Hechos 9
9
U Saulo xukoj utzlaj taq rson chrij Qajaw Jesús
1Per nu Saulo kitjin na che ub'ixik che kyukamsaj nk'aj mnaq che kikjom utzij Qajaw Jesús. Xyuxb'ij rmal riwal. Ena, x'e ruk' un nimlaj ajk'mal b'e chke nk'aj rajchak Dios, 2rech kuta nk'aj wuj che, jachi tz'ib'tal wi che o atb'altzij pu'ab' rech kok ptaq nk'aj rchoch Dios chpam tinmit Damasco. Rech jala', o mow kyutzkuj nk'aj mnaq ikjonaq chpam un k'ak' b'e rech Jesucristo, chachjab' chixqib'. Tik'ri', we kyuriqo, o mow kyuchapo, kyuk'am loq, rech kiyoksax pkarsa chla' Jerusalén. 3U Saulo b'enaq chpam b'e k'e chpam tinmit Damasco. Xa nqaj chik k'wi che un tinmit, ti xaq t'et xitluw jun nimlaj a' ruk', xustuj rib' chrij. Jala upitik un a' chkaj. 4Ena xtzaq chuchlew, tik'ri xuta uch'ab'al Jun che xch'aw loq chkaj, xub'ij che:
—Saulo, Saulo, ¿suche ka'an un nimlaj k'ax chwe? —xcha'.
5U Saulo xub'ij:
—¿Chin la, Wjaw? —xche che.
Ni Jun che kch'aw ruk', xub'ij che:
—¡In nJesús! Un k'ax che katitjin che u'anik, jare chwe in katitjinik ka'an wi. Soq xa atkel at ka'an k'ax awib', jala peche ku'on un chkop echi' kukoj aqan che jun che' ji's uwi', —xche che.
6U Saulo xux'ej rib', kb'arb'atik, xub'ij:
—Wjaw, ¿su kaj la che kin'ano? —xche che.#9:5-6 O nk'aj ujer taq wuj rech Tyox Wuj, manuscrito kb'ix che, che tz'ib'tal taj Soq xa atkel at ka'an k'ax awib', jala peche ku'on un chkop echi' kukoj aqan che jun che' ji's uwi', —xche che. 6 U Saulo xux'ej rib', kb'arb'atik, xub'ij: —Wjaw, ¿su kaj la che kin'ano? —xche che chpam.
Ena xub'ij Qajaw Jesús che:
—Katwa'ljoq, jat ptinmit, chla' kb'ix na chawe chinchke nmister ka'ano, —xche che.
7Ni nk'aj achjab' che rich'il u Saulo ib'enaq chpam b'e, xiyitk'e'ik, xsach kk'u'x ruk', mal ot chin jun xkil uwuch, xaq xaw uch'ab'al xikta' che xch'awik. 8Tik'ri xwa'laj u Saulo chuchlew, per echi' xutor uwuch, kka'y t chik. Xa rmal, xa xch'elex chub'ik, xk'am b'i chpam tinmit Damasco. 9Uxib' ij xu'on chla' che kka'y taj. Y ot su kri' xutijo, mowni uwa, mowni umi'na'.
10Ena o jun ajkojnel chpam tinmit Damasco Ananías ub'i'. Ri Qajaw Jesús xuk'ut rib' chjuch y xub'ij che:
—¡Ananías! —xche che.
Ni re xch'awik, xub'ij:
—N'oliki', Qajaw, —xche che.
11Ri Qajaw Jesús xub'ij che:
—Katwa'ljoq, jat chpam un b'e che kb'ix “Sk'um” che. Echi' kato'pan chirchoch u Judas, kata che we o nachi chla' che kpi chpam tinmit Tarso che Saulo ub'i'. Le', kitjinik ku'on uch'ab'al ruk' Dios. 12Y Dios o jun k'utb'al xuk'ut chjuch u Saulo. Re xaturil at atAnanías, che xatok b'i ruk' y xaya a'ab' pujlom rech kka'y jun b'welt chik. —Jala xub'ij Qajaw Jesús che u Ananías.
13Echi' xuta u Ananías che jala xb'ix che, ena xub'ij:
—Qajaw, ik'i mnaq kb'im chwe su umow nachi ri', che k'i uwuch k'ax unom chke mnaq chla' Jerusalén chintaq kikjom tzij la. 14Ni le' pitnaq chik quk' y xya atb'altzij pu'ab' kmal nk'aj achjab' itk'al pkijlom nk'aj rajchak Dios, rech kyuchap b'ik, kyukoj pkarsa jumpa mnaq che kikkoj ab'i' echi' kik'an kch'ab'al ruk' Dios, —xche che.
