बाट लोकप्रिय बाइबल पदहरू {{chapter}}

शेयर गर्नुहोस्

ГӀизраилалъул БЕТӀЕРГЬАНАС гьадин абулеб бугелъул: „БЕТӀЕРГЬАНАС гьаб ракьалде цӀад бараб къо тӀаде щвезегӀан, я гӀартиниса ролъ, я хъабиниса нах лъугӀиларо“, – ян».

ГилгӀадалда бугеб Тишбиялдаса Илясица Ахавида абуна: «Дица хъулухъ гьабулев ГӀизраилалъул БЕТӀЕРГЬАН Аллагьасул цӀаралхӀа – дир амруялдалъун гурони чамалиго соналъ, я щуб, я цӀад базе гьечӀо», – ян.

Илясица гьелда абуна: «Мун хӀинкъуге. Рокъоеги ун дица абухъе гьабе. Амма, цин гьелъул цо гьитӀинаб чедги бан, гьеб дие босун ячӀа. Хадуб дуегоги дурго васасеги гьабе кваназе жо.

«Дур БЕТӀЕРГЬАН Аллагьасул цӀаралхӀаги, – ян абуна гьелъ, – дир чед гьечӀо, гӀартиниб цо дангъура цӀураб ролъги, хъабил тӀинда дагьа-макъаб зайтуналъул нахги хутӀун буго дир. Гьале цо-кӀиго цӀулал хъвалхьенги босун ина, гьеб ролъул васасеги диегоги квен гьабизе; гьебги кванала, хадур ниж ракъуца хвела».

«Гьанже мун Сидоналда аскӀоб бугеб Сарепталде а ва гьениб чӀел гьабе. Дица цо къоролалда лъазабун буго мун кваназавеян».

Илясица бицараб БЕТӀЕРГЬАНАСУЛ рагӀуда рекъон, я гӀартиниса ролъ, я хъабиниса нах лъугӀичӀо.

Гьелъ инеги ун Илясица абухъе гьабуна; гьелдаса нахъе гьелъиеги Илясиеги ва гьелъул хъизан-къаялъеги гӀураб квен букӀана жиб-жиб къоялъ.

Гьев Сарепталде вилълъана. Шагьаралъул кавабахъе гьев щвараб мехалъ, гьений цӀул-гӀучӀ бакӀарулей цо къоролай ятана. Гьес гьелда абуна: «Цодагьаб лъим босе дие гьекъезе», – ян.

Лъарахъа лъим букӀина дуе гьекъезе, квенги Дица гъудузда тӀад къан буго дуе щвезабеян».

Гьей арайго, гьелда хадубги ахӀана гьес: «Цо чадил мочӀуги босе дие», – ян.

Радалги къасиги чедги гьанги босун бачӀунаан гъудуз гьесие, лъимги лъарахъа гьекъолаан.

Заман ун хадуб, ракьалде цӀад балеб букӀинчӀелъул, лъар бакъвана.

Цинги гьей чӀужугӀаданалъ Илясида абуна: «Гьанже дида лъана мун Аллагьасул авараг вукӀин ва дуца бицараб БЕТӀЕРГЬАНАСУЛ рагӀи битӀараб букӀин».

БЕТӀЕРГЬАНАС малъухъе гьабуна гьес кинабго. Иорданалъул бакъбаккул рахъалдехун бугеб Керит лъарахъе вилълъана гьев ва гьениб чӀел гьабуна.

БЕТӀЕРГЬАНАС Илясил гьари къабул гьабуна, васасул хӀухьел нахъбуссана ва гьев чӀаголъана.