2 Makabi 12
12
Olketa kilim dae evri Jiu hu i stap long Jopa
1Afta olketa Jiu an olketa long Siria mekem finis disfala agrimen blong olketa, Lisias hemi gobaek moa long king Antiokas, an olketa Jiu i gobaek fo waka long gaden blong olketa moa. 2Long disfala taem samfala gavna long provins, olketa gohed fo mektrabol long olketa Jiu an no letem olketa fo stap gud long piis. Olketa ya nao Timoti an Apolonias san blong Genaeas, an Hieronimas, an Demofon, an Nikeno, hem nao gavna long Saepras.
3Long datfala taem tu, olketa pipol long Jopa duim wanfala nogud samting tumas long olketa Jiu hu i stap wetem olketa long taon blong olketa. Olketa toklaea nomoa long olketa Jiu olsem olketa brata gud wetem olketa, an olketa askem olketa an famili blong olketa fo go wetem olketa long sip wea olketa redim finis. 4Evri pipol long taon ya olketa toktok tugeta fo duim disfala samting ya. Olketa Jiu i no tingim enisamting nogud wea bae hemi hapen, an i hapi nomoa fo go wetem olketa bikos olketa som olsem bele blong olketa hemi gud nao. Taem olketa goaot finis long midol long si, olketa pipol long Jopa holem olketa Jiu ya an torowem evriwan long si, an evriwan olketa draon. Namba blong olketa Jiu ya hu i dae, hemi tu handred.
5Taem Jiudas hemi herem disfala nogud samting wea hemi kasem olketa wantok blong hem, hemi kolem tugeta olketa soldia blong hem an storim olketa. 6Olketa prea long God wea hemi barava stretfala jaj, an bihaen olketa go an faet wetem olketa pipol long Jopa wea olketa kilim dae olketa wantok blong olketa Jiu. Long sem naet olketa putum faea long hol bei, an evri sip wea i stap long dea olketa bonem, an olketa kilim dae evri pipol hu i staphaed long dea. 7Den olketa pipol long Jopa i taetem strong geit blong taon ya, an taem Jiudas hemi lukim, hemi gobaek nomoa, an hemi tingim bae hemi kambaek moa long narafala taem, fo hemi kilim evriwan hu i stap long dea.
8Bihaen moa, Jiudas hemi herem dat olketa pipol long Jamnia olketa planem fo kilim dae evri Jiu hu i stap long taon blong olketa. 9So hemi go an faetem olketa long naet, an hemi bonem evri ples long dea, an evri sip wea i stap long haba blong olketa. An laet blong faea ya hemi braet go kasem long Jerusalem, wea hemi stap farawe long Jamnia, kolsap fifti kilomita.
Win blong Jiudas long kantri blong Gilead
(1 Makabi 5:9-54)
10Bihaen, Jiudas an olketa soldia blong hem olketa lusim Jamnia fo go faet wetem Timoti. Bat taem olketa go-go long rod kolsap tufala kilomita, olketa mitim winim 5,000 soldia blong Arab wetem 500 man blong olketa hu i go long hos. Olketa stap long haostent long bikfala drae eria long ist long Jiudia, an olketa kam fo faet wetem Jiudas an olketa Jiu. 11Faet ya hemi bikfala tumas, an bikos God hemi helpem olketa Jiu, olketa winim olketa Arab. So, olketa askem Jiudas fo olketa mekem piis wetem hem, an olketa promis bae olketa givim samfala buluka an sipsip wetem samfala samting moa. 12Nao, Jiudas hemi tingim bae samfala gud samting bae hemi kamap long hem, so hemi agri fo olketa mekem piis. An bihaen, taem olketa mekem piis finis, olketa Arab olketa gobaek long ples wea olketa putumap haostent blong olketa.
