Romanos 4
4
Utz kqach'ob' na chrij ukojb'al u Abraham
1¿Su kqab'ij chrij qari'jal ujer che Abraham ub'i'? ¿Su xuch'ak ruk' Dios? 2Wet jare rmal uchak u Abraham unom, che Dios kukuy umak y kub'ij che sk'um chjuch, tik'ri o mow kunmirsaj rib'. Per ot mow kunmirsaj rib' chjuch Dios, mal jare t rmal uchak unom che sk'um chjuch. 3Jarewa kub'ij Tyox Wuj che tz'ib'tal kanoq chrij nk'aji': «U Abraham xukub'a uk'u'x chrij Qajaw Dios. Ena utz xuril Dios y xub'ij che sk'um chjuch Re», kcha'.#Gn 15:6. 4Jare tojb'alre jun ajchak, jare t jun sipnik kya che, xa jare tojb'alre uchak unom che tqal che. 5Chewa chanim chich'b'o b'a chrij jun che kikjon che Dios, jare t rmal uchak ku'ono che Dios kub'ij che sk'um chjuch. Xani jare kukoj utzij Dios che xukuy umak rmal ukojb'al. Xa jala', we jun ajmak kikjon che Jesucristo, jare Dios kub'ij che sk'um chjuch, mal kukub'a uk'u'x chrij Jesucristo. 6Jala kilwi chrij su xub'ij jun che tk'al pkijlom nk'aj aj Israel ujer, che David ub'i', echi' xch'aw chkij mnaq che mas kiki'ktik echi' kub'ij Dios chke che puro isk'um chjuch, miskini' ot utzlaj kchak kinom rech kikriq utzil rmal. 7Jarewa xub'ij u David:
«Mas kiki'kat mnaq che Dios xusach uwuch jumpa sutaq'ik kinom che xa rech itzel,
rmal che Dios peche mow xuch'uqu, mal xukuy kmak.
8Mas kki'kat un mnaq che Qajaw Dios kuna'tsaj t chik we o umak unom chjuch Re», (Sal 32:1-2)
xcha'. Jala tz'ib'tal kan chpam Tyox Wuj.
9Jarewa un ki'ktem kuriq un mnaq che xch'aw David chrij, ¿le xaq xaw kech nk'aj mnaq che kikkoj upxab' u Moisés, che kjom retal kicuerpo? Xaw taj ke kikriqo. Jnam kikriq kuk' mnaq che kjom t retal kicuerpo. Tz'ib'tal kan chpam Tyox Wuj che kub'ij: «U Abraham xukub'a uk'u'x chrij Qajaw Dios, xa rmal che sk'umlaj achi xb'ix che rmal Dios», kcha'.#Gn 15:6. 10¿Jumpa xub'ij Dios che u Abraham sk'um chjuch? ¿Le jare chi' kjomch retal ucuerpo? Jare taj. Jare chi' mja kkoj retal ucuerpo xub'ij Dios che u Abraham puro sk'um chjuch Re. 11Jare retal ucuerpo u Abraham che xkojik, jare k'utb'alre che Dios ub'im chik che Re, puro sk'um chjuch Dios rmal ukojb'al. Re xikjon che Dios echi' mja kkoj retal ucuerpo. Xa jala', u Abraham xilik che peche mow jare kri'jal kunjel mnaq che kiyikjon na che Dios, miskini' kjom t retal kicuerpo. Dios kub'ij che jare ke, isk'um chjuch Re, miskini' kjom t retal kicuerpo, per xa jare rmal kkojb'al, jala peche xu'on Dios ruk' u Abraham. 12U Abraham soq jare re kri'jal nk'aj aj Israel che kjom retal kicuerpo. Per xaw taj ile', soq jare rmal che ktaqem kkojb'al chrij Dios, peche xu'on qari'jal Abraham, echi' mja koksax retal ucuerpo.
