San Lucas 15
15
Ri Jesús xub'ij jun k'amb'al n'oj chrij jun chij xsachik
(Mt 18:12-14)
1Kunjel jumpa nk'aj aj'esal alkawal rich'il nk'aj chik che xa iyajmak xiyok chunqaj Jesús rech kikta' su kub'ij. 2Xa rmal, nk'aj fariseo rich'il nk'aj ajtojnel rech upxab' Dios xiyok che uch'ach'axik Jesús, xikb'ij: «Nachi ri' kyuk'laj mnaq ruk' che xa iyajmak y kutij uwa kuk'», xiche chikuch.
3Tik'ri k'ut ri Jesús xub'ij jun k'amb'al n'oj chke, xub'ij: 4«We o jun chiwi'x o jun ciento uchij tik'ri kusach jun chke, ¿le kuya t kan jmuch' b'elejljuj (99) chla' jachi ik'wi rech k'e che utzukxik jun, ast retal kuriqo? 5Echi' kuriqo jwert kki'ktik kuya chutleb', kuk'am b'i chuja. 6Y echi' ko'pan chirchoch, kyumol nk'aj rich'il, kyumol nk'aj uk'ulja y kub'ij chke: “Kixki'kat wuk', mal xinriq un nchij che xinsacho”, kche chke. 7Kimb'ij chiwe che soq mas o ki'ktem chla' chkaj, echi' o jun ajmak kuk'ex uchomnik chpam ranma' y kuya kan u'anik umak. Mas ki'ktem olik we o jun mnaq jala ku'ono, chikuch jmuch' b'elejljuj (99) mnaq che isk'umlaj mnaq che nmister taj kikk'ex kchomnik chpam kanma' kikb'ij ke». Jala xub'ij Jesús chke nk'aj fariseo, rich'il nk'aj ajtojnel rech pxab'.
8Ri Jesús xub'ij jun chik k'amb'al n'oj, xub'ij: «We o jun ixoq o ljuj (10) rqan pwaq#15:8 Tyox Wuj kch'aw chrij ljuj (10) dracma. Jun pwaq che dracma kb'ix che, jare jun pwaq che kikjom ujer. Rjil peche kuch'ak jun achi che jun ij chak jare jun dracma. ruk' tik'ri kutzaq jun chke, ¿le kutzij t uchaj rech kumes upja, utz utzukxik ku'on che ast retal kuriqo? 9Y echi' kuriqo, kyumol nk'aj rich'il, kyumol nk'aj uk'ulja y kub'ij chke: “Kixki'kat wuk', mal xinriq un rqan nirjil che xintzaqo”, kche chke. 10Kimb'ij chiwe che soq o ki'ktem chikxo'l taq ángel rech Dios, echi' o jun ajmak kuk'ex uchomnik chpam ranma' y kuya kan u'anik umak». Jarewa jun k'amb'al n'oj xub'ij Jesús.
Ri Jesús xub'ij jun k'amb'al n'oj chrij jun ala xanmaj b'i chjuch uqaw
11Ri Jesús xub'ij jun chik k'amb'al n'oj, xub'ij: «O jun achi o keb' uk'jol. 12Un cha'xel xub'ij che uqaw: “Qaw, y'a la we ub'itaq'e la rech nración”, xche che. Ena xujach uwuch uqaw jumpa ub'itaqre chikuch keb' ralk'al rech kración. 13Echi' xil 'noq keb' uxib' ij, xuk'ij uración un cha'xel. Tik'ri, xumol runjel jumpa ub'itaqre y x'e chnaj chpam jun chik tinmit. Chla' xusach uwuch runjel su o ruk'. Xaq tne'l xu'on che, mal ust upinsar. 14Echi' otchich su kri' jun centavo ruk', xpi jun nimlaj wijal chla' chpam un tinmit jachi xo'pan wi. Ena jwert xutij numik chla'. 15Tik'ri x'e ruk' jun achi o chla' chpam tinmit, xuta uchak che. Nachi xuya uchak, xutaq che kyu'xik nk'aj aq chpam rlew. 16Nala mas xurij uwuch nk'aj kecha' nk'aj aq kiktijo, per ot chin jun kuya jun cosa che rech kutijo. 17Ena xumaj u'anik pinsar, xub'ij puk'u'x: “Ik'i umoso nqaw iy'o ruk' pchak y jwert kwa olik, xaq ku'on sobra. Ni in kinkam chi' rmal numik. 18Utz we kintzlij chub'i ruk' nqaw y kimb'ij che: Qaw, xin'an nmak chjuch Dios, soq xin'an nmak chuch la. 19Xa rmal, pre t chik chwe kb'ij k'jol la chwe. Chya la chwe kinok che moso la, kinche che”. Jala xub'ij puk'u'x. 20Ena xumaj ub'e nala, xitzlij ruk' uqaw.
»Ya mer ko'pan chuja, per naj na k'wi loq che rchoch. UQaw xuril loq che b'enaq. Ena mas xel uk'u'x che, anim xpi che uk'alxik. Echi' xk'un uqaw ruk', xutz'ulej y xutz'b'aj uplaj. 21Ena xub'ij nuk'jol che: “Qaw, xin'an nmak chjuch Dios soq xin'an nmak chuch la. Ni le', pre t chik chwe kb'ij k'jol la chwe”, xche che. 22Per nuqaw xub'ij chke nk'aj umoso: “Chiwesaj loq chanim chinchke utzlaj taq atz'yaq che mas utz ka'yik, chikjo chrij. Soq chikjo jun mer'ap che uwu'ab' y chikjo uxjab' che rqan. 23Jik'ma loq un nim alaj che mas chom. Chikamsaj, chich'lo' rech kqatij ruk' qawa. ¡Chqana nim'ij! 24Mal k'as na un nik'jol che peche mow kamnaq chik. Xsachik per xqariq chik”. Jala xub'ij uqaw. Tik'ri xikmaj u'anik nim'ij.
25»Nun chik uk'jol che nab'a'al, otaj chuja rmal b'enaq pchak. Echi' xitzlij loq, xa nqaj chik k'wi che rchoch, xuta uch'ab'al 'jom y xuta' che o mnaq kiyixjowik. 26Ena xusk'ij pnoq jun chke nk'aj umoso uqaw y xuta che su kitjin u'anik chuja. 27Un moso xub'ij che: “Jare nacha' xk'unik. Xa rmal che aqaw xutaq ukamsxik un nim alaj che mas chom, mal utz uwuch xk'unik”, xche che. 28Ena xpi riwal un nab'a'al, kraj taj kok b'i chuja. Tik'ri k'ut, xel loq uqaw che ub'och'xik ujlom. 29Re xch'awik xub'ij che uqaw: “Chich'b'ompe la, puk k'i jnab' ninom chak la y runjel ij nikjonaq chuch la, per ot jmul y'om ch'inlaj k'sik' la chwe rech kin'an nim'ij kuk' nk'aj wich'il. 30Per ni le' ¿suche che xkamsaj la un nim alaj che mas chom rech kik'ul u'ij un k'jol la che xpitik? ¡Re xa xusach uwuch rjil la kuk' ixqib' che xa kikch'ak kirjil chrij kib'qil kuk' nk'aj achjab'!” Jala xub'ij che uqaw.
31»Nuqaw xub'ij che: “Nik'jol, xa mab'soj, at runjel ij at'o wuk' y runjel jumpa ub'itaqwe olik, at katkanaj pujlom. 32Per le', nmister che kqa'an nim'ij kujki'ktik, mal k'as na nacha' che peche mow kamnaq chik. Xsachik per xqariq chik. Jala xub'ij nachi che nuk'jol nab'a'al”». Jarela jun k'amb'al n'oj xub'ij Jesús.
လက္ရွိေရြးခ်ယ္ထားမွု
San Lucas 15: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Lucas 15
15
Ri Jesús xub'ij jun k'amb'al n'oj chrij jun chij xsachik
(Mt 18:12-14)
1Kunjel jumpa nk'aj aj'esal alkawal rich'il nk'aj chik che xa iyajmak xiyok chunqaj Jesús rech kikta' su kub'ij. 2Xa rmal, nk'aj fariseo rich'il nk'aj ajtojnel rech upxab' Dios xiyok che uch'ach'axik Jesús, xikb'ij: «Nachi ri' kyuk'laj mnaq ruk' che xa iyajmak y kutij uwa kuk'», xiche chikuch.
3Tik'ri k'ut ri Jesús xub'ij jun k'amb'al n'oj chke, xub'ij: 4«We o jun chiwi'x o jun ciento uchij tik'ri kusach jun chke, ¿le kuya t kan jmuch' b'elejljuj (99) chla' jachi ik'wi rech k'e che utzukxik jun, ast retal kuriqo? 5Echi' kuriqo jwert kki'ktik kuya chutleb', kuk'am b'i chuja. 6Y echi' ko'pan chirchoch, kyumol nk'aj rich'il, kyumol nk'aj uk'ulja y kub'ij chke: “Kixki'kat wuk', mal xinriq un nchij che xinsacho”, kche chke. 7Kimb'ij chiwe che soq mas o ki'ktem chla' chkaj, echi' o jun ajmak kuk'ex uchomnik chpam ranma' y kuya kan u'anik umak. Mas ki'ktem olik we o jun mnaq jala ku'ono, chikuch jmuch' b'elejljuj (99) mnaq che isk'umlaj mnaq che nmister taj kikk'ex kchomnik chpam kanma' kikb'ij ke». Jala xub'ij Jesús chke nk'aj fariseo, rich'il nk'aj ajtojnel rech pxab'.
8Ri Jesús xub'ij jun chik k'amb'al n'oj, xub'ij: «We o jun ixoq o ljuj (10) rqan pwaq#15:8 Tyox Wuj kch'aw chrij ljuj (10) dracma. Jun pwaq che dracma kb'ix che, jare jun pwaq che kikjom ujer. Rjil peche kuch'ak jun achi che jun ij chak jare jun dracma. ruk' tik'ri kutzaq jun chke, ¿le kutzij t uchaj rech kumes upja, utz utzukxik ku'on che ast retal kuriqo? 9Y echi' kuriqo, kyumol nk'aj rich'il, kyumol nk'aj uk'ulja y kub'ij chke: “Kixki'kat wuk', mal xinriq un rqan nirjil che xintzaqo”, kche chke. 10Kimb'ij chiwe che soq o ki'ktem chikxo'l taq ángel rech Dios, echi' o jun ajmak kuk'ex uchomnik chpam ranma' y kuya kan u'anik umak». Jarewa jun k'amb'al n'oj xub'ij Jesús.
Ri Jesús xub'ij jun k'amb'al n'oj chrij jun ala xanmaj b'i chjuch uqaw
11Ri Jesús xub'ij jun chik k'amb'al n'oj, xub'ij: «O jun achi o keb' uk'jol. 12Un cha'xel xub'ij che uqaw: “Qaw, y'a la we ub'itaq'e la rech nración”, xche che. Ena xujach uwuch uqaw jumpa ub'itaqre chikuch keb' ralk'al rech kración. 13Echi' xil 'noq keb' uxib' ij, xuk'ij uración un cha'xel. Tik'ri, xumol runjel jumpa ub'itaqre y x'e chnaj chpam jun chik tinmit. Chla' xusach uwuch runjel su o ruk'. Xaq tne'l xu'on che, mal ust upinsar. 14Echi' otchich su kri' jun centavo ruk', xpi jun nimlaj wijal chla' chpam un tinmit jachi xo'pan wi. Ena jwert xutij numik chla'. 15Tik'ri x'e ruk' jun achi o chla' chpam tinmit, xuta uchak che. Nachi xuya uchak, xutaq che kyu'xik nk'aj aq chpam rlew. 16Nala mas xurij uwuch nk'aj kecha' nk'aj aq kiktijo, per ot chin jun kuya jun cosa che rech kutijo. 17Ena xumaj u'anik pinsar, xub'ij puk'u'x: “Ik'i umoso nqaw iy'o ruk' pchak y jwert kwa olik, xaq ku'on sobra. Ni in kinkam chi' rmal numik. 18Utz we kintzlij chub'i ruk' nqaw y kimb'ij che: Qaw, xin'an nmak chjuch Dios, soq xin'an nmak chuch la. 19Xa rmal, pre t chik chwe kb'ij k'jol la chwe. Chya la chwe kinok che moso la, kinche che”. Jala xub'ij puk'u'x. 20Ena xumaj ub'e nala, xitzlij ruk' uqaw.
»Ya mer ko'pan chuja, per naj na k'wi loq che rchoch. UQaw xuril loq che b'enaq. Ena mas xel uk'u'x che, anim xpi che uk'alxik. Echi' xk'un uqaw ruk', xutz'ulej y xutz'b'aj uplaj. 21Ena xub'ij nuk'jol che: “Qaw, xin'an nmak chjuch Dios soq xin'an nmak chuch la. Ni le', pre t chik chwe kb'ij k'jol la chwe”, xche che. 22Per nuqaw xub'ij chke nk'aj umoso: “Chiwesaj loq chanim chinchke utzlaj taq atz'yaq che mas utz ka'yik, chikjo chrij. Soq chikjo jun mer'ap che uwu'ab' y chikjo uxjab' che rqan. 23Jik'ma loq un nim alaj che mas chom. Chikamsaj, chich'lo' rech kqatij ruk' qawa. ¡Chqana nim'ij! 24Mal k'as na un nik'jol che peche mow kamnaq chik. Xsachik per xqariq chik”. Jala xub'ij uqaw. Tik'ri xikmaj u'anik nim'ij.
25»Nun chik uk'jol che nab'a'al, otaj chuja rmal b'enaq pchak. Echi' xitzlij loq, xa nqaj chik k'wi che rchoch, xuta uch'ab'al 'jom y xuta' che o mnaq kiyixjowik. 26Ena xusk'ij pnoq jun chke nk'aj umoso uqaw y xuta che su kitjin u'anik chuja. 27Un moso xub'ij che: “Jare nacha' xk'unik. Xa rmal che aqaw xutaq ukamsxik un nim alaj che mas chom, mal utz uwuch xk'unik”, xche che. 28Ena xpi riwal un nab'a'al, kraj taj kok b'i chuja. Tik'ri k'ut, xel loq uqaw che ub'och'xik ujlom. 29Re xch'awik xub'ij che uqaw: “Chich'b'ompe la, puk k'i jnab' ninom chak la y runjel ij nikjonaq chuch la, per ot jmul y'om ch'inlaj k'sik' la chwe rech kin'an nim'ij kuk' nk'aj wich'il. 30Per ni le' ¿suche che xkamsaj la un nim alaj che mas chom rech kik'ul u'ij un k'jol la che xpitik? ¡Re xa xusach uwuch rjil la kuk' ixqib' che xa kikch'ak kirjil chrij kib'qil kuk' nk'aj achjab'!” Jala xub'ij che uqaw.
31»Nuqaw xub'ij che: “Nik'jol, xa mab'soj, at runjel ij at'o wuk' y runjel jumpa ub'itaqwe olik, at katkanaj pujlom. 32Per le', nmister che kqa'an nim'ij kujki'ktik, mal k'as na nacha' che peche mow kamnaq chik. Xsachik per xqariq chik. Jala xub'ij nachi che nuk'jol nab'a'al”». Jarela jun k'amb'al n'oj xub'ij Jesús.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global