Malaakhi 4
4
Yoom Allah jaayi
1 # 4:1 Al-fasul 4 aaya 1 be l-arabi hu al-fasul 3 aaya 19 be l-faransaawi. Laakin ma zaad wa la nagas cheyy illa l-nimar bas albaddalo. Wa Allah al-Gaadir gaal :
«Daahu al-yoom da jaayi
haami misil al-furun.
Wa kulla l-mustakbiriin wa l-aasiyiin
yabgo misil al-gechch.
Wa l-yoom al-jaayi da yahrighum
wa la yikhalli leehum irig wa la firiʼ.
2Wa laakin leeku intu al-khaayfiin minni,
adaalti tatlaʼ leeku misil al-harraay
wa deyyaha yijiib al-chifa.
Wa intu tamurgu wa tinattutu
misil ajjaal marago min zariibithum.
3Fi l-yoom al-nugumm foogah,
intu tifajjukhu al-aasiyiin
wa yabgo misil rumaad tihit rijleeku.»
Wa da, Allah al-Gaadir bas gaalah.
Allah waaʼad be jayyit Iliyaas
4«Azzakkaro kitaab al-Tawraat
al-anteetah le abdi Muusa fi jabal Huuriib.
Wa le kulla Bani Israaʼiil,
anteethum gawaaniin wa churuut.
5«Daahu ana nirassil leeku al-nabi Iliyaas
wa da gubbaal yoom Allah ma yaji
wa l-yoom da aziim wa mukhiif.
6Wa hu yijiib al-salaam
been al-abbahaat wa iyaalhum
wa been al-iyaal wa abbahaathum.
Wa misil da, ma naji nidammir al-balad.»
လက်ရှိရွေးချယ်ထားမှု
Malaakhi 4: ADT19
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Arabe tchadien (alphabet latin) Bible © Alliance Biblique du Tchad, 2019.