13Jiudas hemi go moa long biktaon long Kaspin wea olketa bildim raon wetem wolston wea hemi strong tumas. Pipol hu i stap long ples ya, olketa pipol long deferen traeb an deferen ples. 14Olketa trastem tumas nao long strong blong wolston blong olketa, an olketa trastem tu long kaikai blong olketa wea hemi save stap longtaem tumas. So, olketa barava tokspoelem Jiudas an grup blong hem, olketa singaot an tokdaonem olketa an tokspoelem tu nem blong God. 15Nao olketa Jiu i prea go long Lod wea hemi barava strong tumas, an hemi holem evrisamting long heven an long wol. Taem hemi spoelem biktaon long Jeriko long taem blong Josua, hemi no yusim eni stik, o enisamting blong faet, fo brekem wolston long biktaon ya. Nao olketa Jiu i go stret long wolston ya, 16an bikos God hemi helpem olketa, olketa holem biktaon long Kaspin ya. Den olketa Jiu kilim dae plande pipol, an blad blong olketa hemi fulap long leik wea hemi stap kolsap long dea. Disfala leik ya waed blong hem hemi kolsap 400 mita, an blad hemi ranaot long soa blong disfala leik ya.
Jiudas hemi winim ami blong Timoti
(1 Makabi 5:37-44)
17Nao taem Jiudas wetem olketa soldia blong hem olketa lusim Kaspin, olketa wakabaot kolsap 150 kilomita go-go kasem Karaks, wea samfala Jiu olketa stap kolsap long taon Tob. 18Bat olketa nating faendem Timoti long dea, bikos hemi lusim finis baondri blong disfala lan ya. Hemi had fo hem fo duim enisamting long dea, bat hemi lusim baek nomoa wanfala grup blong soldia fo olketa stap long strong haos long dea. 19Distaem tufala lida blong grup blong Jiudas, tufala ya nao Dositeas an Sosipata, tufala go stret fo strong haos ya, an tufala kilim 10,000 soldia blong Timoti wea hemi putum olketa fo lukaftarem ples ya. 20So Jiudas hemi divaedem ami blong hem, an hemi putum Dositeas an Sosipata fo tufala lukaftarem tufala grup, an evri ami blong Jiudas olketa ronem Timoti. Timoti ya hemi garem 120,000 soldia hu i wakabaot long graon an 2,500 soldia hu i go long hos. 21Taem Timoti hemi save dat Jiudas hemi go falom hem, hemi sendem olketa woman an pikinini wetem evrisamting blong olketa long biktaon long Karnaim. Long datfala taon ya hemi had fo eniwan fo go raonem o go kasem, bikos rod fo go long dea hemi smol tumas. 22Long taem wea fas grup blong Jiudas olketa kam kasem, olketa enemi i lukim wanfala saen wea God hu hemi lukim evrisamting hemi sendem kam, an olketa fraet tumas an seksek fogud. An olketa ran olobaot nating, an plande long olketa garekil nating long naef fo faet blong soldia blong olketa seleva.
23So Jiudas an olketa soldia blong hem olketa ronem olketa strongfala tumas, an kilim kolsap 30,000 soldia long enemi blong olketa. 24Nao olketa soldia long grup blong Dositeas an Sosipata olketa kasholem Timoti, bat hemi save tumas fo faendem wei fo olketa no kilim hem dae. Hemi tok olsem, “Plande long wantok blong yufala olketa stap long han blong mi nao. Sapos yufala duim enisamting long mi, bae olketa kilim olketa evriwan.” 25An Timoti hemi promis barava strong bae hemi letem go fri olketa wantok blong olketa an bae hemi sendem olketa gobaek long ples blong olketa, so olketa lusim Timoti fo hemi go fri.
Samfala faet wea Jiudas hemi winim moa
(1 Makabi 5:45-54)
26Long bihaen moa, Jiudas hemi go spoelem biktaon long Karnaim an tambu haos blong woman god Atagatis an hemi kilim dae 25,000 pipol. 27Bihaen hemi go moa long biktaon Efron wea olketa bildim wolston raonem. Long dea Lisias wetem olketa narafala pipol long evri traeb olketa stap. Insaet long biktaon ya plande samting blong faet hemi stap, an olketa strongfala yangman blong olketa i stanap frant blong wolston ya, an olketa faet had tumas.
28Den olketa pipol long Jiu askem Lod hu save brekem paoa blong olketa enemi fo hemi helpem olketa moa. Taem olketa prea finis, olketa faet moa an holem biktaon ya an kilim dae kolsap 25,000 pipol. 29Bihaen olketa lusim long dea an go kuiktaem long biktaon long Betsan, wea hemi stap 120 kilomita farawe long not long Jerusalem. 30Olketa Jiu wea i stap long dea, olketa talem long Jiudas olsem olketa pipol long Betsan olketa gud tumas long olketa, taem wea olketa nogud samting hemi kasem olketa. 31So Jiudas wetem man blong hem toktengkiu long olketa long datfala taon, an askem olketa fo stap gud olowe wetem olketa Jiu. So olketa lusim long dea an gobaek long Jerusalem, an olketa go kasem long taem Bikde blong Havest hemi kolsap kam. Long langguis blong olketa Grik olketa kolem disfala bikde ya Pentekos.
