Kenehe Fakatomuaga
Fakatomuaga
Ko te uiga o te igoa Kenehe ko te “kāmataga.” E taku mai e te tuhi tēnei te foafoaga o te lalolagi, te kāmataga oi iei nā tino i te lalolagi, te kāmataga o te agahala ma puapuagā o tagata i te lalolagi, ma e uiga ki faiga a te Atua i tona vā ma tagata. Ko te Kenehe e mafai ke vāevae ki ni vāega e lua:
(1) Matākupu 1—11 Ko te foafoaga o te lalolagi ma te tala tuku fakaholo o nā pōpō fōu talu te iei o tagataola. Ko iēnei nā fakamatalaga kia Atamu ma Eva, Kaino ma Apelu, Noa ma te lolo, vēnā ma te olo o Papelona.
(2) Matākupu 12—50 Ko te tala tuku fakaholo o nā tupuna muamua o nā tino Ihalaelu. Ko te tino muamua ko Apelaamo, tē na iloga lele tona fakatuatua ma tona uhitaki ki te Atua. Oi hohoko ai nā tala ki tona ataliki ko Ihaako, ma tona makopuna ko Iakopo (nae igoa foki kia Ihalaelu), ma nā ataliki e toka hefulu lua o Iakopo, iēia na tupuga mai ai nā puikāiga e hefulu lua o Ihalaelu. E iei he kikilaga fakapitoa ki hētahi o nā ataliki iēnei, ko Iohefa, ma nā mea na tutupu na māfua ai te kave o Iakopo ma iētahi ona ataliki ma o lātou kāiga, ke nonofo i Aikupito.
E ui ko te tuhi tēnei e taku mai ai nā tala e uiga ki nā tino, kae ko te mea e fakamuamua lava, ko he tala e uiga ki nā mea a te Atua kua fai. E kāmata mai i te fakamāoniga ko te Atua te na foafoa e ia te lalolagi, ma fakaiku i he folafolaga, ko te Atua ka ia manatua pea lava ona tagata. I loto o te tuhi kātoa, ko te Atua te kautū ki ei. E fakamahino ma fakahala e ia nā tino holitūlāfono; e takitaki e ia ona tagata ma fehoahoani kia te kilātou, ma lahi ai nā hūiga i te tala tuku fakaholo o kilātou. Ko te tuhi tēnei e mai muā lava, ma na tuhia ke fakamaumau ai te tala e uiga ki te fakatuatua o he vāega o tagata, ma fehoahoani ai ke fakaolaola pea lava te fakatuatua tēnei.
Fakahologa o nā vāega o te Tuhi
Te foafoaga o nā mea uma (1.1—2.25)
Te kāmataga o te agahala ma puapuagā (3.1-24)
Mai ia Atamu kia Noa (4.1—5.32)
Ko Noa ma te lolo (6.1—10.32)
Ko te olo o Papelona (11.1-9)
Mai ia Hemu kia Apelamo (11.10-32)
Nā tupuna: Apelaamo, Ihaako ma Iakopo (12.1—35.29)
Nā lāpuna o Ehau (36.1-43)
Ko Iohefa ma ona uho (37.1—45.28)
Nā tino Ihalaelu i Aikupito (46.1—50.26)
လက္ရွိေရြးခ်ယ္ထားမွု
Kenehe Fakatomuaga: TOKU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible Society New Zealand Charitable Trust