San Marcos 15
15
Nk'aj mnaq xikk'am b'i Jesús chjuch nachi Pilato ub'i', che nim atb'altzij o pu'ab'
(Mt 27:1-2,11-14; Lc 23:1-5; Jn 18:28-38)
1B'ajchi' chkab' ij, xikmol kib' nk'aj mnaq o atb'altzij pik'ab'. Jare nk'aj ajk'mal b'e chke nk'aj rajchak Dios, rich'il nk'aj achjab' nmaq keqle'n, soq rich'il nk'aj ajtojnel rech upxab' Dios. Ke xikchomaj su kik'an che Jesús. Ena, xikxim u'ab' Jesús, xikk'am b'i chjuch u Pilato, xikjach che.
2U Pilato xuta che Jesús, xub'ij:
—¿Le jare at atitk'al pkijlom nk'aj aj Israel? —xche che.
Ni Jesús xub'ij:
—In ri', jala peche kab'ij at, —xche che.
3Ni nk'aj ajk'mal b'e chke nk'aj rajchak Dios, xiyok che ub'ixik k'axlaj tzij chrij Jesús; k'i tzij xikb'ij. 4Ena xuta jun b'welt chik u Pilato che Jesús, xub'ij:
—¿Suche kak'ul t uwuch ktzij che kikb'ij? Chtampe' runjel jumpa tzij kikb'ij chawij, —xche che.
5Ni Jesús ot jun chik tzij xub'ij. Xa rmal, mas xumiyma u Pilato.
Tojb'al mak xik'an che Jesús ti xikkamsaj
(Mt 27:15-31; Lc 23:13-25; Jn 18:39–19:16)
6Runjel jnab' chpam nim'ij rech Pascua, k'manaq che u Pilato che kutzaqpij b'i jun chke mnaq iy'o pkarsa; jare kutzaqpij b'ik chin jun che kikta mnaq che. 7O jun achi, Barrabás ub'i', o pkarsa, jnam kuk' nk'aj chik rich'il, rmal mel kinom ch'oj ruk' atb'altzij, xikkamsaj mnaq. 8Xipi mnaq ruk' u Pilato, xikb'och'ij ujlom rech ku'ono peche ku'on nab'e, che kutzaqpij b'i jun chke mnaq che iy'o pkarsa. 9Nu Pilato xutzlij ub'ixik chke, xub'ij:
—¿Le jare kiwaj ix che kintzaqpij b'i nachi le' che tk'al pijlom ix ixaj Israel? —xche chke.
10U Pilato xuch'ob'o che nk'aj ajk'mal b'e chke nk'aj rajchak Dios, kijchom Jesús pu'ab' re, rmal mel k'ax kikkilo. 11Per ni nk'aj ajk'mal b'e chke nk'aj rajchak Dios, xiktaqch'ij nk'aj mnaq, rech kikta che u Pilato che jare kutzaqpij b'i jun che Barrabás ub'i'. 12Tik'ri xuta u Pilato chke, xub'ij:
—¿Su kiwaj, k'ut, che kin'an che nachi ri' che kib'ij che jare “tk'al pijlom ix ixaj Israel?” —xche chke.
13Ena kunjel nk'aj mnaq xiksik'b'aj kib' che ub'ixik che u Pilato:
—¡Chirpa chjuch jun cruz! —xiche che.
14Per nu Pilato xuta chik chke, xub'ij:
—¿Suche? ¿Su umak unom? —xche chke.
Per ni mnaq ko xiksik'b'aj chin kib', xikb'ij:
—¡Chirpa chjuch jun cruz! —xiche che.
15Nu Pilato jare kraj re ku'ono su kkaj mnaq; xa rmal, xutzaqpij b'i u Barrabás chikuch. Tik'ri xutaq uch'ayik Jesús ruk' krute y xujach pik'ab' rech kikrip chjuch jun cruz.
16Ni nk'aj soldado xikk'am b'i Jesús chirchoch un nimlaj atb'altzij y xkisk'ij kunjel nk'aj kich'il soldado, rech kikmol kib' kunjel. 17Tik'ri xketz'b'ej uwuch. Xikkoj jun keq atz'yaq chrij; xikkoj jun ste't k'ix che ujlom, peche ucorona xik'an che. 18Xikb'ij che:
—At, nim a'ij, jare at atitk'al pkijlom aj Israel, —xiche che.