Jiudas hemi winim Gogias
32Nao, bihaen#Eksodas 23:16. long bikde ya, Jiudas wetem olketa soldia blong hem olketa go fo faet wetem Gogias, hemi bikman long lan blong Idumia. 33Gogias wetem 3,000 soldia blong hem hu i wakabaot long graon an 400 soldia blong hem hu i save go long hos, olketa kam fo faetem Jiudas wetem ami blong hem. 34Long datfala faet ya, samfala long olketa Jiu i dae long hem.
35Long disfala taem ya, wanfala Jiu hu hemi kam long taon long Tob (nem blong hem Dositeas, an hemi strong tumas fo faet long hos), hemi holem kaleko blong Gogias an hemi pulum strong. Hemi no tingim fo kilim dae Gogias, nomoa, hemi laekem fo hemi holem hem laef. Bat wanfala man blong Traes hemi kam long hos an ran go long Dositeas, an hemi katemaot wanfala han blong hem. So Gogias hemi ranawe nating, an hemi gohaed long biktaon long Marisa.
36Olketa soldia blong grup blong Esdrias olketa faet longtaem tumas, an olketa taet nogud. Den Jiudas hemi askem Lod fo hemi somaot wea hemi stap tru wetem olketa an hemi lidim olketa long faet. 37Bihaen Jiudas hemi singaotem krae blong faet, an hemi singim wanfala tambu singsing long langguis blong hem fo mekem man hemi strong. Den seknomoa olketa Jiu i go kuiktaem agensim olketa soldia blong Gogias an ronem olketa, an olketa evriwan i ranawe.
Prea fo olketa hu i dae long faet
38Taem olketa faet finis, Jiudas hemi tekem olketa soldia blong hem, an olketa go long Adulam. Datfala de ya hemi de bifoa sabat, an bikos hemi olsem olketa klinim bodi blong olketa olsem lo blong Mosis hemi talem. Den olketa res long de blong sabat. 39Long neks de afta sabat, olketa go kuiktaem fo tekem bodi blong olketa man hu i dae long faet, bikos olketa laekem fo go berem bodi blong olketa long kev blong olketa laen blong olo grani blong olketa seleva. 40Bat insaet#Diutronomi 7:25. long kaleko blong evri Jiu hu i dae long faet, olketa faendem tambu piksa blong wanfala laea god wea olketa katem. Olketa long Jamnia save wosipim datfala laea god ya, bat long lo blong olketa Jiu hemi tambu tumas fo olketa fo werem tambu piksa ya. So olketa pipol luksave dat hem nao hemi mekem olketa dae long faet ya. 41So olketa preisim Lod, hu hemi jajem stret evrisamting an save somaot wanem hemi haed. 42An evriwan prea an askem hem fo hemi fogivim disfala sin ya. Den Jiudas, hemi lida an gudfala man tumas, hemi askem evri pipol fo stap awe long sin, bikos evriwan lukim long ae blong olketa seleva wanem nao hemi hapen long olketa hu i sin. 43Bihaen Jiudas hemi kolektem seleni long olketa soldia blong hem, an taem hemi kaondem, hemi kasem 2,000 silva. So Jiudas hemi sendem go long Jerusalem fo baem olketa samting fo ofarem sakrifaes fo sin. Jiudas hemi duim gudfala samting ya bikos hemi biliv strong long olketa hu i dae finis bae olketa laefbaek moa long wanfala de. 44Sapos hemi no biliv dat olketa hu i dae bae laefbaek moa, hemi no garem eni rison fo prea fo olketa hu i dae finis. 45Jiudas hemi bilivim tumas long haat blong hem dat taem olketa pipol stap gud long ae blong God bae olketa tekem gudfala laef. Long strongfala biliv blong hem nao hemi givim disfala gif blong ofaring fo sin fo olketa hu i dae, mekem olketa hu i dae finis long faet kamap fri long sin blong olketa.
