हितोपदेश 30:1-4

यी याकेका छोरा आगूरका अर्तीका वचनहरू हुन्: “परमेश्‍वर मसँग हुनुहुन्‍न, परमेश्‍वर मसँग हुनुहुन्‍न र म असहाय छु। म मानिस होइनँ, मानिसको जस्‍तो मेरो बुद्धि छैन। मैले बुद्धिका कुरा कहिल्‍यै सिकिनँ, म र परमेश्‍वरबारे केही पनि जान्‍दिनँ। स्‍वर्गमा को पुगेर फर्की आएको छ र? कसले बतासलाई आफ्‍नो मुट्ठीमा समातेको छ र? अथवा, कसले समुद्रलाई लुगाको टुक्रामा बाँधेको छ र? अथवा कसले पृथ्‍वीको साँध-सिमाना तोकिदिएको छ र? त्‍यसो गर्ने को हुन्? के तिमी जान्‍दछौ? तिनका छोरा को हुन्?