15Per ni Qajaw Jesús xub'ij chik che:
—¡Jat b'a'! Mal in xinchay loq nachi ri' rech kub'ij utzlaj taq tzij chwij In chke mnaq chpam nk'aj chik tinmit che iyaj Israel taj, soq rich'il nk'aj mnaq che itk'al pkijlom, y soq rech kub'ij chke nk'aj mnaq che iyaj Israel. 16In kink'ut na chjuch su jun nimlaj k'ax kuriq na rmal wech In. —Jala xub'ij Qajaw Jesús che u Ananías.
17Ena x'e u Ananías chpam un ja jachi k'wi u Saulo. Echi' xok b'ik, xuya u'ab' pujlom u Saulo, xub'ij che: «Wachlal Saulo, ri Qajaw Jesús, che xuk'ut rib' chawuch chpam b'e echi' atpitnaq, jare Re xnutaq loq rech katinknaj, rech katka'y jun b'welt chik, y soq rech knoj awanma' che uchu'ab' Tyoxlaj Uxlab'xel», xche che.
18Ena mismo chanim o su xtzaq loq chpam uwuch u Saulo che peche mow slot. Xaq ruk', xka'y jun b'welt chik, xwa'ljik, y x'an uqasna'. 19Tik'ri xutij uwa y xpich uchu'ab' jun b'welt chik.
U Saulo kub'ij utzij Dios chpam tinmit Damasco
Xa jala', xkanaj kan keb' uxib' ij kuk' nk'aj ajkojnel che iy'o chla' Damasco. 20U Saulo, echi' k'chojnaq chik, chanim xumaj ub'ixik utzij Dios chpam nk'aj rchoch Dios. Xub'ij che ri Jesús, jare Re uK'jol Dios. 21Kunjel jumpa mnaq che kiyitjinik kiktatb'ej sutaq kub'ij, mas xikmiyma'. Ena xikb'ij: «¿Le jare t k'ut nachi ri' che kitjinik ku'on k'ax chke mnaq chintaq kikb'ij ub'i' Jesús chla' Jerusalén ast retal xutzjuj kikmik? ¿Le jare t k'ut re xpi chi' che kchapik mnaq che kikjom utzij Jesús rech kyujach pik'ab' nk'aj achjab' che itk'al pkijlom nk'aj rajchak Dios?» xicha'.
22Per nu Saulo xa xukoj mas uchu'ab' che ub'ixik utzij Dios, ast retal xusach kin'oj nk'aj aj Israel che iy'o chla' Damasco. U Saulo xuk'ut chikuch che Qajaw Jesús jare Re ri Cristo, xchay rmal Dios.#9:22 Cristo kel kub'ij jun chaytajnaq rmal Dios. Un tzij Mesías xaq jnam kilwi.
U Saulo xanmaj b'i chikuch nk'aj aj Israel
23Echi' b'enaqch k'i ij che, nk'aj aj Israel jnam xikchomaj chikuch che kikkamsaj u Saulo. 24Per ni re xurit'amaj su kiyitjin che uchomxik chrij che xa kikkamsaj. Ke, chip'ij cha'ab' kikk'ak'lej tza'm taq ja che un tinmit, rech kikkamsaj. 25Per ni nk'aj ajkojnel xikto' u Saulo pik'ab' mnaq. Xikya chpam jun nimlaj chkach cha'ab', tik'ri xikqasaj b'i chrij un tapya o chrij tinmit.
U Saulo xo'pan chpam tinmit Jerusalén
26Echi' xo'pan u Saulo chpam tinmit Jerusalén, jare xraj re wet kkuk'aj kib' kuk' nk'aj ajkojnel, per kunjel ke xa xkix'ej kib' che, mal kikkoj taj che ya kojnel chik re. 27Ena xpi u Bernabé, xuk'am b'i u Saulo kuk' nk'aj apóstol rech kikch'ob' uwuch. Tik'ri xumaj ub'ixik chke su mow che u Saulo xuril uwuch Qajaw Jesús chpam b'e, y su mow ti xch'aw Jesús ruk'. U Bernabé soq xub'ij chke su mow che u Saulo xu'on jun kowlaj k'u'x rech xub'ij utzlaj taq rson chrij Jesús chla' Damasco. 28Xa jala', xkanaj kan u Saulo kuk' nk'aj ajkojnel chla' Jerusalén y x'e kuk' jachi taq xib'e wi. Re, kux'ej t rib' che kch'ab'xik mnaq pub'i' Qajaw. 29Xch'aw kuk' nk'aj aj Israel che kich'aw chpam tzij griego, y xikchap kib' che tzij kuk'. Per ni ke xa kkitzkuj su mow kik'an che ukamsxik. 30Nk'aj ajkojnel, echi' xikta rson su k'antjik, ena xikk'am b'i u Saulo chpam tinmit Cesarea, tik'ri xiktaq chub'i chpam tinmit Tarso.
