BEGGAR 3
3
Yoqlnam
1Pwnbo At Sw pwnum pengko hoqgv tvb si mwlwg nyoro svdinam sur rubin yaanum.
Mwv nyem mam benum, “Nulam boolug svvn gotwq bolo aaxiam dvma bvk hvl, ‘Pwnbov agam goon mviyv’?” 2Hoo nyemhv tvbam benum, “Ngulv boolug svvn aaxiam dvla tayin, 3hvbmabde Pwnbov benum, ‘Nulv boolug lvpa raag svvnwg aaxiam dvmabv, hoqham idaq kamabv, hvb nyibaloqkam nulv sitayin.’” 4Hvbmabde tvb hv nyem mam benum, “Nulv hoggub nyijaqkam siram. 5Hoggab Pwnbov cengdo hwdlo nulv ham dvbnyiloqkam nulug vnyiqkv kaalaq tayin, hoo nulv Pwnbo hvb nyitayin, ho alboam la almanam cengtayin.” 6Ho hwdlo svvn ham dvs albo gob nyemhv kaaikam, hoo hoqham mwnwg vnyiqkv kaaby kunum, hoo mwn cenglaq nwnw layil svvn aaxiam dwnwnum, mwn hoqg aaxiam naal hoo dvknum, hoo hiyv mwnwg lvgab doobanum mwnwg nyolam mwnwg aaxy tuugin jiknum hoo mwv dvknum. 7Ho vnyi-vnyig vnyiqkv kaalaq kunum, hoo bulv talo paku hvl bulv cengknum. Hoo bulv taoq okam lvkin gob hvmsiq tvl bul atgab ako eb koodwb mvnum.
8Hoo swkwr moodho Pwnbo At Sw boolu ho wl yvnam yalam bulv tapanum, hoo nyegangv la mwwg nywxwngv bulv atv atam boolug svvn tulug pengko ho Pwnbo At Swg kaaga hoqgv kvsil yvnum. 9Hvbmabde Pwnbo At Sw Adamnvn goql mwam benum, “No hogloq ho doodwn?” 10Hoo mwv benum, “Ngo boolu uraho noqg yalam tapanum, hoo ngo bosnum, hoggab ngo talonum, hoo ngo atv atam kvsnum.” 11Mwv benum, “No talo dvk hvl hiyv nam betamnum? Ngoqg nam dvma bvk hvl gaml jinum svvn aaxiam no dvt kun i?” 12Nyegangv benum, “Ngoqg lvgab doomin gvm dvb noqg ngam jinum nyem akhv, mwn ngam svvn aaxiam jinum, hoo ngo dvtkun.” 13Ho Pwnbo At Sw nyem mam benum, “Hoggub no soq sib nyitkun?” Nyemhv benum, “Tvbv ngam sup tukul, hoo ngo dvtkun.” 14Pwnbo At Sw tvbam benum,
“No soq sib nyigam gab,
tuun-mee mwlwg pengko hoqgv hoo nyorog svdin mwlwg pengko hoqgv noqg aoho beenamv doon ka;
noqg kepo lvgab no xwwl wtayin,
hoo noqg swwnam bumpw ho
diimwram no dvtayin.
15Ngo noqg gvla nyemwg pengko ho hoo noqg hosiq gvla mwnwg hosiq pengko ho ceebiongam vlwq tayin;
mwv noqg dumpongam caajab tayin,
hoo no mwwg lvpia ludam cetayin.”
16Ho mwv nyem ham benum,
“Jvqtw jaqb noqg ko bwwta taiyam ngo cinc cim tayin;
no cinc cil kongam bwwlin tayin.
Noqg mwwbynamv noqg nyol gab dootayin,
hoo mwv noqg aoho pvvb bwwl doog tayin.”
17Hoo mwv Adamnvn benum,
“Noqg nywxw benam mam tagam gab hoo svvn aaxiam dvgam gab hogloq ham no dvma bvk hvl
‘Ngo nam gaml jinum ham no nyipa ku,’
hoqgab gvdangam noqg nyigo gab beeg yukun;
noqg swwnam bumpw ho no hentwrb nyil dvsam dvtayin;
18nwmwngam la taa-ngam noqgab swwlin mvtayin;
hoo no nyorog nwmw-nwsinam dvtayin.
19No kedib hookur namgub
noqg tuqt hoqgv haaxor lengl
no dvsam dvtayin,
hoggab ked hoqgv nam naalinl pwnum;
hoggab no diimwrv,
hoo no diimwrb nyikur taikun.”
20Nyega akv mwwg nywxw eminam Ib hvl goqknum, hoggab mwn mwlwg swwnbo hoqg ann gob nyiknum. 21Hoo Pwnbo At Sw Adam gab la mwwg nywxw gab svdin tulug vpin hoqgv vj mvtwl hoo bulam koomnum.
22Ho Pwnbo At Sw benum, “Kaato, nyia kov ngulug hvb alboam la almanam cengpaku. Sija, mwv lokam mwwg alaqkv ilin banv swwg svvn aaxiam pul dvtwl, hoo nwrba xaqb swwl dookam twqto—” 23hoqgab Pwnbo At Sw mwam Iden boolu hoqgv mwam naalin ko kedam rongo nyil dvm dukub lvvgwb roolin kunum. 24Mwv nyia koam ruqlin tukul, Iden boolug dou-caga ho mwv cerubim mam ap kunum hoo wm moily bioql doonbo lyoqr orioqkam swwl doonbo svvnam taqg-loosaqb bioqyiql rvky mvdwb apnum.
လက်ရှိရွေးချယ်ထားမှု
BEGGAR 3: NYISBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.