ရက်ပေါင်း (၉၀) တွင် ဓမ္မသစ်ကျမ်းနမူနာ

ရှင်မဿဲခရစ်ဝင်၏နိဒါန်း

လေဝိဟုခေါ်သော ရှင်မဿဲသည် အခွန်ခံသူတစ်ယောက်ဖြစ်ပြီး အရှင်ယေရှုဘုရားနောက်တော်သို့ လိုက်ဖို့ရန် အရာခပ်သိမ်းကို စွန့်ပစ်၍ တပည့်တော် (၁၂) ပါးတွင် တစ်ပါးအဝင် ဖြစ်လာခဲ့ပါသည်။ အေဒီ (၆၀-၆၅) ဝန်းကျင်တွင်၊ ရှင်မဿဲသည် ဤခရစ်ဝင်ကျမ်းစာကို ရေးသားခဲ့သည်ဟု ယူဆကြသည်။ သူသည် အရှင်ယေရှုဘုရား၏ အံ့ဩဖွယ်နိမိတ်လက္ခဏများ၊ ရှင်ပြန်ထမြောက်ခြင်းနှင့် ကောင်းကင်ဘုံထံသို့ ပြန်ကြွသွားခြင်းများကို မြင်တွေ့ခဲ့သည့် မျက်မြင်သက်သေခံတစ်ဦးလည်း ဖြစ်ခဲ့သည်။

ရှင်မဿဲခရစ်ဝင်ကျမ်းသည် ဣသရေလလူမျိုးအများစုထံသို့ ရေးသားခဲ့သည့်ကျမ်းစာဟု ဓမ္မဟောင်းတွင်ပါရှိသော ပရောဖက်ပြုချက် (၆၀) ကျော်ကို ကိုးကားထားခြင်း၊ အရှင်ယေရှုဘုရားကို ဒါဝိဒ်၏သားတော် ဟု ခေါ်ဝေါ်သမုတ်ခြင်းနှင့် ဣသရေလလူမျိုးများ၏ ဘာသာဓလေ့ ထုံးစံများကို ရှင်းမပြထားခြင်းစသည့် အချက် (၃) ချက်အားဖြင့် ကျမ်းစာပညာရှင်များ အများလက်ခံကြသည်။ ရှင်မဿဲခရစ်ဝင်ကျမ်းသည် ဓမ္မသစ်ကျမ်းတွင် ပထမမြောက် ကျမ်းစာဖြစ်သော်လည်း ရှင်မာကုခရစ်ဝင်ကျမ်းသည် အရင်ရေးသားခဲ့သောကျမ်းဖြစ်သည်။ အကယ်စင်စစ်၊ ရှင်မာကုခရစ်ဝင်ကျမ်း၌ပါသော စာသား (၉၇) ရာခိုင်နှုန်းသည် ရှင်မဿဲခရစ်ဝင်အတွင်းတွင်လည်း ပါဝင်ပါသည်။