Hechos 19
19
U Pablo xo'pan chpam tinmit Éfeso
1Echi' o u Apolos chpam tinmit Corinto, u Pablo x'ax ptaq tinmit o ptaq jyub'. Kitjin che ub'e b'enaq ast retal xo'pan chpam tinmit Éfeso. Iy'o nk'aj mnaq xyuriq chla' che kikjom utzij Jesucristo. 2Ena xuta chke:
—¿Le xk'un Tyoxlaj Uxlab'xel iwuk' echi' xikoj utzij Dios? —xche chke.
Ni ke xikb'ij:
—Qo'j qit'am taj we o jun Tyoxlaj Uxlab'xel, qatom t rson, —xiche che.
3Ena xuta chik u Pablo chke, xub'ij:
—¿Chinchke qasna' x'an chiwe? —xche chke.
Ni ke xikb'ij:
—Jare qasna' xu'on u Wan ajb'nal qasna', —xiche che.
4Ena xub'ij chik u Pablo chke:
—U Wan xu'on qasna' chke mnaq chintaq xikk'ex kchomnik chpam kanma', per soq xub'ij chke che nmister kikkoj utzij Jun che trin loq chrij re, che jare Jesús che Cristo kb'ix che. —Jala xub'ij u Pablo chke.
5Echi' xikta' che jala xub'ij u Pablo chke, x'an qasna' chke pub'i' Qajaw Jesús. 6Echi' k'ut xuya u'ab' u Pablo pkijlom, xk'un Tyoxlaj Uxlab'xel kuk', ena xich'aw chpam nk'aj chik tzij che jare taj ktzij ke. Soq xik'axij tzij chke mnaq che xya chke rmal Dios. 7Kunjel jumpa mnaq che xk'un Tyoxlaj Uxlab'xel kuk', pent o kab'aljuj (12) achjab' chke.
8U Pablo uxib' ik' xutaqej che x'e chpam rchoch Dios, jachi kikmol kib' nk'aj aj Israel. Re xub'ij utzij Dios chla', xux'ej t rib' che ub'ixik mal o mas kowlaj k'u'x che. Xukoj uchu'ab' che ub'ixik su kilwi ri utzlaj atb'altzij rech Dios, rech kiyikjon che. 9Per o keb' uxib' chke, che xa xik'an ko che kanma'. Xkaj taj xikkoj utzij Dios, xa xikmaj uyo'ik un k'ak' b'e rech Qajaw Jesucristo chikuch mnaq. Xa rmal xyuya kan u Pablo, xaw xyuk'am b'ik chintaq kikjom utzij Dios, xyuk'am b'i chpam jun iskwe'l rech jun achi Tirano ub'i'. Ena runjel ij xyutjoj mnaq che utzij Dios chla'. 10Xa jala', keb' jnab' xutaqej u Pablo che jala xu'ono. Ena kunjel jumpa mnaq iy'o pukwent Asia, xikta utzij Qajaw Jesucristo. Jumpa kwuch ke, iy'o iyaj Israel, soq iy'o iyaj Israel taj.
11Ri Qajaw Dios, xu'on nmaq taq k'utb'al rmal u Pablo. 12Ena jumpa nk'aj su't rich'il nk'aj atz'yaq che o pu'ab' u Pablo, xikta che rech xikk'am b'i kuk' nk'aj yab', xik'axij chkij, xaq ruk', xiyik'choj nk'aj yab'. Nk'aj itzel taq espíritu che o chke nk'aj yab' xiyel b'ik.
13Per iy'o keb' uxib' mnaq aj Israel che kib'in ptaq b'e rech kikkesaj itzel taq espíritu chke mnaq, ena jare kkaj ke wet xikkoj ub'i' Qajaw Jesús che resxik. Ena xikb'ij chke nk'aj itzel taq espíritu: «Pub'i' Qajaw Jesús che kub'ij u Pablo kixqataqo rech kixel b'ik», xiche chke.
14Nk'aj mnaq che jawa xik'ano ri', jare jqub' (7) uk'jol jun aj Israel che Esceva ub'i'. U Esceva jare jun tk'al pkijlom nk'aj rajchak Dios. 15Per echi' jala xik'an jqub' (7) achjab'i', xikb'ij nk'aj itzel taq espíritu chke: «Qo'j qit'am uwuch Jesús, soq qit'am uwuch u Pablo, per ni ix qit'am t iwuch, ¿ixchinoq?» xiche chke.
16Tik'ri k'ut xuk'eq rib' nachi chkij che o itzel taq espíritu che, ruk' nimlaj uchu'ab' xikunik xyuch'ak kunjel. Ko xyuchapo, mas xu'on k'ax chke, ast retal xa isnalik xiyanmaj b'ik, per mas isoktajnaq. 17Ena kunjel jumpa mnaq iy'o chpam tinmit Éfeso, iy'o iyaj Israel, soq iy'o iyaj Israel taj, per kunjel xkit'amaj che jala x'antjik. Ena mas xkix'ej kib', per xa mas xkinmirsaj u'ij Qajaw Jesús.
18Soq ik'i chke nk'aj che xikkoj utzij Dios, xipitik xikb'ij chikuch mnaq sutaq xik'an ujer che xa ustaj. 19Soq ik'i nk'aj chik che xa iyaj kjol itz ujer, xikk'am loq nk'aj kwuj, xikti' p'a' chikuch kunjel jumpa mnaq iy'o chla'. Echi' k'ut xkejlaj jumpa rjil nk'aj wuj che xikti'o, xkilo che reqlem kawnaq ljuj mil (50,000) rqan saq pwaq. 20Xa rmal wari' che x'antjik, ri utzlaj taq rson chrij Qajaw Jesús, mas xtix rson x'e ptaq tinmit, y x'alnik che o mas uchu'ab'.
21Echi' antajnaq chik runjel jumpa wari', u Pablo xuchomaj k'e ptaq tinmit pukwent Macedonia, rich'il ptaq tinmit pukwent Acaya, ast retal ko'pan chpam tinmit Jerusalén, rech kyurla mnaq ptaq nk'aj tinmite'. Soq xub'ij che echi' o chik Jerusalén, nmister k'e chna chpam tinmit Roma. 22Ena xyutaq b'i keb' utaqo'n chpam tinmit Macedonia, jare xyutaq b'i u Timoteo rich'il u Erasto. Ni re xkanaj kan keb' uxib' ij chik pukwent Asia.
Nk'aj mnaq xiktukb'lej kib' chpam tinmit Éfeso
23Echi' o u Pablo chpam tinmit Éfeso, xmajtaj jun ch'oj chikxo'l mnaq chla', rmal un k'ak' b'e rech Jesucristo. 24Un ch'oj che xmajtjik, xa rmal jun achi Demetrio ub'i', jare re xuyak utza'm un ch'oj. Re, xa ajch'yal ch'ich' kuresaj uwuchb'al un rchoch kidyosil mnaq chla' che Diana#19:24 Jun kidyosil Diana soq kb'ix Artemisa che. ub'i'. Saq pwaq kukoj che amb'alre. Jumpa mnaq che kiyichkun ruk', nimlaj pwaq kikch'ak rmal un chak che kik'ano. 25Ena xyumol nk'aj achjab' che kiyichkun ruk', rich'il nk'aj chik che xaq jnam kchak ruk', y xub'ij chke: «Achjab', ix iwit'am che xa rmal un qachak qarqom iwuk', kujkunik kqak'asb'a qib' rmal che nimlaj pwaq kqach'ak chrij. 26Per ni le' ix kiwilo, soq kita' che kub'ij u Pablo che jumpa nk'aj dyosil rich'il nk'aj tyox kik'an mnaq, ustaj mal jare taj mer dios. Xa jala' ik'i mnaq xukoj kk'u'x. Jala xu'on chi' chpam tinmit Éfeso, per xaw taj chi'. Ya mer kuk'is ksub'ik mnaq ptaq tinmit pukwent Asia. 27Mas kwent kraj wari', mal ksachtaj uwuch qak'ay, soq ksachtaj uwuch qachak we xa jala ku'ono, rich'il rchoch un nimlaj qadyosil che Diana ub'i', pent otchich uptan chke mnaq y xa kiktij tze' chik che mal kikkoj t chu'ij. Miskini' kunjel mnaq pukwent Asia, rich'il jumpa mas mnaq iy'o chi' chuchlew kikkoj u'ij, per pent kkixtuj kanoq». Jala xub'ij u Demetrio chke.
