San Lucas 3
3
U Wan ajb'nal qasna' xuya ub'ixik utzij Dios chpam jun lyar che xa chqi'j ulew
(Mt 3:1-12; Mr 1:1-8; Jn 1:19-28)
1B'enaqch o'ljuj (15) jnab' che, che oknaq u Tiberio che nimlaj atb'altzij chla' Roma che ujer ik'i nk'aj chik tinmit iy'o pukwent. U Poncio Pilato jare gobernador chla' Judea. Soq o u Herodes, che Antipas ukab' ub'i', che atb'altzij chla' Galilea. Jare nucha', che Pelipe ub'i', kitk'e' pkijlom mnaq chpam un tinmit Iturea rich'il mnaq chpam un tinmit Traconite. Soq jare u Lisanias o che atb'altzij chla' Abilinia.#3:1 Un lyar Abilinia soq kb'ix Abilene che. 2Chpam un tiempo le', jare u Anás rich'il u Caifás inmaq taq ajk'mal b'e chke rajchak Dios. Chpam un jnab'e', xuch'ab'ej Dios u Wan uk'jol u Zacarías chla' chpam un lyar che xa chqi'j ulew. 3U Wan xb'in chpam runjel jumpa un lyar che o chunqaj un ja' Jordán. Re kitjin che ub'ixik chke mnaq che nmister kikk'ex kchomnik chpam kanma', kikya kan u'anik kmak, y k'an qasna' chke rech kkuytaj kmak. 4Jarewa x'antjik, mal najb'il utzij Dios che Isaías ub'i' utz'ib'am kanoq, xub'ij:
«K'aljan uch'ab'al jun kusik'b'aj rib' chpam un lyar che xa chqi'j ulew, kub'ij:
China utz che ub'e jachi kb'in Qajaw;
chisuk'b'a', chinojsaj jumpa nk'aj jul o chpam.
5Runjel nk'aj swan knojsax na upam, runjel nk'aj jyub' kijnamsax na.
Nk'aj b'e che xa kotkik, k'an na sk'um che,
nk'aj b'e che k'ax unom, k'an na utz che.
6Tik'ri kunjel mnaq kikkil na su ri' ri to'b'alke uyijb'am Dios», (Is 40:3-5)
kcha'. Jare utzij Dios xutz'ib'aj u Isaías ujer.
7Ik'i mnaq xiyo'pan ruk' u Wan rech ku'on qasna' chke, ena xub'ij chke: «¡Ix mas xib'al'ib' iwilik, peche ixralk'al itzel taq kmatz! ¿Chin xub'ij chiwe che kixanmaj chjuch k'ejsb'al iwuch kuya Dios? ¿Le kichomaj ix che kixkunik kixanmaj chjuch k'ejsb'al iwuch kuya na Dios chiwe? 8China utzil kuk' mnaq, rech k'alnik che xik'ex ichomnik chpam iwanma' y xiya kan u'anik imak. Xaq mib'ij pik'u'x: “Qo'j mas uj'utz, Dios kuk'ejsaj t qawuch, mal qo'j ujri'y umam u Abraham”, kixcha'. Jala taj kib'ij, mal wet kraj Dios, kikunik ku'on ri'y umam u Abraham chke nk'aj ab'aji'. Dios, ixinmister taj ix che. 9Nk'aj mnaq xaq ijnam ruk' nk'aj che'. Yijb'am chik nikej#3:9 Nikej rech Dios. rech kket nk'aj che'. Chinchke jun che' che kuya t utzlaj taq uwuch, kketik y kti' p'a'. Jala kikriq mnaq che xa ustaj kik'ano peche kikriq nk'aj che' le'». Jala xub'ij u Wan chke mnaq.
10Ni nk'aj mnaq xikta che u Wan:
—¿Su kqa'an k'ut rech ot k'ejsb'al qawuch kqariq rmal Dios? —xiche che.
11Nu Wan xub'ij chik chke:
—Chin o keb' uk'ton, nmister kuya jun re chin ot re, y chin o uwa, nmister kuya re chin ot re, —xche chke.
12Soq iy'o keb' uxib' aj'esal alkawal xipitik rech k'an qasna' chke. Ena xikta che u Wan:
—Ajtojnel, ¿su nmister kqa'an qo'j rech kqa'an jun utz chjuch Dios? —xiche che.
13U Wan xub'ij chke:
—Xa mita uwi' rjil alkawal, xaw kita' jumpa kub'ij atb'altzij, —xche chke.
14Soq iy'o keb' uxib' nk'aj soldado xikta che u Wan, xikb'ij:
—Ni qo'j, ¿su nmister kqa'an qo'j? —xiche che.
U Wan xub'ij chke:
—Xa mimaj kirjil mnaq ruk' atb'altzij o pi'ab', xa mik'eq tzijtal chkij mnaq chjuch un atb'altzij. Soq chixki'kat ruk' jumpa iwjil kich'ako, xa mirij uwuch mas. —Jala xub'ij chke.
15Nk'aj aj Israel xaq ki'em chik jumpa kpi un ajTo'lke. Ena, xikta pikk'u'x chin u Wan, we jare re ri Cristo,#3:15 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios rech ajTo'lke. 16Per nu Wan xub'ij chke kunjel: «In taj un ajTo'liwe. Qatz qtzij kin'an qasna' chiwe xaq ruk' ja', per o jun pitnaq che mas o uchu'ab' chinwuch in. Tqal t chwe kinchke' qajoq rech kintur uwuch uxjab', mowni tqal chwe kin'an chak che rilik, mal mas nim u'ij. Ni Re kuqasaj Tyoxlaj Uxlab'xel pijlom soq rich'il a', peche qasna' ku'on che. 17Re ku'on atb'altzij pkijlom mnaq. Kyuchay nk'aj che i'utz, soq kyuchay nk'aj che xa i'ustaj. Jala ku'ono peche ku'on jun ajchak che o upala pu'ab'. Kujos'ij nk'aj uch'el nk'aj kna',#3:17 Tyox Wuj kch'aw chrij triko. kuresaj chpam rij. Tik'ri kumolo, kuya chpam uk'olb'al. Per ni nk'aj rij xa kuti'o. Soq jala ku'on chke mnaq. Kyutas nk'aj che i'utz, kyuya ruk'. Ni nk'aj che xa i'ustaj, kyuti' chpam jun a' che kchup taj». Jala xub'ij u Wan chke. 18Jala xu'on u Wan che ub'ixik utzlaj utzij Dios chke mnaq. Soq xyupixb'ej ruk' nk'aj chik k'ilaj taq k'utb'al, rech kikya kan u'anik kmak.
U Herodes xukoj u Wan pkarsa
19Per nu Wan xuyaj u Herodes che o che atb'altzij, mal u Herodes umjom un rixqil nucha' che, che Pelipe ub'i'. Un rixqil u Pelipe, Herodías ub'i'. U Wan soq xuyaj u Herodes rmal nk'aj chik umak unom. 20Nu Herodes xa xpi riwal, ena xukoj u Wan pkarsa. Ruk' le', u Herodes xa xukoj uwi' umak unom.
X'an qasna' che Jesús
(Mt 3:13-17; Mr 1:9-11)
21Echi' mja k'e u Wan pkarsa, kitjin che u'anik qasna' chke kunjel mnaq, soq xu'on qasna' che Jesús. Echi' kitjin Jesús che u'anik uch'ab'al ruk' Dios, xtortaj kaj. 22Xqaj loq Tyoxlaj Uxlab'xel pujlom Jesús, jala unom peche jun tz'kin, paloma ub'i'. Tik'ri, x'aljan uch'ab'al Jun xch'aw loq chkaj, xub'ij: «Jare at atWalk'al che mas katwaj. Mas kinki'kat chawe», xche che.
Jarewa kb'i' uri'jal Jesús
(Mt 1:1-17)
23Ri Jesús och ju'wnaq ljuj (30) jnab' che, echi' xumaj u'anik uchak y'om che rmal uQaw Dios. Nk'aj mnaq kikb'ij che Re jare uk'jol u Jse.
U Jse jare uk'jol u Elí.
24U Elí jare uk'jol u Matat.
U Matat jare uk'jol u Leví.
U Leví jare uk'jol u Melquí.
U Melquí jare uk'jol u Jana.
U Jana jare uk'jol u Jse.
25U Jse jare uk'jol u Matatías.
U Matatías jare uk'jol u Amós.
U Amós jare uk'jol u Nahúm.
U Nahúm jare uk'jol u Esli.
U Esli jare uk'jol u Nagai.
26U Nagai jare uk'jol u Maat.
U Maat jare uk'jol u Matatías.
U Matatías jare uk'jol u Semei.
U Semei jare uk'jol u Jse.#3:26 U Jse soq kb'ix Josec che.
U Jse jare uk'jol u Judá.
27U Judá jare uk'jol u Joana#3:27 U Joana soq kb'ix Joanán che..
U Joana jare uk'jol u Resa.
U Resa jare uk'jol u Zorobabel.
U Zorobabel jare uk'jol u Salatiel.
U Salatiel jare uk'jol u Neri.
28U Neri jare uk'jol u Melquí.
U Melquí jare uk'jol u Adi.
U Adi jare uk'jol u Cosam.
U Cosam jare uk'jol u Elmodam.
U Elmodam jare uk'jol u Er.
29U Er jare uk'jol u Josué.
U Josué jare uk'jol u Eliezer.
U Eliezer jare uk'jol u Jorim.
U Jorim jare uk'jol u Matat.
30U Matat jare uk'jol u Leví.
U Leví jare uk'jol u Simeón.
U Simeón jare uk'jol u Judá.
U Judá jare uk'jol u Jse.
U Jse jare uk'jol u Jonán.
U Jonán jare uk'jol u Eliaquim.
31U Eliaquim jare uk'jol u Melea.
U Melea jare uk'jol u Mainán.
U Mainán jare uk'jol u Matata.
U Matata jare uk'jol u Natán.
32U Natán jare uk'jol u David.
U David jare uk'jol u Isaí.
U Isaí jare uk'jol u Obed.
U Obed jare uk'jol u Booz.
U Booz jare uk'jol u Salmón.
U Salmón jare uk'jol u Naasón.
33U Naasón jare uk'jol u Aminadab.
U Aminadab jare uk'jol u Aram.#3:33 U Aram soq kb'ix Arní che.
U Aram jare uk'jol u Esrom.
U Esrom jare uk'jol u Fares.
U Fares jare uk'jol u Judá.
34U Judá jare uk'jol u Jacob.
U Jacob jare uk'jol u Isaac.
U Isaac jare uk'jol u Abraham.
U Abraham jare uk'jol u Taré.
U Taré jare uk'jol u Nacor.
35U Nacor jare uk'jol u Serug.
U Serug jare uk'jol u Ragau.
U Ragau jare uk'jol u Peleg.#3:35 U Peleg soq ktz'ib'ax Péleg che.
U Peleg jare uk'jol u Héber.
U Héber jare uk'jol u Sala.
36U Sala jare uk'jol u Cainán.
U Cainán jare uk'jol u Arfaxad.
U Arfaxad jare uk'jol u Sem.
U Sem jare uk'jol u Noé.
U Noé jare uk'jol u Lamec.
37U Lamec jare uk'jol u Matusalén.
U Matusalén jare uk'jol u Enoc.
U Enoc jare uk'jol u Jared.
U Jared jare uk'jol u Mahalaleel.
U Mahalaleel jare uk'jol u Cainán.
38U Cainán jare uk'jol u Enós.
U Enós jare uk'jol u Set.
U Set jare uk'jol u Adán.
U Adán jare uk'jol Dios.
လက္ရွိေရြးခ်ယ္ထားမွု
San Lucas 3: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global