San Lucas 14
14
Ri Jesús xuknaj jun achi che o spoj che
1Xurqa jun ij rech uxnb'al ij, x'e Jesús chirchoch jun fariseo che nim reqle'n, rech kutij uwa ruk'. Ni nk'aj chik fariseo kk'ak'lem Jesús sutaq ku'ono. 2O jun achi o koq chjuch Jesús che o spoj che. 3Ena xuta Jesús chke nk'aj ajtojnel rech kipxab' nk'aj aj Israel rich'il nk'aj fariseo, xub'ij chke:
—¿Le ya'talik che kiknax jun yab' chpam uxnb'al ij? —xche chke.
4Per ke xich'aw taj. Ri Jesús xuchap pnoq un yab', xuknaj. Tik'ri xub'ij che, che utz k'ek. 5Tik'ri xuta chik chke nk'aj achjab', xub'ij:
—We o jun ib'uru#14:5 We o jun ib'uru O nk'aj ujer taq wuj manuscrito kb'ix che rech Tyox Wuj che kikb'ij We o jun ik'jol. seno jun ib'oyix ktzaq b'i chpam jun k'wa', ¿mitji b'a kiwesaj loq chanim, miskini' chpam jun uxnb'al ij? —xche chke.
6Ni ke xikriq t chik su xikb'ij che.
Ri Jesús xub'ij che ustaj we jun kukoj rib' che nim reqle'n
7O nk'aj iyisk'im che utijwik kwa che xa jare kkitzkuj nk'aj tem che xa kech nk'aj nmaq keqle'n, rech kiyikb'e' chpam, kiktij kwa chu mixa. Echi' xuril Jesús che jala kik'ano, xyupixb'ej, xub'ij chke: 8«Echi' o jun mnaq katusk'ij chpam jun k'ulnem, xaq matikb'e' chpam jun tem che mas utz ka'yik, mal pent o jun chik ko'pnik che mismo sk'im chpam un k'ulnem che mas nim reqle'n chawuch at. 9Ni jun che jnam xixusk'ij, rechtla we kpi che ub'ixik chawe: “Chiy'a kan un tem che jun chik”, kche chawe. Ni at katk'ixik katwa'laj b'ik kajal akulb'al rech katikb'e' chpam jun chik tem che xaq pachinoq kikb'e' chpam, mal xa uk'isb'al tem. 10Echi' katisk'ixik, jare utz we chpam jun uk'isb'al tem katikb'e' wi che xaq pachinoq kikb'e' chpam, rech echi' kpi jun che xatusk'ij, kub'ij chawe: “Wich'il kat'ax chpam jun tem che mas utz ka'yik, kech nmaq keqle'n”, kche chawe. Xa jala' kikkoj a'ij nk'aj mnaq che iku'l chu mixa awuk', mal kikkilo che nim aweqle'n. 11Chin jun che mas nim kukoj rib', jare re xa ch'in k'an kan che, koksax t u'ij. Chin jun che xa ch'in kukoj rib', jare re kinmirsax na, koksax u'ij». Jala xub'ij Jesús chke.
12Ri Jesús xuch'ab'ej nachi che usk'im che utijwik uwa ruk', xub'ij che:
—Echi' ka'an wa rech rap'ij, seno rech nim'ij, xaq myask'ij mnaq che xa awich'il, rich'il we xa awachlal che ix'al kuk', rich'il jumpa nk'aj chik awachlal, rich'il jumpa ak'ulja che ib'yom. We xa jare ke kyask'ij, ke xa katkisk'ij chik at, y xa jala' peche mow kikya uk'xel chawe jumpa kaya chke. 13Echi' ka'an nim'ij, jare chyask'ij nk'aj che mas ipobre, rich'il nk'aj che xa skirnaq k'ab', rich'il nk'aj che xa k'ax kib'inik, soq rich'il nk'aj che xa kika'y taj. 14Utz awe we jala ka'ano, kpi utzil pajlom. Ke kiyikun taj kikya uk'xel chawe, per jare Dios kuya uk'xel chawe echi' kk'astaj kwuch nk'aj kamnaq che xik'an jun sk'umlaj k'asnmal chjuch Dios. —Jala xub'ij Jesús che nachi.
Ri Jesús xub'ij jun k'amb'al n'oj chrij jun nim'ij
(Mt 22:1-10)
15O jun chke nk'aj mnaq che ku'l che utijwik uwa chu mixa chla'. Echi' xuta' su xub'ij Jesús, ena xub'ij che:
—Utz re chinoq kutij uwa chla' jachi k'wi utzlaj atb'altzij rech Dios, —xche che.
16Ri Jesús xub'ij che:
—Chqana che che o jun achi xu'on jun nim'ij, y xyusk'ij ik'i mnaq rech kkitja kwa ruk'. 17Echi' xuriq hora kiktij kwa, xutaq b'i jun umoso che ub'ixik chke nk'aj mnaq che utqom ksik'xik; jarewa xutaq ub'ixik: “Chixpitoq, jiwla nim'ij, mal runjel yijb'am chik”, kche chke. 18Per kunjel nk'aj mnaqe' xikmaj utayik kuyb'al mak che. Jun che xch'aw nab'e xub'ij: “Tela xinlo' jun wlew y nmister kinwla'. Kakuy nmak, kinkun taj kimb'ek”, xche che. 19Nun chik xub'ij: “Tela xinlo' j'ob' (5) yunta nb'oyix y nmister kinwilo we qatz utz kiyichkunik. Kakuy nmak, kinkun taj kimb'ek”, xche che. 20Y nun chik xub'ij: “Tela keb' uxib' ij b'enaq che, che xink'le'ik, xa rmal kinkun taj kimb'ek”, xche che. 21Echi' xitzlij b'i un moso, runjel xub'ij che nupatrón sutaq xb'ix b'i che kmal nk'aj mnaq che utqom ksik'xik. Ena xpi riwal nupatrón che jala xik'ano. Xutaq chuloq jun b'welt chik numoso, xub'ij loq che: “Jat chanim xo'l taq b'e, xo'l taq ja rech tinmit, chiyak'ma loq mnaq che xa ipobre, rich'il nk'aj che xa skirnaq k'ab', rich'il nk'aj che xa k'ax kib'inik, soq rich'il nk'aj che xa kika'y taj”, xche che. 22Un moso xitzlij chuloq che ktzukxik. Tik'ri xo'pan chik ruk' nupatrón y xub'ij: “Ya xin'ano su xnataq b'i che u'anik y on usowra nk'aj tem rech kiyikb'e' mnaq chpam”, xche che. 23Nupatrón xub'ij chik che: “Jat jun b'welt chik chpam nmaq b'e rich'il chpam solb'al b'e, chyatzkuj nk'aj chik. Ka'an jwers chke kyak'am loq, mal jare kwaj in we knoj wchoch chke. 24Kimb'ij chiwe, che kunjel nk'aj che xintaq ksik'xik nab'e, ot jun kutja uwa wuk', mal xa xkixtuj, xche un rjaw nim'ij che”. —Jarewa jun k'amb'al n'oj xub'ij Jesús.#14:24 Un k'amb'al n'oj xub'ij Jesús kel kub'ij che jala kik'an mnaq, xa kkixtuj utzij Dios.
Ri Jesús xub'ij chke mnaq su rmal che k'ax kitrij jun chrij Re
(Mt 10:37-38)
25Jwert ik'i nk'aj mnaq itrin chrij Jesús. Re xutza'mej rib' xka'y chrij y xub'ij chke: 26«We o jun kraj knutrimb'ej, nmister che jare mas knul'oj in chikuch uqaw uchuch, rich'il rixqil ralk'al, soq rich'il ratz, ucha', y rnab'. Nmister che jare mas knul'oj in chikuch ke. We jala taj ku'ono, kikun taj kok che ndiscípulo. Soq we mas k'e uk'u'x ruk' uk'asnmal, kikun taj kok wuk' chpam nchak. 27Chin jun kraj kok wuk' chpam nchak, nmister che peche kutelej b'i ucruz,#14:27 Kel kub'ij che nmister che jun kutij k'ax che u'anik su kraj Qajaw Jesús. kitrij chwij. We kuch'ij taj che jala ku'ono, kikun taj kok che ndiscípulo.
28»We o jun chiwi'x kraj kuyak jun nimlaj rchoch, ¿xatb'a o mow kuyako we nab'e taj kikb'e' che rejlaxik urjil, rech kurilo we ku'ono jumpa kukoj che yakb'alre un rchoch? 29We kok che uyakik un rchoch, per xaw nk'aj ab'aj rech ukulb'al kukoj kanoq, tik'ri kikun taj kuk'is uyakik, kunjel jumpa mnaq kikkilo xa kiktij tze' che, 30kikb'ij: “Nachi le' xok che uyakik jun rchoch per xikun taj xuk'is uyakik”, kicha'.
31»Soq, we o jun achi tk'al pujlom jun nim tinmit kuchomaj kumaj ch'oj ruk' jun chik achi che xaq jnam keqle'n ruk', ¿xatb'a o mow ku'on ch'oj we nab'e taj kikb'e' che rilik we kikunik ku'i' uchu'ab' un chik, che ju'wnaq mil (20,000) soldado ruk'am, y ni re xa ljuj mil (10,000) soldado o ruk'? 32We kurilo che kikun taj ku'i' uchu'ab' un chik achi che k'i soldado ruk'am, kyutaq b'i utaqo'n ruk' echi' naj k'wi loq wi, rech kutaq ub'ixik che, che utz we kikchomaj kib' putzil. Xa jala' ot ch'oj kik'ano.
33»Xa jala', chin jun chiwi'x che kuya t kanoq runjel jumpa su o ruk', kikun taj kichkun wuk' peche ndiscípulo». Jala xub'ij Jesús chke mnaq.
Ri Jesús xub'ij che ri atz'am ot chuptan we kitzyin t chik
(Mt 5:13; Mr 9:50)
34«Mas o uptan atz'am. Per we kitzyin t chik, ¿su mow kqa'an che rech kitzyin chik? ¡Ot chuptan! 35Mowni utz chik we kya ptaq ulew rech ku'on mes, otch uchu'ab' ulew kuya'o. Xaq kitrix chub'ik, mal otchich su kajawtaj wi. Chin kkaj kikta ntzij, chiktatb'ej ruk' kixkin, utz utatb'xik kik'an che». Jala xub'ij Jesús chke mnaq.
လက္ရွိေရြးခ်ယ္ထားမွု
San Lucas 14: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Lucas 14
14
Ri Jesús xuknaj jun achi che o spoj che
1Xurqa jun ij rech uxnb'al ij, x'e Jesús chirchoch jun fariseo che nim reqle'n, rech kutij uwa ruk'. Ni nk'aj chik fariseo kk'ak'lem Jesús sutaq ku'ono. 2O jun achi o koq chjuch Jesús che o spoj che. 3Ena xuta Jesús chke nk'aj ajtojnel rech kipxab' nk'aj aj Israel rich'il nk'aj fariseo, xub'ij chke:
—¿Le ya'talik che kiknax jun yab' chpam uxnb'al ij? —xche chke.
4Per ke xich'aw taj. Ri Jesús xuchap pnoq un yab', xuknaj. Tik'ri xub'ij che, che utz k'ek. 5Tik'ri xuta chik chke nk'aj achjab', xub'ij:
—We o jun ib'uru#14:5 We o jun ib'uru O nk'aj ujer taq wuj manuscrito kb'ix che rech Tyox Wuj che kikb'ij We o jun ik'jol. seno jun ib'oyix ktzaq b'i chpam jun k'wa', ¿mitji b'a kiwesaj loq chanim, miskini' chpam jun uxnb'al ij? —xche chke.
6Ni ke xikriq t chik su xikb'ij che.
