Matiu 3
3
Jɔnn Wan nan Fu Bininfob Uwonbɔr a Nyunful kaah nan mɔɔn tibɔr man
(Mag 1:1-8; Lug 3:1-18; Jɔnn 1:19-28)
1Iyaayoo nmɔn, le Jɔnn Wan nan Fu Bininfob Uwonbɔr a Nyunfulin nan nan be kukunkɔɔg bu, Judiya a tingbɔŋin, ki mɔɔn Uwonbɔr a bɔr 2ki ke “Ni jiɛn tibira, nan bu-n paab a naamin a jim mala.” 3Wan wee Ulinlenn Azaya nan pagin sɔ, waah nan ke:
“Uninfo uba be kukunkɔɔg bu ki kuun ke
‘Ni mann Uyudaan a dam a samin ki bila,
ki mann u sam nmɔn wee mi li tela.’ ”#Azaya 40:3
4Alakoomi a gbann le bi nan ta ŋaa Jɔnn a wan yeewann, le ki nan lol nchangban u chaŋin, le u jiir nan ye itɔɔn nin tiseer. 5Le bininfob nan nyan Jerusalam, nin Judiya a tingbɔŋ biɛn, nin Jɔdann a tingbɔŋin biɛn ki jon u ban. 6Le ki tan kpiir bi toonbir, le u fun bi Uwonbɔr a nyunful Jɔdann a kpenn.
7Amaa waah nan nan kan Farasii yaab nin Sadusi yaab takpem mu chaan u ban ke un fu bi Uwonbɔr a nyunful nan, le u bei bi ke, “Nim iwaalab a buwaab nan! Ŋma kpaan ni ke ni guun ki nya Uwonbɔr a ŋuufiiŋ kan yin dan ni bu nan naa? 8Ni tun nan li wɔɔn ke ni sin jiɛn ni toonbira. 9Ni laa tiɛr ke ni li fir bei niba ke, ‘Ti jɔɔ Abiraham wan ye ti yaaja.’ N bei ni le ke Uwonbɔr li fir fiin itangbag nan wee yin kpann Abiraham a yaabili. 10Lilajal pii tɔɔ isiig a nyagi bu le, le busub ban biɛn kaa lo iloon ŋan ke, bi li ga i jaa nŋmi-n.
11“Min fun ni nnyum man wɔɔn ke ni jiɛn ni toonbira, amaa wan yin ŋɔɔrin n bɔɔn nan ma jon ma, le maa pii kpaan nin n tu u naatagili, u ma yin fun ni Kasi a Naaŋ nin nŋmi#3:11 Jɔnn kaah nan fu bininfob Uwonbɔr a nyunfulin, u nan che bi tɔɔl le pir biwan yɔɔr biɛn nin bi gbiɛm naah li ŋa man wee nnyum n fir ma bi gbanann biɛn le ki jiir nnyumin ki nyan. Amaa Yisa ma nan che bininfob fun Kasi a Naaŋ le nin nŋmi ke Jɔnn kaah nan fu bi nnyum man ni.. 12U ŋmag u dilenn yikpeŋin le ki yin lenn idi nmɔn biɛn nbamɔm, ki nyan ndibimin ki ŋuun u binbolin, le ki nyɔɔ kufoŋin nŋmi man kaa jɔɔ njunimi.”
Yisa kaah nan ga Uwonbɔr a nyunful man
(Mag 1:9-11; Lug 3:21-22)
13Le Yisa nyan Galilii ki jon Jɔdann a kpenn ke Jɔnn ntan fu u Uwonbɔr a nyunful. 14Amaa le Jɔnn kaa chee. Le ki bei u ke, “Min li bi ye n dan a ban wee a fum, le a mu ji chaan n ban naa?”
15Le Yisa jiin ke, “Che ni ŋa man daandaan nan, ni ŋan nin ti tun man wee nin gbeen nbuchin binben biɛn.” Iyaayoo nmɔn le Jɔnn chee.
16Waah fun Yisa Uwonbɔr a nyunful diɛ-n, le Yisa nyan nnyumin weem. Libol nmɔn le kitilangbɔŋ loor, le u kan Uwonbɔr a Naaŋ kaah jiirin u bu ki nann ulanjel, ki nan wonn u bu. 17Le likukɔl nyan paab ni ki len ke, “N bija sɔ, u ma le N jiɛ, u ma le N num gbee.”
လက်ရှိရွေးချယ်ထားမှု
Matiu 3: KUGL
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Komba New Testament © Bible Society of Ghana, 2014.