Ruka 12
12
Mahano kuri ebea b'enkuse
(Mat 10.26-27)
1Mu kashangi kika-kika, esangenche ningi sa maerefu a bea bakumanana nti banyantanange. Yesu wabucha kasa ieba n'ebanafunsi bae mbu: «Mwiranganga n'echachu y'eBafarisayo, ngerieba mbu enkuse yabo. 2Kinsi chabiswa kisetaburwayo, na kinsi nama isesibwayo. 3Ngyasingwa ebinwa biti biseba banu mu mwirimya biserukirwayo munkati echaka. N'ebinwa biti bisebayo banu mu nama ekundani kwabisama, biseturwayo hamambio.»
Ingu wakomenwa isubahwa
(Mat 10.28-31)
4Yesu wenderana nieba mbu: «Nibwirengi banu bira bani, anga musubaha rotu imbi bamukocha ishura emubi ho, na batakoche ironja tu kimpe kikai irenga cha. 5Nisebushea ingu mukomenwa isubaha: mwendi musubaha Ongo bushwa mbu iwe, wamakinda ishura, iwe nge wamukocha tu itaa emwea mu marunga. Mu riira, nibwirengi mbu iwe nge mukomenwa isubaha!
6«Kasa bishwi bisanu bisira busi! Ina Ongo iwe wosi kinsi kima mu byo. 7Iwe wosi iansa n'ebuteo buti bw'emintwe yinu. Kai kiro mwendi musubaha, bushwa mbu banu muraisha nguru irenga bishwi bingi!»
Erisimira n'erituna Yesu Kirisitu
(Mat 10.32-33; 12.32; 10.19-20)
8Yesu weba tu mbu: «Nibwirengi mbu kinsi mwea wanirisia munkati na bea, ani eMwana w'eMwea nani nisemurisiayo munkati n'ebamaraika ba Ongo. 9Ina kinsi mwea wasenituna munkati na bea, basemutunayo nae munkati n'ebamaraika ba Ongo. 10Kinsi mwea weba bubi kuri ani eMwana w'eMwea, wasesasirwayo, ina kinsi mwea wakamba eMutima Washurukara, iwe watasasirwiyo.
11«Ebea basekiayo baburia kabuhukumu mu masinangoki, abe mu makako ebakwakare n'ebikondo, kiro mwianya mu binwa bisesubyayo banu, abe imbi bisebayo banu. 12Bushwa mbu hiha-hiha eMutima Washurukara usebusheayo ebinwa byakomenwa ieba banu.»
Mushinga w'emutumba kitengi
13Mwea uma munkati n'enkumanano were Yesu mbu: «eMuhani, eba na munakitu wambesi emuhango wani mu mwandu watusierenga tita.» 14Yesu wamushisha mbu: «Era! Inye ngwakunironja ibinduke mushunguri winu abe mubanyii w'ebutumba bwinu?» 15Nampo Yesu were ebea bati mbu: «Mukohyanga, kiro mwendi mubese na karawa ka behe, bushwa mbu ebehe bitakoche iranga ebuingo bw'emwea, nakiro mbu wamubese mutumba nguru.»
16Yesu wakere bo emushinga uno mbu: «Kwarikanga mutumba uma wabesenga na mashwa. Emashwa ngo ase mo mukene mwingi. 17Wabucha ianikira na kwishisha mbu: ‹Nikie buni buno bwarukwa ani buari bw'ibike mo emukene wani uti?› 18Nampo ke weba mbu: ‹Niseronja buno: nasekakura esambicho sani kongo nimba simpe nkiri-nkiri sibike mo emukene wani, n'ebimpe behe byani. 19Kuruma nampo, ani kisine nasiebeshayo mbu: "Ani namibike behe bingi itukire myaka mingi. Kai ngie namiruhuke, nirise, n'omu n'imoa."›
20«Ina Ongo wamwire mbu: ‹Rero-rero ǒngo kitengi! Mu butu bwa runotu, ǒngo ukukwa. Nampo ke, ebikai biti byarekwibike ǒngo byasebese byanye?›»
21Yesu wamina ke kinwa mbu: «Bimbyo nge bibesenga kuri emwea ingu wibikengi behe bingi wisine, ina iwe ntíwanswa ibese na kikai mu makako a Ongo.»
Erikwinyihire Ongo
(Mat 6.25-34)
22Kuruma nampo, Yesu were ebanafunsi bae mbu: «Ngyasingwa nabwire mbu: kiro mwianya bushwa n'ebuingo bwinu, bushwa n'ebiserisa banu, abe kiro mwinubya bushwa n'emibi yinu kuba mukumbara inki. 23Bushwa mbu ebuingo bwarenga ebio n'emubi warenga esanchangi. 24Musunge ebikona: bitekanga mirime, bitakaonga nakuba, bisira buari bw'ibike mo mukene na bisira mbicho. Ina Ongo urishanga byo. Kasa banu murenga kore emirónge! 25Inye mu banu, bushwa n'erikwianya rae, wamitarike otu ho ruma mu buingo bwae? 26Kuba ke mutukoche ironja kikai kikeke buri ncho, banu mwianyange mu bikai bimpe bushwa nki? 27Musunge kasa ebushukanga esantondo mu mashwa. Sitakoranga murimo, anga kwiruke na nchangi. Ina nibwirengi mbu nakiro emwami Soromono, mu busime bwae, ntwambaranga nchangi yakonda yarenga n'entondo nima. 28Kuba ke Ongo wambichange bisu by'emashwa, imbi bisungwange runotu na bisekama mukoma n'itawa n'ishikwa, kai ke watamubumbaricha shu banu b'erisimira rikeke?
