အရာရာ၌ ကျေးဇူးတော်ကို ချီးမွမ်းကြလော့နမူနာ

လာကြ။ ထာဝရဘုရားအား ရွှင်လန်းစွာသီချင်းဆိုကြကုန်အံ့။ ငါတို့သည် ကယ်တင်ခြင်းသို့ရောက်ရာ ကျောက်ကို ကျူးဧကြကုန်အံ့ (ဆာ၊ ၉၅း၁)။ ကျွန်တော်တို့၏ ချီးမွမ်းခြင်းသည် ဘုရားရှင်၏ မဟာကယ်တင်ခြင်းတန်ခိုးတော်၌ မူတည်သည်။ ထာဝရဘုရားသည် ကြီးမြတ်သောဘုရား၊ ဘုရားတကာတို့ထက် ကြီးမြတ်သောဘုရင် ဖြစ်တော်မူ၏။ မြေကြီးနက်နဲရာ အရပ်တို့သည် လက်တော်၌ ရှိကြ၏။ တောင်ထိပ်တို့ကိုလည်း ပိုင်တော်မူ၏။ ပင်လယ်ကိုလည်း ဖန်ဆင်း၍ ပိုင်တော်မူ၏။ ကုန်းကိုလည်း လက်တော်နှင့် ပြုပြင်တော်မူ၏ (ဆာ၊ ၉၁း၃-၅)။ ရှေးဦးလူသားများသည် လက်အောက်ခံဘုရင်တစ်ပါးထံ ရောက်လာသောအခါ လက်ဆောင်များ ယူလာကြခဲ့သည်။ ထိုနည်းတူစွာ၊ ကျွန်တော်တို့၏ မဟာရှင်ဘုရင်ကြီး အရှေ့တော်သို့ ရောက်လာသောအခါ၊ ကိုယ်တော်၏ ဂုဏ်အင်္ဂါတော်များ၊ ပြုတော်မူခဲ့သောအမှုများနှင့် အနာဂတ်၌ ပြုမည့် ကျေးဇူးတော်တို့ကို ထောက်လျက် ချီးမွမ်းသောယဇ်ကို ပူဇော်ကြသည်။