Sirak 37
37
Olketa laea fren
1Eniwan save talem hem nao fren blong yu, bat samfala pipol i fren wetem yu long toktok nating. 2Sore bae hemi kasem yu taem wanfala gud fren hemi kamap enemi blong yu, an hemi barava nogud tumas olsem taem wanfala long famili blong yu hemi dae. 3Yumi garem disfala ravis tingting fo laea olowe. ?Waswe nao disfala ravis samting hemi stap? ?Hao nao hemi kavam disfala hol wol wetem laea? 4Samfala pipol bae frengud wetem yu taem evrisamting hemi gohed gud, bat taem trabol hemi kasem yu, bae olketa tanem baeksaet long yu. 5Tru fren bae hemi helpem yu fo stanap agensim olketa enemi blong yu an bae hemi lukaftarem yu long taem blong faet. 6No fogetem olketa gud fren olsem long taem blong faet, searem evri gud samting wetem olketa.
Keakea taem yu tekem advaes
7Eniwan nomoa save givim advaes long yu, bat samfala pipol i duim falom tingting blong olketa seleva nomoa. 8Yu mas keakea taem wanfala wande givim advaes long yu. Yu mas faendaot gud fastaem wanem nao hemi laekem, nogud hemi tingim hem seleva nomoa an hemi wande daonem yu. 9Pipol olsem bae tok gudfala abaotem yu, bat bae olketa stanap an lukluk long yu fo lukim wanem bae hapen long yu. 10No askem eniwan wea yu no trastem fo hemi givim advaes long yu, an no givim advaes long eniwan hu hemi joles long yu:
11No askem wanfala woman
fo hemi stori abaotem
narafala woman wea tufala
no save stap gud tugeta,
o man hu hemi fraet tumas fo faet,
o bisnis man fo daonem praes blong hem,
o man wea hemi wande baem olketa samting blong yu,
o gridi man fo searem samting,
o man hu hemi save kros tumas fo kaen long pipol,
o les man fo duim eni waka,
o man hu hemi slou tumas fo finisim waka,
o les wakaman fo duim eni bik waka.
Ya, no herem eni advaes wea olketa kaen pipol ya i talem yu.
12Yu mas trastem nomoa man hu hemi tinghae long Lod an falom lo blong hem, man ya hu hemi save stap wetem yu long sore blong yu an hemi no hapi fo lukim yu taem yu lus. 13Yu mas trastem save blong yu seleva, no eni advaes blong narawan hemi gud moa winim blong yu seleva. 14Samfala taem, save blong yu seleva nao save mekem klia olketa samting winim save blong sevenfala narafala man moa. 15Nambawan samting nao, yu mas prea long Lod hu hemi hae tumas fo som yu stretfala samting fo yu duim.
Bikfala waes
16Evrisamting wea yu duim hemi somaot gudfala plan an gudfala tingting blong yu. 17-18Tingting blong man hemi garem fofala samting: olketa ya nao gud an nogud, laef an dae. Evrisamting ya hemi stat insaet long maen, bat tang nao hemi kontrolem evriwan.
19Wanfala man save gud hao fo tisim narawan, bat hemi iusles nomoa. 20Hemi kleva long toktok, bat bae hemi hanggre nomoa bikos pipol i les long hem. 21Disfala samting save hapen sapos hemi no garem gudfala tingting, an kaen long narafala man. 22Wanfala man hemi save tingim hemi waes an wandem talem olketa pipol wanem nao hemi save. 23Eniwan hu hemi garem tru waes, bae hemi tisim olketa pipol blong hem, an bae pipol i save gud dat wanem hemi tisim hemi tru. 24Evriwan bae preisim kaen man olsem an tokhae long nem blong hem. 25Man save kaontem nomoa namba long olketa de long laef blong hem, bat laef blong Israel, no eniwan save kaontem olketa de blong hem. 26Evri pipol bae trastem toktok blong waes man, an pipol bae rimembarem nem blong hem evritaem olowe.
Fo kontrolem kaikai
27Pikinini blong mi, insaet long laef blong yu, yu mas kontrolem gud long kaikai blong yu, an no kaikaim enisamting wea yu save hemi nogud fo yu. 28I no evri kaikai nao hemi gud fo evriwan, an i no evriwan nao laekem sem kaen kaikai. 29No tingim yu mas kaikaim evri kaen spesol kaikai, an no kaikai bik tumas long eni kaikai. 30Sapos yu kaikai bik tumas, bae yu sik long hem. An sapos yu duim olsem evritaem, bele blong yu bae hemi pein olowe. 31Plande pipol nao i dae finis long kaikai bik tumas. Hemi gud fo no duim olsem, mekem yu save laef longtaem.
လက္ရွိေရြးခ်ယ္ထားမွု
Sirak 37: SIDC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.