19Xikmaj uch'ayik che ujlom ruk' jun ch'mi'y. Xikchub'ej uplaj, xiyixke' chjuch, kikkoj u'ij, 20per xa esan wuchb'al xik'an che. Echi' x'antaj kmal, xkesaj ritz'yaq che keq ka'yik, jare xikkoj chik ritz'yaq Re chrij. Tik'ri xikk'am b'ik, xib'e che uripik chjuch jun cruz.
Ri Jesús xrip chjuch jun cruz
(Mt 27:32-44; Lc 23:26-39; Jn 19:17-19)
21O jun achi, Simón ub'i', kitjin che ub'e chla'. Le re chpam tinmit Cirene kpi wi; jare re kqaw u Alejandro rich'il u Rufo. U Simón, jala upitik pujyub', xa chja k'e wi, ti xikchap nk'aj soldado. Jwers xik'an che, rech kutelej b'i un cruz. 22Xikk'am b'i Jesús ruk' jun laj jyub', «Gólgota» ub'i'. (Un tzij Gólgota kel kub'ij «Jun Lyar jachi k'wi Ub'qil Ujlom Kamnaq»). 23Chla' xkitzjuj u'al uva che Jesús, kiyjum kumb'al ruk', mirra ub'i', rech kuresaj u'xom k'ax o che. Per ni Jesús xutij taj. 24Tik'ri xikrip Jesús nk'aj soldado chjuch un cruz. Echi' antajnaq chik kmal, xiyok che u'anik sak, rech kikkilo chinoq kuch'ak ritz'yaq Jesús. Jala xik'an che ujachik ritz'yaq chikuch.
25Ptaq las nueve unom hora#15:25 Tyox Wuj kch'aw chrij urox hora. Urox hora kel kub'ij las nueve unom hora kisqarik. kisqarik echi' xikrip Jesús chjuch un cruz ruk' klawux. 26Chla' tz'ib'tal wi pujlom un cruz, su rmal che xk'ejsax uwuch Jesús, kub'ij: «Nachi ri' jare Re Rey Tk'al pkijlom aj Israel», kcha'. 27Iy'o keb' el'om xirip chjuch kicruz ptaq utlok' Jesús, jun xrip pu'b'im, nun chik xrip pumox. 28Jala x'antjik peche tz'ib'tal kan chpam Tyox Wuj chrij Jesús, che kub'ij:
«Jnam xk'ejsax uwuch kuk' mnaq che iyajmak». (Is 53:12)
kcha'.#15:28 O keb' uxib' ujer taq wuj rech Tyox Wuj, manuscrito kb'ix che, che tz'ib'tal taj v. 28 chpam. 29Jumpa mnaq xi'ax chla' chjuch Jesús, xiksutsa kijlom chjuch, k'ax xich'aw che, xikb'ij che:
—¡At xa atiploj! Kab'ij che katikunik kawlujsaj nimlaj rchoch Dios, tik'ri xa ruk' uxib' ij kayak jun chik. 30Kmik, ¡chat'o awib' chpam k'ax! Katqaj uloq chjuch un cruz, —xiche che.
31Nk'aj ajk'mal b'e chke nk'aj rajchak Dios mismo jala xik'ano, rich'il nk'aj ajtojnel rech upxab' Dios; jwert xiktz'ej uwuch Jesús, xikb'ij chikuch:
—¡Xyuto' nk'aj chik mnaq, per ni Re kikun taj kuto' rib' utkel! —xicha'.
32Xikb'ij chik:
—Chqaj uloq chjuch un cruz chanim ri Cristo#15:32 Cristo kel kub'ij jun chaytajnaq rmal Dios. Un tzij Mesías xaq jnam kilwi. ri', che jare tk'al pqajlom qo'j ujaj Israel kub'ij, rech kqilo y kqakojo che qtzij jare Re ajTo'lqe, —xicha'.
Ni keb' el'om che jnam xirip ruk' Jesús chjuch kicruz, soq xikyo'o.
