Hechos 10
10
U Lu' x'e chirchoch jun achi, Cornelio ub'i', che aj Israel taj
1Chpam tinmit Cesarea, o jun achi chla', Cornelio ub'i'. Nachi ri' nim reqle'n kpi chpam un tinmit Roma, jare re tk'al pkijlom jun ciento soldado che Italiano kb'ix chke. 2U Cornelio rich'il jumpa kwuch iy'o pja ruk', mas kiyikjon chjuch Dios. Re, xaq ux'em rib' chjuch Dios y mas kyuto' nk'aj pobre ruk' su nmister chke. Kuya klimosna y soq kok'il ku'on uch'ab'al ruk' Dios. 3Chpam jun ij, ptaq a las tres unom hora rech uqajb'al ij,#10:3 Tyox Wuj kch'aw chrij ub'elej (9) hora. Ub'elej hora kel kub'ij las 3:00 unom hora rech uqajb'al ij. ri Qajaw Dios o jun k'utb'al xuk'ut chjuch u Cornelio. Re puro xurilo che o jun ángel tqom loq rmal Qajaw Dios xok chla' jachi k'wi, y xub'ij che:
—Cornelio, —xche che.
4U Cornelio xuka'yej un ángel, per mas xux'ej rib', ena xuta che:
—¿Su kaj la? —xche che.
Nun ángel xub'ij che:
—Ri Qajaw Dios rit'am che mas ka'an ach'ab'al ruk', y soq rlom che mas kyato' mnaq. Ena, xuk'amo runjel jumpa achak anom, y sachnaq taj che. 5Chyatqa b'i keb' uxib' achjab' chpam tinmit Jope rech kkisk'ij loq u Simón che soq kb'ix Lu' che. 6Re unom uposada chirchoch jun achi che soq kb'ix Simón che ub'i'. Nachi ri', jare uchak kichkun ruk' tz'um y chla' k'wi rchoch chuchi' mar. Jare u Lu' kub'ij na chawe chinchke nmister ka'ano. —Jala xub'ij un ángel che u Cornelio.
7Echi' b'enaqch un ángel che xch'aw ruk' u Cornelio, xyusk'ij keb' chke nk'aj rajchak y soq xusk'ij jun soldado che mas ku'l uk'u'x u Cornelio chrij, mal mas xikjon un soldado ri' chjuch Dios. 8Ena xuya ub'ixik chke runjel sutaq x'antjik, tik'ri xyutaq b'i chpam tinmit Jope.
9Chkab' ij, echi' ib'enaq nk'aj achjab' chpam b'e, xa nqaj chik ik'wi che un tinmit Jope. Echi' peche ptaq kab'aljuj (12) unom ij, xa'n b'i u Lu' pujlom un ja jachi k'wi, rech ku'on uch'ab'al ruk' Dios chla'. 10Per mas knum u Lu', kraj kutij uwa, per tela kitjin u'anik uwa. Echi' k'ut kitjin u'anik uwa, o jun k'utb'al xuk'ut Dios chjuch chisqil. 11Xurilo che kitjin kaj ktortjik y soq xurilo che peche jun nim k'ul ulk'om rib' kitjinik kqaj loq chuchlew, xmil kjeb' (4) utza'm. 12Iy'o runjel uwuch uy' rich'il tiko'n chpam un k'ul. Iy'o nk'aj kjeb' (4) kichkalb'al, iy'o nk'aj chik che xa kkijru'rej kib' chutaq ulew, y soq iy'o nk'aj tz'kin kiyixk'in chkaj. Kunjel nk'aj uye' kiriqtaj chpam un k'ul. 13Tik'ri k'ut xuta u Lu' che o Jun xch'aw loq y xub'ij che:
—Katwa'ljoq, Lu', chkamsaj pachinchke uy' rich'il tiko'n kawaj rech katijo, —xche che.
14Per nu Lu' xub'ij che:
—¡Kin'an taj, Wjaw! Ot jun b'welt nitjom jun cosa che ya'tal taj chpam qapxab' che kitjiwik y soq ot su kri' jun cosa nitjom che we ustaj kitjiwik, —xche che.