လက္ရွိေရြးခ်ယ္ထားမွု
2 Makabi 12: SIDC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.
2 Makabi 12
12
Olketa kilim dae evri Jiu hu i stap long Jopa
1Afta olketa Jiu an olketa long Siria mekem finis disfala agrimen blong olketa, Lisias hemi gobaek moa long king Antiokas, an olketa Jiu i gobaek fo waka long gaden blong olketa moa. 2Long disfala taem samfala gavna long provins, olketa gohed fo mektrabol long olketa Jiu an no letem olketa fo stap gud long piis. Olketa ya nao Timoti an Apolonias san blong Genaeas, an Hieronimas, an Demofon, an Nikeno, hem nao gavna long Saepras.
3Long datfala taem tu, olketa pipol long Jopa duim wanfala nogud samting tumas long olketa Jiu hu i stap wetem olketa long taon blong olketa. Olketa toklaea nomoa long olketa Jiu olsem olketa brata gud wetem olketa, an olketa askem olketa an famili blong olketa fo go wetem olketa long sip wea olketa redim finis. 4Evri pipol long taon ya olketa toktok tugeta fo duim disfala samting ya. Olketa Jiu i no tingim enisamting nogud wea bae hemi hapen, an i hapi nomoa fo go wetem olketa bikos olketa som olsem bele blong olketa hemi gud nao. Taem olketa goaot finis long midol long si, olketa pipol long Jopa holem olketa Jiu ya an torowem evriwan long si, an evriwan olketa draon. Namba blong olketa Jiu ya hu i dae, hemi tu handred.
5Taem Jiudas hemi herem disfala nogud samting wea hemi kasem olketa wantok blong hem, hemi kolem tugeta olketa soldia blong hem an storim olketa. 6Olketa prea long God wea hemi barava stretfala jaj, an bihaen olketa go an faet wetem olketa pipol long Jopa wea olketa kilim dae olketa wantok blong olketa Jiu. Long sem naet olketa putum faea long hol bei, an evri sip wea i stap long dea olketa bonem, an olketa kilim dae evri pipol hu i staphaed long dea. 7Den olketa pipol long Jopa i taetem strong geit blong taon ya, an taem Jiudas hemi lukim, hemi gobaek nomoa, an hemi tingim bae hemi kambaek moa long narafala taem, fo hemi kilim evriwan hu i stap long dea.
8Bihaen moa, Jiudas hemi herem dat olketa pipol long Jamnia olketa planem fo kilim dae evri Jiu hu i stap long taon blong olketa. 9So hemi go an faetem olketa long naet, an hemi bonem evri ples long dea, an evri sip wea i stap long haba blong olketa. An laet blong faea ya hemi braet go kasem long Jerusalem, wea hemi stap farawe long Jamnia, kolsap fifti kilomita.
Win blong Jiudas long kantri blong Gilead
(1 Makabi 5:9-54)
10Bihaen, Jiudas an olketa soldia blong hem olketa lusim Jamnia fo go faet wetem Timoti. Bat taem olketa go-go long rod kolsap tufala kilomita, olketa mitim winim 5,000 soldia blong Arab wetem 500 man blong olketa hu i go long hos. Olketa stap long haostent long bikfala drae eria long ist long Jiudia, an olketa kam fo faet wetem Jiudas an olketa Jiu. 11Faet ya hemi bikfala tumas, an bikos God hemi helpem olketa Jiu, olketa winim olketa Arab. So, olketa askem Jiudas fo olketa mekem piis wetem hem, an olketa promis bae olketa givim samfala buluka an sipsip wetem samfala samting moa. 12Nao, Jiudas hemi tingim bae samfala gud samting bae hemi kamap long hem, so hemi agri fo olketa mekem piis. An bihaen, taem olketa mekem piis finis, olketa Arab olketa gobaek long ples wea olketa putumap haostent blong olketa.
