Psalms 15
15
1အို ဘုရားရှင်၊ ကိုယ်တော်၏ တဲတော်၌ မည်သူသည် နေထိုင်ရပါမည်နည်း။ ကိုယ်တော်၏ သန့်ရှင်းမြင့်မြတ်သော တောင်ပေါ်၌ မည်သူသည် နေထိုင်ရပါမည်နည်း။ 2ထိုသူကား အပြစ်တင်စရာမရှိအောင် အသက်ရှင်လျှောက်လှမ်းသောသူ၊ ဖြောင့်မတ်စွာပြုကျင့်သောသူ၊ မိမိ၏စိတ်နှလုံးမှ မှန်သောစကားကို ပြောဆိုသောသူ၊ 3မိမိ၏နှုတ်ဖြင့် အတင်းအဖျင်းပြောဆိုခြင်း မပြုသောသူ၊ မိမိ၏အိမ်နီးချင်းအပေါ်တွင် မကောင်းမှုကို မပြုသောသူ၊ မိမိ၏ပတ်ဝန်းကျင်၌ ရှိသောသူအား ကဲ့ရဲ့၍ ပြစ်တင်ခြင်း မပြုသောသူ၊ 4သူယုတ်မာအား သူယုတ်မာဟု မြင်သောသူ၊ ဘုရားရှင်ကိုကြောက်ရွံ့သောသူအား ရိုသေလေးစားတတ်သူ၊ မိမိ၏ အကျိုးကိုထိခိုက်လျှင်ပင် ကျိန်ဆိုထားသောကတိကို မဖျက်သောသူ၊ 5မိမိ၏ငွေအား အတိုးဖြင့်ချေငှားခြင်းမပြုသူ၊ အပြစ်ကင်းသောသူအား ထိခိုက်စေသည့် တံစိုးလက်ဆောင်ကို လက်မခံသောသူပင်ဖြစ်၏။ ဤသို့ပြုသောသူသည် မည်သည့်အခါတွင်မျှ ကြောက်ရွံ့တုန်လှုပ်မည် မဟုတ်ပေ။
လက်ရှိရွေးချယ်ထားမှု
Psalms 15: TPV-RV
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.