Kenehe 1
1
Ko te Tala o te Foafoaga o Mea Uma
1I te kāmataga, i te foafoaga e te Atua o te lagi ma te lalolagi#1.1 I te kāmataga… te lalolagi pe I te kāmataga na foafoa e te Atua te lagi ma te lalolagi pe I te kāmataga oi foafoa e te Atua o te lagi ma te lalolagi ma nā mea uma e iei, 2ko te lalolagi nae hēai hona tino mai, ma hēai he mea e fokotahi nae iei. I te moana loloto, ko nā mea uma lele nae tatao i te pōuli, ma ko te Agaga o te Atua#1.2 te Agaga o te Atua pe te mana o te Atua pe he matagi mai te Atua pe he matagi mālohi nae tāmilomilo pea lava i luga o te tai. 3Oi na vāgana vē ai te Atua, “Ke iei loa he mālama,” ma na iei ai loa te mālama.#2 Kol 4.6 4Kua kitea e te Atua ko te mālama kua lelei, oi na tuku kehekehe ai e ia te mālama ma te pōuli. 5Kua fakaigoa e ia te mālama ko te Ao, ma te pōuli ko te Pō. Kua teka atu te afiafi ma ōtea mai te tāeao—ko te aho muamua tēnā.
6Oi na vāgana ai te Atua, “Ke iei loa he tuāfale fakalāpotopoto ke vāelua ai te huāvai ma ke tūmau ai pea i nā mea iēnā e lua.” 7Ma na fai ai e te Atua he tuāfale fakalāpotopoto, ma tuku kehekehe nā vai i luga ake o te tuāfale fakalāpotopoto, ma nā vai i lalo ifo—ma na vēnā lava ona fai. #2 Pet 3.5 8Oi na fakaigoa ai e te Atua te tuāfale fakalāpotopoto ko te “Lagi.” Kua teka atu te afiafi ma ōtea mai te tāeao—ko te lua tēnā o aho.
9Ma na vāgana ai te Atua, “Ke tuku fakatahi loa te huāvai i lalo o te lagi ki he mea e fokotahi, ma ke hula ki luga te kelekele mātūtū”—ma na vēnā lava ona fai. 10Kua fakaigoa e te Atua te kelekele mātūtū ko te “Laukelekele” ma te huāvai kua tuku fakatahi ko te “Tai.” Ma na kitea e te Atua kua lelei. 11Oi na vāgana ai vē te Atua, “Ke ola ake loa mai te laukelekele ia itūkāiga lākau kehekehe uma, ia itūkāiga mutia ma itūkāiga lākau uma e kai” —ma na vēnā lava ona fai. 12Oi na ola ake ai i te laukelekele nā itūkāiga lākau valevale uma e fua mai ai ni fua. Ma na kitea e te Atua kua lelei. 13Kua teka atu te afiafi ma ōtea mai te tāeao—ko te tolu tēnā o aho.
14Ma na vāgana ai te Atua, “Ke iei loa ni mōlī i loto o te tuāfale fakalāpotopoto o te lagi, ke tuku kehekehe ai te ao ma te pō; ma ke iloa ai nā fakailoga o te hūiga o te tau, nā aho ma nā tauhaga, 15ma ke kavea kilātou ma mōlī i loto o te tuāfale fakalāpotopoto o te lagi, ke fakamāina uma ai te laukelekele.” Ma na vēnā lava ona fai. 16Ma na fai ai e te Atua nā mōlī mālolohi e lua, ko te mōlī e mālohi atu ke pule i te ao; ma te mōlī e hē mālohi lahi, ke pule i te pō; ma na fai foki e ia nā fetū. 17Kua tuku e te Atua nā mōlī i loto o te tuāfale fakalāpotopoto o te lagi ke māina ifo ki luga o te laukelekele, 18ke pule i te ao ma te pō, ma ke vavae kehe ai te mālama mai te pōuli. Ma na kitea e te Atua kua lelei. 19Kua teka atu te afiafi ma ōtea mai te tāeao—ko te fa tēnā o aho.
20Ma na vāgana ai te Atua, “Ke fakatūtumu loa ia loto o nā vai i itūkāiga meaola kehekehe uma, ma te ea i itūkāiga manulele uma.” 21Oi na foafoa ai e te Atua nā manu fakamātakutaku o te tai ma nā itūkāiga meaola kehekehe uma e nunu i loto o te vai, ma nā itūkāiga manulele kehekehe uma. Ma na kitea e te Atua kua lelei. 22Kua fakamanuia e te Atua kilātou uma ma vāgana vē atu ki ei, “Ke uluola koutou ma ke lahi lele ke fakatumu ai te tai, ma ke lahi lele foki nā manulele i luga o te laukelekele.” 23Kua teka atu te afiafi ma ōtea mai te tāeao—ko te lima tēnā o aho.
24Ma na vāgana ai te Atua, “Ke tutupu mai loa i te laukelekele ia itūkāiga mea ola uma lele: nā manuvaefa tauhi, nā manuvaefa tāvao lalahi ma taigogole, ma nā meaola fetolofi uma lele.” Ma na vēnā lava ona fai. 25Na fai e te Atua nā itūkāiga manuvaefa tāvao uma lele, nā itūkāiga manuvaefa tauhi uma lele, ma nā itūkāiga meaola fetolofi uma lele. Ma na kitea e te Atua kua lelei.
26Oi na vāgana ai te Atua, “Ke fai loa e kitātou ia tagataola#1.26 tagataola Epelu Atamu ke fōliga kia te kitātou ma ke vē ko kitātou; ma ke pule kātoa e kilātou nā ika o te tai, nā manulele o te ea, nā manuvaefa tauhi, nā manuvaefa tāvao, ma nā meaola fetolofi uma i luga o te laukelekele.” #1 Kol 11.7
27Oi na foafoa ai e te Atua
ni tagataola i tona fakatuha.
I te fakatuha o te Atua
na foafoa ai e ia kilāua;#1.27 I nā tuhituhiga Epelu e leamai ia Atamu
he tamāloa ma he fafine.#Mat 19.4; Mlk 10.6#Ken 5.1-2
28Na fakamanuia kilāua e te Atua ma na vāgana vē atu ai te Atua ki ei, “Ke uluola ma ke tokalahi lele aulua fānau ke fakatumua ma ke pule i te lalolagi; ke pule i nā ika o te tai ma manulele o te ea, ma meaola fetolofi uma i luga o te laukelekele.” 29Ma na vāgana ai te Atua, “Kikila, kua kō fōki atua nā itūkāiga lākau uma lele, nā lākau e iei nā fatu e ola i lalo o te kelekele, ma nā lākau i luga o te kelekele e iei nā fatu i olātou fua, ke fai ma meakai a koulua; 30kae mo nā manuvaefa tāvao uma o te laukelekele, nā manulele uma o te ea, nā meaola fetolofi uma lele, nā mea uma e iei te mānava ola, kua kō fōkia ki ei te mutia ma nā lākau lauolaola uma lele ke fai ma a lātou meakai.” Ma na vēnā lava ona fai. 31Kua kikila te Atua ki nā mea uma lele na ia faia, ma na fiafia lahi lele ai ia. Kua teka atu te afiafi ma ōtea mai te tāeao—ko te ono tēnā o aho.
လက္ရွိေရြးခ်ယ္ထားမွု
Kenehe 1: TOKU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible Society New Zealand Charitable Trust