13Jiudas hemi go moa long biktaon long Kaspin wea olketa bildim raon wetem wolston wea hemi strong tumas. Pipol hu i stap long ples ya, olketa pipol long deferen traeb an deferen ples. 14Olketa trastem tumas nao long strong blong wolston blong olketa, an olketa trastem tu long kaikai blong olketa wea hemi save stap longtaem tumas. So, olketa barava tokspoelem Jiudas an grup blong hem, olketa singaot an tokdaonem olketa an tokspoelem tu nem blong God. 15Nao olketa Jiu i prea go long Lod wea hemi barava strong tumas, an hemi holem evrisamting long heven an long wol. Taem hemi spoelem biktaon long Jeriko long taem blong Josua, hemi no yusim eni stik, o enisamting blong faet, fo brekem wolston long biktaon ya. Nao olketa Jiu i go stret long wolston ya, 16an bikos God hemi helpem olketa, olketa holem biktaon long Kaspin ya. Den olketa Jiu kilim dae plande pipol, an blad blong olketa hemi fulap long leik wea hemi stap kolsap long dea. Disfala leik ya waed blong hem hemi kolsap 400 mita, an blad hemi ranaot long soa blong disfala leik ya.
Jiudas hemi winim ami blong Timoti
(1 Makabi 5:37-44)
17Nao taem Jiudas wetem olketa soldia blong hem olketa lusim Kaspin, olketa wakabaot kolsap 150 kilomita go-go kasem Karaks, wea samfala Jiu olketa stap kolsap long taon Tob. 18Bat olketa nating faendem Timoti long dea, bikos hemi lusim finis baondri blong disfala lan ya. Hemi had fo hem fo duim enisamting long dea, bat hemi lusim baek nomoa wanfala grup blong soldia fo olketa stap long strong haos long dea. 19Distaem tufala lida blong grup blong Jiudas, tufala ya nao Dositeas an Sosipata, tufala go stret fo strong haos ya, an tufala kilim 10,000 soldia blong Timoti wea hemi putum olketa fo lukaftarem ples ya. 20So Jiudas hemi divaedem ami blong hem, an hemi putum Dositeas an Sosipata fo tufala lukaftarem tufala grup, an evri ami blong Jiudas olketa ronem Timoti. Timoti ya hemi garem 120,000 soldia hu i wakabaot long graon an 2,500 soldia hu i go long hos. 21Taem Timoti hemi save dat Jiudas hemi go falom hem, hemi sendem olketa woman an pikinini wetem evrisamting blong olketa long biktaon long Karnaim. Long datfala taon ya hemi had fo eniwan fo go raonem o go kasem, bikos rod fo go long dea hemi smol tumas. 22Long taem wea fas grup blong Jiudas olketa kam kasem, olketa enemi i lukim wanfala saen wea God hu hemi lukim evrisamting hemi sendem kam, an olketa fraet tumas an seksek fogud. An olketa ran olobaot nating, an plande long olketa garekil nating long naef fo faet blong soldia blong olketa seleva.
23So Jiudas an olketa soldia blong hem olketa ronem olketa strongfala tumas, an kilim kolsap 30,000 soldia long enemi blong olketa. 24Nao olketa soldia long grup blong Dositeas an Sosipata olketa kasholem Timoti, bat hemi save tumas fo faendem wei fo olketa no kilim hem dae. Hemi tok olsem, “Plande long wantok blong yufala olketa stap long han blong mi nao. Sapos yufala duim enisamting long mi, bae olketa kilim olketa evriwan.” 25An Timoti hemi promis barava strong bae hemi letem go fri olketa wantok blong olketa an bae hemi sendem olketa gobaek long ples blong olketa, so olketa lusim Timoti fo hemi go fri.
Samfala faet wea Jiudas hemi winim moa
(1 Makabi 5:45-54)
26Long bihaen moa, Jiudas hemi go spoelem biktaon long Karnaim an tambu haos blong woman god Atagatis an hemi kilim dae 25,000 pipol. 27Bihaen hemi go moa long biktaon Efron wea olketa bildim wolston raonem. Long dea Lisias wetem olketa narafala pipol long evri traeb olketa stap. Insaet long biktaon ya plande samting blong faet hemi stap, an olketa strongfala yangman blong olketa i stanap frant blong wolston ya, an olketa faet had tumas.
28Den olketa pipol long Jiu askem Lod hu save brekem paoa blong olketa enemi fo hemi helpem olketa moa. Taem olketa prea finis, olketa faet moa an holem biktaon ya an kilim dae kolsap 25,000 pipol. 29Bihaen olketa lusim long dea an go kuiktaem long biktaon long Betsan, wea hemi stap 120 kilomita farawe long not long Jerusalem. 30Olketa Jiu wea i stap long dea, olketa talem long Jiudas olsem olketa pipol long Betsan olketa gud tumas long olketa, taem wea olketa nogud samting hemi kasem olketa. 31So Jiudas wetem man blong hem toktengkiu long olketa long datfala taon, an askem olketa fo stap gud olowe wetem olketa Jiu. So olketa lusim long dea an gobaek long Jerusalem, an olketa go kasem long taem Bikde blong Havest hemi kolsap kam. Long langguis blong olketa Grik olketa kolem disfala bikde ya Pentekos.
