San Juan 18
18
Xchaptaj b'i Jesús
(Mt 26:47-56; Mr 14:43-50; Lc 22:47-53)
1Echi' x'antaj ch'ab'al rmal Jesús ruk' Dios, jnam xib'e kuk' nk'aj udiscípulo, jala ch'qap che jun ub'inb'al ja' che kumol rib' ptaq 'laj, Cedrón ub'i'. Xiyo'pan chla' jachi k'wi nulew che tkom che' rech olivos chjuch, xiyok chla' ruk' nk'aj udiscípulo. 2U Judas che kitjin che ujachik Jesús, rit'am jachi k'wi ch'qap ulewi', mal ri Jesús k'i b'welt o'panaq chla' kuk' nk'aj udiscípulo. 3U Judas xo'pan chla', ruk'am b'i k'ilaj taq soldado kpi chpam un tinmit Roma, rich'il nk'aj policía che itqom b'i kmal nk'aj ajk'mal b'e chke nk'aj rajchak Dios rich'il nk'aj fariseo. U Judas xyuk'am b'i jala jachi k'wi Jesús. Ke kuk'am klinterna, ktzuk'em k'a', kuk'am mchit, kyijb'am kib' rech ch'oj.
4Ri Jesús rit'am chik sutaq pitnaq chrij, xa rmal che nab'e xch'awik, xub'ij chke:
—¿Chin kitzkuj? —xche chke.
5Ni ke xikb'ij:
—Jare Jesús aj Nazaret kqatzkuj, —xiche che.
Ri Jesús xub'ij chke:
—In ri', —xche chke.
Kich'il loq u Judas, mal jare re kitjin che ujachik Jesús pik'ab'. 6Echi' xub'ij Jesús chke: «In ri'», xcha', xiyitzlij chkij, xitzaq chuchlew.
7Ri Jesús xutach jmul chik chke:
—¿Chin kitzkuj? —xche chke.
Ni ke xikb'ij:
—Jare Jesús aj Nazaret kqatzkuj, —xiche che.
8Ri Jesús xub'ij chke:
—Ximb'ij chiwe che in ri'. We jare in knitzkuj, chiy'a chke nk'aj che itrin chwij kib'ek, —xche chke.
9Jala xub'ij Jesús chke rech k'antaj na su ub'im kanoq echi' xub'ij: «Kunjel jumpa nk'aj che xya la chwe, ot jun xsach chke»,#Jn 6:39; 17:12. xcha'. 10U Simón Lu', o jun umchit, xuresaj loq, xusok numoso un nimlaj ajk'mal b'e chke nk'aj rajchak Dios, xuram nuxkin pu'b'im un moso. Nun moso, jare Malco ub'i'. 11Ni Jesús xub'ij che u Lu':
—Chiklo namchit chpam rchoch. We jare nQaw kraj che kik'an na k'ax chwe, ¿le nmister ti k'la kinriq k'ax? —xche che.
Ri Jesús o chjuch un nimlaj ajk'mal b'e chke nk'aj rajchak Dios
(Mt 26:57-58; Mr 14:53-54; Lc 22:54)
12Ni nk'aj soldado rich'il jun che tk'al pkijlom, rich'il nk'aj policía, xikchap Jesús, xikximo. 13Tik'ri xikk'am b'i jala ruk' u Anás. U Anás jare uji' u Caifás mal jare umb'al u Anás ri rxoq u Caifás. Chpam un jnab'e', jare u Caifás nimlaj ajk'mal b'e chke nk'aj rajchak Dios. 14Jare u Caifás ub'im kan chke nk'aj aj Israel, che jare utz we xa jun achi kkam pujlom ktinmit.#Jn 11:49-50.
