Ịzakaraya 10
10
Ẹnẹyịmavara vaa va aza anị nọ aha ẹnịnị.
1Họ̀ use orihi hụụnị ụvọ Ẹnẹyịmavara ịnị ụmẹ ịrẹsụ. Ẹnẹyịmavara anaā mẹ ka eguhi o ka eyi, ọnị ọ rẹ zụ orihi hi ịsa ịnị aarẹ yị avaba ọza nị. 2#Imt 9.36; Ịmk 6.34Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa. 3Ẹnẹyịmavara kà ọnị ee du ayị hi anikinami ana mẹ ịjọva tụra aza anị ịrẹsụ. Ọnị vaa sị ụya rị wa. Ọ kà Anijuda nịnị vị aza anị, ọnị Ẹnẹyịmavara Ochẹtẹẹngụ vaa tẹsị ẹnịnị. Ẹnịnị ẹ vaa vị umaata ịrẹkụ anị ana nyị ụkata nị. 4Hụụnị Ijuda a vaa nyị ohi ọnịrị ọdọvịdị ne beri ọga isoja ọnịrị ohinọyị nịnị. 5Anijuda nịnị vaa nyị ehuna anka isoja mẹẹ̄ nyị ẹbẹẹba ọnịvị ịnị oze ana nyị ụvụ avọọ. Ka Ẹnẹyịmavara ya pe wa, ẹ vaa kụ́ ịrẹkụ dị ẹ nyị ẹbẹẹba aza ana aa sị umaata kụ ịrẹkụ nị. 6Ẹnẹyịmavara kà ọnị vaa sị ụkata yị Ijuda, ọnị aa dọ anineehi Ijosẹẹhụ ha. Ka ọnị ọ vayị ẹnịnị ọnị vaa va wa ịrẹma nọ udi ẹnịnị. Ẹnịnị vaa sị mẹ ka ọnị ẹ yị yi wa avọọ nị, ka ọnị Ẹnẹyịmavara ọ vị Ohomorihi ẹnịnị, ọnị vaa wụ́ aduwa ẹnịnị. 7Anisirẹrị nịnị vaa nyị ụkata anka isoja nịnị, ayị ẹnịnị vee hine anka aza enee hú eche avọọ nị. Ezi ịrẹma ẹnịnị vaa tamayị dị ayị ẹnịnị ee hine agụvị ịsị Ẹnẹyịmavara mẹ̀. 8Ẹnẹyịmavara kà ọnị vaa hị́ anị, dị ọnị kụ́ wa gụ, dị ọnị dọ wa ha, dị ọnị mẹ̀ wa ka ẹ varẹma rụrụ anka ẹ mẹ vịdị ya. 9Ẹ mẹ daka gara hi ẹhẹ zịịzị aanị, ọ daka noze, ẹ vaa tamayị anị. Ẹnịrị ezi ẹnịnị vaa ha dị ẹ varẹma vabẹ ve eehi. 10Ọnị vaa kụ wa varẹma hụrẹ Ijipiti ọnịrị Asiriya. Ọnị vaa kụ́ vee hi Anigiriyadi ọnịrị Ịrẹbanọnị dị aha ọ yị dọ wa. 11Ẹnịnị ẹ̀ẹ ngụ oku ana jị ayị, Ẹnẹyịmavara vaa za a jẹẹ, irehu Ịnayịrị vị ana wụ́ na za ụnyịnẹ anị. A vaa ka Asiriya chi, dị a dọ Ijipiti ụkata anị. 12Ẹnẹyịmavara kà, ọnị vaa mẹ ka aza ẹ nyị ụkata, dị ẹẹ hẹkẹ ọnị, dị ẹẹ wụ́ chire ọnị.
လက်ရှိရွေးချယ်ထားမှု
Ịzakaraya 10: EBTP
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.