Rmal qakojb'al k'antaj na su ub'im Dios
13Ri Dios xub'ij che u Abraham rich'il kunjel nk'aj ri'y umam, che kkechb'ej na uwuchlew. Per jare t rmal che xunmaj upxab' u Moisés che jala xub'ij che, xa jare rmal che xikjon u Abraham che Dios, y jala' x'alnik che sk'um chjuch Dios. 14We xaq xaw mnaq che kkitz'qatsaj upxab' u Moisés kkechb'ej uwuchlew, tik'ri kilik che ot uptan qakojb'al ruk' Dios. Peche mow ot kuchomaj su ub'im loq Dios che kuya na, mal ot su kri' jun mnaq kikunik kutz'qatsaj uwuch runjel upxab' u Moisés. 15Xa rmal, jare upxab' u Moisés kuk'am loq k'ejsb'al kwuch mnaq rmal Dios, mal kiyikun taj kkitz'qatsaj runjel un pxab'. Per we ot pxab' kuk' mnaq, ot mow che kik'an kmak chjuch.
16Su xutzjuj Dios che qari'jal Abraham, che ruk' saqlaj tzij kuya na che, xaq xusipaj che mal xaq ukub'am uk'u'x re chrij Dios. Un sipniki' soq kikkechb'ej kunjel nk'aj ri'y umam rmal kkojb'al. Su ub'im Dios che kuya na chke ri'y umam u Abraham, xaw taj kech mnaq iyaj Israel, che kikkoj upxab' u Moisés. Soq jare kech mnaq che iyaj Israel taj che o kkojb'al ruk' Dios, jala peche ukojb'al u Abraham. Jala kilik che u Abraham xu'on qari'jal qo'j qunjel che xujkjon che Qajaw Jesucristo. 17Jala peche su tz'ib'tal kanoq chpam Tyox Wuj, che xub'ij Dios che u Abraham che jawa kub'ij: «In atnikjom che kri'jal ik'ilaj taq mnaq che ipitnaq chpam k'ilaj taq tinmit»,#Gn 17:5. kcha'. U Abraham xukoj utzij Dios, jarewa Dios che kuya k'ak' k'asnmal chke nk'aj kamnaq, y ku'on che, che jumpa sutaq'ik otaj, kiyikje na.
18Miskini' ri'j chik u Abraham y pre t chik che kikje ralk'al, per xukub'a uk'u'x chrij Dios che qatz qtzij kuya na che, su xub'ij che, miskini' sare xa lo' taj chjuch re. Xukoj utzij che kiyikje na k'i ri'y umam, jala peche b'im kan che rmal Dios, che tz'ib'tal kan chpam Tyox Wuj. Jawa kub'ij: «K'i ri'y amam kiyikje na, mas ik'i jala peche taq ch'mil»,#Gn 15:5. kcha'. Xa jala, u Abraham xilik che peche kri'jal k'ilaj taq tinmit chuchlew. 19U Abraham xuya t kan ukojb'al chrij utzij Dios, miskini' ya mer o jun ciento ujnab', ya ri'j achi chik. Xaq ri'em chik jumpa kkamik. Soq jala rixqil Sara, kikun taj kuril uwuch ral mal mas ri'j chik. 20Per nu Abraham xu'on t keb' uk'u'x ruk' su ub'im loq Dios che, che kuya na che. Xuya t kan ukojb'al. Xa xpi mas uchu'ab' rmal ukojb'al che mas nim olik. Xumaj unmirsaxik u'ij Dios, xa rmal su ku'on na che. 21Jare u Abraham qatz xukub'a uk'u'x chrij Dios che o uchu'ab' che u'anik runjel su xub'ij loq che ku'on na che. 22Xa rmal, xub'ij Dios che u Abraham, sk'um chjuch rmal ukojb'al.#Gn 15:6. 23Xaw taj chrij u Abraham xtz'ib'ax wi che Dios xub'ij che sk'um chjuch. 24Nk'aj tzij che tz'ib'tal kanoq chpam Tyox Wuj, soq kch'aw chqij qo'j. Xa rmal, chewa chanim jare Dios kub'ij che qo'j ujsk'um chjuch Re, mal xqakojo che jare Dios xuk'suj Qajaw Jesús chikxo'l nk'aj kamnaq. 25Jare Qajaw Jesucristo xjach b'i chpam kmik, xkam chjuch un cruz rech xqariq kuyb'al qamak. Tik'ri xk'astaj uwuch chikxo'l nk'aj kamnaq rech ku'on sk'um chqe chjuch Dios.
လက္ရွိေရြးခ်ယ္ထားမွု
Romanos 4: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global