San Lucas 19
19
Ri Jesús xikriq kib' ruk' u Zaqueo
1Ri Jesús xok chpam tinmit Jericó, kitjinik k'ax chla'. 2Chla' Jericó o jun achi b'yom, Zaqueo ub'i'. Jare re tk'al pkijlom nk'aj aj'esal alkawal. 3Re kraj kurit'amaj uwuch Jesús per kikun taj kurilo mal mas mnaq iy'olik y xa ko'l rqan re. 4Ena anim xnab'aj b'i chikuch, tik'ri xa'n b'i pujlom jun che' Sicómoro ub'i', rech kikunik kuril uwuch Jesús, mal chla' chunqaj un che' k'ax Jesús. 5Echi' x'ax Jesús chla', xka'y 'noq chkaj, xuril u Zaqueo, y xub'ij che:
—Zaqueo, katqaj loq chanim, mal kmik nmister kinkanaj kan chuja awuk', —xche che.
6Nu Zaqueo xqaj loq chanim y mas kki'ktik xuk'laj Jesús chirchoch. 7Echi' xkil mnaq che jala x'antjik, kunjel xikmaj uch'ach'axik Jesús, mal ustaj kikkilo che x'e chirchoch jun achi che xa ajmak. 8Xitk'e' k'ut u Zaqueo y xub'ij che Qajaw Jesús:
—Tampe la su kin'ano. Runjel jumpa o wuk', kinsipaj pink'aj chke mnaq che xa ipobre. Soq we o su wel'am kuk' mnaq, kjeb' (4) b'welt uk'xel kintzlijsaj chke, —xche che.
9Ri Jesús xub'ij che:
—Chanim xiriq utob'nik Qajaw Dios iwunjel jumpa ix'o chpam un ja ri', mal at soq at ri'y umam u Abraham. 10In nAchi nuK'jol Dios ximpi che ktzukxik mnaq jumpa itzaqnaq kanoq chpam kmak rech kito'taj na, —xche che.
Ri Jesús xub'ij jun k'amb'al n'oj chrij ljuj (10) rqan pwaq
(Mt 25:14-30)
11Echi' kiyitjin mnaq che utatb'xik sutaq kub'ij Jesús, Re xub'ij jun k'amb'al n'oj chke, mal xa nqaj chik k'wi che un tinmit Jerusalén. Ni mnaq kikchomaj che su mismo chanim ko'pan utzlaj atb'altzij rech Dios kuk'. 12Xub'ij k'ut Jesús chke:
«O jun achi nim reqle'n, x'e chnaj chpam jun chik tinmit rech kuk'ma u'ab' jun reqle'n ya'tal che, y tik'ri kitzlij chuloq rech kitk'e' pujlom utinmit re. 13Echi' mja k'ek, xyusk'ij ljuj (10) chke nk'aj umoso ruk'. Xuya kan pwaq chke che nmaq uwuch#19:13 Tyox Wuj kch'aw chrij ljuj (10) mina. Jun pwaq che mina kb'ix che, jare jun pwaq che kikjom ujer. Rjil peche kuch'ak jun achi che uxib' ik' chak jare jun mina. y xub'ij chke: “Chil'o ik'ay ruk' pwaqi', tik'ri kik'ij chik rech o su kich'ak chrij. Jarela ki'ano ast retal echi' kintzlij loq”, xche chke. 14Per ni mnaq che iy'o chpam utinmit nachi ri', ustaj kikkil nachi le'. Ena xkitzkuj jpuq mnaq rech xiktaq b'i chpam jun chik tinmit jachi b'enaq wi jun achi nim reqle'n. Nk'aj mnaqe' xikch'ab'ej nk'aj mnaq nmaq keqle'n chla', jawa xikb'ij: “Jare taj nachi le' kqaj rech ku'on atb'altzij pqajlom”, xicha'.