Sirak 37
37
Olketa laea fren
1Eniwan save talem hem nao fren blong yu, bat samfala pipol i fren wetem yu long toktok nating. 2Sore bae hemi kasem yu taem wanfala gud fren hemi kamap enemi blong yu, an hemi barava nogud tumas olsem taem wanfala long famili blong yu hemi dae. 3Yumi garem disfala ravis tingting fo laea olowe. ?Waswe nao disfala ravis samting hemi stap? ?Hao nao hemi kavam disfala hol wol wetem laea? 4Samfala pipol bae frengud wetem yu taem evrisamting hemi gohed gud, bat taem trabol hemi kasem yu, bae olketa tanem baeksaet long yu. 5Tru fren bae hemi helpem yu fo stanap agensim olketa enemi blong yu an bae hemi lukaftarem yu long taem blong faet. 6No fogetem olketa gud fren olsem long taem blong faet, searem evri gud samting wetem olketa.
Keakea taem yu tekem advaes
7Eniwan nomoa save givim advaes long yu, bat samfala pipol i duim falom tingting blong olketa seleva nomoa. 8Yu mas keakea taem wanfala wande givim advaes long yu. Yu mas faendaot gud fastaem wanem nao hemi laekem, nogud hemi tingim hem seleva nomoa an hemi wande daonem yu. 9Pipol olsem bae tok gudfala abaotem yu, bat bae olketa stanap an lukluk long yu fo lukim wanem bae hapen long yu. 10No askem eniwan wea yu no trastem fo hemi givim advaes long yu, an no givim advaes long eniwan hu hemi joles long yu:
11No askem wanfala woman
fo hemi stori abaotem
narafala woman wea tufala
no save stap gud tugeta,
o man hu hemi fraet tumas fo faet,
o bisnis man fo daonem praes blong hem,
o man wea hemi wande baem olketa samting blong yu,
o gridi man fo searem samting,
o man hu hemi save kros tumas fo kaen long pipol,
o les man fo duim eni waka,
o man hu hemi slou tumas fo finisim waka,
o les wakaman fo duim eni bik waka.
Ya, no herem eni advaes wea olketa kaen pipol ya i talem yu.
12Yu mas trastem nomoa man hu hemi tinghae long Lod an falom lo blong hem, man ya hu hemi save stap wetem yu long sore blong yu an hemi no hapi fo lukim yu taem yu lus. 13Yu mas trastem save blong yu seleva, no eni advaes blong narawan hemi gud moa winim blong yu seleva. 14Samfala taem, save blong yu seleva nao save mekem klia olketa samting winim save blong sevenfala narafala man moa. 15Nambawan samting nao, yu mas prea long Lod hu hemi hae tumas fo som yu stretfala samting fo yu duim.
Bikfala waes
16Evrisamting wea yu duim hemi somaot gudfala plan an gudfala tingting blong yu. 17-18Tingting blong man hemi garem fofala samting: olketa ya nao gud an nogud, laef an dae. Evrisamting ya hemi stat insaet long maen, bat tang nao hemi kontrolem evriwan.
19Wanfala man save gud hao fo tisim narawan, bat hemi iusles nomoa. 20Hemi kleva long toktok, bat bae hemi hanggre nomoa bikos pipol i les long hem. 21Disfala samting save hapen sapos hemi no garem gudfala tingting, an kaen long narafala man. 22Wanfala man hemi save tingim hemi waes an wandem talem olketa pipol wanem nao hemi save. 23Eniwan hu hemi garem tru waes, bae hemi tisim olketa pipol blong hem, an bae pipol i save gud dat wanem hemi tisim hemi tru. 24Evriwan bae preisim kaen man olsem an tokhae long nem blong hem. 25Man save kaontem nomoa namba long olketa de long laef blong hem, bat laef blong Israel, no eniwan save kaontem olketa de blong hem. 26Evri pipol bae trastem toktok blong waes man, an pipol bae rimembarem nem blong hem evritaem olowe.
Fo kontrolem kaikai
27Pikinini blong mi, insaet long laef blong yu, yu mas kontrolem gud long kaikai blong yu, an no kaikaim enisamting wea yu save hemi nogud fo yu. 28I no evri kaikai nao hemi gud fo evriwan, an i no evriwan nao laekem sem kaen kaikai. 29No tingim yu mas kaikaim evri kaen spesol kaikai, an no kaikai bik tumas long eni kaikai. 30Sapos yu kaikai bik tumas, bae yu sik long hem. An sapos yu duim olsem evritaem, bele blong yu bae hemi pein olowe. 31Plande pipol nao i dae finis long kaikai bik tumas. Hemi gud fo no duim olsem, mekem yu save laef longtaem.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.