31Xa jala' xu'xan ch'oj chkij kunjel jumpa ajkojnel iy'o chla' Judea, rich'il Galilea, soq rich'il Samaria. Xikriq utzil chikxo'l y kitjinik kyu'on mas ko chpam kkojb'al. Ke, xaq kix'em kib' chjuch Qajaw, mal mas kkinmirsaj u'ij. Ri Tyoxlaj Uxlab'xel ku'on chke che mas kitjinik kik'irik.
U Eneas xiknaxik
32Chpam jun tiempo, echi' kitjin u Lu' kik'ol kuk' nk'aj ajkojnel ptaq tinmit, soq x'e che kilik nk'aj ajkojnel iy'o chpam tinmit Lida. 33Ena o jun achi xuriq chla' Eneas ub'i', nachi ri', waxqib' (8) jnab' b'enaq chik che, che xaq o chik chu ch'at, mal xa skirnaq ch'qap che ub'qil. 34Ena xub'ij u Lu' che:
—Eneas, ri Qajaw Jesucristo katuknaj. Katwa'ljoq, chiyka nasok, —xche che.
Ena mismo chanim xwa'laj u Eneas.
35Y kunjel jumpa mnaq iy'o chpam tinmit Lida, rich'il nk'aj iy'o chpam un lyar Sarón, xkilo che jala x'antjik. Ena xikya kan nk'aj ujer taq kcostumbre y jare xiyikjon che Qajaw Jesús, xikjach kib' pu'ab' Re.
36Chpam un tiempo le', o jun ixoq ajkojnel chpam tinmit Jope che Tabita ub'i', per Dorcas kb'ix che chpam tzij griego. Nixoqi', xaw kupatnij u'anik utzil chke mnaq, xyuto'o chintaq o nmister chke. 37Chpam un tiempo ri', xpi uyab' il Dorcas y xkamik. Echi' kojtanaq chitnem che nixoq che xkamik, xya chla' chpam jun upja che katiq k'wi loq wi. 38Un tinmit Jope xa nqaj k'wi che un tinmit Lida, chla' jachi kriqtaj wi u Lu'. Ena echi' xikta rson nk'aj ajkojnel che chla' k'wi u Lu', xiktaq b'i keb' achjab' ruk' rech xikkoj kchu'ab' che ub'ixik che, xikb'ij: «China jun t'ob' katjosaj quk' chanim», xiche che.
39Ena chanim xwa'laj u Lu', x'e kuk'. Echi' xo'pnik, xikk'am b'i chla' jachi k'wi un kamnaq, y xipi nk'aj b'yu't ixqib' xikmol kib' chrij u Lu', per mas kiyo'ik. Xikk'ut chjuch jumpa nk'aj po't rich'il nk'aj chik atz'yaq che unom il Dorcas echi' k'aslik. 40Ena u Lu' xyuresaj loq jumpa nk'aj mnaq che iy'o chla', tik'ri xixke'ik xu'on uch'ab'al ruk' Dios. Xuril qaj nixoq che kamnaq, ena xub'ij che:
—Tabita, katwa'ljoq, —xche che.
Ena xka'y nixoq, y echi' xuril uwuch u Lu', xwa'ljik xikb'e'ik. 41U Lu' xuchap qaj il Dorcas che u'ab', xuwa'lsaj; tik'ri xyusk'ij nk'aj b'yu't ixqib' rich'il nk'aj chik ajkojnel iy'o chla', tik'ri xuya nixoq chikuch che kamnaq nab'e, per ya k'astajnaqch uwuch. 42Un milagro che x'antjiki', x'e rson chpam runjel un tinmit Jope. Ena xa rmal, mas ik'i mnaq xiyikjon che Qajaw Jesús. 43U Lu' naj xkanaj kan chla' chpam tinmit Jope, chirchoch jun achi che ku'on uchak ruk' tz'um, Simón ub'i' nachi ri'.
လက္ရွိေရြးခ်ယ္ထားမွု
Hechos 9: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 9
9
U Saulo xukoj utzlaj taq rson chrij Qajaw Jesús
1Per nu Saulo kitjin na che ub'ixik che kyukamsaj nk'aj mnaq che kikjom utzij Qajaw Jesús. Xyuxb'ij rmal riwal. Ena, x'e ruk' un nimlaj ajk'mal b'e chke nk'aj rajchak Dios, 2rech kuta nk'aj wuj che, jachi tz'ib'tal wi che o atb'altzij pu'ab' rech kok ptaq nk'aj rchoch Dios chpam tinmit Damasco. Rech jala', o mow kyutzkuj nk'aj mnaq ikjonaq chpam un k'ak' b'e rech Jesucristo, chachjab' chixqib'. Tik'ri', we kyuriqo, o mow kyuchapo, kyuk'am loq, rech kiyoksax pkarsa chla' Jerusalén. 3U Saulo b'enaq chpam b'e k'e chpam tinmit Damasco. Xa nqaj chik k'wi che un tinmit, ti xaq t'et xitluw jun nimlaj a' ruk', xustuj rib' chrij. Jala upitik un a' chkaj. 4Ena xtzaq chuchlew, tik'ri xuta uch'ab'al Jun che xch'aw loq chkaj, xub'ij che:
—Saulo, Saulo, ¿suche ka'an un nimlaj k'ax chwe? —xcha'.
5U Saulo xub'ij:
—¿Chin la, Wjaw? —xche che.
Ni Jun che kch'aw ruk', xub'ij che:
—¡In nJesús! Un k'ax che katitjin che u'anik, jare chwe in katitjinik ka'an wi. Soq xa atkel at ka'an k'ax awib', jala peche ku'on un chkop echi' kukoj aqan che jun che' ji's uwi', —xche che.
6U Saulo xux'ej rib', kb'arb'atik, xub'ij:
—Wjaw, ¿su kaj la che kin'ano? —xche che.#9:5-6 O nk'aj ujer taq wuj rech Tyox Wuj, manuscrito kb'ix che, che tz'ib'tal taj Soq xa atkel at ka'an k'ax awib', jala peche ku'on un chkop echi' kukoj aqan che jun che' ji's uwi', —xche che. 6 U Saulo xux'ej rib', kb'arb'atik, xub'ij: —Wjaw, ¿su kaj la che kin'ano? —xche che chpam.
Ena xub'ij Qajaw Jesús che:
—Katwa'ljoq, jat ptinmit, chla' kb'ix na chawe chinchke nmister ka'ano, —xche che.
7Ni nk'aj achjab' che rich'il u Saulo ib'enaq chpam b'e, xiyitk'e'ik, xsach kk'u'x ruk', mal ot chin jun xkil uwuch, xaq xaw uch'ab'al xikta' che xch'awik. 8Tik'ri xwa'laj u Saulo chuchlew, per echi' xutor uwuch, kka'y t chik. Xa rmal, xa xch'elex chub'ik, xk'am b'i chpam tinmit Damasco. 9Uxib' ij xu'on chla' che kka'y taj. Y ot su kri' xutijo, mowni uwa, mowni umi'na'.
10Ena o jun ajkojnel chpam tinmit Damasco Ananías ub'i'. Ri Qajaw Jesús xuk'ut rib' chjuch y xub'ij che:
—¡Ananías! —xche che.
Ni re xch'awik, xub'ij:
—N'oliki', Qajaw, —xche che.
11Ri Qajaw Jesús xub'ij che:
—Katwa'ljoq, jat chpam un b'e che kb'ix “Sk'um” che. Echi' kato'pan chirchoch u Judas, kata che we o nachi chla' che kpi chpam tinmit Tarso che Saulo ub'i'. Le', kitjinik ku'on uch'ab'al ruk' Dios. 12Y Dios o jun k'utb'al xuk'ut chjuch u Saulo. Re xaturil at atAnanías, che xatok b'i ruk' y xaya a'ab' pujlom rech kka'y jun b'welt chik. —Jala xub'ij Qajaw Jesús che u Ananías.
13Echi' xuta u Ananías che jala xb'ix che, ena xub'ij:
—Qajaw, ik'i mnaq kb'im chwe su umow nachi ri', che k'i uwuch k'ax unom chke mnaq chla' Jerusalén chintaq kikjom tzij la. 14Ni le' pitnaq chik quk' y xya atb'altzij pu'ab' kmal nk'aj achjab' itk'al pkijlom nk'aj rajchak Dios, rech kyuchap b'ik, kyukoj pkarsa jumpa mnaq che kikkoj ab'i' echi' kik'an kch'ab'al ruk' Dios, —xche che.
15Per ni Qajaw Jesús xub'ij chik che:
—¡Jat b'a'! Mal in xinchay loq nachi ri' rech kub'ij utzlaj taq tzij chwij In chke mnaq chpam nk'aj chik tinmit che iyaj Israel taj, soq rich'il nk'aj mnaq che itk'al pkijlom, y soq rech kub'ij chke nk'aj mnaq che iyaj Israel. 16In kink'ut na chjuch su jun nimlaj k'ax kuriq na rmal wech In. —Jala xub'ij Qajaw Jesús che u Ananías.
17Ena x'e u Ananías chpam un ja jachi k'wi u Saulo. Echi' xok b'ik, xuya u'ab' pujlom u Saulo, xub'ij che: «Wachlal Saulo, ri Qajaw Jesús, che xuk'ut rib' chawuch chpam b'e echi' atpitnaq, jare Re xnutaq loq rech katinknaj, rech katka'y jun b'welt chik, y soq rech knoj awanma' che uchu'ab' Tyoxlaj Uxlab'xel», xche che.
18Ena mismo chanim o su xtzaq loq chpam uwuch u Saulo che peche mow slot. Xaq ruk', xka'y jun b'welt chik, xwa'ljik, y x'an uqasna'. 19Tik'ri xutij uwa y xpich uchu'ab' jun b'welt chik.
U Saulo kub'ij utzij Dios chpam tinmit Damasco
Xa jala', xkanaj kan keb' uxib' ij kuk' nk'aj ajkojnel che iy'o chla' Damasco. 20U Saulo, echi' k'chojnaq chik, chanim xumaj ub'ixik utzij Dios chpam nk'aj rchoch Dios. Xub'ij che ri Jesús, jare Re uK'jol Dios. 21Kunjel jumpa mnaq che kiyitjinik kiktatb'ej sutaq kub'ij, mas xikmiyma'. Ena xikb'ij: «¿Le jare t k'ut nachi ri' che kitjinik ku'on k'ax chke mnaq chintaq kikb'ij ub'i' Jesús chla' Jerusalén ast retal xutzjuj kikmik? ¿Le jare t k'ut re xpi chi' che kchapik mnaq che kikjom utzij Jesús rech kyujach pik'ab' nk'aj achjab' che itk'al pkijlom nk'aj rajchak Dios?» xicha'.
22Per nu Saulo xa xukoj mas uchu'ab' che ub'ixik utzij Dios, ast retal xusach kin'oj nk'aj aj Israel che iy'o chla' Damasco. U Saulo xuk'ut chikuch che Qajaw Jesús jare Re ri Cristo, xchay rmal Dios.#9:22 Cristo kel kub'ij jun chaytajnaq rmal Dios. Un tzij Mesías xaq jnam kilwi.
U Saulo xanmaj b'i chikuch nk'aj aj Israel
23Echi' b'enaqch k'i ij che, nk'aj aj Israel jnam xikchomaj chikuch che kikkamsaj u Saulo. 24Per ni re xurit'amaj su kiyitjin che uchomxik chrij che xa kikkamsaj. Ke, chip'ij cha'ab' kikk'ak'lej tza'm taq ja che un tinmit, rech kikkamsaj. 25Per ni nk'aj ajkojnel xikto' u Saulo pik'ab' mnaq. Xikya chpam jun nimlaj chkach cha'ab', tik'ri xikqasaj b'i chrij un tapya o chrij tinmit.
U Saulo xo'pan chpam tinmit Jerusalén
26Echi' xo'pan u Saulo chpam tinmit Jerusalén, jare xraj re wet kkuk'aj kib' kuk' nk'aj ajkojnel, per kunjel ke xa xkix'ej kib' che, mal kikkoj taj che ya kojnel chik re. 27Ena xpi u Bernabé, xuk'am b'i u Saulo kuk' nk'aj apóstol rech kikch'ob' uwuch. Tik'ri xumaj ub'ixik chke su mow che u Saulo xuril uwuch Qajaw Jesús chpam b'e, y su mow ti xch'aw Jesús ruk'. U Bernabé soq xub'ij chke su mow che u Saulo xu'on jun kowlaj k'u'x rech xub'ij utzlaj taq rson chrij Jesús chla' Damasco. 28Xa jala', xkanaj kan u Saulo kuk' nk'aj ajkojnel chla' Jerusalén y x'e kuk' jachi taq xib'e wi. Re, kux'ej t rib' che kch'ab'xik mnaq pub'i' Qajaw. 29Xch'aw kuk' nk'aj aj Israel che kich'aw chpam tzij griego, y xikchap kib' che tzij kuk'. Per ni ke xa kkitzkuj su mow kik'an che ukamsxik. 30Nk'aj ajkojnel, echi' xikta rson su k'antjik, ena xikk'am b'i u Saulo chpam tinmit Cesarea, tik'ri xiktaq chub'i chpam tinmit Tarso.
31Xa jala' xu'xan ch'oj chkij kunjel jumpa ajkojnel iy'o chla' Judea, rich'il Galilea, soq rich'il Samaria. Xikriq utzil chikxo'l y kitjinik kyu'on mas ko chpam kkojb'al. Ke, xaq kix'em kib' chjuch Qajaw, mal mas kkinmirsaj u'ij. Ri Tyoxlaj Uxlab'xel ku'on chke che mas kitjinik kik'irik.
U Eneas xiknaxik
32Chpam jun tiempo, echi' kitjin u Lu' kik'ol kuk' nk'aj ajkojnel ptaq tinmit, soq x'e che kilik nk'aj ajkojnel iy'o chpam tinmit Lida. 33Ena o jun achi xuriq chla' Eneas ub'i', nachi ri', waxqib' (8) jnab' b'enaq chik che, che xaq o chik chu ch'at, mal xa skirnaq ch'qap che ub'qil. 34Ena xub'ij u Lu' che:
—Eneas, ri Qajaw Jesucristo katuknaj. Katwa'ljoq, chiyka nasok, —xche che.
Ena mismo chanim xwa'laj u Eneas.
35Y kunjel jumpa mnaq iy'o chpam tinmit Lida, rich'il nk'aj iy'o chpam un lyar Sarón, xkilo che jala x'antjik. Ena xikya kan nk'aj ujer taq kcostumbre y jare xiyikjon che Qajaw Jesús, xikjach kib' pu'ab' Re.
36Chpam un tiempo le', o jun ixoq ajkojnel chpam tinmit Jope che Tabita ub'i', per Dorcas kb'ix che chpam tzij griego. Nixoqi', xaw kupatnij u'anik utzil chke mnaq, xyuto'o chintaq o nmister chke. 37Chpam un tiempo ri', xpi uyab' il Dorcas y xkamik. Echi' kojtanaq chitnem che nixoq che xkamik, xya chla' chpam jun upja che katiq k'wi loq wi. 38Un tinmit Jope xa nqaj k'wi che un tinmit Lida, chla' jachi kriqtaj wi u Lu'. Ena echi' xikta rson nk'aj ajkojnel che chla' k'wi u Lu', xiktaq b'i keb' achjab' ruk' rech xikkoj kchu'ab' che ub'ixik che, xikb'ij: «China jun t'ob' katjosaj quk' chanim», xiche che.
39Ena chanim xwa'laj u Lu', x'e kuk'. Echi' xo'pnik, xikk'am b'i chla' jachi k'wi un kamnaq, y xipi nk'aj b'yu't ixqib' xikmol kib' chrij u Lu', per mas kiyo'ik. Xikk'ut chjuch jumpa nk'aj po't rich'il nk'aj chik atz'yaq che unom il Dorcas echi' k'aslik. 40Ena u Lu' xyuresaj loq jumpa nk'aj mnaq che iy'o chla', tik'ri xixke'ik xu'on uch'ab'al ruk' Dios. Xuril qaj nixoq che kamnaq, ena xub'ij che:
—Tabita, katwa'ljoq, —xche che.
Ena xka'y nixoq, y echi' xuril uwuch u Lu', xwa'ljik xikb'e'ik. 41U Lu' xuchap qaj il Dorcas che u'ab', xuwa'lsaj; tik'ri xyusk'ij nk'aj b'yu't ixqib' rich'il nk'aj chik ajkojnel iy'o chla', tik'ri xuya nixoq chikuch che kamnaq nab'e, per ya k'astajnaqch uwuch. 42Un milagro che x'antjiki', x'e rson chpam runjel un tinmit Jope. Ena xa rmal, mas ik'i mnaq xiyikjon che Qajaw Jesús. 43U Lu' naj xkanaj kan chla' chpam tinmit Jope, chirchoch jun achi che ku'on uchak ruk' tz'um, Simón ub'i' nachi ri'.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global