Janja 18
18
Pole o Korete
1Emana Pole ocyehi Ateene, oyeni Korete. 2Nde omoni Ojife ma cwolihi ma Akilase, makʉli o ngaala e Pon. Nde aki okini ma owa osi o Itali, bɨla okari a nde Prisile. Ŋa nkʉmu esi ma cwolihi o Klode, aki omituma ocuura Ajife aso o Rome. Kya obila o Pole ayeni mpili Akilase bɨla Prisile. 3Bo aso asihi janja mo, lecwa le elebe. Pole oyeni na aka mpili e bo, oya ajanja bɨla bo. 4Ecuhu mawuumaŋa eso, Pole ayaha mbari nca njo mavwonoŋo. Nde asa Ajife bɨla Angɨreke oyuha.
5Ŋa ntini e Silase bɨla Timote ma awi Masedwane, Pole akihi ni mo otooso mbari e Njyami. Nde aduha na Ajife ndi Jesu omakaaha Krisi. 6Ŋa bo abeli Pole aya ma tuha nde. Ŋa Pole okʉbihi amfa a nde oduhi ndi: «Be okwa kwa, jaa ekeese be anku. Ka mberi e me ni. Mo obaana o cuhu e lobi me ema aje ŋa mpili e baari ma ali ka Ajife ni.» 7Pole ocuuhi o njo mavwonoŋo. Nde oyeni mpili Titise Jistise, balaha evwonoho Njyami. Njo e nde ekihi o paani e njo mavwonoŋo. 8Ŋa Krispise a nkʉmu a njo mavwonoŋo, oyalihi Nkʉmu bɨla nkwono e nde eso. Asi Korete kuna ayalihi Nkʉmu, ayuhi mbari e Pole bo se ayahi ateeme.
9Lempiibi lemo, Nkʉmu owobi na Pole o nca lworo ndi: «Ka monoŋo vwoho ni, selehe owobo. Ka kaha pi ni, 10me eli bɨla we. Mvuuru abuuna okwara we mo oyusuha we ngaa kali. Obila nca onguundu ki, baari a me ali na kuna.» 11Pole oki o Korete osibi eciina na otini. Nde ayisiha baari mbari e Njyami.
Pole o mwa Ngalyon
12Ntini e Ngalyon akihi lepatima le Rome ma Akayi, Ajife aso abeli Pole. Bo ayeni na nde o njo ma pamaŋa maami. 13Bo ndi: «Balaha ji etuma baari ovwono Njyami mo osuumbu okɨma, ŋa ka mo osuumbu ekele ma aduha ni.» 14Pole aki asaha okaala, ŋa Ngalyon na Ajife ndi: «Lo leki mo oka leku le mvuuru, si kali jaa e mbi mpɨni yo, kaa me yuhi be ma Ajife. 15Ŋa be lejwana ŋa o mbari ntu. Na ma ankuumi, na me ekele e be anku. Ŋa jya jaa e be, me ka mvuuru epama maami maa ni!» 16Ngalyon ocuuri bo o nca njo mapamaŋa maami. 17Ŋa bo aso ayahi Sosotene nkʉmu a njo mavwonoŋo. Bo aya ma buma nde luuba, mo onwa a njo ma pamaŋa maami. Ngalyon aka tiha jaa jya ni.
Pole ovurihi Antyose a Siri
18Pole ovurihi obihi o Korete. Emana nde onyili baana ma anguhu. Oyahi mbuungu oyeni Siri, bɨla Prisile na Akilase. Nde osa baana owuna ocwi o Sakre, obila mo okesi a nde alabi. 19Bo ato Efeje mpili e Pole anyili Prisile bɨla Akilase. Nde oyeni njo mavwonoŋo, oya awobo bɨla Ajife. 20Bo aduhi nde mo osa ca ecuhu bɨla bo. Ŋa Pole obisi. 21Nde onyili bo, nde na bo ndi: «Me eje oya na avuriha na e be, Njyami odya.» Emana nde ocyehi Efeje okumi o mbuungu oyeni. 22Pole oto Sesare, Nde osa kuma na awooso Okuha. Emana nde osurihi Antyose. 23Nde osa ka ecuhu eke nca onguundu kya, emana nde ovurihi. Nde osa tina osi o Ngalasi emana nde otini osi o Frisi. Nde se ompi alwoni aso mpari.
Apolose ayisiha ŋa Efeje bɨla Korete
24Ojife omo a nkuumi Apolose ma kʉli ŋa Aleksandri oyi Efeje. Nde awobihi yemiŋi, nde se aki oyahi Esaangumu e Njyami. 25Ayisihi nde osuumbu ma olwono njila e Nkʉmu. Nde atosihi na mpari eso, nde se ayisihi maami a Jesu yemiŋi. Ŋa nde aki oyaa eso ni ateeme a Jan. 26Nde oya awobo na lila leso o nca njo mavwonoŋo. Prisile bɨla Akilase ayuha nde awobo, abiri nde njo e bo, aselihi oyisiha nde njila e Njyami. 27Apolose asaha oje Akayi. Baana ma anguhu ayaasi nde mo oje. Bo ateendi alwoni ma ali kwa osaangumu. Mo oduha ndi bo ayamba Apolose yemiŋi. Nde oto kwa, nde oyamiŋi baari ma ama yalaha Nkʉmu mo mpolo e Njyami. 28O mwa baari aso, ampura a mbari e nde aki avʉli ma Ajife. O ntini e nde alahii nca Esaangumu e Njyami ndi Jesu omakaaha Krisi.
