San Lucas 18
18
Ri Jesús xub'ij jun k'amb'al n'oj chrij jun nim atb'altzij rich'il jun b'yu't ixoq
1Ri Jesús xub'ij jun chik k'amb'al n'oj chke udiscípulo, rech kuk'ut chikuch che nmister kiktaqej u'anik kch'ab'al ruk' Dios runjel ij, y xa mu'on keb' kk'u'x che u'anik. 2Xub'ij chke: «O jun atb'altzij chpam jun tinmit che kux'ej t rib' chjuch Dios, mal kukoj t utzij. Soq ot kiptan mnaq che. 3Chpam un tinmite', soq o jun b'yu't ixoq chla'. Re kok'il ko'pan ruk' un atb'altzij y jawa kub'ij: “Chnat'o' pu'ab' un mnaq che xa ajch'oj wuk'. Chi'na atb'altzij pujlom”, kche che. 4Nun atb'altzij kraj taj ku'on atb'altzij che kuta nixoq che. Mas ma'tan, tik'ri xub'ij puk'u'x: “In kinx'ej t wib' chjuch Dios, soq ot kiptan mnaq chwe. 5Per ni nixoqe' xa ku'on latz' chwe. Miskini' kinkoj t u'ij Dios, mowni o kiptan mnaq chwe, jare utz we kin'an atb'altzij pujlom un mnaq che kuta nixoq chwe, rech kk'istaj t nk'u'x che rilik che kok'il kpitik”. Jala xub'ij un atb'altzij puk'u'x», xche Jesús chke.
6Xub'ij chik Qajaw Jesús: «Chitatb'ej che jawa xub'ij un atb'altzij che sk'um taj ranma'. Ni re, k'isb'alre xuchomaj xuto' nixoq. 7¿Le xa kyuto' t k'ut Qajaw Dios jumpa ralk'al che kik'an kch'ab'al ruk' chip'ij cha'ab', y kikb'och'ij ujlom rech kyuto'o? ¿Le kb'oytaj lo che kto'ik? 8In kimb'ij chiwe che re chanim kyuto'o, ku'on utzlaj atb'altzij che kikta che. Per echi' kimpi in nAchi nuK'jol Dios, ¿mere iy'on lo mnaq chi' chuchlew che kikkub'a kk'u'x chwij?» Jala xub'ij Jesús.
Ri Jesús xub'ij jun k'amb'al n'oj chrij jun fariseo rich'il jun aj'esal alkawal
9Iy'o nk'aj mnaq che kikkoj kib' che mas i'utzlaj mnaq chjuch Dios, y xa kikb'ij che ot kiptan nk'aj chik mnaq chke. Ri Jesús xub'ij jun chik k'amb'al n'oj chke, 10jawa xub'ij: «Iy'o keb' achjab' xib'e chpam jun nimlaj rchoch Dios rech kik'an kch'ab'al ruk' Dios. Jun chke jare jun fariseo, nun chik xa aj'esal alkawal. 11Un fariseo tk'alik ku'on uch'ab'al ruk' Dios, jawa kub'ij: “Qajaw Dios, kintyoxij che la, mal in nijnam taj kuk' nk'aj chik mnaq che xa i'el'om, xa iyitzel taq mnaq, xa kikrij uwuch ixqib' che kixqil taj. Kintyoxij che la mal soq nijnam taj ruk' naj'esal alkawal o chiri'. 12In keb' b'welt kinch'ij numik rech kin'an ayuno chpam jun semana. Jumpa kinch'ako, runjel kinya taq ch'in che la rech nidiezmo”.#18:12 Un diezmo le' jare kilwi che we jun mnaq kuch'ak ljuj (10) rqan pwaq, kuya jun rqan che Dios. Jala xu'on un fariseo che u'anik uch'ab'al ruk' Dios.
13»Per ni naj'esal alkawal, naj ch'in xkanaj kan wi che un fariseo. Re ku'on t kwil kka'y chkaj, mal kk'ix chjuch Dios che unom umak. Kunik u'ab' chuchk'u'x mal mas kib'son rmal umak unom. Kitjinik ku'on uch'ab'al ruk' Dios chla', kub'ij: “Qajaw Dios, chil k'u'x la chwe mal in xa najmak”, xche che. Jala xu'on naj'esal alkawal che u'anik uch'ab'al ruk' Dios. 14In kimb'ij chiwe che naj'esal alkawal, otch umak xitzlij b'i chirchoch mal Dios xukuy umak. Per nun fariseo, ot kuyb'al mak xuriqo, mal chin jun che mas nim kukojw rib', jarela xa ch'in kel chjuch Dios, y chin jun che xa ch'in kukojw rib', jarela nim kuril Dios». Jala xub'ij Jesús chke.
Ri Jesús xuya chke ak'lab' xipi ruk'
(Mt 19:16-30; Mr 10:17-31)
15Ri mnaq xikk'am loq taq ak'lab' ruk' Jesús rech kuya u'ab' pkijlom. Per echi' xkil nk'aj discípulo, xikmaj kyajik nk'aj mnaq. 16Ri Jesús xyusk'ij taq ak'lab' ruk' y xub'ij chke nk'aj discípulo: «Chiy'a chke taq ak'lab' kipi wuk', xaq mi'atij, mal ri utzlaj atb'altzij rech Dios, jare kech mnaq che iyjala peche taq ak'lab'i'. 17Ruk' saqlaj tzij kimb'ij chiwe, chin jun che jala taj ku'on che uk'amik utzlaj atb'altzij rech Dios pranma', peche ku'on che uk'amik jun ak'al, kikun taj kok chpam utzlaj atb'altzij rech Dios», xche chke.
Jun achi b'yom xch'aw ruk' Jesús
(Mt 19:16-30; Mr 10:17-31)
18O jun achi nim reqle'n xk'un ruk' Jesús, xuta che, xub'ij:
—Utzlaj Ajtojnel, ¿su kin'ano rech kinriq jun nk'asnmal che ot uk'isik? —xche che.
19Ri Jesús xub'ij che:
—¿Suche che kab'ij chwe che n'utz? Ot jun mnaq che utz, xaq xaw Dios. 20At awit'am ljuj (10) utzij upxab' Dios che kub'ij: “Xa matwar ruk' jun ixoq we awixqil taj; soq at ixoq, xa matwar ruk' jun achi we awichjil taj. Xa makamsaj jun chik mnaq, xa ma'an ela', xa ma'an tzijtal chrij jun chik mnaq, chikjo ktzij aqaw achuch, chil'oj ari'jal”. Jala kub'ij ljuj (10) utzij upxab' Dios, —xche Jesús che.
21Nachi xub'ij che Jesús:
—Runjel jumpa wari', jare chi' nak'al ti xinmaj loq u'anik, y jala na kintjin le' che u'anik, —xche che.
22Echi' xuta Jesús che jala xub'ij, xub'ij chik Re che:
—O jun cosa kraj na che mja ka'ano. Chk'ij kanoq runjel jumpa ub'itaqawe y kajach uwuch pwaq chikuch mnaq che xa ipobre. We jala ka'ano, kariq ab'oymal chla' chkaj ruk' Dios. Tik'ri katitzlij wuk', katok wuk' chpam uchak Dios, katitrij chwij, —xche che.
23Echi' xuta nachi che jala xub'ij Jesús che, xu'on keb' uk'u'x. Mas xib'sonik, mal re mas b'yomlaj achi. 24Echi' xuril Jesús che mas xib'sonik, ena xub'ij che:
—Mas ruk' k'ax kiyok nk'aj b'oymab' chpam utzlaj atb'altzij rech Dios.#Mr 10:23. 25Jare ni mas chanim k'ax jun nimlaj awaj camello chpam ujlil jun ajkuxa, chjuch kok jun b'yom chpam utzlaj atb'altzij rech Dios,#18:25 Lo' taj che k'ax un nimlaj awaj camello chpam ujlil jun ajkuxa. Soq jala' kuriq jun b'yomlaj mnaq. Re su kikun taj kok chpam utzlaj atb'altzij rech Dios, we xa jare mas b'enaq uk'u'x chrij ub'oymal. —xche che.
26Jumpa nk'aj mnaq che xikta' che jala xub'ij Jesús, ena xikta che, xikb'ij:
—¿Chin k'ut kto'taj na rech kuriq uk'asnmal ruk' Dios che ot uk'isik? —xiche che.
27Ri Jesús xub'ij chke:
—Runjel jumpa sutaq'ik che kiyikun taj mnaq kik'ano, jare Dios kikunik ku'ono, —xche chke.
28Ena xub'ij u Lu':
—Qajaw, qo'j xqaya kanoq runjel jumpa ub'itaq qe rech kujchkun uk' la, —xche che.
29Ri Jesús xub'ij chke udiscípulo:
—Ruk' saqlaj tzij kimb'ij chiwe, che chin jun kuya kan rchoch, kuya kan uqaw uchuch, kuya kan rachlal, kuya kan rixqil, y kuya kan ralk'al, rmal utzlaj atb'altzij rech Dios, 30jare re mas nim utzil kuriq na chi' chuchlew. Nim kuriq chjuch su kuya kanoq. Soq kuriq junalik uk'asnmal chla' ruk' Dios che ot uk'isik. —Jala xub'ij Jesús chke udiscípulo.
Ri Jesús xub'ij jun b'welt chik che kkamsax na
(Mt 20:17-19; Mr 10:32-34)
31Ri Jesús xyusk'ij kab'aljuj (12) udiscípulo ruk', xub'ij chke: «¡Chitampe'! Kujtjin che qab'e, kuj'e Jerusalén. Echi' kujo'pan chla', k'antaj na runjel jumpa tz'ib'tal kan rmal najb'il utzij Dios ujer che k'an na chwe in, nAchi nuK'jol Dios. 32Ri mnaq che xa iyajch'oj wuk' knikjach na pik'ab' mnaq che iyaj Israel taj; ke xa kiktz'ej nwuch, knikyo'o, y kikchub'ej niplaj. 33Knikch'ayo, tik'ri knikkamsaj. Per churox ij kk'astaj nwuch chikxo'l nk'aj kamnaq». Jala xub'ij Jesús chke udiscípulo. 34Per ke xikch'ob' taj su kilwi jumpa tzij xub'ij chke. Ya'tal taj chke che kikch'ob'o; xa rmal, xqaj taj pkijlom.
Ri Jesús xuknaj jun achi aj Jericó che xa kka'y taj
(Mt 20:29-34; Mr 10:46-52)
35Chpam jun chik ij, kitjin Jesús che ub'e b'enaq. Xa nqaj chik k'wi che un tinmit Jericó. O jun achi ku'l chuchi' b'e che xa kka'y taj, re kitjinik kuta ulimosna chke mnaq. 36Echi' xuta' che jwert mnaq ki'ax chla', xub'ij: «¿Su chla'al ki'axik? ¿Su kik'ano?» xche che.
37Ni nk'aj mnaq xikb'ij:
—Jare Jesús aj Nazaret kitjinik k'axik, —xiche che.
38Re xusik'b'aj rib', xub'ij:
—Jesús, lal ri'y umam u David, chil k'u'x la chwe, —xche che.
39Ni mnaq che inab'e chjuch Jesús, xikyajo rech kutz'apij uchi', per re ku'xan taj, xani mas ko kusik'b'aj rib', xub'ij:
—¡Lal, ri'y umam u David, chil k'u'x la chwe! —xche che.
40Echi' xuta Jesús che jala xub'ij, xitk'e'ik y xutaq uk'amik nachi che xa kka'y taj. Echi' xqib' ruk', xuta Jesús che:
41—¿Su kawaj kin'an chawe? —xche che.
Ni nachi xub'ij che:
—Qajaw, jare kwaj che knaknaj rech kinka'yik, —xche che.
42Ri Jesús xub'ij che:
—¡Chatka'yoq! Xatik'chojik mal xakub'a ak'u'x chwij, xakoj ntzij, —xche che.
43Mismo chanim xka'y nachi, xitrij b'i chrij Jesús; xunmirsaj u'ij Qajaw Dios. Kunjel jumpa mnaq che xkilo, xikkoj u'ij Dios.
လက္ရွိေရြးခ်ယ္ထားမွု
San Lucas 18: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Lucas 18
18
Ri Jesús xub'ij jun k'amb'al n'oj chrij jun nim atb'altzij rich'il jun b'yu't ixoq
1Ri Jesús xub'ij jun chik k'amb'al n'oj chke udiscípulo, rech kuk'ut chikuch che nmister kiktaqej u'anik kch'ab'al ruk' Dios runjel ij, y xa mu'on keb' kk'u'x che u'anik. 2Xub'ij chke: «O jun atb'altzij chpam jun tinmit che kux'ej t rib' chjuch Dios, mal kukoj t utzij. Soq ot kiptan mnaq che. 3Chpam un tinmite', soq o jun b'yu't ixoq chla'. Re kok'il ko'pan ruk' un atb'altzij y jawa kub'ij: “Chnat'o' pu'ab' un mnaq che xa ajch'oj wuk'. Chi'na atb'altzij pujlom”, kche che. 4Nun atb'altzij kraj taj ku'on atb'altzij che kuta nixoq che. Mas ma'tan, tik'ri xub'ij puk'u'x: “In kinx'ej t wib' chjuch Dios, soq ot kiptan mnaq chwe. 5Per ni nixoqe' xa ku'on latz' chwe. Miskini' kinkoj t u'ij Dios, mowni o kiptan mnaq chwe, jare utz we kin'an atb'altzij pujlom un mnaq che kuta nixoq chwe, rech kk'istaj t nk'u'x che rilik che kok'il kpitik”. Jala xub'ij un atb'altzij puk'u'x», xche Jesús chke.
6Xub'ij chik Qajaw Jesús: «Chitatb'ej che jawa xub'ij un atb'altzij che sk'um taj ranma'. Ni re, k'isb'alre xuchomaj xuto' nixoq. 7¿Le xa kyuto' t k'ut Qajaw Dios jumpa ralk'al che kik'an kch'ab'al ruk' chip'ij cha'ab', y kikb'och'ij ujlom rech kyuto'o? ¿Le kb'oytaj lo che kto'ik? 8In kimb'ij chiwe che re chanim kyuto'o, ku'on utzlaj atb'altzij che kikta che. Per echi' kimpi in nAchi nuK'jol Dios, ¿mere iy'on lo mnaq chi' chuchlew che kikkub'a kk'u'x chwij?» Jala xub'ij Jesús.
Ri Jesús xub'ij jun k'amb'al n'oj chrij jun fariseo rich'il jun aj'esal alkawal
9Iy'o nk'aj mnaq che kikkoj kib' che mas i'utzlaj mnaq chjuch Dios, y xa kikb'ij che ot kiptan nk'aj chik mnaq chke. Ri Jesús xub'ij jun chik k'amb'al n'oj chke, 10jawa xub'ij: «Iy'o keb' achjab' xib'e chpam jun nimlaj rchoch Dios rech kik'an kch'ab'al ruk' Dios. Jun chke jare jun fariseo, nun chik xa aj'esal alkawal. 11Un fariseo tk'alik ku'on uch'ab'al ruk' Dios, jawa kub'ij: “Qajaw Dios, kintyoxij che la, mal in nijnam taj kuk' nk'aj chik mnaq che xa i'el'om, xa iyitzel taq mnaq, xa kikrij uwuch ixqib' che kixqil taj. Kintyoxij che la mal soq nijnam taj ruk' naj'esal alkawal o chiri'. 12In keb' b'welt kinch'ij numik rech kin'an ayuno chpam jun semana. Jumpa kinch'ako, runjel kinya taq ch'in che la rech nidiezmo”.#18:12 Un diezmo le' jare kilwi che we jun mnaq kuch'ak ljuj (10) rqan pwaq, kuya jun rqan che Dios. Jala xu'on un fariseo che u'anik uch'ab'al ruk' Dios.
13»Per ni naj'esal alkawal, naj ch'in xkanaj kan wi che un fariseo. Re ku'on t kwil kka'y chkaj, mal kk'ix chjuch Dios che unom umak. Kunik u'ab' chuchk'u'x mal mas kib'son rmal umak unom. Kitjinik ku'on uch'ab'al ruk' Dios chla', kub'ij: “Qajaw Dios, chil k'u'x la chwe mal in xa najmak”, xche che. Jala xu'on naj'esal alkawal che u'anik uch'ab'al ruk' Dios. 14In kimb'ij chiwe che naj'esal alkawal, otch umak xitzlij b'i chirchoch mal Dios xukuy umak. Per nun fariseo, ot kuyb'al mak xuriqo, mal chin jun che mas nim kukojw rib', jarela xa ch'in kel chjuch Dios, y chin jun che xa ch'in kukojw rib', jarela nim kuril Dios». Jala xub'ij Jesús chke.
Ri Jesús xuya chke ak'lab' xipi ruk'
(Mt 19:16-30; Mr 10:17-31)
15Ri mnaq xikk'am loq taq ak'lab' ruk' Jesús rech kuya u'ab' pkijlom. Per echi' xkil nk'aj discípulo, xikmaj kyajik nk'aj mnaq. 16Ri Jesús xyusk'ij taq ak'lab' ruk' y xub'ij chke nk'aj discípulo: «Chiy'a chke taq ak'lab' kipi wuk', xaq mi'atij, mal ri utzlaj atb'altzij rech Dios, jare kech mnaq che iyjala peche taq ak'lab'i'. 17Ruk' saqlaj tzij kimb'ij chiwe, chin jun che jala taj ku'on che uk'amik utzlaj atb'altzij rech Dios pranma', peche ku'on che uk'amik jun ak'al, kikun taj kok chpam utzlaj atb'altzij rech Dios», xche chke.
Jun achi b'yom xch'aw ruk' Jesús
(Mt 19:16-30; Mr 10:17-31)
18O jun achi nim reqle'n xk'un ruk' Jesús, xuta che, xub'ij:
—Utzlaj Ajtojnel, ¿su kin'ano rech kinriq jun nk'asnmal che ot uk'isik? —xche che.
19Ri Jesús xub'ij che:
—¿Suche che kab'ij chwe che n'utz? Ot jun mnaq che utz, xaq xaw Dios. 20At awit'am ljuj (10) utzij upxab' Dios che kub'ij: “Xa matwar ruk' jun ixoq we awixqil taj; soq at ixoq, xa matwar ruk' jun achi we awichjil taj. Xa makamsaj jun chik mnaq, xa ma'an ela', xa ma'an tzijtal chrij jun chik mnaq, chikjo ktzij aqaw achuch, chil'oj ari'jal”. Jala kub'ij ljuj (10) utzij upxab' Dios, —xche Jesús che.
21Nachi xub'ij che Jesús:
—Runjel jumpa wari', jare chi' nak'al ti xinmaj loq u'anik, y jala na kintjin le' che u'anik, —xche che.
22Echi' xuta Jesús che jala xub'ij, xub'ij chik Re che:
—O jun cosa kraj na che mja ka'ano. Chk'ij kanoq runjel jumpa ub'itaqawe y kajach uwuch pwaq chikuch mnaq che xa ipobre. We jala ka'ano, kariq ab'oymal chla' chkaj ruk' Dios. Tik'ri katitzlij wuk', katok wuk' chpam uchak Dios, katitrij chwij, —xche che.
23Echi' xuta nachi che jala xub'ij Jesús che, xu'on keb' uk'u'x. Mas xib'sonik, mal re mas b'yomlaj achi. 24Echi' xuril Jesús che mas xib'sonik, ena xub'ij che:
—Mas ruk' k'ax kiyok nk'aj b'oymab' chpam utzlaj atb'altzij rech Dios.#Mr 10:23. 25Jare ni mas chanim k'ax jun nimlaj awaj camello chpam ujlil jun ajkuxa, chjuch kok jun b'yom chpam utzlaj atb'altzij rech Dios,#18:25 Lo' taj che k'ax un nimlaj awaj camello chpam ujlil jun ajkuxa. Soq jala' kuriq jun b'yomlaj mnaq. Re su kikun taj kok chpam utzlaj atb'altzij rech Dios, we xa jare mas b'enaq uk'u'x chrij ub'oymal. —xche che.
26Jumpa nk'aj mnaq che xikta' che jala xub'ij Jesús, ena xikta che, xikb'ij:
—¿Chin k'ut kto'taj na rech kuriq uk'asnmal ruk' Dios che ot uk'isik? —xiche che.
27Ri Jesús xub'ij chke:
—Runjel jumpa sutaq'ik che kiyikun taj mnaq kik'ano, jare Dios kikunik ku'ono, —xche chke.
28Ena xub'ij u Lu':
—Qajaw, qo'j xqaya kanoq runjel jumpa ub'itaq qe rech kujchkun uk' la, —xche che.
29Ri Jesús xub'ij chke udiscípulo:
—Ruk' saqlaj tzij kimb'ij chiwe, che chin jun kuya kan rchoch, kuya kan uqaw uchuch, kuya kan rachlal, kuya kan rixqil, y kuya kan ralk'al, rmal utzlaj atb'altzij rech Dios, 30jare re mas nim utzil kuriq na chi' chuchlew. Nim kuriq chjuch su kuya kanoq. Soq kuriq junalik uk'asnmal chla' ruk' Dios che ot uk'isik. —Jala xub'ij Jesús chke udiscípulo.
Ri Jesús xub'ij jun b'welt chik che kkamsax na
(Mt 20:17-19; Mr 10:32-34)
31Ri Jesús xyusk'ij kab'aljuj (12) udiscípulo ruk', xub'ij chke: «¡Chitampe'! Kujtjin che qab'e, kuj'e Jerusalén. Echi' kujo'pan chla', k'antaj na runjel jumpa tz'ib'tal kan rmal najb'il utzij Dios ujer che k'an na chwe in, nAchi nuK'jol Dios. 32Ri mnaq che xa iyajch'oj wuk' knikjach na pik'ab' mnaq che iyaj Israel taj; ke xa kiktz'ej nwuch, knikyo'o, y kikchub'ej niplaj. 33Knikch'ayo, tik'ri knikkamsaj. Per churox ij kk'astaj nwuch chikxo'l nk'aj kamnaq». Jala xub'ij Jesús chke udiscípulo. 34Per ke xikch'ob' taj su kilwi jumpa tzij xub'ij chke. Ya'tal taj chke che kikch'ob'o; xa rmal, xqaj taj pkijlom.
Ri Jesús xuknaj jun achi aj Jericó che xa kka'y taj
(Mt 20:29-34; Mr 10:46-52)
35Chpam jun chik ij, kitjin Jesús che ub'e b'enaq. Xa nqaj chik k'wi che un tinmit Jericó. O jun achi ku'l chuchi' b'e che xa kka'y taj, re kitjinik kuta ulimosna chke mnaq. 36Echi' xuta' che jwert mnaq ki'ax chla', xub'ij: «¿Su chla'al ki'axik? ¿Su kik'ano?» xche che.
37Ni nk'aj mnaq xikb'ij:
—Jare Jesús aj Nazaret kitjinik k'axik, —xiche che.
38Re xusik'b'aj rib', xub'ij:
—Jesús, lal ri'y umam u David, chil k'u'x la chwe, —xche che.
39Ni mnaq che inab'e chjuch Jesús, xikyajo rech kutz'apij uchi', per re ku'xan taj, xani mas ko kusik'b'aj rib', xub'ij:
—¡Lal, ri'y umam u David, chil k'u'x la chwe! —xche che.
40Echi' xuta Jesús che jala xub'ij, xitk'e'ik y xutaq uk'amik nachi che xa kka'y taj. Echi' xqib' ruk', xuta Jesús che:
41—¿Su kawaj kin'an chawe? —xche che.
Ni nachi xub'ij che:
—Qajaw, jare kwaj che knaknaj rech kinka'yik, —xche che.
42Ri Jesús xub'ij che:
—¡Chatka'yoq! Xatik'chojik mal xakub'a ak'u'x chwij, xakoj ntzij, —xche che.
43Mismo chanim xka'y nachi, xitrij b'i chrij Jesús; xunmirsaj u'ij Qajaw Dios. Kunjel jumpa mnaq che xkilo, xikkoj u'ij Dios.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global