भजनसंग्रह 107:17-22

कति जना आफ्‍नो पाप र दुष्‍टताको कारणले कष्‍टमा परेका मूर्खहरू थिए। तिनीहरू खाना हेर्न पनि नसक्‍ने भएका थिए र मर्न आँटेका थिए। तब तिनीहरूले परमप्रभुलाई आफ्‍नो कष्‍टमा पुकारे र उहाँले तिनीहरूलाई सबै दु:ख-कष्‍टबाट बचाउनुभयो, आफ्‍नो आज्ञाले उहाँले तिनीहरूलाई निको पार्नुभयो र मृत्‍युदेखि बचाउनुभयो। तिनीहरूले परमप्रभुलाई उहाँको अनन्‍त प्रेमको निम्‍ति र उहाँले तिनीहरूका लागि गर्नुभएका उदेकका कामहरूका निम्‍ति धन्‍यवाद दिनैपर्छ। बलि चढाएर तिनीहरूले उहाँलाई धन्‍यवाद चढाउनुपर्छ र आनन्‍दका भजन गाएर उहाँले गर्नुभएका सारा कामको बारेमा भन्‍नुपर्छ।