Саалтыр 10
10
1Хуор салайааччытыгар. Давид псалома.
Айыы Тойоҥҥо мин эрэнэбин;
хайдах эһиги миэхэ этэҕитий:
«Чыычаах буолан, хайаҕар көтөн хаал, – диэн, –
2көр, ол хара дьайдаахтар, ох сааларын аҥаабыллаан,
оноҕосторун сааларын кирсигэр ыга тутан,
көнө сүрэхтээхтэри хараҥаҕа ытардыы оҥостоллор.
3Туох барыта төрдүттэн сатарыйбыт буоллаҕына,
көнө киһи тугу гыныаҕай?»
4 Айыы Тойон сибэтиэй Храмыгар баар;
Айыы Тойон бүрүстүөлэ халлааҥҥа турар.
Кини хараҕа барытын араарар,
Кини киһи аймаҕы чинчилии анаарар.
5 Айыы Тойон көнө киһини тургутар,
оттон мөкүнү, күөмчүһүтү Кини дууһата абааһы көрөр.
6Кини нэгэйдэргэ уоттаах чоҕу, сиэрэни ардахтыы кутуоҕа,
кинилэр ирээттэринэн кураан тыал буолуоҕа.
7 Айыы Тойон кырдьыктаах, онон кырдьыгы таптыыр;
көнө киһини Кини көрөр.
လက်ရှိရွေးချယ်ထားမှု
Саалтыр 10: СБК
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Институт перевода Библии, 2008-2022