15Tik'ri k'ut xch'aw chuloq jun b'welt chik Jun che xch'aw nab'e, y xub'ij che u Lu':
—Su kub'ij Dios che y'om tijwik che, xa mab'ij at che ustaj kitjiwik, —xche che.
16Uxib' b'welt che jala x'antjik tik'ri k'ut xyaktaj chub'i jun b'welt chik un k'ul chkaj. 17Echi' kitjin u Lu' kuchomaj su kilwi un k'utb'al che xuk'ut Dios chjuch, pre xiyo'pan nk'aj achjab' che itqom b'i rmal u Cornelio, xiyo'pan chuchi' uchija rech kikta rson we chla' k'wi rchoch u Simón. 18Echi' xiyo'pnik ko xich'awik xikta' we chla' k'wi u Simón che soq kb'ix Lu' che.
19Per nu Lu' kitjin na kuchomaj su kilwi un k'utb'al che xuk'ut Dios chjuch, ena xub'ij Tyoxlaj Uxlab'xel che: «Chiwlampe', iy'o uxib' achjab' katkitzkuj. 20Katwa'ljoq, katqaj b'i kuk' nk'aj achjab'i', per xa mu'on keb' ak'u'x, mal in xyintaq b'i awuk'». Jala xub'ij Tyoxlaj Uxlab'xel che u Lu'.
21Ena xqaj loq u Lu' x'e kuk' nk'aj achjab' che itqom loq rmal u Cornelio y xub'ij chke:
—Jare in knitzkuj, ¿su itaqkil chwe? —xche chke.
22Ke xich'awik, xikb'ij:
—Qo'j xa ujtqom loq rmal u Cornelio, u Cornelio nim reqle'n tk'al pkijlom jun ciento soldado. Re, jare jun achi che puro sk'um unom uk'asnmal chjuch Dios y soq mas kojnel chjuch Dios. Kunjel jumpa nk'aj aj Israel mas k'ax kk'u'x che u Cornelio mas kkil'oj. O jun tyoxlaj ángel tqom loq rmal Dios, re xub'ij che u Cornelio che nmister kutaq asik'xik rech kat'e chirchoch rech kutatb'ej sutaq kab'ij che, —xiche che.
23Ena xyuroksaj u Lu' nk'aj achjab' pja, y xikanaj kan chla' che na'ab'i'.
Chkab' ij, xiwa'laj kunjel, tik'ri x'e u Lu' kuk'. Soq iy'o nk'aj chik qachlal chla' Jope jnam xib'e kuk'. 24Chkab' ij chik tik'ri xiyo'pan chpam tinmit Cesarea. Chla' iyuri'em u Cornelio rich'il nk'aj rachlal y soq rich'il nk'aj chik mnaq iyusk'im che puro iyamigo ruk'. 25Echi' xo'pan u Lu', xel loq u Cornelio che uk'alxik, xixke' chjuch rech kunmirsaj u'ij. 26Per xuwa'lsaj u Lu' xub'ij che:
—Katitk'aloq mal in xa nimnaq xaq ujnam awuk', —xche che.
27Echi' kiyitjin che tzij, xiyok b'i pja, y xuril u Lu' che mas mnaq kimlom kib' chla'. 28Ena xub'ij u Lu' chke:
—Ix iwit'am che ya'tal taj che jun aj Israel che kkuk'aj kib' ruk' jun mnaq che aj Israel taj, y soq ya'tal taj che kik'ol ruk'. Per ni Qajaw Dios xuk'ut chinwuch che ot mow kimb'ij che ustaj kquk'aj qib' ruk' jun aj Israel taj, y soq ot mow kimb'ij che tz'il ranma' re chjuch Dios. 29Xa rmal, che echi' xitaq nsik'xik, ot su ximb'ij, ximb'oy t wib', ximpi chanim. Jare kwaj kinwit'amaj suche xitaq nsik'xik, —xche u Lu' chke nk'aj mnaq.