15»Miskini' kkaj taj mnaq che kok nachi che atb'altzij, per xoksaxik. Echi' jachtajnaq chik reqle'n, xitzlij loq chpam utinmit. Echi' xk'unik, xutaq ksik'xik nk'aj umoso che uy'om kan pwaq chke, rech kurilo jumpa taq xikch'ak chikjunjnal. 16Un nab'e ajchak xpi ruk' nupatrón, xub'ij che: “Wjaw, jumpa pwaq che xaya kan chwe, xuch'ak ljuj (10) rqan chik puwi'”, xche che. 17Nupatrón xub'ij che: “Utz xa'ano, puro at'utzlaj ajchak. Utz xa'an ruk' ch'in pwaq xinya kan chawe. Xa rmal, kinjach ljuj (10) tinmit pakwent rech ka'an atb'altzij pujlom”, xche che. 18Tik'ri, xpi un chik ajchak ruk', xub'ij che: “Wjaw, ri jun pwaq che xaya kan chwe xuch'ak j'ob' (5) rqan chik puwi'”, xche che. 19Nupatrón xub'ij che: “Soq jala kin'an chik chawa't. Kinjach j'ob' (5) tinmit pakwent rech ka'an atb'altzij pujlom”, xche che.
20»Tik'ri', xpi un chik ajchak y xub'ij: “Wjaw, o un pwaq chiri' che xaya kan chwe; ximpis chpam jun laj su't. 21Xa xinkolo mal xinx'ej wib' chawuch, xa rmal wit'am che mas atk'a'n. At atjala peche jun che kuchapo sutaq chla'al kuriqo che rech taj; soq at kakol uwuch tiko'n che at taj xatitkiwre”, xche che.
22»Nupatrón xuyajo, xub'ij che: “¡At xa atitzel ajchak! Kin'an atb'altzij pajlom rmal nk'aj tzij xab'ij chwe. Awit'am k'ut che in mas nk'a'nlaj achi, y xa kinchapo sutaq chla'al kinriqo che wech taj, y soq xa kinkol uwuch tiko'n che in taj xintkiwre. 23¿Suche k'ut xaya t nirjil pqajik chla' jachi kuch'ak ral, rech, echi' kintzlij loq, kikjach nirjil chwe, rich'il jumpa ral xuch'ako?” Jala xub'ij nachi che numoso. 24Tik'ri xub'ij chik chke mnaq che iy'o chla': “Chiwesaj un rqan pwaq che, jare chiy'a che jun che xuch'ak ljuj (10) rqan chik puwi'”, xche chke.
25»Ni ke xikb'ij che: “Nimlaj achi, re ya och ljuj (10) rqan pwaq ruk'”, xiche che. 26Ni re xuk'ul uwuch ktzij, xub'ij: “In kimb'ij chiwe che chin jun o su o ruk', kyan mas che, per chin jun che ot su o ruk', kmaj na che jumpa ch'in che o ruk'. 27Y jumpa nk'aj mnaq che xa iyajch'oj wuk', che kkaj taj che kin'an atb'altzij pkijlom, chima loq chiri', chikamsaj chinwuch”. Jala xub'ij un nimlaj atb'altzij». Jarela jun k'amb'al n'oj xub'ij Jesús chke mnaq.
Ri Jesús xo'pan chpam un tinmit Jerusalén
(Mt 21:1-11; Mr 11:1-11; Jn 12:12-19)
28Echi' xb'itaj le' rmal Jesús, xumaj chub'i ub'e x'e Jerusalén, xnab'aj b'i chikuch nk'aj discípulo. 29Xa nqaj chik ik'wi che keb' kanton, jare Betfagé rich'il Betania, chla' jachi k'wi un jyub' Olivos ub'i'. Xyutaq b'i keb' chke udiscípulo, 30xub'ij b'i chke: «Jix chpam un kanton che o pnoq chiquch. Echi' kixo'pan chla', kiriq jun laj b'uru xmilik che ot jun b'welt ukjem jun mnaq. Chitru', chima loq. 31We xa o jun mnaq kuta chiwe suche che kixtjin che uturik, chib'ij che: “Jare Qajaw ku'on nmister che”, kixche che». Jala xub'ij b'i Jesús chke keb' udiscípulo.
32Ena, xib'e nk'aj discípulo che xyutaq b'i Jesús, y xkirqa' jala peche ub'im b'i chke. 33Echi' kiyitjin che uturik un laj b'uru, xipi nk'aj rjaw xikta chke, xikb'ij:
—¿Suche che kixtjin che uturik un laj b'uru? —xiche chke.
34Ke xikb'ij:
—Jare Qajaw ku'on nmister che, —xiche chke.
