Malaquías 4
4
Oj Jul Scꞌual Yet Chi Naꞌle Oc Yin Ebꞌ Yu Jehová
1Jaꞌ Jehová, Naj Miman Yeoc Yipalil, chi alon jaxca tiꞌ: Lalan sjul jun scꞌual, yet oj jin naꞌon oc yin ebꞌ, yet oj jin qꞌueyon can el masanil ebꞌ bꞌuchwawom cꞌal ebꞌ penawom, cꞌamxa junoj ebꞌ oj colcha can eloj. Jaxca wal chi yun stzꞌaꞌtoj an chꞌim yul jorna, queytuꞌ oj yun ebꞌ. 2Jal pax jaex tol ey weloc apnoj yul je sat tiꞌ, oj xꞌoxa sbꞌa jun Colwawom ey jex, jun tol caw ey yipalil jaxca chi yun xꞌoxon a sbꞌa cꞌu yet chi aoloj. Jaꞌ jun tuꞌ oj akꞌon tzalabꞌoj a je cꞌul junelxa. Tuxa cꞌal oj jex a tꞌujlabꞌoj yu tzalacꞌulal, jaxca noꞌ achꞌe wacax tol to chi eltej bꞌey majan ocoj. 3Jaꞌ yet jun cꞌual tuꞌ, jaex tiꞌ tuxa cꞌal oj je tecꞌtoj ebꞌ penawom, jaxca chi yun stecꞌle ey pojoj, queytuꞌ oj je yute ebꞌ.
4Naꞌwejtej jin chejbꞌanil jix wakꞌcan tet naj jin chejabꞌ Moisés, yet jix eyecꞌ naj bꞌey sjolom wonan Horeb. Jaꞌ wan ley cꞌal wan chejbꞌanile tuꞌ, smoo tol che jije je masanil jaex Israel jex tiꞌ.
5Ilwej ton abꞌi, oj jin chejtoj Elías naj jin chejabꞌ, yet cꞌamto chi apni oc jun scꞌual yet oj jin naꞌon oc yin ebꞌ; jaꞌ yet jun cꞌual tuꞌ, miman yeloc apnoj, eyxa smey oj yunne. 6Jaꞌ Elías tuꞌ oj aon oc ebꞌ mame cꞌal ebꞌ uninale yin watxꞌcꞌulal. Ta cꞌamaj, sowalil chin jul wakꞌ lawoj el je conobꞌ tuꞌ yin junelne, ẍi Dios.
JAꞌ NUEVO TESTAMENTO
လက်ရှိရွေးချယ်ထားမှု
Malaquías 4: knj
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2016, Wycliffe Bible Translators, Inc. All rights reserved.