30Ena xch'aw u Cornelio, xub'ij:
—Ochkan kjeb' (4) ij, jawa unom hora peche hora ri' kintjinik kin'an ayuno, y kin'an nch'ab'al ruk' Dios chiwchoch ptaq a las tres unom hora rech uqajb'al ij.#10:30 Tyox Wuj kch'aw chrij ub'elej (9) hora. Ub'elej hora kel kub'ij las 3:00 unom hora rech uqajb'al ij. Jala kintjin che u'anik ti xaq t'et, xuk'ut rib' jun achi chinwuch che su ktil'an nk'aj ritz'yaq ukjom. 31Ena xub'ij chwe: “Cornelio, ri ach'ab'al xa'ano, xtataj rmal Qajaw Dios, che mas utz kurilo jumpa utzil che katitjin che u'anik chke mnaq chin o kinmister. 32Chewa chanim chitqa usik'xik u Simón che soq kb'ix Lu' che. Chla' k'wi chpam tinmit Jope chirchoch jun chik achi che soq Simón ub'i', che jare uchak kichkun ruk' tz'um y chla' k'wi rchoch chuchi' mar. Echi' kpi u Lu', kub'ij na chawe chinchke nmister ka'ano”. Jala xub'ij un ángel chwe. 33Xa rmal che chanim xintaq asik'xik, y utz xa'ano che xatpitik. Le', qunjel qarqom qib' chjuch Qajaw Dios. Kqaj kqatatb'ej runjel jumpa sutaq'ik atitqom loq che ub'ixik chqe rmal Qajaw Dios. —Jala xub'ij u Cornelio che u Lu'.
U Lu' xub'ij utzij Dios chirchoch u Cornelio
34Ena xumaj tzij u Lu', xch'awik jawa xub'ij:
—Chewa chanim puro xinwit'amaj che ri Dios xaq jnam kyuril wi kunjel jumpa mnaq, mal ot jun che mas nim kuril wi chjuch jun chik. 35Xa pachinchke tinmit kipi wi, ri Dios utz kyurilo jumpa mnaq che kkix'ej kib' chjuch, y kik'an utz. 36Ri Dios xch'aw kuk' nk'aj mnaq iyaj Israel, xutaq loq ub'ixik utzlaj taq rson chrij Qajaw Jesucristo. Ri utzlaj taq rsoni' jare kub'ij chke mnaq su kik'ano rech kiyok ruk' Dios, rech kikriq jun utzil chpam kanma' rmal Qajaw Jesucristo che jare Qajaw nimlaj qunjel. 37Ix puro iwit'am sutaq x'antaj chpam runjel un tinmit Judea, xaw xmajtaj b'i jala Galilea echi' ub'im chik utzij Dios u Wan chke mnaq y soq unom kqasna'. 38Ix iwit'am che ri Dios xuya uchu'ab' Jesús aj Nazaret rmal Tyoxlaj Uxlab'xel, xb'in ptaq tinmit, xu'on runjel uwuch utzil chke mnaq, xyuknaj kunjel nk'aj che kirqom k'ax pu'ab' nitzel. Jawa xu'ono rmal che ri Dios jare Re o ruk'. 39Qo'j ujapóstol xqilo runjel sutaq xu'on Jesús ptaq jyub' rech Judea rich'il chpam tinmit Jerusalén. Tik'ri xikkamsaj mnaq, xikrip chjuch jun cruz. 40Per Dios xuk'suj Jesús chikxo'l nk'aj kamnaq churox ij, y xu'on che, che xuk'ut rib' chiquch qo'j. 41Per xuk'ut t rib' chikuch kunjel mnaq, xaq xaw chiquch qo'j, che ujer xujuchay loq Dios rech kqaya rson chrij Re rich'il sutaq xu'ono. Jare qo'j che jnam xqatij qawa ruk' Jesús echi' k'astajnaqch uwuch chikxo'l nk'aj kamnaq. 42Tik'ri xujutaq loq rech kqab'ij utzij Dios chke mnaq, y soq rech kqab'ij che jare Qajaw Jesús xoksax rmal Dios rech ku'on atb'altzij pkijlom mnaq che ik'aslik, y soq ku'on atb'altzij pkijlom nk'aj kamnaq. Qo'j xqilo soq xqata' che jala x'antjik. 43Y soq ujer kunjel nk'aj ajb'il utzij Dios kb'im chuloq che kunjel jumpa mnaq che kiyikjon che Jesús, kikriq kuyb'al kmak rmal Re. —Jala xub'ij u Lu'.