35Xikyuqej loq un laj b'uru ruk' Jesús. Xikkoj kitz'yaq chrij che mas nma'q kqaj chqul kqan, tik'ri xka'nsaj Jesús chrij rech kukjej. 36Ri Jesús x'e chik. Echi' kitjin che ub'e b'enaq, iy'o mnaq xiklik' kitz'yaq chpam ub'e, kojb'al u'ij. 37Xa nqaj chik k'wi che un xulnik che kqaj loq chjuch un jyub' Olivos. Echi' xiyo'pan chla', kunjel jumpa mnaq che itrin chrij Jesús xikmaj usik'b'axik kib' rmal ki'ktem, kiyitjinik kkinmirsaj u'ij Qajaw Dios rmal nk'aj nmaq taq k'utb'al kilom che xu'on Jesús. 38Ena xikb'ij:
—Nimlaj utzil pujlom Qajaw che nim reqle'n tqom loq rmal Dios,
jaretb'a ri utzil kikje chla' chkaj ruk' Dios, soq chqanmirsaj u'ij Dios o chla' chkaj, —xicha'. (Sal 118:26)
39Ena keb' uxib' chke nk'aj fariseo che iy'o chikxo'l mnaq xikb'ij che Jesús:
—Ajtojnel, chyayja nk'aj adiscípulo rech kiktz'apij kchi', —xiche che.
40Ri Jesús xuk'ul uwuch ktzij, xub'ij chke:
—Saqlaj tzij kimb'ij chiwe, che we kiktz'apij kchi' nk'aj mnaqi', jare chik nk'aj ab'aj kiksik'b'aj kib', —xche chke.
Ko' Jesús pujlom un tinmit Jerusalén
41Echi' xa nqaj chik k'wi Jesús che un tinmit Jerusalén, xuril pnoq un tinmit. Ena xo' pkijlom mnaq iy'o chla', mal kel uk'u'x chke. 42Ena xub'ij: «T'ob' iwuch ix ixaj Jerusalén, mal iwit'am taj chin kuya utzil chixo'l. Utz wet kiwit'amaj chanim, per kixkun taj, mal xa uwam rib' chiwuch. 43Kurqa na ij che mas kitij na k'ax, mal nk'aj mnaq che iyajch'oj iwuk', peche jun tapya kikyak na chrij itinmit. Kiksut kib' chiwij, kixkkoj pikral rech ot jachi kixel wi. 44Kiksach uwuch un tinmit. Runjel jumpa iwchoch kkiwlujsaj na, kixkkamsaj na, jnam kuk' iwalk'al. Ot su kri' jun ab'aj kikto' kanoq pujlom jun chik ab'aj. Jala kik'an na chiwe, mal xik'laj taj najTo'liwe che xtaq loq iwuk' rmal Qajaw Dios». Jala xub'ij Jesús chke mnaq iy'o chpam un tinmit Jerusalén.
Ri Jesús xyuresaj nk'aj ajk'ay chpam nimlaj rchoch Dios
(Mt 21:12-17; Mr 11:15-19; Jn 2:13-21)
45Tik'ri xok Jesús ruk' nimlaj rchoch Dios. Xumaj kesxik loq nk'aj mnaq che kik'an kk'ay rich'il nk'aj che kiyil'o'man chla'. 46Ri Jesús xub'ij k'ut chke:
—Tz'ib'tal kan chpam Tyox Wuj che kub'ij: “Ri wchoch kb'ix che che jare jun ja rech amb'al ch'ab'al ruk' Dios”,#Is 56:7. kcha'. Per ni ix xa inom kchoch el'om che,#Jer 7:11. —xche Jesús chke.
47Ri Jesús runjel ij kyutjoj mnaq che utzij Dios chpam nimlaj rchoch Dios. Per iy'o mnaq xikmaj uchomxik chikuch su kik'an che ukamsxik Jesús. Ke jare nk'aj ajk'mal b'e chke rajchak Dios, rich'il nk'aj ajtojnel rech upxab' Dios, soq rich'il nk'aj chik ajk'mal b'e chke nk'aj aj Israel. 48Per xikriq taj su kik'an che, mal kunjel jumpa mnaq jare b'enaq kk'u'x che utatb'xik sutaq kitjin che ub'ixik.
လက္ရွိေရြးခ်ယ္ထားမွု
San Lucas 19: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Lucas 19
19
Ri Jesús xikriq kib' ruk' u Zaqueo
1Ri Jesús xok chpam tinmit Jericó, kitjinik k'ax chla'. 2Chla' Jericó o jun achi b'yom, Zaqueo ub'i'. Jare re tk'al pkijlom nk'aj aj'esal alkawal. 3Re kraj kurit'amaj uwuch Jesús per kikun taj kurilo mal mas mnaq iy'olik y xa ko'l rqan re. 4Ena anim xnab'aj b'i chikuch, tik'ri xa'n b'i pujlom jun che' Sicómoro ub'i', rech kikunik kuril uwuch Jesús, mal chla' chunqaj un che' k'ax Jesús. 5Echi' x'ax Jesús chla', xka'y 'noq chkaj, xuril u Zaqueo, y xub'ij che:
—Zaqueo, katqaj loq chanim, mal kmik nmister kinkanaj kan chuja awuk', —xche che.
6Nu Zaqueo xqaj loq chanim y mas kki'ktik xuk'laj Jesús chirchoch. 7Echi' xkil mnaq che jala x'antjik, kunjel xikmaj uch'ach'axik Jesús, mal ustaj kikkilo che x'e chirchoch jun achi che xa ajmak. 8Xitk'e' k'ut u Zaqueo y xub'ij che Qajaw Jesús:
—Tampe la su kin'ano. Runjel jumpa o wuk', kinsipaj pink'aj chke mnaq che xa ipobre. Soq we o su wel'am kuk' mnaq, kjeb' (4) b'welt uk'xel kintzlijsaj chke, —xche che.
9Ri Jesús xub'ij che:
—Chanim xiriq utob'nik Qajaw Dios iwunjel jumpa ix'o chpam un ja ri', mal at soq at ri'y umam u Abraham. 10In nAchi nuK'jol Dios ximpi che ktzukxik mnaq jumpa itzaqnaq kanoq chpam kmak rech kito'taj na, —xche che.
Ri Jesús xub'ij jun k'amb'al n'oj chrij ljuj (10) rqan pwaq
(Mt 25:14-30)
11Echi' kiyitjin mnaq che utatb'xik sutaq kub'ij Jesús, Re xub'ij jun k'amb'al n'oj chke, mal xa nqaj chik k'wi che un tinmit Jerusalén. Ni mnaq kikchomaj che su mismo chanim ko'pan utzlaj atb'altzij rech Dios kuk'. 12Xub'ij k'ut Jesús chke:
«O jun achi nim reqle'n, x'e chnaj chpam jun chik tinmit rech kuk'ma u'ab' jun reqle'n ya'tal che, y tik'ri kitzlij chuloq rech kitk'e' pujlom utinmit re. 13Echi' mja k'ek, xyusk'ij ljuj (10) chke nk'aj umoso ruk'. Xuya kan pwaq chke che nmaq uwuch#19:13 Tyox Wuj kch'aw chrij ljuj (10) mina. Jun pwaq che mina kb'ix che, jare jun pwaq che kikjom ujer. Rjil peche kuch'ak jun achi che uxib' ik' chak jare jun mina. y xub'ij chke: “Chil'o ik'ay ruk' pwaqi', tik'ri kik'ij chik rech o su kich'ak chrij. Jarela ki'ano ast retal echi' kintzlij loq”, xche chke. 14Per ni mnaq che iy'o chpam utinmit nachi ri', ustaj kikkil nachi le'. Ena xkitzkuj jpuq mnaq rech xiktaq b'i chpam jun chik tinmit jachi b'enaq wi jun achi nim reqle'n. Nk'aj mnaqe' xikch'ab'ej nk'aj mnaq nmaq keqle'n chla', jawa xikb'ij: “Jare taj nachi le' kqaj rech ku'on atb'altzij pqajlom”, xicha'.
15»Miskini' kkaj taj mnaq che kok nachi che atb'altzij, per xoksaxik. Echi' jachtajnaq chik reqle'n, xitzlij loq chpam utinmit. Echi' xk'unik, xutaq ksik'xik nk'aj umoso che uy'om kan pwaq chke, rech kurilo jumpa taq xikch'ak chikjunjnal. 16Un nab'e ajchak xpi ruk' nupatrón, xub'ij che: “Wjaw, jumpa pwaq che xaya kan chwe, xuch'ak ljuj (10) rqan chik puwi'”, xche che. 17Nupatrón xub'ij che: “Utz xa'ano, puro at'utzlaj ajchak. Utz xa'an ruk' ch'in pwaq xinya kan chawe. Xa rmal, kinjach ljuj (10) tinmit pakwent rech ka'an atb'altzij pujlom”, xche che. 18Tik'ri, xpi un chik ajchak ruk', xub'ij che: “Wjaw, ri jun pwaq che xaya kan chwe xuch'ak j'ob' (5) rqan chik puwi'”, xche che. 19Nupatrón xub'ij che: “Soq jala kin'an chik chawa't. Kinjach j'ob' (5) tinmit pakwent rech ka'an atb'altzij pujlom”, xche che.
20»Tik'ri', xpi un chik ajchak y xub'ij: “Wjaw, o un pwaq chiri' che xaya kan chwe; ximpis chpam jun laj su't. 21Xa xinkolo mal xinx'ej wib' chawuch, xa rmal wit'am che mas atk'a'n. At atjala peche jun che kuchapo sutaq chla'al kuriqo che rech taj; soq at kakol uwuch tiko'n che at taj xatitkiwre”, xche che.
22»Nupatrón xuyajo, xub'ij che: “¡At xa atitzel ajchak! Kin'an atb'altzij pajlom rmal nk'aj tzij xab'ij chwe. Awit'am k'ut che in mas nk'a'nlaj achi, y xa kinchapo sutaq chla'al kinriqo che wech taj, y soq xa kinkol uwuch tiko'n che in taj xintkiwre. 23¿Suche k'ut xaya t nirjil pqajik chla' jachi kuch'ak ral, rech, echi' kintzlij loq, kikjach nirjil chwe, rich'il jumpa ral xuch'ako?” Jala xub'ij nachi che numoso. 24Tik'ri xub'ij chik chke mnaq che iy'o chla': “Chiwesaj un rqan pwaq che, jare chiy'a che jun che xuch'ak ljuj (10) rqan chik puwi'”, xche chke.
25»Ni ke xikb'ij che: “Nimlaj achi, re ya och ljuj (10) rqan pwaq ruk'”, xiche che. 26Ni re xuk'ul uwuch ktzij, xub'ij: “In kimb'ij chiwe che chin jun o su o ruk', kyan mas che, per chin jun che ot su o ruk', kmaj na che jumpa ch'in che o ruk'. 27Y jumpa nk'aj mnaq che xa iyajch'oj wuk', che kkaj taj che kin'an atb'altzij pkijlom, chima loq chiri', chikamsaj chinwuch”. Jala xub'ij un nimlaj atb'altzij». Jarela jun k'amb'al n'oj xub'ij Jesús chke mnaq.
Ri Jesús xo'pan chpam un tinmit Jerusalén
(Mt 21:1-11; Mr 11:1-11; Jn 12:12-19)
28Echi' xb'itaj le' rmal Jesús, xumaj chub'i ub'e x'e Jerusalén, xnab'aj b'i chikuch nk'aj discípulo. 29Xa nqaj chik ik'wi che keb' kanton, jare Betfagé rich'il Betania, chla' jachi k'wi un jyub' Olivos ub'i'. Xyutaq b'i keb' chke udiscípulo, 30xub'ij b'i chke: «Jix chpam un kanton che o pnoq chiquch. Echi' kixo'pan chla', kiriq jun laj b'uru xmilik che ot jun b'welt ukjem jun mnaq. Chitru', chima loq. 31We xa o jun mnaq kuta chiwe suche che kixtjin che uturik, chib'ij che: “Jare Qajaw ku'on nmister che”, kixche che». Jala xub'ij b'i Jesús chke keb' udiscípulo.
32Ena, xib'e nk'aj discípulo che xyutaq b'i Jesús, y xkirqa' jala peche ub'im b'i chke. 33Echi' kiyitjin che uturik un laj b'uru, xipi nk'aj rjaw xikta chke, xikb'ij:
—¿Suche che kixtjin che uturik un laj b'uru? —xiche chke.
34Ke xikb'ij:
—Jare Qajaw ku'on nmister che, —xiche chke.
35Xikyuqej loq un laj b'uru ruk' Jesús. Xikkoj kitz'yaq chrij che mas nma'q kqaj chqul kqan, tik'ri xka'nsaj Jesús chrij rech kukjej. 36Ri Jesús x'e chik. Echi' kitjin che ub'e b'enaq, iy'o mnaq xiklik' kitz'yaq chpam ub'e, kojb'al u'ij. 37Xa nqaj chik k'wi che un xulnik che kqaj loq chjuch un jyub' Olivos. Echi' xiyo'pan chla', kunjel jumpa mnaq che itrin chrij Jesús xikmaj usik'b'axik kib' rmal ki'ktem, kiyitjinik kkinmirsaj u'ij Qajaw Dios rmal nk'aj nmaq taq k'utb'al kilom che xu'on Jesús. 38Ena xikb'ij:
—Nimlaj utzil pujlom Qajaw che nim reqle'n tqom loq rmal Dios,
jaretb'a ri utzil kikje chla' chkaj ruk' Dios, soq chqanmirsaj u'ij Dios o chla' chkaj, —xicha'. (Sal 118:26)
39Ena keb' uxib' chke nk'aj fariseo che iy'o chikxo'l mnaq xikb'ij che Jesús:
—Ajtojnel, chyayja nk'aj adiscípulo rech kiktz'apij kchi', —xiche che.
40Ri Jesús xuk'ul uwuch ktzij, xub'ij chke:
—Saqlaj tzij kimb'ij chiwe, che we kiktz'apij kchi' nk'aj mnaqi', jare chik nk'aj ab'aj kiksik'b'aj kib', —xche chke.
Ko' Jesús pujlom un tinmit Jerusalén
41Echi' xa nqaj chik k'wi Jesús che un tinmit Jerusalén, xuril pnoq un tinmit. Ena xo' pkijlom mnaq iy'o chla', mal kel uk'u'x chke. 42Ena xub'ij: «T'ob' iwuch ix ixaj Jerusalén, mal iwit'am taj chin kuya utzil chixo'l. Utz wet kiwit'amaj chanim, per kixkun taj, mal xa uwam rib' chiwuch. 43Kurqa na ij che mas kitij na k'ax, mal nk'aj mnaq che iyajch'oj iwuk', peche jun tapya kikyak na chrij itinmit. Kiksut kib' chiwij, kixkkoj pikral rech ot jachi kixel wi. 44Kiksach uwuch un tinmit. Runjel jumpa iwchoch kkiwlujsaj na, kixkkamsaj na, jnam kuk' iwalk'al. Ot su kri' jun ab'aj kikto' kanoq pujlom jun chik ab'aj. Jala kik'an na chiwe, mal xik'laj taj najTo'liwe che xtaq loq iwuk' rmal Qajaw Dios». Jala xub'ij Jesús chke mnaq iy'o chpam un tinmit Jerusalén.
Ri Jesús xyuresaj nk'aj ajk'ay chpam nimlaj rchoch Dios
(Mt 21:12-17; Mr 11:15-19; Jn 2:13-21)
45Tik'ri xok Jesús ruk' nimlaj rchoch Dios. Xumaj kesxik loq nk'aj mnaq che kik'an kk'ay rich'il nk'aj che kiyil'o'man chla'. 46Ri Jesús xub'ij k'ut chke:
—Tz'ib'tal kan chpam Tyox Wuj che kub'ij: “Ri wchoch kb'ix che che jare jun ja rech amb'al ch'ab'al ruk' Dios”,#Is 56:7. kcha'. Per ni ix xa inom kchoch el'om che,#Jer 7:11. —xche Jesús chke.
47Ri Jesús runjel ij kyutjoj mnaq che utzij Dios chpam nimlaj rchoch Dios. Per iy'o mnaq xikmaj uchomxik chikuch su kik'an che ukamsxik Jesús. Ke jare nk'aj ajk'mal b'e chke rajchak Dios, rich'il nk'aj ajtojnel rech upxab' Dios, soq rich'il nk'aj chik ajk'mal b'e chke nk'aj aj Israel. 48Per xikriq taj su kik'an che, mal kunjel jumpa mnaq jare b'enaq kk'u'x che utatb'xik sutaq kitjin che ub'ixik.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global