अहिले सेलेक्ट गरिएको:
Janja 18: MDT
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 18
18
Pole o Korete
1Emana Pole ocyehi Ateene, oyeni Korete. 2Nde omoni Ojife ma cwolihi ma Akilase, makʉli o ngaala e Pon. Nde aki okini ma owa osi o Itali, bɨla okari a nde Prisile. Ŋa nkʉmu esi ma cwolihi o Klode, aki omituma ocuura Ajife aso o Rome. Kya obila o Pole ayeni mpili Akilase bɨla Prisile. 3Bo aso asihi janja mo, lecwa le elebe. Pole oyeni na aka mpili e bo, oya ajanja bɨla bo. 4Ecuhu mawuumaŋa eso, Pole ayaha mbari nca njo mavwonoŋo. Nde asa Ajife bɨla Angɨreke oyuha.
5Ŋa ntini e Silase bɨla Timote ma awi Masedwane, Pole akihi ni mo otooso mbari e Njyami. Nde aduha na Ajife ndi Jesu omakaaha Krisi. 6Ŋa bo abeli Pole aya ma tuha nde. Ŋa Pole okʉbihi amfa a nde oduhi ndi: «Be okwa kwa, jaa ekeese be anku. Ka mberi e me ni. Mo obaana o cuhu e lobi me ema aje ŋa mpili e baari ma ali ka Ajife ni.» 7Pole ocuuhi o njo mavwonoŋo. Nde oyeni mpili Titise Jistise, balaha evwonoho Njyami. Njo e nde ekihi o paani e njo mavwonoŋo. 8Ŋa Krispise a nkʉmu a njo mavwonoŋo, oyalihi Nkʉmu bɨla nkwono e nde eso. Asi Korete kuna ayalihi Nkʉmu, ayuhi mbari e Pole bo se ayahi ateeme.
9Lempiibi lemo, Nkʉmu owobi na Pole o nca lworo ndi: «Ka monoŋo vwoho ni, selehe owobo. Ka kaha pi ni, 10me eli bɨla we. Mvuuru abuuna okwara we mo oyusuha we ngaa kali. Obila nca onguundu ki, baari a me ali na kuna.» 11Pole oki o Korete osibi eciina na otini. Nde ayisiha baari mbari e Njyami.
Pole o mwa Ngalyon
12Ntini e Ngalyon akihi lepatima le Rome ma Akayi, Ajife aso abeli Pole. Bo ayeni na nde o njo ma pamaŋa maami. 13Bo ndi: «Balaha ji etuma baari ovwono Njyami mo osuumbu okɨma, ŋa ka mo osuumbu ekele ma aduha ni.» 14Pole aki asaha okaala, ŋa Ngalyon na Ajife ndi: «Lo leki mo oka leku le mvuuru, si kali jaa e mbi mpɨni yo, kaa me yuhi be ma Ajife. 15Ŋa be lejwana ŋa o mbari ntu. Na ma ankuumi, na me ekele e be anku. Ŋa jya jaa e be, me ka mvuuru epama maami maa ni!» 16Ngalyon ocuuri bo o nca njo mapamaŋa maami. 17Ŋa bo aso ayahi Sosotene nkʉmu a njo mavwonoŋo. Bo aya ma buma nde luuba, mo onwa a njo ma pamaŋa maami. Ngalyon aka tiha jaa jya ni.
Pole ovurihi Antyose a Siri
18Pole ovurihi obihi o Korete. Emana nde onyili baana ma anguhu. Oyahi mbuungu oyeni Siri, bɨla Prisile na Akilase. Nde osa baana owuna ocwi o Sakre, obila mo okesi a nde alabi. 19Bo ato Efeje mpili e Pole anyili Prisile bɨla Akilase. Nde oyeni njo mavwonoŋo, oya awobo bɨla Ajife. 20Bo aduhi nde mo osa ca ecuhu bɨla bo. Ŋa Pole obisi. 21Nde onyili bo, nde na bo ndi: «Me eje oya na avuriha na e be, Njyami odya.» Emana nde ocyehi Efeje okumi o mbuungu oyeni. 22Pole oto Sesare, Nde osa kuma na awooso Okuha. Emana nde osurihi Antyose. 23Nde osa ka ecuhu eke nca onguundu kya, emana nde ovurihi. Nde osa tina osi o Ngalasi emana nde otini osi o Frisi. Nde se ompi alwoni aso mpari.
Apolose ayisiha ŋa Efeje bɨla Korete
24Ojife omo a nkuumi Apolose ma kʉli ŋa Aleksandri oyi Efeje. Nde awobihi yemiŋi, nde se aki oyahi Esaangumu e Njyami. 25Ayisihi nde osuumbu ma olwono njila e Nkʉmu. Nde atosihi na mpari eso, nde se ayisihi maami a Jesu yemiŋi. Ŋa nde aki oyaa eso ni ateeme a Jan. 26Nde oya awobo na lila leso o nca njo mavwonoŋo. Prisile bɨla Akilase ayuha nde awobo, abiri nde njo e bo, aselihi oyisiha nde njila e Njyami. 27Apolose asaha oje Akayi. Baana ma anguhu ayaasi nde mo oje. Bo ateendi alwoni ma ali kwa osaangumu. Mo oduha ndi bo ayamba Apolose yemiŋi. Nde oto kwa, nde oyamiŋi baari ma ama yalaha Nkʉmu mo mpolo e Njyami. 28O mwa baari aso, ampura a mbari e nde aki avʉli ma Ajife. O ntini e nde alahii nca Esaangumu e Njyami ndi Jesu omakaaha Krisi.
अहिले सेलेक्ट गरिएको:
:
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES