مَرقُسِ انجیل 1
1
تعمید دئنده یحیی، مسیح رائَ آبادَ کونه
1عیسی مسیح، خُدا پسرِ خُب خبر، اَطو شروع به.
2هوطوکی اِشعیای پیغمبر کتاب درون بینیویشته بُبوسته:
«هسّا می پیغام آورَ پیشتر جه تو اوسِه کونم،
کی اون تی رائَ جُلُوتر آبادَ کونه؛
3اُ مردایِ اوخان کی ویاوان درون هَرا کونه:
”خُداوندِ رائَ آبادَ کونید!
اونِ مسیرانَ صافَ کونید.“»
4تعمید دئنده یحیی ویاوان درون ظهور بُکود، و مردوم ره موعظه کودی، شیمی گُنائان آمرزش ره توبه بُکونید و غُسل تعمید بیگیرید. 5تمان یهودیه ولایت مردومان و تمان اورشلیم مردومان، یحیی ورجه شوئید و خوشان گُنائانَ اعتراف کودید، و اُردنِ روخانِ درون، اونِ جا غُسل تعمید گیفتید. 6یحیی شُترِ پَشم جا رَخت دُکودی و ایتا چرمی غیش خو کَمر دَوَستی، و ملخ و صارائی عسل خوردی. 7یحیی موعظه کودی و گفتی: «بعد من، ایکس قوی تر جه من خوائه اَمون، کی من حتی قابیل نئیم فَچَمم و اون چاروغ بَندَ وازا کونم. 8من شمرأ آب مرا غُسل تعمید بدَم، ولی اون روح‌القدّس مرا شمرأ تعمید خوائه دَئَن.»
عیسی غسل تعمید
9اُ روجان درون، عیسی ناصره شار جا کی جلیل ولایت درون بو بامو و اُردن روخان درون یحیی جا غسل تعمید بیگیفت. 10هَطو کی عیسی آب جا بیرون بامو، هو دَم بیده کی آسمانان وازَ بو و خُدا روح کوتری مانستن اون سر بجیر اَیه. 11و اوخانی آسمان جا فارسه کی «تو می عزیز پسری، من تی جا راضی ئم.»
عیسی امتحان به
12خُدا روح، درجا عیسیَ ویاوان درون ببرد. 13عیسی چِل روج ویاوان درون ایسابو و شیطان اونَ امتحان کودی. عیسی واشی جانوران مرا سرکودی و فیریشته ئان اونَ خیدمت کودیدی.
عیسی خیدمت جلیل درون
14بعد اَنکی تعمید دهنده یحیی گرفتارَ بوست، عیسی جلیل ولایت بُشو. اون خُدا خُب خبرَ اعلام کودی، 15و گفتی: «اُ زمات فارسه و خُدا پادشائی نزدیک بُبوسته. توبه بُکونید و اَ خُب خبرَ ایمان باورید.»
عیسی اوّلتا شاگردان
16وقتی عیسی جلیل دریا کنار دوارستی، شَمعون و اون برار آندریاسَ بیده کی آب درون ماشک تَوَدَن دیبید، چونکی صیّاد بید. 17عیسی اوشانَ بگفت: «می دُمبالسَر بائید و من شمرأ مردوم صیّاد کونم.» 18اوشان درجا خوشانِ ماشکَ وِلا کودید و عیسی دُمبالسر رادکفتید. 19وقتی عیسی ایپیچه پیش بُشو، یعقوب و اون برار یوحنا کی زِبِدی پسران بید بیده کی لوتکا درون خوشانِ ماشکَ حاضیر کودن دیبید. 20عیسی درجا اَشان دوخواد. اوشانم خوشان پئر زِبِدیَ خو کارگران مرا لوتکا درون وِلا کودید و عیسی دُمبالسر بُشوئید.
عیسی ایتا مَرداک کی پلید روح دَشتی شفا دئه
21اوشان کَفَرناحوم شار بُشوئید. وقتی کی مُقدّسِ شنبه روج فارسه، عیسی درجا عبادتگا بُشو و مردوم آموختن ره دَس بکارَ بوست. 22مردوم عیسی آموختن جا ماتا بوستید، چونکی قدرت اَمرا مردومَ آموختی، نه تورات آموجگاران مانستن. 23هو موقع، اوشان عبادتگا میان ایتا مردای ایسابو کی پلید روح دَشتی. اُ مردای داد بزه: 24«اَی عیسیِ ناصری، تو اَمی اَمرا چی کار دَری؟ باموئی امرا سر به نیستَ کونی؟ دانم کیسی! تو هو قدّوسِ خُدائی!» 25ولی عیسی، پلید روحَ تشر بزه و بگفت: «تام بزن و اُ مرداک جا بیرون بیا!» 26هو موقع پلید روح اُ مرداکَ بدجور تکان بدَه و نعره زنان اونِ جا بیرون بامو. 27مردوم همتان اَنقد حَیرانَ بوسته بید کی همدیگر جا واورَسه ئید: «اَن دِه چیسه؟ ایتا تازه تعلیم، قدرت اَمرا ! اون حتی پلید روحانَم دستور دئه و اوشان اونِ جا فرمان بریدی.» 28پس خَیلی نُگُذشته کی عیسی آوازه سراسر جلیل منطقه درون بپیچست.
عیسی خیلیانَ شفا دئه
29وقتی عیسی عبادتگایَ تَرکا کود، درجا یعقوب و یوحنا مرا شَمعون و آندریاسِ خانه بُشو. 30شَمعونِ زن مار خَیلی تب دَشتی و جیگا درون خوفته بو. اوشان درجا عیسیَ اون حال جا باخبرَ کودید. 31عیسی پِطرُس زن مار سر جُور بُشو و اونِ دَسَ بیگیفت، و اونَ ویریزانه. پِطرُس زن مارِ تب قَطا بوست و اوشان جا پذیرائی بُکود.
32غروب دَم، بعد اَنکی آفتاو بجیر بامو مردوم، تمان ناخوشان و دیو بزِه ئانَ عیسی ورجه باوردید. 33شار مَردومان همتان درِ جُلُو جمَ بوسته بید! 34عیسی خیلیانَ کی جور واجور ناخوشیان دَشتید، شفا بدَه و خَیلی دیوانَم، دیو بزئانِ جا بیرونَ کود، ولی وَئنلشت کی دیوان گبی بزنید، چونکی اوشان عیسیَ ایشناختید.
عیسی جلیل درون موعظه کونه
35صوب دمان کی هوا هنو تارک بو، عیسی ویریشت و خانه یَ تَرکا کود، ایتا خلوتی جیگا بُشو و اویا دُعا بُکود. 36شَمعون و اوشانی کی اون اَمرا بید عیسی دُمبال بگردستید. 37وقتی اونَ بیافتید، عیسیَ بگفتید: «همه تی دُمبال گردستن دَرید!» 38عیسی اَشان بگفت: «بائید هه دوروَر شاران درون بیشیم تا اویائم موعظه بُکونم، چونکی اَنِ واسی باموم.» 39پس عیسی رادکفت و سراسر جلیل ولایت درون، اَشانِ عبادتگائان میان موعظه کودی و دیوانَ دیوبزه ئان جا بیرونَ کودی.
عیسی ایتا خوره بیگیفته مرداک شفا دئه
40ایتا خوره بیگیفته مرداک عیسی ورجه بامو، زانو بزه و منّت و ناله مرا بگفت: «اَگه بخوائی، تانی مَرا شفا بدی.» 41عیسی دیلسوجی مرا خو دَسَ درازَ کود، اُ مرداک سر دَس فاکشه و بگفت: «خوائم، شفا بیگیر!» 42هو دَم، اُ مرداکِ خوره پاکا بو و اون شفا بیگیفت. 43عیسی درجا اونَ سرا دَه و خَیلی تأکید بُکود 44و اُ مرداکَ بگفت: «واخُب بُبو کی اَ جریانَ هیکّس ره نیگی؛ ولی بوشو و تره کاهنَ نیشان بدَن و تی شفاگیفتن ره قربانی ئی کی موسی پیغمبر بگفته پیشکش بُکون تا اوشان ره گُوائی ببه.» 45ولی اُ مرداک هَطو کی بیرون بُشو همه جا اَ ایتفاق باره گب بزه و اُ خبرَ پخشَ کود. جه اَرو عیسی دِه نتانستی شار درون آشکارا راه بشه، بَلکی بیرون جه شار دور دکفته جیگائان درون ایسایی، و مردوم جه تمان دور و اطراف عیسی ورجه اَموئیدی.
လက်ရှိရွေးချယ်ထားမှု
مَرقُسِ انجیل 1: GIL
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company
مَرقُسِ انجیل 1
1
تعمید دئنده یحیی، مسیح رائَ آبادَ کونه
1عیسی مسیح، خُدا پسرِ خُب خبر، اَطو شروع به.
2هوطوکی اِشعیای پیغمبر کتاب درون بینیویشته بُبوسته:
«هسّا می پیغام آورَ پیشتر جه تو اوسِه کونم،
کی اون تی رائَ جُلُوتر آبادَ کونه؛
3اُ مردایِ اوخان کی ویاوان درون هَرا کونه:
”خُداوندِ رائَ آبادَ کونید!
اونِ مسیرانَ صافَ کونید.“»
4تعمید دئنده یحیی ویاوان درون ظهور بُکود، و مردوم ره موعظه کودی، شیمی گُنائان آمرزش ره توبه بُکونید و غُسل تعمید بیگیرید. 5تمان یهودیه ولایت مردومان و تمان اورشلیم مردومان، یحیی ورجه شوئید و خوشان گُنائانَ اعتراف کودید، و اُردنِ روخانِ درون، اونِ جا غُسل تعمید گیفتید. 6یحیی شُترِ پَشم جا رَخت دُکودی و ایتا چرمی غیش خو کَمر دَوَستی، و ملخ و صارائی عسل خوردی. 7یحیی موعظه کودی و گفتی: «بعد من، ایکس قوی تر جه من خوائه اَمون، کی من حتی قابیل نئیم فَچَمم و اون چاروغ بَندَ وازا کونم. 8من شمرأ آب مرا غُسل تعمید بدَم، ولی اون روح‌القدّس مرا شمرأ تعمید خوائه دَئَن.»
عیسی غسل تعمید
9اُ روجان درون، عیسی ناصره شار جا کی جلیل ولایت درون بو بامو و اُردن روخان درون یحیی جا غسل تعمید بیگیفت. 10هَطو کی عیسی آب جا بیرون بامو، هو دَم بیده کی آسمانان وازَ بو و خُدا روح کوتری مانستن اون سر بجیر اَیه. 11و اوخانی آسمان جا فارسه کی «تو می عزیز پسری، من تی جا راضی ئم.»
عیسی امتحان به
12خُدا روح، درجا عیسیَ ویاوان درون ببرد. 13عیسی چِل روج ویاوان درون ایسابو و شیطان اونَ امتحان کودی. عیسی واشی جانوران مرا سرکودی و فیریشته ئان اونَ خیدمت کودیدی.
عیسی خیدمت جلیل درون
14بعد اَنکی تعمید دهنده یحیی گرفتارَ بوست، عیسی جلیل ولایت بُشو. اون خُدا خُب خبرَ اعلام کودی، 15و گفتی: «اُ زمات فارسه و خُدا پادشائی نزدیک بُبوسته. توبه بُکونید و اَ خُب خبرَ ایمان باورید.»
عیسی اوّلتا شاگردان
16وقتی عیسی جلیل دریا کنار دوارستی، شَمعون و اون برار آندریاسَ بیده کی آب درون ماشک تَوَدَن دیبید، چونکی صیّاد بید. 17عیسی اوشانَ بگفت: «می دُمبالسَر بائید و من شمرأ مردوم صیّاد کونم.» 18اوشان درجا خوشانِ ماشکَ وِلا کودید و عیسی دُمبالسر رادکفتید. 19وقتی عیسی ایپیچه پیش بُشو، یعقوب و اون برار یوحنا کی زِبِدی پسران بید بیده کی لوتکا درون خوشانِ ماشکَ حاضیر کودن دیبید. 20عیسی درجا اَشان دوخواد. اوشانم خوشان پئر زِبِدیَ خو کارگران مرا لوتکا درون وِلا کودید و عیسی دُمبالسر بُشوئید.
عیسی ایتا مَرداک کی پلید روح دَشتی شفا دئه
21اوشان کَفَرناحوم شار بُشوئید. وقتی کی مُقدّسِ شنبه روج فارسه، عیسی درجا عبادتگا بُشو و مردوم آموختن ره دَس بکارَ بوست. 22مردوم عیسی آموختن جا ماتا بوستید، چونکی قدرت اَمرا مردومَ آموختی، نه تورات آموجگاران مانستن. 23هو موقع، اوشان عبادتگا میان ایتا مردای ایسابو کی پلید روح دَشتی. اُ مردای داد بزه: 24«اَی عیسیِ ناصری، تو اَمی اَمرا چی کار دَری؟ باموئی امرا سر به نیستَ کونی؟ دانم کیسی! تو هو قدّوسِ خُدائی!» 25ولی عیسی، پلید روحَ تشر بزه و بگفت: «تام بزن و اُ مرداک جا بیرون بیا!» 26هو موقع پلید روح اُ مرداکَ بدجور تکان بدَه و نعره زنان اونِ جا بیرون بامو. 27مردوم همتان اَنقد حَیرانَ بوسته بید کی همدیگر جا واورَسه ئید: «اَن دِه چیسه؟ ایتا تازه تعلیم، قدرت اَمرا ! اون حتی پلید روحانَم دستور دئه و اوشان اونِ جا فرمان بریدی.» 28پس خَیلی نُگُذشته کی عیسی آوازه سراسر جلیل منطقه درون بپیچست.
عیسی خیلیانَ شفا دئه
29وقتی عیسی عبادتگایَ تَرکا کود، درجا یعقوب و یوحنا مرا شَمعون و آندریاسِ خانه بُشو. 30شَمعونِ زن مار خَیلی تب دَشتی و جیگا درون خوفته بو. اوشان درجا عیسیَ اون حال جا باخبرَ کودید. 31عیسی پِطرُس زن مار سر جُور بُشو و اونِ دَسَ بیگیفت، و اونَ ویریزانه. پِطرُس زن مارِ تب قَطا بوست و اوشان جا پذیرائی بُکود.
32غروب دَم، بعد اَنکی آفتاو بجیر بامو مردوم، تمان ناخوشان و دیو بزِه ئانَ عیسی ورجه باوردید. 33شار مَردومان همتان درِ جُلُو جمَ بوسته بید! 34عیسی خیلیانَ کی جور واجور ناخوشیان دَشتید، شفا بدَه و خَیلی دیوانَم، دیو بزئانِ جا بیرونَ کود، ولی وَئنلشت کی دیوان گبی بزنید، چونکی اوشان عیسیَ ایشناختید.
عیسی جلیل درون موعظه کونه
35صوب دمان کی هوا هنو تارک بو، عیسی ویریشت و خانه یَ تَرکا کود، ایتا خلوتی جیگا بُشو و اویا دُعا بُکود. 36شَمعون و اوشانی کی اون اَمرا بید عیسی دُمبال بگردستید. 37وقتی اونَ بیافتید، عیسیَ بگفتید: «همه تی دُمبال گردستن دَرید!» 38عیسی اَشان بگفت: «بائید هه دوروَر شاران درون بیشیم تا اویائم موعظه بُکونم، چونکی اَنِ واسی باموم.» 39پس عیسی رادکفت و سراسر جلیل ولایت درون، اَشانِ عبادتگائان میان موعظه کودی و دیوانَ دیوبزه ئان جا بیرونَ کودی.
عیسی ایتا خوره بیگیفته مرداک شفا دئه
40ایتا خوره بیگیفته مرداک عیسی ورجه بامو، زانو بزه و منّت و ناله مرا بگفت: «اَگه بخوائی، تانی مَرا شفا بدی.» 41عیسی دیلسوجی مرا خو دَسَ درازَ کود، اُ مرداک سر دَس فاکشه و بگفت: «خوائم، شفا بیگیر!» 42هو دَم، اُ مرداکِ خوره پاکا بو و اون شفا بیگیفت. 43عیسی درجا اونَ سرا دَه و خَیلی تأکید بُکود 44و اُ مرداکَ بگفت: «واخُب بُبو کی اَ جریانَ هیکّس ره نیگی؛ ولی بوشو و تره کاهنَ نیشان بدَن و تی شفاگیفتن ره قربانی ئی کی موسی پیغمبر بگفته پیشکش بُکون تا اوشان ره گُوائی ببه.» 45ولی اُ مرداک هَطو کی بیرون بُشو همه جا اَ ایتفاق باره گب بزه و اُ خبرَ پخشَ کود. جه اَرو عیسی دِه نتانستی شار درون آشکارا راه بشه، بَلکی بیرون جه شار دور دکفته جیگائان درون ایسایی، و مردوم جه تمان دور و اطراف عیسی ورجه اَموئیدی.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company