28Echi' xikta nk'aj mnaq che jala xub'ij, mas xpi kiwal che, ena xiksik'b'aj kib', xikb'ij: «Nim u'ij qadyosil che Diana ub'i', jarela kqakoj u'ij qo'j chpam tinmit Éfeso», xiche che.
29Kunjel mnaq chpam tinmit chla' xsach kk'u'x ruk', ena xikk'eq kib' chkij keb' achjab' rich'il u Pablo. Ke iyaj Macedonia, jun Gayo ub'i', nun chik Aristarco ub'i'. Ri mnaq xkichru'rej b'i keb' achjab' ast retal xiyo'pan chjuch un ja jachi kikriw kib' rech kik'an kchomnik. 30U Pablo jaret xraj re wet xok b'i kuk' mnaq rech kyuch'ab'ej, per ni mnaq che kikjom utzij Dios, xikya taj che. 31Soq iy'o keb' uxib' achjab' che iy'o che atb'altzij pukwent Asia, iyamigo ruk' u Pablo. Ena xiktaq ub'ixik che, che ustaj we kok b'i kuk'.
32Nk'aj mnaq che kimlom kib' chla', xiksik'b'aj kib', per xa junwi nk'aj tzij xikb'ij. Iy'o nk'aj chik xiksik'b'ajch kib', per wa'l xikb'ij chik ke, mal jumpa mnaq iy'o chla', xa xiktukb'lej kib'. Mas sachnaq kk'u'x, ni kit'am tni suche che kimlom kib'. 33O jun achi chla' aj Israel, Alejandro ub'i'. Ena xesax loq kmal nk'aj aj Israel, xiktaqpij loq. Per iy'o keb' uxib' mnaq chla' xikb'ij che, sutaq kitjin u'anik. Ena xuyak u'ab' u Alejandro, k'utb'alre che xa mich'aw chik, xa jare kraj re kch'aw chkij nk'aj aj Israel rech kyuto'o. 34Per echi' xiknab'ej che xa aj Israel u Alejandro, xa kunjel jnam xiksik'b'aj kib', ya mer keb' hora xiksik'b'aj kib', xikb'ij: «¡Nim u'ij qadyosil che Diana ub'i', jarela kqakoj u'ij qo'j chpam tinmit Éfeso!» xicha'.
35Per ni najtz'ib' rech atb'altzij che o chpam tinmit, xyu'atij nk'aj mnaq, xu'on chke che xaq jun kiyikje wi, ena xich'aw t chik. Tik'ri xub'ij chke: «Ix ixachjab' ix'o chpam tinmit Éfeso, kunjel mnaq chpam runjel jumpa tinmit, kit'am che ri tinmit Éfeso, jare uchak kuchjij rchoch nimlaj qadyosil che Diana ub'i', soq jare uchak kuchjij nab'aj xtzaq loq chkaj che o uwuchb'al qadyosil chjuch. 36Runjel jumpa wari', ot mow kqawaj uwuch, mal kunjel mnaq kit'am. Xa rmal, xaq jun kix'ol wi. Xaq pasu mi'ano we mja kichomaj ch'utz su ki'ano. 37Mal nk'aj achjab' che ik'mom loq chi', ot su kri' jun k'ax kinom che rchoch qadyosil che Diana ub'i', mowni o jun k'axlaj tzij kb'im chrij. 38Jumpa kwuch u Demetrio rich'il nk'aj achjab' che kiyichkun ruk', we xa kikb'ij che o jun k'ax kinom keb' achjab'i', jare uptan atb'altzij olik. Jikb'ij chla' su kmak kinom rech k'an atb'altzij pkijlom. 39We xa jun chik su cha'al che xaq saq uchlaj kiwaj kita', jare utz we kib'ij chla' chpam chomnik, rech chla' kchomax wi. 40Mal mas xib'al'ib' rilik sutaq kitjin u'anik chiqxo'l chanim, peche le', kujkun taj kqesaj qib' chuxe' we o su kpi chqij. We ni kb'ix chqe che xa xujwa'laj chrij atb'altzij rech kqa'an ch'oj ruk', qo'j kqariq t chik su kqab'ij mal ot ulyar sutaq kujtjin che u'anik». Jala xub'ij najtz'ib' rech atb'altzij. 41Echi' k'ut xk'is ub'ixik rmal, xub'ij chke mnaq che utz we kikjach kib', ena xib'ek.
လက္ရွိေရြးခ်ယ္ထားမွု
Hechos 19: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 19
19
U Pablo xo'pan chpam tinmit Éfeso
1Echi' o u Apolos chpam tinmit Corinto, u Pablo x'ax ptaq tinmit o ptaq jyub'. Kitjin che ub'e b'enaq ast retal xo'pan chpam tinmit Éfeso. Iy'o nk'aj mnaq xyuriq chla' che kikjom utzij Jesucristo. 2Ena xuta chke:
—¿Le xk'un Tyoxlaj Uxlab'xel iwuk' echi' xikoj utzij Dios? —xche chke.
Ni ke xikb'ij:
—Qo'j qit'am taj we o jun Tyoxlaj Uxlab'xel, qatom t rson, —xiche che.
3Ena xuta chik u Pablo chke, xub'ij:
—¿Chinchke qasna' x'an chiwe? —xche chke.
Ni ke xikb'ij:
—Jare qasna' xu'on u Wan ajb'nal qasna', —xiche che.
4Ena xub'ij chik u Pablo chke:
—U Wan xu'on qasna' chke mnaq chintaq xikk'ex kchomnik chpam kanma', per soq xub'ij chke che nmister kikkoj utzij Jun che trin loq chrij re, che jare Jesús che Cristo kb'ix che. —Jala xub'ij u Pablo chke.
5Echi' xikta' che jala xub'ij u Pablo chke, x'an qasna' chke pub'i' Qajaw Jesús. 6Echi' k'ut xuya u'ab' u Pablo pkijlom, xk'un Tyoxlaj Uxlab'xel kuk', ena xich'aw chpam nk'aj chik tzij che jare taj ktzij ke. Soq xik'axij tzij chke mnaq che xya chke rmal Dios. 7Kunjel jumpa mnaq che xk'un Tyoxlaj Uxlab'xel kuk', pent o kab'aljuj (12) achjab' chke.
8U Pablo uxib' ik' xutaqej che x'e chpam rchoch Dios, jachi kikmol kib' nk'aj aj Israel. Re xub'ij utzij Dios chla', xux'ej t rib' che ub'ixik mal o mas kowlaj k'u'x che. Xukoj uchu'ab' che ub'ixik su kilwi ri utzlaj atb'altzij rech Dios, rech kiyikjon che. 9Per o keb' uxib' chke, che xa xik'an ko che kanma'. Xkaj taj xikkoj utzij Dios, xa xikmaj uyo'ik un k'ak' b'e rech Qajaw Jesucristo chikuch mnaq. Xa rmal xyuya kan u Pablo, xaw xyuk'am b'ik chintaq kikjom utzij Dios, xyuk'am b'i chpam jun iskwe'l rech jun achi Tirano ub'i'. Ena runjel ij xyutjoj mnaq che utzij Dios chla'. 10Xa jala', keb' jnab' xutaqej u Pablo che jala xu'ono. Ena kunjel jumpa mnaq iy'o pukwent Asia, xikta utzij Qajaw Jesucristo. Jumpa kwuch ke, iy'o iyaj Israel, soq iy'o iyaj Israel taj.
11Ri Qajaw Dios, xu'on nmaq taq k'utb'al rmal u Pablo. 12Ena jumpa nk'aj su't rich'il nk'aj atz'yaq che o pu'ab' u Pablo, xikta che rech xikk'am b'i kuk' nk'aj yab', xik'axij chkij, xaq ruk', xiyik'choj nk'aj yab'. Nk'aj itzel taq espíritu che o chke nk'aj yab' xiyel b'ik.
13Per iy'o keb' uxib' mnaq aj Israel che kib'in ptaq b'e rech kikkesaj itzel taq espíritu chke mnaq, ena jare kkaj ke wet xikkoj ub'i' Qajaw Jesús che resxik. Ena xikb'ij chke nk'aj itzel taq espíritu: «Pub'i' Qajaw Jesús che kub'ij u Pablo kixqataqo rech kixel b'ik», xiche chke.
14Nk'aj mnaq che jawa xik'ano ri', jare jqub' (7) uk'jol jun aj Israel che Esceva ub'i'. U Esceva jare jun tk'al pkijlom nk'aj rajchak Dios. 15Per echi' jala xik'an jqub' (7) achjab'i', xikb'ij nk'aj itzel taq espíritu chke: «Qo'j qit'am uwuch Jesús, soq qit'am uwuch u Pablo, per ni ix qit'am t iwuch, ¿ixchinoq?» xiche chke.
