Matthieu 4
4
1Tokou ban Ndil ndja oula Jésus ta kao mè kòr té, ta kare Satan nèè.
2Kade dòsò ke til dòsò nè nön mourou ang, gè té boo dè.
3Ndjè kere dé pa are Jésus, Tokou i to Ngon lo Allah, epa are err nèn ta tél pila mourou.
4Jésus tél tar pana, Maketourou lo Allah pana,
To to tar lo doou ta kisi ke tébe nga mourou ke kadè ang, a to nga tar toï ke téh ta Allah té.
5Tokou ban Satan ao sa béh té ke madji toï, narè nisi dè tokou kei Allah té ke ndeo.
6Nè mpa narè, Tokou i to Ngon lo Allah, ekoudja ourou nange, mbata maketourou lo Allah pana,
Nè na kare angedjé la ta ngemi,
ke,
Dèdè da laai ke djidè,
na dòmadjang a gòli a kòsou err té.
7Jésus pa arè, Maketourou lo Allah pa mare bai,
Ase kare i naa Mbaibé Allah loi ang.
8Satan tél ao sa dò err té ke ndeo nya, nè ntòdjè béh kö ke nange nèn toï ke ndokoo lodè.
9Nè mpa nare Jésus, Tokou i oso nange epitim, ma ma karidè toï.
10Tokou ban Jésus pa arè, Etél ke dang Satan, maketourou lo Allah pana,
Ase kare i piti Mbaibé Allah loi,
ke ta da sa kadaba.
11Tokou ban Satan ïyè, ke wo, angedjé dé rè té ta da sa.
12Tokou Jésus wo dila Jean kei koula té, nè ntéh nao Galilée té.
13Nè nïya Nazareth nao nisi Capernaüm té, mbòr tokou man té, nange té ke Zabulon ke Naphthali.
14Ta kare tar ke prophète Ésaïe pa leo dé to tar ke tokoro,
15Nange ke Zabulon ke nange ke Naphthali,
deo ta kao tokou man té, ke nange ke toura man
Jourdain té, Galilée lo Gentildjé,
16Dooudjé ke isi londoul té, do tokou lokarè,
ke mbata dèdè ke disi loou kò ndil yo té,
loou arè mbata lodè mbä.
17Ke ndé tén lé, Jésus ounkotè ta pa tar pana, Mbetidjé kedji né da ke madjang, mbata béh kö ke dara éh ngosiba.
18Tokou nè ndja kare tokou man Galilée té, nè no ngakö-nadjé djo, Simon ke dèdè mmarè na Pierre ke Andrè ngoköè. Dèdè dao dila boura mè man té, mbata dèdè nto ndjè ndön mandjé.
19Jésus pa aredè, Edéidjé gom té, ma ma dasè to ndjè ndön dooudjé.
20Loshénè loshénè dèdè dïya boura lodè, dao gè té.
21Tokou nè nao ndai ngadji, nè no mare ngakönadjé djo, Jacques ngon lo Zébédée ke Jean ngoköè. Dèdè disi mè to té ke bòdèdè Zébédée, dao ntòrou kem boura lodè. Jésus bardè.
22Loshénè loshénè dèdè dïya to ke bòdèdè, dao go Jésus té.
23Nè ndja do nange té ke Galilée toï, nao ntòdjou tar mè kei Allah té lodè, nè mpa tar ke madji lo béh kô, ke nè nòrou rò too toï ke né toï horo dooudjé té ke da ròdè madjang.
24Tar la bar do nange té ke Syrie toï. Dèdè ndé ke ndjè rò toodjé toï rè té, dèdè ke disi ke rô too ke ongou dang dang, ke ndjè ndildjé ke madjang, ke ndjè woeidjé, ke ndjè ke oso mete, ke nè nda nare ròdè dé madji.
25Dooudjé baya baya ke Galilée, ke Décapole, ke Jérusalem, ke Judée ke toura man Jourdain té, dao gè té.
လက်ရှိရွေးချယ်ထားမှု
Matthieu 4: KL1960
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 1960, 2018.
To learn more or sign up for email updates about the mission of BFBS, click here: