeneŋe emanaaha. Nde oyahi baha ampele mwele ndi nde obuma nyuru. Mo oma nde acimiŋi ndi engeneŋe emi dima. 28Ŋa Pole owʉli nkɨma nkara yulu ndi: «Ka bumaŋa nyuru ni. Bisi aso le ba!» 29Okyeli engeneŋe opɨsi ndi aya na nde mbaa. Oyeni asisari nca ongeneŋe. Nde aki atririha na vwoho, ovi o ncina nyiili e Pole bɨla Silase. 30Emana nde otusihi bo, opɨsi bo ndi: «E ba taara, me ma ovuuha me osa buni?» 31Bo akaali na nde ndi: «Yalaha Jesu a Nkʉmu, ŋa na we na nkwono e we, be levuuha.» 32Bo atoosi nde bɨla baari a njo e nde mbari e Nkʉmu. 33O ntini ji jya, na mpiibi, okyeli engeneŋe obiri pole bɨla Silase, osalihi bo ampura. Nde se oyahi ateeme bɨla nkwono e nde eso. 34Nde okumi na Pole bɨla Silase njo e nde, ompi bo biila. Nde bɨla nkwono e nde aya nca oswere, obila nde omiyalaha Njyami.
35Cuhu eca, Apami ma asi Rome, atumi aworo na aduha na okyeli engeneŋe ndi: «Nyasaha baari ba.» 36Okyeli engeneŋe oyi na aduha na Pole ndi: «Apami amituma me onyasaha be. Be lebuuna ocuuha, be leje nca oduusu.» 37Ŋa Pole na okyeli engeneŋe ndi: «Bo aka pama bisi ni. Okoroho bo atumi obeere bisi ekaci o miisi a baari aso. Ni bu bisi asi Rome. Emana bo alehi bisi ongeneŋe. Ŋa bo aya masaha otusuha bisi ma ajisihi? Bisi lemi bɨsa bo anku aya atusaha bisi!» 38Aworo ayeni na aduha maami maa aso na apami a mo onguundu. Apami amoni vwoho, ntini e bo mayuhi ndi Pole bɨla Silase se asi Rome. 39Bo ayi na pɨsa bo kolo kolo, emana atusihi bo mo ongeneŋe, aduhi bo ma ocyhe nca onguundu. 40Pole bɨla Silase acuuha mo ongeneŋe, ayeni mpili e Lidi. Bo amoni baana ma anguhu a bo. Bo ayaasi bo, emana ayeni.
अहिले सेलेक्ट गरिएको:
Janja 16: MDT
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 16
16
Timote aje bɨla Pole na Silase
1Pole oto Derbe bɨla Liste. O ŋa eki na olwoni omo ma cwoloho o Timote. Nguhu a nde Ojife amayalaha Jesu, taara aki o ngɨreke. 2Baana ma anguhu makihi o Liste bɨla Ekonyome aduhi maami ma ave o nde. 3Pole aki na njala oje bɨla nde. Nde osi nde sasi obila ma Ajife ma aki me enkese bya. Mo oma, bo aso aki ama jyaba ndi taara a Timote aki ka Ojife ni. 4Pole bɨla Silase ayiri me enguu ndu eso. Bo atoosi baari ma amayalaha Njyami maami ma antuma bɨla akuuru mo okuha a Jerusaleme maduhi bo, ndi bo se anyiima maami maa. 5Ekuha se eselihi obaha mpari mo oyalihi. Otali a baari mayalahi oselehi okuna.
Acwoli Pole ŋa Masedwane
6Oduduma Santi okaniŋi Pole bɨla Silase mo otooso mbari e Njyami nca Asi. Ŋa bo avuuli Frisi bɨla Ngalasi. 7Bo ato tuha na Miji, asahi oje Bitini. Ŋa Oduduma a Jesu okaniŋi bo mo oje kwa. 8Kya obila o bo mavuuli Miji, mo osuriha na Tʉrwa. 9Lempiibi lemo Pole omoni balaha mo eki osi Masedwane, ma otele nca lworo. Nde opɨsi Pole kolo kolo ndi: «Yira na Masedwane, we oya na ayamaŋa bisi!» 10O ŋiŋa emana lworo e Pole, bisi lesahi oje Masedwane. Bisi leyaa mbɨri Njyami acwolo bisi ma atooso Ncya e Mve kwa.
Lidi ayalaha Nkʉmu mo onguundu o nkuumi Filipe
11Bisi leyahi mbuungu o Tʉrwa, leyeni tele tele ndubu e Samotrase. Eto na encyere bisi leyeni Nyapolise. 12Lecyehe ŋa leyeni onguundu o nkuumi Filipe, co se oki onguundu enini nca ngaala e Masedwane. Asi Rome aki ankʉmu a bo. Bisi leci ecuhu ŋa. 13Cuhu mawuumaŋa, bisi lecuuhi nca onguundu mo oje paani okeri. Lecimiŋi mbɨri lebasaha biri ma ovwono. Bisi lekihi o nci, emana lewobi bɨla akaasi ma aki ma ama kusuha abuha o ŋa. 14Omo otu o nca bo aki nkuumi Lidi osi onguundu o Tyatire. Nde aki otehi amfa ma wali a ba, nde se avwono Njyami. Okaasi jwa aki ayuha bisi. Nkʉmu onaani otima a nde mo bu ndi nde oyuha mbari e Pole yemiŋi. 15Nde bɨla nkwono e nde eso ayahi ateeme. Nde ocwoli bisi ndi: «Yuhu be lecimiŋa mbɨri me ema yalaha Nkʉmu jaa jaa, leya na aka mpili e me.» Ŋa nde ompi bisi okʉra mo oyalaha.