Jiudas hemi winim Gogias
32Nao, bihaen#Eksodas 23:16. long bikde ya, Jiudas wetem olketa soldia blong hem olketa go fo faet wetem Gogias, hemi bikman long lan blong Idumia. 33Gogias wetem 3,000 soldia blong hem hu i wakabaot long graon an 400 soldia blong hem hu i save go long hos, olketa kam fo faetem Jiudas wetem ami blong hem. 34Long datfala faet ya, samfala long olketa Jiu i dae long hem.
35Long disfala taem ya, wanfala Jiu hu hemi kam long taon long Tob (nem blong hem Dositeas, an hemi strong tumas fo faet long hos), hemi holem kaleko blong Gogias an hemi pulum strong. Hemi no tingim fo kilim dae Gogias, nomoa, hemi laekem fo hemi holem hem laef. Bat wanfala man blong Traes hemi kam long hos an ran go long Dositeas, an hemi katemaot wanfala han blong hem. So Gogias hemi ranawe nating, an hemi gohaed long biktaon long Marisa.
36Olketa soldia blong grup blong Esdrias olketa faet longtaem tumas, an olketa taet nogud. Den Jiudas hemi askem Lod fo hemi somaot wea hemi stap tru wetem olketa an hemi lidim olketa long faet. 37Bihaen Jiudas hemi singaotem krae blong faet, an hemi singim wanfala tambu singsing long langguis blong hem fo mekem man hemi strong. Den seknomoa olketa Jiu i go kuiktaem agensim olketa soldia blong Gogias an ronem olketa, an olketa evriwan i ranawe.
Prea fo olketa hu i dae long faet
38Taem olketa faet finis, Jiudas hemi tekem olketa soldia blong hem, an olketa go long Adulam. Datfala de ya hemi de bifoa sabat, an bikos hemi olsem olketa klinim bodi blong olketa olsem lo blong Mosis hemi talem. Den olketa res long de blong sabat. 39Long neks de afta sabat, olketa go kuiktaem fo tekem bodi blong olketa man hu i dae long faet, bikos olketa laekem fo go berem bodi blong olketa long kev blong olketa laen blong olo grani blong olketa seleva. 40Bat insaet#Diutronomi 7:25. long kaleko blong evri Jiu hu i dae long faet, olketa faendem tambu piksa blong wanfala laea god wea olketa katem. Olketa long Jamnia save wosipim datfala laea god ya, bat long lo blong olketa Jiu hemi tambu tumas fo olketa fo werem tambu piksa ya. So olketa pipol luksave dat hem nao hemi mekem olketa dae long faet ya. 41So olketa preisim Lod, hu hemi jajem stret evrisamting an save somaot wanem hemi haed. 42An evriwan prea an askem hem fo hemi fogivim disfala sin ya. Den Jiudas, hemi lida an gudfala man tumas, hemi askem evri pipol fo stap awe long sin, bikos evriwan lukim long ae blong olketa seleva wanem nao hemi hapen long olketa hu i sin. 43Bihaen Jiudas hemi kolektem seleni long olketa soldia blong hem, an taem hemi kaondem, hemi kasem 2,000 silva. So Jiudas hemi sendem go long Jerusalem fo baem olketa samting fo ofarem sakrifaes fo sin. Jiudas hemi duim gudfala samting ya bikos hemi biliv strong long olketa hu i dae finis bae olketa laefbaek moa long wanfala de. 44Sapos hemi no biliv dat olketa hu i dae bae laefbaek moa, hemi no garem eni rison fo prea fo olketa hu i dae finis. 45Jiudas hemi bilivim tumas long haat blong hem dat taem olketa pipol stap gud long ae blong God bae olketa tekem gudfala laef. Long strongfala biliv blong hem nao hemi givim disfala gif blong ofaring fo sin fo olketa hu i dae, mekem olketa hu i dae finis long faet kamap fri long sin blong olketa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.