Sirak 36
36
Prea fo Israel
1O Lod, God blong skae an disfala graon, plis helpem mifala, 2mekem pipol long evri kantri fraetem yu. 3Yu mas agensim olketa narafala kantri, an letem olketa lukim paoa blong yu. 4Bifoa, yu yusim mifala fo somaot wea yu holi, so nao, yusim olketa fo som mifala bikfala paoa blong yu. 5Olsem wea mifala save finis, letem olketa save,dat yu Lod seleva nomoa yu God an no eni narawan moa. 6Yu mekem olketa niu saen an olketa niu mirakol an somaot strongfala paoa blong yu long mifala. 7-9Lod, yu kam kuiktaem an duim wanem yu promisim finis, mekem evriwan bae tokabaotem olketa bikfala samting wea yu duim. Somaot kros blong yu long olketa an spoelem olketa hu i meksave long olketa pipol blong yu. An no letem eniwan long olketa fo stap laef. 10Yu spoelem evri praod lida long olketa enemi hu tingim olketa seleva nomoa i impoten pipol long disfala wol. 11Yu kolem tugeta moa evri traeb blong Israel, an givimbaek lan blong olketa olsem wea yu duim bifoa. 12Lod, yu sore long mifala olketa pipol blong yu long Israel. Yu nao yu kolem mifala long nem blong yu, an yu kolem mifala tu olsem fasbon san blong yu. 13Yu sore long biktaon blong yu long Jerusalem, bikos hem nao ples wea yu siusim fo stap long hem. 14Yu fulumap Tambuhaos blong yu antap long maonten Saeon long saen blong paoa blong yu an long saon long olketa singsing fo preisim yu. 15Yu tok long nem blong olketa pipol wea yu mekem olketa bifoa, yu mekem evrisamting wea olketa profet i talemaot long nem blong yu fo hemi kam tru. 16Yu givim gudfala samting long olketa hu i biliv long yu, an somaot wea toktok blong olketa profet blong yu hemi tru. 17Oltaem yu kaen tumas long olketa pipol blong yu, plis herem kam prea blong mifala olketa wakaman blong yu. Nao evriwan long wol bae luksave wea yu nao Lod an God, hu hemi stap olowe.
Fo siusim waef
18Enikaen kaikai nomoa yu save kaikaim, bat samfala kaikai hemi gud winim moa olketa narawan. 19Olsem wea tang save testem olketa deferen kaen kaikai wea hemi gud o nogud, waes pipol save heresave tru toktok o laea toktok. 20Krangge man save mekem plande trabol, bat waes man save faendem wei fo stretem baek.
21Woman mas maritim eni man wea hemi laekem hem, bat man mas lukluk gud taem hemi siusim woman fo maritim. 22Naesbola blong woman hemi mekem man hapi, no enisamting hemi luknaes moa winim. 23Sapos woman hemi kaen an save toknaes, hasban blong hem bae hemi lake tumas. 24Taem man hemi marit, hemi tekem wanfala gud samting long laef blong hem, hem nao waef hu save helpem hem an strongim tingting blong hem.
25Sapos man hemi no garem fens raonem gaden blong hem, olketa man fo stil bae go insaet an tekem nomoa wanem olketa laekem. An sapos man hemi no garem waef, bae hemi liu olobaot nomoa. 26No eniwan save trastem pipol hu i stil an go olobaot long olketa ples. An no eniwan save trastem tu olketa hu i no garem hom an olketa save slip olobaot nomoa long olketa deferen ples.
လက္ရွိေရြးခ်ယ္ထားမွု
Sirak 36: SIDC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.
Sirak 36
36
Prea fo Israel
1O Lod, God blong skae an disfala graon, plis helpem mifala, 2mekem pipol long evri kantri fraetem yu. 3Yu mas agensim olketa narafala kantri, an letem olketa lukim paoa blong yu. 4Bifoa, yu yusim mifala fo somaot wea yu holi, so nao, yusim olketa fo som mifala bikfala paoa blong yu. 5Olsem wea mifala save finis, letem olketa save,dat yu Lod seleva nomoa yu God an no eni narawan moa. 6Yu mekem olketa niu saen an olketa niu mirakol an somaot strongfala paoa blong yu long mifala. 7-9Lod, yu kam kuiktaem an duim wanem yu promisim finis, mekem evriwan bae tokabaotem olketa bikfala samting wea yu duim. Somaot kros blong yu long olketa an spoelem olketa hu i meksave long olketa pipol blong yu. An no letem eniwan long olketa fo stap laef. 10Yu spoelem evri praod lida long olketa enemi hu tingim olketa seleva nomoa i impoten pipol long disfala wol. 11Yu kolem tugeta moa evri traeb blong Israel, an givimbaek lan blong olketa olsem wea yu duim bifoa. 12Lod, yu sore long mifala olketa pipol blong yu long Israel. Yu nao yu kolem mifala long nem blong yu, an yu kolem mifala tu olsem fasbon san blong yu. 13Yu sore long biktaon blong yu long Jerusalem, bikos hem nao ples wea yu siusim fo stap long hem. 14Yu fulumap Tambuhaos blong yu antap long maonten Saeon long saen blong paoa blong yu an long saon long olketa singsing fo preisim yu. 15Yu tok long nem blong olketa pipol wea yu mekem olketa bifoa, yu mekem evrisamting wea olketa profet i talemaot long nem blong yu fo hemi kam tru. 16Yu givim gudfala samting long olketa hu i biliv long yu, an somaot wea toktok blong olketa profet blong yu hemi tru. 17Oltaem yu kaen tumas long olketa pipol blong yu, plis herem kam prea blong mifala olketa wakaman blong yu. Nao evriwan long wol bae luksave wea yu nao Lod an God, hu hemi stap olowe.
Fo siusim waef
18Enikaen kaikai nomoa yu save kaikaim, bat samfala kaikai hemi gud winim moa olketa narawan. 19Olsem wea tang save testem olketa deferen kaen kaikai wea hemi gud o nogud, waes pipol save heresave tru toktok o laea toktok. 20Krangge man save mekem plande trabol, bat waes man save faendem wei fo stretem baek.
21Woman mas maritim eni man wea hemi laekem hem, bat man mas lukluk gud taem hemi siusim woman fo maritim. 22Naesbola blong woman hemi mekem man hapi, no enisamting hemi luknaes moa winim. 23Sapos woman hemi kaen an save toknaes, hasban blong hem bae hemi lake tumas. 24Taem man hemi marit, hemi tekem wanfala gud samting long laef blong hem, hem nao waef hu save helpem hem an strongim tingting blong hem.
25Sapos man hemi no garem fens raonem gaden blong hem, olketa man fo stil bae go insaet an tekem nomoa wanem olketa laekem. An sapos man hemi no garem waef, bae hemi liu olobaot nomoa. 26No eniwan save trastem pipol hu i stil an go olobaot long olketa ples. An no eniwan save trastem tu olketa hu i no garem hom an olketa save slip olobaot nomoa long olketa deferen ples.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.