Alehi Pole bɨla Silase ongeneŋe o Filipe
16Cuhu mo bisi leki leje na biri ma vwonoŋo, ojanji omo okaasi, oji ŋa vunuŋa bɨla bisi. Nde aki na odidima o mbomo emonoŋo maami. Nde aduuhi baari maami ma aje oya o bo. Mo osuumbu jwa, ankʉmu a nde abaahi adoro kuna. 17Nde oya alwono bisi bɨla Pole. Na owʉla ankɨma ndi: «Abalaha ba ajanji a Njyami a Nkara Yulu. Bo ma laha be njila e be levuuha!» 18Nde osi vwa ecuhu ekuna kuna. Lo le vʉla vwa, Pole obye nkala okalihi na odidima ndi: «O nkuumi e Jesu krisi, cuuha mo okaasi yu!» Odidima se ocuuhi ŋiŋa. 19Ankʉmu mo okaasi jwa amoni ndi bo aya i buuna obaha adoro o ngula nde ni, o ŋa bo akwari Pole bɨla Silase, abiri bo o mwa lebuhu mpili apami. 20Bo ayeni na bo mpili apami ma asi Rome ndi: «Abalaha ba ami ya na lesuhu o nca onguundu o saabe. Bo se Ajife. 21Ba aya mayisiha ekihi ekɨma, me eli ka e saabe ni. Ŋa saabe ma asi Rome, saabe i buuna oyalaha maami a bo, lelwoni bo ni.»
22Lemvuuru lebye nkala na Pole bɨla Silase. Apami ma asi Rome, apuli bo aso vwele amfa. Atumi ndi abeere bo ekaci. 23Amana obeere bo yemiŋi, alehi bo mo ongeneŋe. Atumi oworo ma okyele bo yemiŋi. 24Amana oduha na oworo vwa, nde olehi bo nca osuhu ongeneŋe. Akuri bo o tahi. 25O mwa otima lempiibi, Pole bɨla Silase aya mavwono, bo se mayima anduumu a Njyami. Engeneŋe me emo me eyuha bo. 26O nci na nci ŋa, ncye etirihi. Ebaha mo ongeneŋe eya me enyuha. Edubihi eso enaahi. Endi ma aki ma amakura bo o jo ecuuhi. 27Okyeli engeneŋe onyusihi, omoni edibihi mo ongeneŋe emanaaha. Nde oyahi baha ampele mwele ndi nde obuma nyuru. Mo oma nde acimiŋi ndi engeneŋe emi dima. 28Ŋa Pole owʉli nkɨma nkara yulu ndi: «Ka bumaŋa nyuru ni. Bisi aso le ba!» 29Okyeli engeneŋe opɨsi ndi aya na nde mbaa. Oyeni asisari nca ongeneŋe. Nde aki atririha na vwoho, ovi o ncina nyiili e Pole bɨla Silase. 30Emana nde otusihi bo, opɨsi bo ndi: «E ba taara, me ma ovuuha me osa buni?» 31Bo akaali na nde ndi: «Yalaha Jesu a Nkʉmu, ŋa na we na nkwono e we, be levuuha.» 32Bo atoosi nde bɨla baari a njo e nde mbari e Nkʉmu. 33O ntini ji jya, na mpiibi, okyeli engeneŋe obiri pole bɨla Silase, osalihi bo ampura. Nde se oyahi ateeme bɨla nkwono e nde eso. 34Nde okumi na Pole bɨla Silase njo e nde, ompi bo biila. Nde bɨla nkwono e nde aya nca oswere, obila nde omiyalaha Njyami.
35Cuhu eca, Apami ma asi Rome, atumi aworo na aduha na okyeli engeneŋe ndi: «Nyasaha baari ba.» 36Okyeli engeneŋe oyi na aduha na Pole ndi: «Apami amituma me onyasaha be. Be lebuuna ocuuha, be leje nca oduusu.» 37Ŋa Pole na okyeli engeneŋe ndi: «Bo aka pama bisi ni. Okoroho bo atumi obeere bisi ekaci o miisi a baari aso. Ni bu bisi asi Rome. Emana bo alehi bisi ongeneŋe. Ŋa bo aya masaha otusuha bisi ma ajisihi? Bisi lemi bɨsa bo anku aya atusaha bisi!» 38Aworo ayeni na aduha maami maa aso na apami a mo onguundu. Apami amoni vwoho, ntini e bo mayuhi ndi Pole bɨla Silase se asi Rome. 39Bo ayi na pɨsa bo kolo kolo, emana atusihi bo mo ongeneŋe, aduhi bo ma ocyhe nca onguundu. 40Pole bɨla Silase acuuha mo ongeneŋe, ayeni mpili e Lidi. Bo amoni baana ma anguhu a bo. Bo ayaasi bo, emana ayeni.
अहिले सेलेक्ट गरिएको:
:
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES