Hechos 18
18
U Pablo x'e chpam tinmit Corinto
1Echi' antajnaq chik runjel wari', u Pablo xel b'i chpam tinmit Atenas, x'e chpam tinmit Corinto. 2O jun achi xuriq chla' aj Israel, Aquila ub'i'. Jala kpi chpam un tinmit Ponto. U Aquila rich'il rixqil Priscila, tela keb' uxib' ij b'enaq che, che iyelnaq loq chpam tinmit Italia. Ke xiyel loq chla' xa rmal che xub'ij u Claudio César che kunjel jumpa nk'aj aj Israel, nmister kiyel b'i chpam tinmit Roma. U Claudio jare jun nim atb'altzij tk'al pujlom tinmit Roma. Ena xo'pan u Pablo kuk' rech kyuch'ab'ej. 3Per como xaq jnam kchak u Pablo ruk' u Aquila, rich'il il Priscila, ena xkanaj kan kuk' rech jnam kiyichkunik. Jare kchak kikt'is pimlaj taq tz'um rech kikkoj che carpa. 4Ena runjel ij echi' kuriq uxnb'al ij, x'e u Pablo chpam rchoch Dios chla' jachi kikmol kib' nk'aj aj Israel rech ruk' chu'ab' xub'ij utzij Dios chke chla'. Iy'o mnaq chla' che iyaj Israel, soq iy'o iyaj Israel taj. Re xukoj uchu'ab' che ub'ixik chke rech kiyikjon kunjel.
5Echi' jala kitjin u'anik, xiyel loq u Silas rich'il u Timoteo chpam tinmit Macedonia. Echi' xiyo'pan chpam tinmit Corinto, u Pablo xaq xaw xu'on uchak che ub'ixik utzij Dios. Ena xub'ij chke nk'aj aj Israel ruk' saqlaj tzij, che ri Cristo che ki'em, jare Qajaw Jesús. 6Per ni ke xa xik'atij uwuch utzij u Pablo, xikyo'o. Ena xutota ritz'yaq u Pablo chikuch rech k'utb'alre che o kmak, tik'ri xub'ij chke:
—We chpam imak kixkam wi, xa ix ki'an che. In otchich nikwent chiwe. Mismo chanim kimb'e kuk' mnaq che iyaj Israel taj, —xche chke.
7U Pablo xel b'i chpam rchoch Dios, x'e chirchoch jun achi aj Israel taj, re keb' ub'i' Ticio Justo kb'ix che. Nachi le' kunmirsaj u'ij Dios, y chla' k'wi rchoch putlok' rchoch Dios. 8Soq o jun chik achi chla' Crispo ub'i', jare re tk'al pkijlom mnaq chpam rchoch Dios. Re xukub'a uk'u'x chrij Qajaw, soq rich'il kunjel jumpa kwuch ijun ja mnaq, jnam xiyikjonik. Soq rich'il mnaq iyaj Corinto, echi' xikta utzij Dios, ik'i xiyikjonik y x'an qasna' chke. 9Chpam jun chik ij, ptaq cha'ab', ri Qajaw xuch'ab'ej u Pablo puwram, xub'ij che: «Xa max'ej awib', chtaqej ub'ixik ntzij, xa matu'xan che ub'ixik. 10Mal in n'o awuk', y ot chin jun kikunik katuchapo rech ku'on k'ax chawe, soq ik'i mnaq iy'o chi' chpam tinmit che iwech chik in». Jala xub'ij Qajaw che u Pablo puwram. 11Xa jala' xkanaj kan jun jnab' ruk' nk'aj u Pablo chpam tinmit Corinto, rech xyutjoj mnaq che utzij Dios.
12Per echi' o pnoq u Galión che atb'altzij pukwent Acaya, xiwa'laj nk'aj aj Israel chrij u Pablo rech xikchapo, tik'ri xikk'am b'i chjuch atb'altzij. 13Ena xikb'ij che un atb'altzij:
—Nachi ri', kitjin che ub'ixik chke mnaq che nmister kkinmirsaj u'ij Dios, per jala taj kik'an che, peche kub'ij chpam qapxab' qo'j, mal xa wa'lwi kuk'ut chikuch, —xiche che.
14U Pablo ya kch'awik kraj re ti xch'aw u Galión, ena xub'ij chke nk'aj aj Israel:
—Wet jare jun k'ax, seno jare jun nimlaj mak xu'on nachi ri', tik'ri k'ut kintatb'ej sutaq kib'ij ix chwe che xa ixaj Israel. 15Per ni le', como xa chrij taq tzij, xa chrij taq kb'i' mnaq, xa chrij taq ipxab' kixch'o'jan wi, chichomaj iwib' ix chiwuch rech kiwilo su ki'an ruk', mal in kwaj taj kin'an atb'altzij pujlom sutaq kixtjin che ub'ixik. —Jala xub'ij u Galión chke nk'aj aj Israel.
16Tik'ri xutaq kesxik loq chla' chpam atb'altzij. 17Tik'ri k'ut xipi kunjel nk'aj aj Grecia, xikchap jun achi Sóstenes ub'i', jare re tk'al pkijlom mnaq chpam rchoch Dios. Tik'ri xikmaj uch'ayik chjuch atb'altzij, per miskini' jala xik'ano, ot su xub'ij u Galión che.
U Pablo xitzlij loq chpam tinmit Antioquía
18U Pablo k'i ij xkanaj kan chpam tinmit Corinto. Mas ma'tan tik'ri xyuya kan nk'aj qachlal, xok chpam un barco, x'e jala chpam un lyar Siria, jnam xib'e ruk' il Priscila, rich'il u Aquila. Per echi' iy'o chpam tinmit Cencrea,#18:18 Un tinmit Cencrea soq kb'ix Céncreas che. xuresaj uwi' u Pablo rech k'utb'alre che xu'ono su xub'ij che Dios che ruk' saqlaj tzij ku'on na. 19Echi' k'ut xiyo'pan chpam tinmit Éfeso, u Pablo xyuya kan il Priscila rich'il u Aquila, ni re x'e chpam rchoch Dios y xch'aw kuk' nk'aj aj Israel che kimlom kib' chla' chrij utzij Dios. 20Ni ke, xikb'och'ij ujlom u Pablo rech k'i ij kkanaj kan kuk', per xraj taj re. 21Ena x'e chik, xa xub'ij kan chke: «Nmister che kinkje chpam tinmit Jerusalén rech kinwil nim'ij chla', per kintzlij chuloq jun b'welt chik iwuk' rech kixinwla' we jala kraj Dios», xche chke. Tik'ri xok chpam un barco y xel b'i chpam tinmit Éfeso.
22Echi' xo'pan u Pablo chpam tinmit Cesarea, xel chpam un barco, tik'ri x'e chpam tinmit Jerusalén rech kuy'a rtzil kwuch mnaq kikjom utzij Dios chla', tik'ri xqaj b'i chpam tinmit Antioquía. 23Echi' xuk'is keb' uxib' ij che o u Pablo chla' Antioquía, xel chub'i chla'. X'e chik, x'ax ptaq nk'aj tinmit chikjunjnal che iy'o pukwent Galacia rich'il Frigia rech xub'ij chke mnaq che kikjom utzij Dios chla' che kiktaqej kkojb'al chrij Qajaw Jesucristo, xuya kan jun kowlaj k'u'x chke.
U Apolos xub'ij utzij Dios chpam tinmit Éfeso
24Echi' jala kitjin u'anik, o jun achi aj Israel xo'pan chpam tinmit Éfeso, Apolos ub'i'. Re, jala kpi chpam tinmit Alejandría. Re mas utz ku'on che ub'ixik utzij Dios, mal mas rit'am sutaq kilwi jumpa tz'ib'tal chla'. 25Re utz utojxik 'nom che, kmal nk'aj chik mnaq chrij ub'e Qajaw, ena mas o kowlaj k'u'x che, xukoj uchu'ab' che ub'ixik utzij Dios. Utz xu'on che ub'ixik chrij sutaq xu'on Qajaw Jesús, miskini' xaw rit'am su xub'ij u Wan ajb'nal qasna' chrij Jesús. 26U Apolos xumaj ub'ixik utzij Dios chpam rchoch Dios ruk' jun kowlaj k'u'x, ena echi' xikta il Priscila rich'il u Aquila, xikk'am b'i utkel, tik'ri xkitz'qatsaj ub'ixik che ruk' saqlaj tzij sutaq kilwi ri ub'e Dios. 27Ena echi' xraj u Apolos k'ax chpam un lyar Acaya, nk'aj qachlal chla', xikto'o. Xiktz'ib'aj jun wuj rech xiktaq b'i kuk' nk'aj ajkojnel iy'o chla' Acaya, rech kkik'laj u Apolos echi' ko'pan kuk'. Ena echi' xo'pnik, mas xyuto' mnaq che kikjom utzij Dios, rmal ut'ob' Dios che xok chpam kanma'. 28Re, xu'on jun kowlaj k'u'x, xub'ij chke kunjel jumpa mnaq che qtzij taj sutaq kikb'ij nk'aj aj Israel. Xa jala' xiyikun taj xikch'ak u Apolos, mal xuk'ut chikuch su mero kilwi ri utzij Dios che tz'ib'tal chpam Tyox Wuj. Chla' tz'ib'tal wi che ri Jesús, jare Re Cristo che ki'em.#18:28 Cristo kel kub'ij jun chaytajnaq rmal Dios. Un tzij Mesías xaq jnam kilwi.
လက္ရွိေရြးခ်ယ္ထားမွု
Hechos 18: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 18
18
U Pablo x'e chpam tinmit Corinto
1Echi' antajnaq chik runjel wari', u Pablo xel b'i chpam tinmit Atenas, x'e chpam tinmit Corinto. 2O jun achi xuriq chla' aj Israel, Aquila ub'i'. Jala kpi chpam un tinmit Ponto. U Aquila rich'il rixqil Priscila, tela keb' uxib' ij b'enaq che, che iyelnaq loq chpam tinmit Italia. Ke xiyel loq chla' xa rmal che xub'ij u Claudio César che kunjel jumpa nk'aj aj Israel, nmister kiyel b'i chpam tinmit Roma. U Claudio jare jun nim atb'altzij tk'al pujlom tinmit Roma. Ena xo'pan u Pablo kuk' rech kyuch'ab'ej. 3Per como xaq jnam kchak u Pablo ruk' u Aquila, rich'il il Priscila, ena xkanaj kan kuk' rech jnam kiyichkunik. Jare kchak kikt'is pimlaj taq tz'um rech kikkoj che carpa. 4Ena runjel ij echi' kuriq uxnb'al ij, x'e u Pablo chpam rchoch Dios chla' jachi kikmol kib' nk'aj aj Israel rech ruk' chu'ab' xub'ij utzij Dios chke chla'. Iy'o mnaq chla' che iyaj Israel, soq iy'o iyaj Israel taj. Re xukoj uchu'ab' che ub'ixik chke rech kiyikjon kunjel.
5Echi' jala kitjin u'anik, xiyel loq u Silas rich'il u Timoteo chpam tinmit Macedonia. Echi' xiyo'pan chpam tinmit Corinto, u Pablo xaq xaw xu'on uchak che ub'ixik utzij Dios. Ena xub'ij chke nk'aj aj Israel ruk' saqlaj tzij, che ri Cristo che ki'em, jare Qajaw Jesús. 6Per ni ke xa xik'atij uwuch utzij u Pablo, xikyo'o. Ena xutota ritz'yaq u Pablo chikuch rech k'utb'alre che o kmak, tik'ri xub'ij chke:
—We chpam imak kixkam wi, xa ix ki'an che. In otchich nikwent chiwe. Mismo chanim kimb'e kuk' mnaq che iyaj Israel taj, —xche chke.
7U Pablo xel b'i chpam rchoch Dios, x'e chirchoch jun achi aj Israel taj, re keb' ub'i' Ticio Justo kb'ix che. Nachi le' kunmirsaj u'ij Dios, y chla' k'wi rchoch putlok' rchoch Dios. 8Soq o jun chik achi chla' Crispo ub'i', jare re tk'al pkijlom mnaq chpam rchoch Dios. Re xukub'a uk'u'x chrij Qajaw, soq rich'il kunjel jumpa kwuch ijun ja mnaq, jnam xiyikjonik. Soq rich'il mnaq iyaj Corinto, echi' xikta utzij Dios, ik'i xiyikjonik y x'an qasna' chke. 9Chpam jun chik ij, ptaq cha'ab', ri Qajaw xuch'ab'ej u Pablo puwram, xub'ij che: «Xa max'ej awib', chtaqej ub'ixik ntzij, xa matu'xan che ub'ixik. 10Mal in n'o awuk', y ot chin jun kikunik katuchapo rech ku'on k'ax chawe, soq ik'i mnaq iy'o chi' chpam tinmit che iwech chik in». Jala xub'ij Qajaw che u Pablo puwram. 11Xa jala' xkanaj kan jun jnab' ruk' nk'aj u Pablo chpam tinmit Corinto, rech xyutjoj mnaq che utzij Dios.
12Per echi' o pnoq u Galión che atb'altzij pukwent Acaya, xiwa'laj nk'aj aj Israel chrij u Pablo rech xikchapo, tik'ri xikk'am b'i chjuch atb'altzij. 13Ena xikb'ij che un atb'altzij:
—Nachi ri', kitjin che ub'ixik chke mnaq che nmister kkinmirsaj u'ij Dios, per jala taj kik'an che, peche kub'ij chpam qapxab' qo'j, mal xa wa'lwi kuk'ut chikuch, —xiche che.
14U Pablo ya kch'awik kraj re ti xch'aw u Galión, ena xub'ij chke nk'aj aj Israel:
—Wet jare jun k'ax, seno jare jun nimlaj mak xu'on nachi ri', tik'ri k'ut kintatb'ej sutaq kib'ij ix chwe che xa ixaj Israel. 15Per ni le', como xa chrij taq tzij, xa chrij taq kb'i' mnaq, xa chrij taq ipxab' kixch'o'jan wi, chichomaj iwib' ix chiwuch rech kiwilo su ki'an ruk', mal in kwaj taj kin'an atb'altzij pujlom sutaq kixtjin che ub'ixik. —Jala xub'ij u Galión chke nk'aj aj Israel.
16Tik'ri xutaq kesxik loq chla' chpam atb'altzij. 17Tik'ri k'ut xipi kunjel nk'aj aj Grecia, xikchap jun achi Sóstenes ub'i', jare re tk'al pkijlom mnaq chpam rchoch Dios. Tik'ri xikmaj uch'ayik chjuch atb'altzij, per miskini' jala xik'ano, ot su xub'ij u Galión che.
U Pablo xitzlij loq chpam tinmit Antioquía
18U Pablo k'i ij xkanaj kan chpam tinmit Corinto. Mas ma'tan tik'ri xyuya kan nk'aj qachlal, xok chpam un barco, x'e jala chpam un lyar Siria, jnam xib'e ruk' il Priscila, rich'il u Aquila. Per echi' iy'o chpam tinmit Cencrea,#18:18 Un tinmit Cencrea soq kb'ix Céncreas che. xuresaj uwi' u Pablo rech k'utb'alre che xu'ono su xub'ij che Dios che ruk' saqlaj tzij ku'on na. 19Echi' k'ut xiyo'pan chpam tinmit Éfeso, u Pablo xyuya kan il Priscila rich'il u Aquila, ni re x'e chpam rchoch Dios y xch'aw kuk' nk'aj aj Israel che kimlom kib' chla' chrij utzij Dios. 20Ni ke, xikb'och'ij ujlom u Pablo rech k'i ij kkanaj kan kuk', per xraj taj re. 21Ena x'e chik, xa xub'ij kan chke: «Nmister che kinkje chpam tinmit Jerusalén rech kinwil nim'ij chla', per kintzlij chuloq jun b'welt chik iwuk' rech kixinwla' we jala kraj Dios», xche chke. Tik'ri xok chpam un barco y xel b'i chpam tinmit Éfeso.
22Echi' xo'pan u Pablo chpam tinmit Cesarea, xel chpam un barco, tik'ri x'e chpam tinmit Jerusalén rech kuy'a rtzil kwuch mnaq kikjom utzij Dios chla', tik'ri xqaj b'i chpam tinmit Antioquía. 23Echi' xuk'is keb' uxib' ij che o u Pablo chla' Antioquía, xel chub'i chla'. X'e chik, x'ax ptaq nk'aj tinmit chikjunjnal che iy'o pukwent Galacia rich'il Frigia rech xub'ij chke mnaq che kikjom utzij Dios chla' che kiktaqej kkojb'al chrij Qajaw Jesucristo, xuya kan jun kowlaj k'u'x chke.
U Apolos xub'ij utzij Dios chpam tinmit Éfeso
24Echi' jala kitjin u'anik, o jun achi aj Israel xo'pan chpam tinmit Éfeso, Apolos ub'i'. Re, jala kpi chpam tinmit Alejandría. Re mas utz ku'on che ub'ixik utzij Dios, mal mas rit'am sutaq kilwi jumpa tz'ib'tal chla'. 25Re utz utojxik 'nom che, kmal nk'aj chik mnaq chrij ub'e Qajaw, ena mas o kowlaj k'u'x che, xukoj uchu'ab' che ub'ixik utzij Dios. Utz xu'on che ub'ixik chrij sutaq xu'on Qajaw Jesús, miskini' xaw rit'am su xub'ij u Wan ajb'nal qasna' chrij Jesús. 26U Apolos xumaj ub'ixik utzij Dios chpam rchoch Dios ruk' jun kowlaj k'u'x, ena echi' xikta il Priscila rich'il u Aquila, xikk'am b'i utkel, tik'ri xkitz'qatsaj ub'ixik che ruk' saqlaj tzij sutaq kilwi ri ub'e Dios. 27Ena echi' xraj u Apolos k'ax chpam un lyar Acaya, nk'aj qachlal chla', xikto'o. Xiktz'ib'aj jun wuj rech xiktaq b'i kuk' nk'aj ajkojnel iy'o chla' Acaya, rech kkik'laj u Apolos echi' ko'pan kuk'. Ena echi' xo'pnik, mas xyuto' mnaq che kikjom utzij Dios, rmal ut'ob' Dios che xok chpam kanma'. 28Re, xu'on jun kowlaj k'u'x, xub'ij chke kunjel jumpa mnaq che qtzij taj sutaq kikb'ij nk'aj aj Israel. Xa jala' xiyikun taj xikch'ak u Apolos, mal xuk'ut chikuch su mero kilwi ri utzij Dios che tz'ib'tal chpam Tyox Wuj. Chla' tz'ib'tal wi che ri Jesús, jare Re Cristo che ki'em.#18:28 Cristo kel kub'ij jun chaytajnaq rmal Dios. Un tzij Mesías xaq jnam kilwi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global