Ri Jesús xkamik
(Mt 27:45-56; Lc 23:44-49; Jn 19:28-30)
33Echi' xu'on kab'aljuj (12) ij,#15:33 Tyox Wuj kch'aw chrij uwaq (6) hora. Uwaq hora kel kub'ij xu'on kab'aljuj ij (12:00). xok qu'm chjuch runjel uwuchlew; uxib' hora qu'm xu'ono. 34Echi' xu'on las tres hora#15:34 Tyox Wuj kch'aw chrij ub'elej (9) hora. Ub'elej hora kel kub'ij las 3:00 unom hora rech uqajb'al ij. rech uqajb'al ij, tik'ri ko xusik'b'aj rib' Jesús, xub'ij: «¡Eloi, Eloi! ¿Lama sabactani?»#15:34 Nk'aj tzij Eloi, Eloi, ¿Lama sabactani? soq kb'ix ¡Eloí, Eloí! ¿Lema sabactani? che. xcha'. Nk'aj tzije' kilik kub'ij: «Wjaw Dios, Wjaw Dios, ¿suche xinyal kanoq?»#Sal 22:1. kcha'.
35Iy'o keb' uxib' chke nk'aj mnaq iy'o chla' xikta' su xub'ij Jesús; ena, xikb'ij:
—Chitampe', kitjin che usik'xik najb'il utzij Dios che Elías ub'i', —xicha'.
36O jun achi chikxo'l x'e p'anim, xuma ch'qap k'ul, xurub' chpam jun ch'amlaj vinagre rech u'al uva, xuya tza'm jun aj, tik'ri xuya puchi' Jesús, rech kutz'utz'a un k'ul; ena xub'ij nachi:
—Kqi'ej na, kqil na we kpi u Elías rech kuqasaj loq chjuch un cruz, —xche chke.
37Ena, ko xusik'b'aj chrib' Jesús, xel ranma', xkamik.
38Mismo chanim, xuxer rib' un nimlaj k'ul pink'aj che mas pim, che kutas upam nimlaj rchoch Dios. Chla' xxertaj loq wi pujlom, ast retal xqaj loq chuxe'; keb' xu'ono. 39O jun achi chla' chjuch Jesús; jare re tk'al pkijlom jun ciento soldado. Echi' xuta' xisk'in Jesús y xurilo su xu'ono ti xkamik, ena xub'ij:
—Saqlaj tzij, nachi ri' jare Re uK'jol Dios, —xcha'.
40Iy'o keb' uxib' ixqib' xkil loq chnaj; o i Mri'y aj Magdala chikxo'l, rich'il i Mri'y kchuch u Jse rich'il u Santiago che cha'xel; soq o il Salomé chikxo'l. 41Nk'aj ixqib'i' xib'in ruk' Jesús echi' o pukwent Galilea; xikto' chla'. Ik'i nk'aj chik ixqib' iy'o chla' ruk' Jesús; jnam xipi ruk', ti xo'pan Jerusalén.
Ri Jesús xmuqik
(Mt 27:57-61; Lc 23:50-56; Jn 19:38-42)
42Xa jun ij kraj che kuriq uxnb'al ij; rjawxik chke nk'aj aj Israel che nab'e kik'an kanoq runjel su nmister chke ti kuriq uxnb'al ij. Xa rmal, echi' ya mer kqaj ij, 43u Jse aj Arimatea xu'on jun kowlaj k'u'x, xok ruk' u Pilato, rech kuta ucuerpo Jesús che. Re, jare jun chke nk'aj achjab' che nim atb'altzij o pik'ab' chpam nimlaj rchoch Dios; re, sk'umlaj achi; soq ri'em utzlaj atb'altzij rech Dios.
44U Pilato xumiyma' che chanim xkam Jesús. Ena xusk'ij nachi che tk'al pkijlom jun ciento soldado, xuta che we qtzij che kamnaq chik. 45Echi' xuta u Pilato che qtzij xkam Jesús, xuya che u Jse che kuqasaj loq ucuerpo chjuch un cruz. 46Ena xulo' jun k'ul u Jse che mas utz ka'yik; tik'ri xuqasaj loq ucuerpo Jesús chjuch un cruz, xupis chpam un k'ul. Xuk'am b'ik, xuya chpam jun jul k'tom chpam jun nim ab'aj; tik'ri xuwalqtij loq jun tz'lom ab'aj rech xutz'apij kan uchi' ruk'. 47I Mri'y aj Magdala rich'il i Mri'y uchuch u Jse xkilo jachi xmuq Jesús.
လက္ရွိေရြးခ်ယ္ထားမွု
San Marcos 15: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global