16Tik'ri k'ut xuk'eq rib' nachi chkij che o itzel taq espíritu che, ruk' nimlaj uchu'ab' xikunik xyuch'ak kunjel. Ko xyuchapo, mas xu'on k'ax chke, ast retal xa isnalik xiyanmaj b'ik, per mas isoktajnaq. 17Ena kunjel jumpa mnaq iy'o chpam tinmit Éfeso, iy'o iyaj Israel, soq iy'o iyaj Israel taj, per kunjel xkit'amaj che jala x'antjik. Ena mas xkix'ej kib', per xa mas xkinmirsaj u'ij Qajaw Jesús.
18Soq ik'i chke nk'aj che xikkoj utzij Dios, xipitik xikb'ij chikuch mnaq sutaq xik'an ujer che xa ustaj. 19Soq ik'i nk'aj chik che xa iyaj kjol itz ujer, xikk'am loq nk'aj kwuj, xikti' p'a' chikuch kunjel jumpa mnaq iy'o chla'. Echi' k'ut xkejlaj jumpa rjil nk'aj wuj che xikti'o, xkilo che reqlem kawnaq ljuj mil (50,000) rqan saq pwaq. 20Xa rmal wari' che x'antjik, ri utzlaj taq rson chrij Qajaw Jesús, mas xtix rson x'e ptaq tinmit, y x'alnik che o mas uchu'ab'.
21Echi' antajnaq chik runjel jumpa wari', u Pablo xuchomaj k'e ptaq tinmit pukwent Macedonia, rich'il ptaq tinmit pukwent Acaya, ast retal ko'pan chpam tinmit Jerusalén, rech kyurla mnaq ptaq nk'aj tinmite'. Soq xub'ij che echi' o chik Jerusalén, nmister k'e chna chpam tinmit Roma. 22Ena xyutaq b'i keb' utaqo'n chpam tinmit Macedonia, jare xyutaq b'i u Timoteo rich'il u Erasto. Ni re xkanaj kan keb' uxib' ij chik pukwent Asia.
Nk'aj mnaq xiktukb'lej kib' chpam tinmit Éfeso
23Echi' o u Pablo chpam tinmit Éfeso, xmajtaj jun ch'oj chikxo'l mnaq chla', rmal un k'ak' b'e rech Jesucristo. 24Un ch'oj che xmajtjik, xa rmal jun achi Demetrio ub'i', jare re xuyak utza'm un ch'oj. Re, xa ajch'yal ch'ich' kuresaj uwuchb'al un rchoch kidyosil mnaq chla' che Diana#19:24 Jun kidyosil Diana soq kb'ix Artemisa che. ub'i'. Saq pwaq kukoj che amb'alre. Jumpa mnaq che kiyichkun ruk', nimlaj pwaq kikch'ak rmal un chak che kik'ano. 25Ena xyumol nk'aj achjab' che kiyichkun ruk', rich'il nk'aj chik che xaq jnam kchak ruk', y xub'ij chke: «Achjab', ix iwit'am che xa rmal un qachak qarqom iwuk', kujkunik kqak'asb'a qib' rmal che nimlaj pwaq kqach'ak chrij. 26Per ni le' ix kiwilo, soq kita' che kub'ij u Pablo che jumpa nk'aj dyosil rich'il nk'aj tyox kik'an mnaq, ustaj mal jare taj mer dios. Xa jala' ik'i mnaq xukoj kk'u'x. Jala xu'on chi' chpam tinmit Éfeso, per xaw taj chi'. Ya mer kuk'is ksub'ik mnaq ptaq tinmit pukwent Asia. 27Mas kwent kraj wari', mal ksachtaj uwuch qak'ay, soq ksachtaj uwuch qachak we xa jala ku'ono, rich'il rchoch un nimlaj qadyosil che Diana ub'i', pent otchich uptan chke mnaq y xa kiktij tze' chik che mal kikkoj t chu'ij. Miskini' kunjel mnaq pukwent Asia, rich'il jumpa mas mnaq iy'o chi' chuchlew kikkoj u'ij, per pent kkixtuj kanoq». Jala xub'ij u Demetrio chke.
28Echi' xikta nk'aj mnaq che jala xub'ij, mas xpi kiwal che, ena xiksik'b'aj kib', xikb'ij: «Nim u'ij qadyosil che Diana ub'i', jarela kqakoj u'ij qo'j chpam tinmit Éfeso», xiche che.
29Kunjel mnaq chpam tinmit chla' xsach kk'u'x ruk', ena xikk'eq kib' chkij keb' achjab' rich'il u Pablo. Ke iyaj Macedonia, jun Gayo ub'i', nun chik Aristarco ub'i'. Ri mnaq xkichru'rej b'i keb' achjab' ast retal xiyo'pan chjuch un ja jachi kikriw kib' rech kik'an kchomnik. 30U Pablo jaret xraj re wet xok b'i kuk' mnaq rech kyuch'ab'ej, per ni mnaq che kikjom utzij Dios, xikya taj che. 31Soq iy'o keb' uxib' achjab' che iy'o che atb'altzij pukwent Asia, iyamigo ruk' u Pablo. Ena xiktaq ub'ixik che, che ustaj we kok b'i kuk'.
32Nk'aj mnaq che kimlom kib' chla', xiksik'b'aj kib', per xa junwi nk'aj tzij xikb'ij. Iy'o nk'aj chik xiksik'b'ajch kib', per wa'l xikb'ij chik ke, mal jumpa mnaq iy'o chla', xa xiktukb'lej kib'. Mas sachnaq kk'u'x, ni kit'am tni suche che kimlom kib'. 33O jun achi chla' aj Israel, Alejandro ub'i'. Ena xesax loq kmal nk'aj aj Israel, xiktaqpij loq. Per iy'o keb' uxib' mnaq chla' xikb'ij che, sutaq kitjin u'anik. Ena xuyak u'ab' u Alejandro, k'utb'alre che xa mich'aw chik, xa jare kraj re kch'aw chkij nk'aj aj Israel rech kyuto'o. 34Per echi' xiknab'ej che xa aj Israel u Alejandro, xa kunjel jnam xiksik'b'aj kib', ya mer keb' hora xiksik'b'aj kib', xikb'ij: «¡Nim u'ij qadyosil che Diana ub'i', jarela kqakoj u'ij qo'j chpam tinmit Éfeso!» xicha'.
35Per ni najtz'ib' rech atb'altzij che o chpam tinmit, xyu'atij nk'aj mnaq, xu'on chke che xaq jun kiyikje wi, ena xich'aw t chik. Tik'ri xub'ij chke: «Ix ixachjab' ix'o chpam tinmit Éfeso, kunjel mnaq chpam runjel jumpa tinmit, kit'am che ri tinmit Éfeso, jare uchak kuchjij rchoch nimlaj qadyosil che Diana ub'i', soq jare uchak kuchjij nab'aj xtzaq loq chkaj che o uwuchb'al qadyosil chjuch. 36Runjel jumpa wari', ot mow kqawaj uwuch, mal kunjel mnaq kit'am. Xa rmal, xaq jun kix'ol wi. Xaq pasu mi'ano we mja kichomaj ch'utz su ki'ano. 37Mal nk'aj achjab' che ik'mom loq chi', ot su kri' jun k'ax kinom che rchoch qadyosil che Diana ub'i', mowni o jun k'axlaj tzij kb'im chrij. 38Jumpa kwuch u Demetrio rich'il nk'aj achjab' che kiyichkun ruk', we xa kikb'ij che o jun k'ax kinom keb' achjab'i', jare uptan atb'altzij olik. Jikb'ij chla' su kmak kinom rech k'an atb'altzij pkijlom. 39We xa jun chik su cha'al che xaq saq uchlaj kiwaj kita', jare utz we kib'ij chla' chpam chomnik, rech chla' kchomax wi. 40Mal mas xib'al'ib' rilik sutaq kitjin u'anik chiqxo'l chanim, peche le', kujkun taj kqesaj qib' chuxe' we o su kpi chqij. We ni kb'ix chqe che xa xujwa'laj chrij atb'altzij rech kqa'an ch'oj ruk', qo'j kqariq t chik su kqab'ij mal ot ulyar sutaq kujtjin che u'anik». Jala xub'ij najtz'ib' rech atb'altzij. 41Echi' k'ut xk'is ub'ixik rmal, xub'ij chke mnaq che utz we kikjach kib', ena xib'ek.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global