Xk'un Tyoxlaj Uxlab'xel kuk' mnaq che iyaj Israel taj
(Hch 8:15-18)
44Mja na kuk'is utzij u Lu' ti xaq t'et xk'un Tyoxlaj Uxlab'xel kuk' kunjel jumpa mnaq che kiyitjin che utatb'xik utzij Dios. Ruk' nim uchu'ab' xpitik. 45Ni nk'aj ajkojnel iyaj Israel che ipitnaq ruk' u Lu', mas xikmiyma' che soq xqaj Tyoxlaj Uxlab'xel pkijlom mnaq che iyaj Israel taj. 46Alaj che qajnaq pkijlom, mal xikta' che nk'aj ajkojnel che iyaj Israel taj kich'aw chpam tzij che jare taj ktzij ke, y soq xikta' che kkinmirsaj u'ij Dios. 47Ena xub'ij u Lu':
—¿Xatb'a o mow che o jun ku'atij rech ot mow kik'an qasna' nk'aj mnaqi'? Otaj, mal ke ya xikk'am Tyoxlaj Uxlab'xel, jala peche xqak'am qo'j —xche chke.
48Tik'ri xutaq u'anik qasna' chke pub'i' Qajaw Jesús. Ni mnaq che iy'o chla' mas xikb'och'ij ujlom u Lu' rech kkanaj kan keb' uxib' ij kuk'.
လက္ရွိေရြးခ်ယ္ထားမွု
Hechos 10: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 10
10
U Lu' x'e chirchoch jun achi, Cornelio ub'i', che aj Israel taj
1Chpam tinmit Cesarea, o jun achi chla', Cornelio ub'i'. Nachi ri' nim reqle'n kpi chpam un tinmit Roma, jare re tk'al pkijlom jun ciento soldado che Italiano kb'ix chke. 2U Cornelio rich'il jumpa kwuch iy'o pja ruk', mas kiyikjon chjuch Dios. Re, xaq ux'em rib' chjuch Dios y mas kyuto' nk'aj pobre ruk' su nmister chke. Kuya klimosna y soq kok'il ku'on uch'ab'al ruk' Dios. 3Chpam jun ij, ptaq a las tres unom hora rech uqajb'al ij,#10:3 Tyox Wuj kch'aw chrij ub'elej (9) hora. Ub'elej hora kel kub'ij las 3:00 unom hora rech uqajb'al ij. ri Qajaw Dios o jun k'utb'al xuk'ut chjuch u Cornelio. Re puro xurilo che o jun ángel tqom loq rmal Qajaw Dios xok chla' jachi k'wi, y xub'ij che:
—Cornelio, —xche che.
4U Cornelio xuka'yej un ángel, per mas xux'ej rib', ena xuta che:
—¿Su kaj la? —xche che.
Nun ángel xub'ij che:
—Ri Qajaw Dios rit'am che mas ka'an ach'ab'al ruk', y soq rlom che mas kyato' mnaq. Ena, xuk'amo runjel jumpa achak anom, y sachnaq taj che. 5Chyatqa b'i keb' uxib' achjab' chpam tinmit Jope rech kkisk'ij loq u Simón che soq kb'ix Lu' che. 6Re unom uposada chirchoch jun achi che soq kb'ix Simón che ub'i'. Nachi ri', jare uchak kichkun ruk' tz'um y chla' k'wi rchoch chuchi' mar. Jare u Lu' kub'ij na chawe chinchke nmister ka'ano. —Jala xub'ij un ángel che u Cornelio.
7Echi' b'enaqch un ángel che xch'aw ruk' u Cornelio, xyusk'ij keb' chke nk'aj rajchak y soq xusk'ij jun soldado che mas ku'l uk'u'x u Cornelio chrij, mal mas xikjon un soldado ri' chjuch Dios. 8Ena xuya ub'ixik chke runjel sutaq x'antjik, tik'ri xyutaq b'i chpam tinmit Jope.
9Chkab' ij, echi' ib'enaq nk'aj achjab' chpam b'e, xa nqaj chik ik'wi che un tinmit Jope. Echi' peche ptaq kab'aljuj (12) unom ij, xa'n b'i u Lu' pujlom un ja jachi k'wi, rech ku'on uch'ab'al ruk' Dios chla'. 10Per mas knum u Lu', kraj kutij uwa, per tela kitjin u'anik uwa. Echi' k'ut kitjin u'anik uwa, o jun k'utb'al xuk'ut Dios chjuch chisqil. 11Xurilo che kitjin kaj ktortjik y soq xurilo che peche jun nim k'ul ulk'om rib' kitjinik kqaj loq chuchlew, xmil kjeb' (4) utza'm. 12Iy'o runjel uwuch uy' rich'il tiko'n chpam un k'ul. Iy'o nk'aj kjeb' (4) kichkalb'al, iy'o nk'aj chik che xa kkijru'rej kib' chutaq ulew, y soq iy'o nk'aj tz'kin kiyixk'in chkaj. Kunjel nk'aj uye' kiriqtaj chpam un k'ul. 13Tik'ri k'ut xuta u Lu' che o Jun xch'aw loq y xub'ij che:
—Katwa'ljoq, Lu', chkamsaj pachinchke uy' rich'il tiko'n kawaj rech katijo, —xche che.
14Per nu Lu' xub'ij che:
—¡Kin'an taj, Wjaw! Ot jun b'welt nitjom jun cosa che ya'tal taj chpam qapxab' che kitjiwik y soq ot su kri' jun cosa nitjom che we ustaj kitjiwik, —xche che.
15Tik'ri k'ut xch'aw chuloq jun b'welt chik Jun che xch'aw nab'e, y xub'ij che u Lu':
—Su kub'ij Dios che y'om tijwik che, xa mab'ij at che ustaj kitjiwik, —xche che.
16Uxib' b'welt che jala x'antjik tik'ri k'ut xyaktaj chub'i jun b'welt chik un k'ul chkaj. 17Echi' kitjin u Lu' kuchomaj su kilwi un k'utb'al che xuk'ut Dios chjuch, pre xiyo'pan nk'aj achjab' che itqom b'i rmal u Cornelio, xiyo'pan chuchi' uchija rech kikta rson we chla' k'wi rchoch u Simón. 18Echi' xiyo'pnik ko xich'awik xikta' we chla' k'wi u Simón che soq kb'ix Lu' che.
19Per nu Lu' kitjin na kuchomaj su kilwi un k'utb'al che xuk'ut Dios chjuch, ena xub'ij Tyoxlaj Uxlab'xel che: «Chiwlampe', iy'o uxib' achjab' katkitzkuj. 20Katwa'ljoq, katqaj b'i kuk' nk'aj achjab'i', per xa mu'on keb' ak'u'x, mal in xyintaq b'i awuk'». Jala xub'ij Tyoxlaj Uxlab'xel che u Lu'.
21Ena xqaj loq u Lu' x'e kuk' nk'aj achjab' che itqom loq rmal u Cornelio y xub'ij chke:
—Jare in knitzkuj, ¿su itaqkil chwe? —xche chke.
22Ke xich'awik, xikb'ij:
—Qo'j xa ujtqom loq rmal u Cornelio, u Cornelio nim reqle'n tk'al pkijlom jun ciento soldado. Re, jare jun achi che puro sk'um unom uk'asnmal chjuch Dios y soq mas kojnel chjuch Dios. Kunjel jumpa nk'aj aj Israel mas k'ax kk'u'x che u Cornelio mas kkil'oj. O jun tyoxlaj ángel tqom loq rmal Dios, re xub'ij che u Cornelio che nmister kutaq asik'xik rech kat'e chirchoch rech kutatb'ej sutaq kab'ij che, —xiche che.
23Ena xyuroksaj u Lu' nk'aj achjab' pja, y xikanaj kan chla' che na'ab'i'.
Chkab' ij, xiwa'laj kunjel, tik'ri x'e u Lu' kuk'. Soq iy'o nk'aj chik qachlal chla' Jope jnam xib'e kuk'. 24Chkab' ij chik tik'ri xiyo'pan chpam tinmit Cesarea. Chla' iyuri'em u Cornelio rich'il nk'aj rachlal y soq rich'il nk'aj chik mnaq iyusk'im che puro iyamigo ruk'. 25Echi' xo'pan u Lu', xel loq u Cornelio che uk'alxik, xixke' chjuch rech kunmirsaj u'ij. 26Per xuwa'lsaj u Lu' xub'ij che:
—Katitk'aloq mal in xa nimnaq xaq ujnam awuk', —xche che.
27Echi' kiyitjin che tzij, xiyok b'i pja, y xuril u Lu' che mas mnaq kimlom kib' chla'. 28Ena xub'ij u Lu' chke:
—Ix iwit'am che ya'tal taj che jun aj Israel che kkuk'aj kib' ruk' jun mnaq che aj Israel taj, y soq ya'tal taj che kik'ol ruk'. Per ni Qajaw Dios xuk'ut chinwuch che ot mow kimb'ij che ustaj kquk'aj qib' ruk' jun aj Israel taj, y soq ot mow kimb'ij che tz'il ranma' re chjuch Dios. 29Xa rmal, che echi' xitaq nsik'xik, ot su ximb'ij, ximb'oy t wib', ximpi chanim. Jare kwaj kinwit'amaj suche xitaq nsik'xik, —xche u Lu' chke nk'aj mnaq.
30Ena xch'aw u Cornelio, xub'ij:
—Ochkan kjeb' (4) ij, jawa unom hora peche hora ri' kintjinik kin'an ayuno, y kin'an nch'ab'al ruk' Dios chiwchoch ptaq a las tres unom hora rech uqajb'al ij.#10:30 Tyox Wuj kch'aw chrij ub'elej (9) hora. Ub'elej hora kel kub'ij las 3:00 unom hora rech uqajb'al ij. Jala kintjin che u'anik ti xaq t'et, xuk'ut rib' jun achi chinwuch che su ktil'an nk'aj ritz'yaq ukjom. 31Ena xub'ij chwe: “Cornelio, ri ach'ab'al xa'ano, xtataj rmal Qajaw Dios, che mas utz kurilo jumpa utzil che katitjin che u'anik chke mnaq chin o kinmister. 32Chewa chanim chitqa usik'xik u Simón che soq kb'ix Lu' che. Chla' k'wi chpam tinmit Jope chirchoch jun chik achi che soq Simón ub'i', che jare uchak kichkun ruk' tz'um y chla' k'wi rchoch chuchi' mar. Echi' kpi u Lu', kub'ij na chawe chinchke nmister ka'ano”. Jala xub'ij un ángel chwe. 33Xa rmal che chanim xintaq asik'xik, y utz xa'ano che xatpitik. Le', qunjel qarqom qib' chjuch Qajaw Dios. Kqaj kqatatb'ej runjel jumpa sutaq'ik atitqom loq che ub'ixik chqe rmal Qajaw Dios. —Jala xub'ij u Cornelio che u Lu'.
U Lu' xub'ij utzij Dios chirchoch u Cornelio
34Ena xumaj tzij u Lu', xch'awik jawa xub'ij:
—Chewa chanim puro xinwit'amaj che ri Dios xaq jnam kyuril wi kunjel jumpa mnaq, mal ot jun che mas nim kuril wi chjuch jun chik. 35Xa pachinchke tinmit kipi wi, ri Dios utz kyurilo jumpa mnaq che kkix'ej kib' chjuch, y kik'an utz. 36Ri Dios xch'aw kuk' nk'aj mnaq iyaj Israel, xutaq loq ub'ixik utzlaj taq rson chrij Qajaw Jesucristo. Ri utzlaj taq rsoni' jare kub'ij chke mnaq su kik'ano rech kiyok ruk' Dios, rech kikriq jun utzil chpam kanma' rmal Qajaw Jesucristo che jare Qajaw nimlaj qunjel. 37Ix puro iwit'am sutaq x'antaj chpam runjel un tinmit Judea, xaw xmajtaj b'i jala Galilea echi' ub'im chik utzij Dios u Wan chke mnaq y soq unom kqasna'. 38Ix iwit'am che ri Dios xuya uchu'ab' Jesús aj Nazaret rmal Tyoxlaj Uxlab'xel, xb'in ptaq tinmit, xu'on runjel uwuch utzil chke mnaq, xyuknaj kunjel nk'aj che kirqom k'ax pu'ab' nitzel. Jawa xu'ono rmal che ri Dios jare Re o ruk'. 39Qo'j ujapóstol xqilo runjel sutaq xu'on Jesús ptaq jyub' rech Judea rich'il chpam tinmit Jerusalén. Tik'ri xikkamsaj mnaq, xikrip chjuch jun cruz. 40Per Dios xuk'suj Jesús chikxo'l nk'aj kamnaq churox ij, y xu'on che, che xuk'ut rib' chiquch qo'j. 41Per xuk'ut t rib' chikuch kunjel mnaq, xaq xaw chiquch qo'j, che ujer xujuchay loq Dios rech kqaya rson chrij Re rich'il sutaq xu'ono. Jare qo'j che jnam xqatij qawa ruk' Jesús echi' k'astajnaqch uwuch chikxo'l nk'aj kamnaq. 42Tik'ri xujutaq loq rech kqab'ij utzij Dios chke mnaq, y soq rech kqab'ij che jare Qajaw Jesús xoksax rmal Dios rech ku'on atb'altzij pkijlom mnaq che ik'aslik, y soq ku'on atb'altzij pkijlom nk'aj kamnaq. Qo'j xqilo soq xqata' che jala x'antjik. 43Y soq ujer kunjel nk'aj ajb'il utzij Dios kb'im chuloq che kunjel jumpa mnaq che kiyikjon che Jesús, kikriq kuyb'al kmak rmal Re. —Jala xub'ij u Lu'.
Xk'un Tyoxlaj Uxlab'xel kuk' mnaq che iyaj Israel taj
(Hch 8:15-18)
44Mja na kuk'is utzij u Lu' ti xaq t'et xk'un Tyoxlaj Uxlab'xel kuk' kunjel jumpa mnaq che kiyitjin che utatb'xik utzij Dios. Ruk' nim uchu'ab' xpitik. 45Ni nk'aj ajkojnel iyaj Israel che ipitnaq ruk' u Lu', mas xikmiyma' che soq xqaj Tyoxlaj Uxlab'xel pkijlom mnaq che iyaj Israel taj. 46Alaj che qajnaq pkijlom, mal xikta' che nk'aj ajkojnel che iyaj Israel taj kich'aw chpam tzij che jare taj ktzij ke, y soq xikta' che kkinmirsaj u'ij Dios. 47Ena xub'ij u Lu':
—¿Xatb'a o mow che o jun ku'atij rech ot mow kik'an qasna' nk'aj mnaqi'? Otaj, mal ke ya xikk'am Tyoxlaj Uxlab'xel, jala peche xqak'am qo'j —xche chke.
48Tik'ri xutaq u'anik qasna' chke pub'i' Qajaw Jesús. Ni mnaq che iy'o chla' mas xikb'och'ij ujlom u Lu' rech kkanaj kan keb' uxib' ij kuk'.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global