Mateo Introducción
Introducción
Mateo sbꞌi jun libro tiꞌ. Jix tzꞌibꞌelecan yet abꞌil 60 d.C. Jaꞌ naj Mateo chi yij pax Leví, jaꞌ naj jix tzꞌibꞌencan bꞌey Palestina. Ey 400 abꞌil jix ecꞌtoj yet tax cꞌal jix yalon can naj Malaquías jun kꞌane tiꞌ. Jaꞌton jun bꞌabꞌel libro yul An Nuevo Testamento, chi yaltej skꞌaneal tol jaꞌ Jesús, “Rey toni”.
Jaꞌton titiꞌ tzꞌibꞌebꞌilcan ey skꞌaneal Jesucristo bꞌey jix eloc jantaj bꞌey yakꞌnaj can stiꞌ Dios tet ebꞌ ánima jaxca chi yal can yul An Antiguo Testamento. Jaꞌ jun watxꞌ kꞌane tiꞌ, man asanne oj ebꞌ conobꞌ Israel ey yet, jaꞌton ebꞌ bꞌey julnaj ecꞌ Jesús, tol yet cꞌal pax masanil ánima bꞌey yul yibꞌankꞌinal tiꞌ. Jaꞌ jun watxꞌ kꞌane tiꞌ chi yakꞌ kotajne eloj tol asanne Jesucristo chi skeꞌ yakꞌon colbꞌanile tet masanil ánima ta chi yaoc scꞌul ebꞌ yin Jesús.
Jaꞌ jun libro tiꞌ, ey joebꞌ tujan yeoc wan cuybꞌanile chi yal Dios ey jon. Jaꞌ bꞌey capítulo 5 masantaꞌ bꞌey capítulo 7, chi yaltej yu wan cuybꞌanile jix yal Jesús bꞌey sjolom wonan, jaꞌ chi alon yu bꞌeybꞌale, yetoj tzet ey yalon yet masanil ebꞌ eyoc yul skꞌabꞌ Dios. Jaxa capítulo 10, jatuꞌ chi yal tzet jix yun scuyle ebꞌ ẍejabꞌ Jesús cꞌal tzet chi yun yalon el skꞌaneal colbꞌanile ebꞌ, jaxca tzet chi yun yoc ebꞌ ánima yul skꞌabꞌ Dios. Jaxa capítulo 13, chi yaltej skꞌaneal jantaj tzet eyoc yul skꞌabꞌ Dios. Jaxa capítulo 18, chi yaltej yu tzet chi yoche Dios yin ebꞌ scuywom. Jaxa capítulo 24 yetoj 25, chi yaltej yu slawubꞌal tiempo cꞌal yet oj txeclo eloj tol jaꞌ Dios miman yeloc apnoj.
လက်ရှိရွေးချယ်ထားမှု
Mateo Introducción: knj
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2016, Wycliffe Bible Translators, Inc. All rights reserved.