U Lu' xub'ij che rit'am t uwuch Jesús
(Mt 26:69-70; Mr 14:66-68; Lc 22:55-57)
15U Simón Lu' rich'il jun chik chke nk'aj udiscípulo Jesús, xiyitrij b'i chrij Jesús jala jachi xikk'am b'i wi. Nun rjaw ja, che jare nimlaj ajk'mal b'e chke nk'aj rajchak Dios, rit'am uwuch un rich'il u Lu', xa rmal che xya che re xok chuja ruk'. 16U Lu' xkanaj kan chrij un ja, chla' jachi k'wi nuchija. Nun rich'il che xok pja, che kit'am kwuch kib' ruk' un nimlaj ajk'mal b'e chke nk'aj rajchak Dios, xch'aw ruk' nali che iyu'atim mnaq chpam nuchija, rech kuya che u Lu' che kok b'ik. Xa jala', xok b'i u Lu'. 17Ni nali che kuchjij nuchija, xub'ij che u Lu':
—¿Le at jun taj at chikxo'l nk'aj udiscípulo nachi? —xche che.
Nu Lu' xub'ij:
—In njun taj chikxo'l, —xche che nali.
18Ni tew jwert kxu'wik, jare rmal che nk'aj umoso un rjaw ja, rich'il nk'aj policía, xiknuk' jun a' rech kikmi'saj kib' chrij. Itk'al chuchi' un a', nu Lu' tk'al koq kuk', kumi'saj rib' chrij un a'.
Un nimlaj ajk'mal b'e chke nk'aj rajchak Dios xuk'ot uchi' Jesús
(Mt 26:59-66; Mr 14:55-64; Lc 22:66-71)
19Un nimlaj ajk'mal b'e chke nk'aj rajchak Dios, xumaj uk'otik uchi' Jesús. Ena xuta che, ichin nk'aj udiscípulo, soq xuta che, su kyutjoj che. 20Ni Jesús xub'ij che:
—In chikuch kmon mnaq xinch'aw wi echi' xinch'aw kuk' mnaq che iy'o chi' chuchlew. In kyintjoj nk'aj mnaq ptaq rchoch Dios, rich'il chpam nimlaj rchoch Dios, chla' jachi kikriq kib' kunjel nk'aj aj Israel. Ot su ximb'ij che xa p'el'al. 21¿Suche che xa chwe in kata wi? Kata chke chintaq ktom su nb'im. Kit'am ke sutaq nb'im chke, —xche Jesús che.
22Xaw jala xb'itaj rmal Jesús, o jun chke nk'aj policía, che o pnoq chla', xuya jun ab' chuplaj Jesús, tik'ri xub'ij che:
—¿Le jala kab'ij rech kak'ul uwuch utzij un nimlaj ajk'mal b'e chke nk'aj rajchak Dios? —xche che.
23Ri Jesús xub'ij che:
—We ustaj su ximb'ij, chb'ij chwe chinchke ustaj. Per we utz su ximb'ij, ¿suche knach'ayo? —xche che.
24U Anás xutaq b'i Jesús jala ruk' un nimlaj ajk'mal b'e chke nk'aj rajchak Dios che Caifás ub'i'. Ri Jesús ximtal na echi' x'ek.
U Lu' xub'ij jmul chik che rit'am t uwuch Jesús
(Mt 26:71-75; Mr 14:69-72; Lc 22:58-62)
25U Simón Lu' tk'al koq kuk' nk'aj mnaq, kitjinik kumi'saj rib' chrij un a'. Ena xikb'ij che:
—¿Le at jun taj at kuk' nk'aj udiscípulo Jesús? —xiche che.
Nu Lu' xuk'am t u'ab' su xb'ix che, xub'ij:
—Njun taj kuk', —xche chke.
26O jun chke nk'aj umoso un nimlaj ajk'mal b'e chke nk'aj rajchak Dios, rachlal jun che xram nuxkin rmal u Lu', xub'ij che u Lu':
—¿Le xa xatinwil taj in che at'o ruk' Jesús, jala chpam nulew jachi tkom wi che'? —xche che.
27U Lu', jmul chik xuk'am t u'ab' su xb'ix che. Chanim xo' jun k'jo'l.
Ri Jesús xoksax chjuch u Pilato
(Mt 27:1-2,11-31; Mr 15:1-20; Lc 23:1-25)
28Tik'ri k'ut, nk'aj aj Israel b'ajchi' xkesaj b'i Jesús chirchoch u Caifás, xikk'am b'i jala chpam un nimlaj ja jachi k'wi nachi aj Roma che nim atb'altzij o pu'ab'. Echi' xiyo'pnik, sqarnaq chik, ena nk'aj aj Israel xiyok taj pja.#18:28 We kiyok nk'aj aj Israel chpam rchoch jun aj Israel taj, tqal t chik chke kiktij wa rech qaj'ij che uk'ulik Pascua. 29Xa rmal che u Pilato xel loq, xch'aw kuk', xuta chke:
—¿Su umak nachi chiwuch? —xche chke.
30Ni ke xikb'ij che:
—Wet ajb'nal mak taj, kqajach t ri' pi'ab' la, —xiche che.
31Tik'ri xub'ij u Pilato chke:
—Chik'ma b'ik, china atb'altzij ix pujlom ruk' ipxab' ix, —xche chke.
Ni nk'aj aj Israel xikb'ij:
—Qo'j xa ujaj Israel, y'om t atb'altzij piq'ab' rech kqakamsaj jun mnaq, —xiche che.
32Jala xu'ono rech k'antaj na su xub'ij Jesús, echi' xub'ij su kik'an che echi' kkamsxik.#Jn 3:14; 8:28; 12:32. 33U Pilato xok chub'i chpam un nimlaj ja, xuch'ab'ej Jesús, xub'ij che:
—¿Le jare at atitk'al pkijlom nk'aj aj Israel? —xche che.
34Ri Jesús xub'ij che:
—¿Le xaq at katb'inre? ¿Le xa o chin xb'inre chawe che in ntk'al pkijlom nk'aj aj Israel? —xche Jesús che.
35U Pilato xub'ij che:
—¿Le xa naj Israel in? Nk'aj amnaq chpam atinmit, rich'il nk'aj rajchak Dios, at kijchom pin'ab'. ¿Su amak anom? —xche u Pilato che Jesús.
36Ri Jesús xub'ij che:
—Ri n'atb'altzij in jachi kin'an atb'altzij, chi' taj chuchlew k'wi. Wet chi' chuchlew k'wi, kunjel jumpa mnaq che kiyitrij chwij, kich'o'jan tri', rech kinjachtaj taj pik'ab' nk'aj aj Israel. Nk'olb'al jachi kin'an ntaqnik, chi' taj k'wi, —xche Jesús che.
37Tik'ri xub'ij u Pilato che Jesús:
—¿Jare b'ala at atitk'al pujlom jun tinmit mnaq? —xche che.
Ri Jesús xub'ij che:
—At xatb'inre che in ntk'al pujlom jun tinmit mnaq. In xnalax chi' chuchlew rech kinya ub'ixik saqlaj tzij. Chin jun che kukojo soq ku'ono ri saqlaj tzij, kutatb'ej su kimb'ij, —xche che.
38U Pilato xub'ij che:
—¿Chinchke ri' ri saqlaj tzij? —xcha'.
Xaw jala xb'itaj rmal, xel chub'i jala kuk' nk'aj aj Israel, xub'ij chke:
—In ot umak nachi kinriqo. 39Ix k'manaq chiwe che ktzaqpix b'i jun chke mnaq iy'o pkarsa echi' kurqa nim'ij rech Pascua. ¿Le kiwaj che jare nachi che tk'al pkijlom nk'aj aj Israel kintzaqpij b'ik? —xche chke.
40Kunjel xiksik'b'aj kib', xikb'ij:
—Kqaj taj che jare re ktzaqpix b'ik, jare ktzaqpix b'i u Barrabás, —xiche che.
Nu Barrabás xa el'om.
လက္ရွိေရြးခ်ယ္ထားမွု
San Juan 18: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Juan 18
18
Xchaptaj b'i Jesús
(Mt 26:47-56; Mr 14:43-50; Lc 22:47-53)
1Echi' x'antaj ch'ab'al rmal Jesús ruk' Dios, jnam xib'e kuk' nk'aj udiscípulo, jala ch'qap che jun ub'inb'al ja' che kumol rib' ptaq 'laj, Cedrón ub'i'. Xiyo'pan chla' jachi k'wi nulew che tkom che' rech olivos chjuch, xiyok chla' ruk' nk'aj udiscípulo. 2U Judas che kitjin che ujachik Jesús, rit'am jachi k'wi ch'qap ulewi', mal ri Jesús k'i b'welt o'panaq chla' kuk' nk'aj udiscípulo. 3U Judas xo'pan chla', ruk'am b'i k'ilaj taq soldado kpi chpam un tinmit Roma, rich'il nk'aj policía che itqom b'i kmal nk'aj ajk'mal b'e chke nk'aj rajchak Dios rich'il nk'aj fariseo. U Judas xyuk'am b'i jala jachi k'wi Jesús. Ke kuk'am klinterna, ktzuk'em k'a', kuk'am mchit, kyijb'am kib' rech ch'oj.
4Ri Jesús rit'am chik sutaq pitnaq chrij, xa rmal che nab'e xch'awik, xub'ij chke:
—¿Chin kitzkuj? —xche chke.
5Ni ke xikb'ij:
—Jare Jesús aj Nazaret kqatzkuj, —xiche che.
Ri Jesús xub'ij chke:
—In ri', —xche chke.
Kich'il loq u Judas, mal jare re kitjin che ujachik Jesús pik'ab'. 6Echi' xub'ij Jesús chke: «In ri'», xcha', xiyitzlij chkij, xitzaq chuchlew.
7Ri Jesús xutach jmul chik chke:
—¿Chin kitzkuj? —xche chke.
Ni ke xikb'ij:
—Jare Jesús aj Nazaret kqatzkuj, —xiche che.
8Ri Jesús xub'ij chke:
—Ximb'ij chiwe che in ri'. We jare in knitzkuj, chiy'a chke nk'aj che itrin chwij kib'ek, —xche chke.
9Jala xub'ij Jesús chke rech k'antaj na su ub'im kanoq echi' xub'ij: «Kunjel jumpa nk'aj che xya la chwe, ot jun xsach chke»,#Jn 6:39; 17:12. xcha'. 10U Simón Lu', o jun umchit, xuresaj loq, xusok numoso un nimlaj ajk'mal b'e chke nk'aj rajchak Dios, xuram nuxkin pu'b'im un moso. Nun moso, jare Malco ub'i'. 11Ni Jesús xub'ij che u Lu':
—Chiklo namchit chpam rchoch. We jare nQaw kraj che kik'an na k'ax chwe, ¿le nmister ti k'la kinriq k'ax? —xche che.
Ri Jesús o chjuch un nimlaj ajk'mal b'e chke nk'aj rajchak Dios
(Mt 26:57-58; Mr 14:53-54; Lc 22:54)
12Ni nk'aj soldado rich'il jun che tk'al pkijlom, rich'il nk'aj policía, xikchap Jesús, xikximo. 13Tik'ri xikk'am b'i jala ruk' u Anás. U Anás jare uji' u Caifás mal jare umb'al u Anás ri rxoq u Caifás. Chpam un jnab'e', jare u Caifás nimlaj ajk'mal b'e chke nk'aj rajchak Dios. 14Jare u Caifás ub'im kan chke nk'aj aj Israel, che jare utz we xa jun achi kkam pujlom ktinmit.#Jn 11:49-50.
U Lu' xub'ij che rit'am t uwuch Jesús
(Mt 26:69-70; Mr 14:66-68; Lc 22:55-57)
15U Simón Lu' rich'il jun chik chke nk'aj udiscípulo Jesús, xiyitrij b'i chrij Jesús jala jachi xikk'am b'i wi. Nun rjaw ja, che jare nimlaj ajk'mal b'e chke nk'aj rajchak Dios, rit'am uwuch un rich'il u Lu', xa rmal che xya che re xok chuja ruk'. 16U Lu' xkanaj kan chrij un ja, chla' jachi k'wi nuchija. Nun rich'il che xok pja, che kit'am kwuch kib' ruk' un nimlaj ajk'mal b'e chke nk'aj rajchak Dios, xch'aw ruk' nali che iyu'atim mnaq chpam nuchija, rech kuya che u Lu' che kok b'ik. Xa jala', xok b'i u Lu'. 17Ni nali che kuchjij nuchija, xub'ij che u Lu':
—¿Le at jun taj at chikxo'l nk'aj udiscípulo nachi? —xche che.
Nu Lu' xub'ij:
—In njun taj chikxo'l, —xche che nali.
18Ni tew jwert kxu'wik, jare rmal che nk'aj umoso un rjaw ja, rich'il nk'aj policía, xiknuk' jun a' rech kikmi'saj kib' chrij. Itk'al chuchi' un a', nu Lu' tk'al koq kuk', kumi'saj rib' chrij un a'.
Un nimlaj ajk'mal b'e chke nk'aj rajchak Dios xuk'ot uchi' Jesús
(Mt 26:59-66; Mr 14:55-64; Lc 22:66-71)
19Un nimlaj ajk'mal b'e chke nk'aj rajchak Dios, xumaj uk'otik uchi' Jesús. Ena xuta che, ichin nk'aj udiscípulo, soq xuta che, su kyutjoj che. 20Ni Jesús xub'ij che:
—In chikuch kmon mnaq xinch'aw wi echi' xinch'aw kuk' mnaq che iy'o chi' chuchlew. In kyintjoj nk'aj mnaq ptaq rchoch Dios, rich'il chpam nimlaj rchoch Dios, chla' jachi kikriq kib' kunjel nk'aj aj Israel. Ot su ximb'ij che xa p'el'al. 21¿Suche che xa chwe in kata wi? Kata chke chintaq ktom su nb'im. Kit'am ke sutaq nb'im chke, —xche Jesús che.
22Xaw jala xb'itaj rmal Jesús, o jun chke nk'aj policía, che o pnoq chla', xuya jun ab' chuplaj Jesús, tik'ri xub'ij che:
—¿Le jala kab'ij rech kak'ul uwuch utzij un nimlaj ajk'mal b'e chke nk'aj rajchak Dios? —xche che.
23Ri Jesús xub'ij che:
—We ustaj su ximb'ij, chb'ij chwe chinchke ustaj. Per we utz su ximb'ij, ¿suche knach'ayo? —xche che.
24U Anás xutaq b'i Jesús jala ruk' un nimlaj ajk'mal b'e chke nk'aj rajchak Dios che Caifás ub'i'. Ri Jesús ximtal na echi' x'ek.
U Lu' xub'ij jmul chik che rit'am t uwuch Jesús
(Mt 26:71-75; Mr 14:69-72; Lc 22:58-62)
25U Simón Lu' tk'al koq kuk' nk'aj mnaq, kitjinik kumi'saj rib' chrij un a'. Ena xikb'ij che:
—¿Le at jun taj at kuk' nk'aj udiscípulo Jesús? —xiche che.
Nu Lu' xuk'am t u'ab' su xb'ix che, xub'ij:
—Njun taj kuk', —xche chke.
26O jun chke nk'aj umoso un nimlaj ajk'mal b'e chke nk'aj rajchak Dios, rachlal jun che xram nuxkin rmal u Lu', xub'ij che u Lu':
—¿Le xa xatinwil taj in che at'o ruk' Jesús, jala chpam nulew jachi tkom wi che'? —xche che.
27U Lu', jmul chik xuk'am t u'ab' su xb'ix che. Chanim xo' jun k'jo'l.
Ri Jesús xoksax chjuch u Pilato
(Mt 27:1-2,11-31; Mr 15:1-20; Lc 23:1-25)
28Tik'ri k'ut, nk'aj aj Israel b'ajchi' xkesaj b'i Jesús chirchoch u Caifás, xikk'am b'i jala chpam un nimlaj ja jachi k'wi nachi aj Roma che nim atb'altzij o pu'ab'. Echi' xiyo'pnik, sqarnaq chik, ena nk'aj aj Israel xiyok taj pja.#18:28 We kiyok nk'aj aj Israel chpam rchoch jun aj Israel taj, tqal t chik chke kiktij wa rech qaj'ij che uk'ulik Pascua. 29Xa rmal che u Pilato xel loq, xch'aw kuk', xuta chke:
—¿Su umak nachi chiwuch? —xche chke.
30Ni ke xikb'ij che:
—Wet ajb'nal mak taj, kqajach t ri' pi'ab' la, —xiche che.
31Tik'ri xub'ij u Pilato chke:
—Chik'ma b'ik, china atb'altzij ix pujlom ruk' ipxab' ix, —xche chke.
Ni nk'aj aj Israel xikb'ij:
—Qo'j xa ujaj Israel, y'om t atb'altzij piq'ab' rech kqakamsaj jun mnaq, —xiche che.
32Jala xu'ono rech k'antaj na su xub'ij Jesús, echi' xub'ij su kik'an che echi' kkamsxik.#Jn 3:14; 8:28; 12:32. 33U Pilato xok chub'i chpam un nimlaj ja, xuch'ab'ej Jesús, xub'ij che:
—¿Le jare at atitk'al pkijlom nk'aj aj Israel? —xche che.
34Ri Jesús xub'ij che:
—¿Le xaq at katb'inre? ¿Le xa o chin xb'inre chawe che in ntk'al pkijlom nk'aj aj Israel? —xche Jesús che.
35U Pilato xub'ij che:
—¿Le xa naj Israel in? Nk'aj amnaq chpam atinmit, rich'il nk'aj rajchak Dios, at kijchom pin'ab'. ¿Su amak anom? —xche u Pilato che Jesús.
36Ri Jesús xub'ij che:
—Ri n'atb'altzij in jachi kin'an atb'altzij, chi' taj chuchlew k'wi. Wet chi' chuchlew k'wi, kunjel jumpa mnaq che kiyitrij chwij, kich'o'jan tri', rech kinjachtaj taj pik'ab' nk'aj aj Israel. Nk'olb'al jachi kin'an ntaqnik, chi' taj k'wi, —xche Jesús che.
37Tik'ri xub'ij u Pilato che Jesús:
—¿Jare b'ala at atitk'al pujlom jun tinmit mnaq? —xche che.
Ri Jesús xub'ij che:
—At xatb'inre che in ntk'al pujlom jun tinmit mnaq. In xnalax chi' chuchlew rech kinya ub'ixik saqlaj tzij. Chin jun che kukojo soq ku'ono ri saqlaj tzij, kutatb'ej su kimb'ij, —xche che.
38U Pilato xub'ij che:
—¿Chinchke ri' ri saqlaj tzij? —xcha'.
Xaw jala xb'itaj rmal, xel chub'i jala kuk' nk'aj aj Israel, xub'ij chke:
—In ot umak nachi kinriqo. 39Ix k'manaq chiwe che ktzaqpix b'i jun chke mnaq iy'o pkarsa echi' kurqa nim'ij rech Pascua. ¿Le kiwaj che jare nachi che tk'al pkijlom nk'aj aj Israel kintzaqpij b'ik? —xche chke.
40Kunjel xiksik'b'aj kib', xikb'ij:
—Kqaj taj che jare re ktzaqpix b'ik, jare ktzaqpix b'i u Barrabás, —xiche che.
Nu Barrabás xa el'om.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global