Ri Jesús xub'ij che ustaj we jun kukoj rib' che nim reqle'n
7O nk'aj iyisk'im che utijwik kwa che xa jare kkitzkuj nk'aj tem che xa kech nk'aj nmaq keqle'n, rech kiyikb'e' chpam, kiktij kwa chu mixa. Echi' xuril Jesús che jala kik'ano, xyupixb'ej, xub'ij chke: 8«Echi' o jun mnaq katusk'ij chpam jun k'ulnem, xaq matikb'e' chpam jun tem che mas utz ka'yik, mal pent o jun chik ko'pnik che mismo sk'im chpam un k'ulnem che mas nim reqle'n chawuch at. 9Ni jun che jnam xixusk'ij, rechtla we kpi che ub'ixik chawe: “Chiy'a kan un tem che jun chik”, kche chawe. Ni at katk'ixik katwa'laj b'ik kajal akulb'al rech katikb'e' chpam jun chik tem che xaq pachinoq kikb'e' chpam, mal xa uk'isb'al tem. 10Echi' katisk'ixik, jare utz we chpam jun uk'isb'al tem katikb'e' wi che xaq pachinoq kikb'e' chpam, rech echi' kpi jun che xatusk'ij, kub'ij chawe: “Wich'il kat'ax chpam jun tem che mas utz ka'yik, kech nmaq keqle'n”, kche chawe. Xa jala' kikkoj a'ij nk'aj mnaq che iku'l chu mixa awuk', mal kikkilo che nim aweqle'n. 11Chin jun che mas nim kukoj rib', jare re xa ch'in k'an kan che, koksax t u'ij. Chin jun che xa ch'in kukoj rib', jare re kinmirsax na, koksax u'ij». Jala xub'ij Jesús chke.
12Ri Jesús xuch'ab'ej nachi che usk'im che utijwik uwa ruk', xub'ij che:
—Echi' ka'an wa rech rap'ij, seno rech nim'ij, xaq myask'ij mnaq che xa awich'il, rich'il we xa awachlal che ix'al kuk', rich'il jumpa nk'aj chik awachlal, rich'il jumpa ak'ulja che ib'yom. We xa jare ke kyask'ij, ke xa katkisk'ij chik at, y xa jala' peche mow kikya uk'xel chawe jumpa kaya chke. 13Echi' ka'an nim'ij, jare chyask'ij nk'aj che mas ipobre, rich'il nk'aj che xa skirnaq k'ab', rich'il nk'aj che xa k'ax kib'inik, soq rich'il nk'aj che xa kika'y taj. 14Utz awe we jala ka'ano, kpi utzil pajlom. Ke kiyikun taj kikya uk'xel chawe, per jare Dios kuya uk'xel chawe echi' kk'astaj kwuch nk'aj kamnaq che xik'an jun sk'umlaj k'asnmal chjuch Dios. —Jala xub'ij Jesús che nachi.
Ri Jesús xub'ij jun k'amb'al n'oj chrij jun nim'ij
(Mt 22:1-10)
15O jun chke nk'aj mnaq che ku'l che utijwik uwa chu mixa chla'. Echi' xuta' su xub'ij Jesús, ena xub'ij che:
—Utz re chinoq kutij uwa chla' jachi k'wi utzlaj atb'altzij rech Dios, —xche che.
16Ri Jesús xub'ij che:
—Chqana che che o jun achi xu'on jun nim'ij, y xyusk'ij ik'i mnaq rech kkitja kwa ruk'. 17Echi' xuriq hora kiktij kwa, xutaq b'i jun umoso che ub'ixik chke nk'aj mnaq che utqom ksik'xik; jarewa xutaq ub'ixik: “Chixpitoq, jiwla nim'ij, mal runjel yijb'am chik”, kche chke. 18Per kunjel nk'aj mnaqe' xikmaj utayik kuyb'al mak che. Jun che xch'aw nab'e xub'ij: “Tela xinlo' jun wlew y nmister kinwla'. Kakuy nmak, kinkun taj kimb'ek”, xche che. 19Nun chik xub'ij: “Tela xinlo' j'ob' (5) yunta nb'oyix y nmister kinwilo we qatz utz kiyichkunik. Kakuy nmak, kinkun taj kimb'ek”, xche che. 20Y nun chik xub'ij: “Tela keb' uxib' ij b'enaq che, che xink'le'ik, xa rmal kinkun taj kimb'ek”, xche che. 21Echi' xitzlij b'i un moso, runjel xub'ij che nupatrón sutaq xb'ix b'i che kmal nk'aj mnaq che utqom ksik'xik. Ena xpi riwal nupatrón che jala xik'ano. Xutaq chuloq jun b'welt chik numoso, xub'ij loq che: “Jat chanim xo'l taq b'e, xo'l taq ja rech tinmit, chiyak'ma loq mnaq che xa ipobre, rich'il nk'aj che xa skirnaq k'ab', rich'il nk'aj che xa k'ax kib'inik, soq rich'il nk'aj che xa kika'y taj”, xche che. 22Un moso xitzlij chuloq che ktzukxik. Tik'ri xo'pan chik ruk' nupatrón y xub'ij: “Ya xin'ano su xnataq b'i che u'anik y on usowra nk'aj tem rech kiyikb'e' mnaq chpam”, xche che. 23Nupatrón xub'ij chik che: “Jat jun b'welt chik chpam nmaq b'e rich'il chpam solb'al b'e, chyatzkuj nk'aj chik. Ka'an jwers chke kyak'am loq, mal jare kwaj in we knoj wchoch chke. 24Kimb'ij chiwe, che kunjel nk'aj che xintaq ksik'xik nab'e, ot jun kutja uwa wuk', mal xa xkixtuj, xche un rjaw nim'ij che”. —Jarewa jun k'amb'al n'oj xub'ij Jesús.#14:24 Un k'amb'al n'oj xub'ij Jesús kel kub'ij che jala kik'an mnaq, xa kkixtuj utzij Dios.
Ri Jesús xub'ij chke mnaq su rmal che k'ax kitrij jun chrij Re
(Mt 10:37-38)
25Jwert ik'i nk'aj mnaq itrin chrij Jesús. Re xutza'mej rib' xka'y chrij y xub'ij chke: 26«We o jun kraj knutrimb'ej, nmister che jare mas knul'oj in chikuch uqaw uchuch, rich'il rixqil ralk'al, soq rich'il ratz, ucha', y rnab'. Nmister che jare mas knul'oj in chikuch ke. We jala taj ku'ono, kikun taj kok che ndiscípulo. Soq we mas k'e uk'u'x ruk' uk'asnmal, kikun taj kok wuk' chpam nchak. 27Chin jun kraj kok wuk' chpam nchak, nmister che peche kutelej b'i ucruz,#14:27 Kel kub'ij che nmister che jun kutij k'ax che u'anik su kraj Qajaw Jesús. kitrij chwij. We kuch'ij taj che jala ku'ono, kikun taj kok che ndiscípulo.
28»We o jun chiwi'x kraj kuyak jun nimlaj rchoch, ¿xatb'a o mow kuyako we nab'e taj kikb'e' che rejlaxik urjil, rech kurilo we ku'ono jumpa kukoj che yakb'alre un rchoch? 29We kok che uyakik un rchoch, per xaw nk'aj ab'aj rech ukulb'al kukoj kanoq, tik'ri kikun taj kuk'is uyakik, kunjel jumpa mnaq kikkilo xa kiktij tze' che, 30kikb'ij: “Nachi le' xok che uyakik jun rchoch per xikun taj xuk'is uyakik”, kicha'.
31»Soq, we o jun achi tk'al pujlom jun nim tinmit kuchomaj kumaj ch'oj ruk' jun chik achi che xaq jnam keqle'n ruk', ¿xatb'a o mow ku'on ch'oj we nab'e taj kikb'e' che rilik we kikunik ku'i' uchu'ab' un chik, che ju'wnaq mil (20,000) soldado ruk'am, y ni re xa ljuj mil (10,000) soldado o ruk'? 32We kurilo che kikun taj ku'i' uchu'ab' un chik achi che k'i soldado ruk'am, kyutaq b'i utaqo'n ruk' echi' naj k'wi loq wi, rech kutaq ub'ixik che, che utz we kikchomaj kib' putzil. Xa jala' ot ch'oj kik'ano.
33»Xa jala', chin jun chiwi'x che kuya t kanoq runjel jumpa su o ruk', kikun taj kichkun wuk' peche ndiscípulo». Jala xub'ij Jesús chke mnaq.
Ri Jesús xub'ij che ri atz'am ot chuptan we kitzyin t chik
(Mt 5:13; Mr 9:50)
34«Mas o uptan atz'am. Per we kitzyin t chik, ¿su mow kqa'an che rech kitzyin chik? ¡Ot chuptan! 35Mowni utz chik we kya ptaq ulew rech ku'on mes, otch uchu'ab' ulew kuya'o. Xaq kitrix chub'ik, mal otchich su kajawtaj wi. Chin kkaj kikta ntzij, chiktatb'ej ruk' kixkin, utz utatb'xik kik'an che». Jala xub'ij Jesús chke mnaq.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global