29«Kai kiro mwianya mwisondekanya ebyarisa n'iomo banu. 30Entí Bayuta b'echuo kino ibo nge basondekanyanga ebikai biti mbyo. Ina banu, Iso winu wosi mbu murae mu bikai biti mbyo. 31Kai banu mwendi musodekanya eBwami bwa Ongo kasa, nae usebutarikeyo ebikai bino biti.»
Erikwibike ebutumba mu mbingu
(Mat 6.19-21)
32Yesu were tu bo mbu: «Banu bea bakeke, kiro mwendi musubaha! Bushwa mbu Iso winu washimanga ibuninka eBwami bwae. 33Mwendi muchuya ebikai byinu mu risake ebasene. Mwendi mwibike busoki imbu butabihiyo na butasiriyo, nge kiku kitasiriyo mu mbingu. Inko, ebǐbi bateyiyo ko n'erunsenge naro rutarisiyo ebehe mbyo. 34Bushwa mbu impi habike banu ebutumba bwinu nge harikangǎ n'emitima yinu.»
Eririndire ikuruka r'eMwami
35Yesu were tu bo mbu: «Mwendi murika nti banu mwitunganyanyange ikora murimo n'ematara inu na o nti arika asakange. 36Mubesenga buri bakori barindirengi nyere kurwabo utukange ekukibimbi ch'eriherucha, kongo entambi iserembera we n'ikongota, hiha-hiha nti bamurundure erubi. 37Bakasanirwa ebakori imbi basekumanwayo bashere entambi iseyayo we! Nibwirengi muriira mbu: wasembarayo enchangi y'emurimo, warikechi bo n'ishee bo bio. 38Bakasanirwa ebakori imbi basekumanwayo na Nyere kurwabo nti bashere munkati ebutu abe mu richa r'ebutu nti bakiri bamurindirengi.
39«Musibanga mbu kuba mine numba wamusibange rero entambi yameya emwibi kashuma mu mwae, watamusiange enumba yae ikakurwe. 40Kai na banu mukohyanga, bushwa mbu ani eMwana w'eMwea nisekurukayo mu ntambi ntíyaanikire rero banu.»
Emukori wakoma n'emukori wema
(Mat 24.45-51)
41Nampo Petero washisha Yesu mbu: «eNyere Kuritu, mbeni emushinga watukere ǒngo watukae ho bate bisine abe w'ebea bati?»
42Nyere Kuritu wasako mbu: «Inye ke nge kapita k'eriira na kari na bwenge? Nge ingu watumwa na nyere kurwabo mwisimane babine ininka bo bio mu ntambi yakomenwa. 43Kakasanirwa ekapita nko kuba kakumanwa kakiri kakorange emurimo entambi yakuruka nyere kurwabo. 44Nibwirengi muriira mbu: nyere kurwabo waseria ho ekapita nko kasimaniri ebehe byae biti. 45Ina ekapita nko kuba kiebesha kisine mbu: ‹Nyere Kuritu wasɨa nguru kwendanga we!› N'ibucha ihumba ebakori banachae babume na bamina, n'ibucha irisa, n'ibucha iomo n'itamira. 46Ekapita nko, Nyere kurwabo usekurukayo erotu ntírwaanikira we n'ekashangi ntíkosi rero we. Nampo Nyere kurwabo wasemukekeraa mo byunda bibí n'imusunga buri uma mu mbi bea ntíbinyihirwa.
47«Emukori ngu wosi ebyashima nyere kurwabo, ina wamarukwa kwitunganyanya n'irukwa ikora imbi byashima nyere kurwabo, waseraswayo tushushu twingi. 48Ina emukori ingu wamubese ntwosi ebishimanga nyere kurwabo, wamakora ebyamusingwa wahumbwa, waseraswayo tushushu tukeke. Emwea waninkwanga bingi, wasekongwayo bingi. Nangu wabichiwanga bingi waseshishiwayo bingi nguru.»
Yesu weyanga kasianya ebea
(Mat 10.34-36)
49«Neyanga kataa kasha mu chuo, na namushimange nguru kabesǐ nti kamasaka! 50Naria murio wa minubo ingu wakomenwa iria ani. Na niburubikange nguru mu mutima ieya nambu bwakia eminubo njo yabererera! 51Mbeni banu mwanikirange mbu nareya karisha buhoro mu chuo? Anga! Nibwirengi mbu nareya karisha isiana. 52Itukire runotu, bea basanu b'uanda ruma basesiana. Bea bashatu bendi babanganange na babi, na babi bendi babanganange na bashatu. 53Bamwana n'ishe bendi babanganange, na kikumi na nina bendi babanganange. Bamwasana n'inabe bendi babanganange.»
Isiba ebiteerere by'esantambi
(Mat 16.2-3)
54Yesu were esangenche s'ebea nabo hotu mbu: «Mumasunga erutundo rwasaire mu ruharo ruraamanga mo emwishi, hiha-hiha banu mwebanga mbu: ‹embura iseeke›, nayo nti yake nakuba. 55N'entambi isunganga banu eriuhu rasaire uharo rwa kumbo, banu mwebanga mbu: ‹Kusebese chuka kingi›, n'echuka nti chabesa hona. 56Banu bea b'enkuse! Banu musibanga ebiteerere by'echuo na by'ekwiyo, bushwa nki mufundwa iteerera ebinwa byetange ematu ano?»
Murongane n'ebarenda binu
(Mat 5.25-26)
57Yesu weba tu mbu: «Inki chasingwa banu mutukoche ikora kinwa chakonda inchi chakomenwa ikorwa? 58Umenda kaburana na mwea, wisumyanga urongane nae munkati n'ense. Kuba ntímbo, wasekusongere mu makako emushunguri, n'emushunguri nae wamukuria ekubaporisi, n'eporisi nae ntwakutaa mu mwiyororo. 59Nikwirengi mbu utukoche isaa mo kuba ntí utua nensi erufaranga rwa hende.»
လက္ရွိေရြးခ်ယ္ထားမွု
Ruka 12: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 12
12
Mahano kuri ebea b'enkuse
(Mat 10.26-27)
1Mu kashangi kika-kika, esangenche ningi sa maerefu a bea bakumanana nti banyantanange. Yesu wabucha kasa ieba n'ebanafunsi bae mbu: «Mwiranganga n'echachu y'eBafarisayo, ngerieba mbu enkuse yabo. 2Kinsi chabiswa kisetaburwayo, na kinsi nama isesibwayo. 3Ngyasingwa ebinwa biti biseba banu mu mwirimya biserukirwayo munkati echaka. N'ebinwa biti bisebayo banu mu nama ekundani kwabisama, biseturwayo hamambio.»
Ingu wakomenwa isubahwa
(Mat 10.28-31)
4Yesu wenderana nieba mbu: «Nibwirengi banu bira bani, anga musubaha rotu imbi bamukocha ishura emubi ho, na batakoche ironja tu kimpe kikai irenga cha. 5Nisebushea ingu mukomenwa isubaha: mwendi musubaha Ongo bushwa mbu iwe, wamakinda ishura, iwe nge wamukocha tu itaa emwea mu marunga. Mu riira, nibwirengi mbu iwe nge mukomenwa isubaha!
6«Kasa bishwi bisanu bisira busi! Ina Ongo iwe wosi kinsi kima mu byo. 7Iwe wosi iansa n'ebuteo buti bw'emintwe yinu. Kai kiro mwendi musubaha, bushwa mbu banu muraisha nguru irenga bishwi bingi!»
Erisimira n'erituna Yesu Kirisitu
(Mat 10.32-33; 12.32; 10.19-20)
8Yesu weba tu mbu: «Nibwirengi mbu kinsi mwea wanirisia munkati na bea, ani eMwana w'eMwea nani nisemurisiayo munkati n'ebamaraika ba Ongo. 9Ina kinsi mwea wasenituna munkati na bea, basemutunayo nae munkati n'ebamaraika ba Ongo. 10Kinsi mwea weba bubi kuri ani eMwana w'eMwea, wasesasirwayo, ina kinsi mwea wakamba eMutima Washurukara, iwe watasasirwiyo.
11«Ebea basekiayo baburia kabuhukumu mu masinangoki, abe mu makako ebakwakare n'ebikondo, kiro mwianya mu binwa bisesubyayo banu, abe imbi bisebayo banu. 12Bushwa mbu hiha-hiha eMutima Washurukara usebusheayo ebinwa byakomenwa ieba banu.»
Mushinga w'emutumba kitengi
13Mwea uma munkati n'enkumanano were Yesu mbu: «eMuhani, eba na munakitu wambesi emuhango wani mu mwandu watusierenga tita.» 14Yesu wamushisha mbu: «Era! Inye ngwakunironja ibinduke mushunguri winu abe mubanyii w'ebutumba bwinu?» 15Nampo Yesu were ebea bati mbu: «Mukohyanga, kiro mwendi mubese na karawa ka behe, bushwa mbu ebehe bitakoche iranga ebuingo bw'emwea, nakiro mbu wamubese mutumba nguru.»
16Yesu wakere bo emushinga uno mbu: «Kwarikanga mutumba uma wabesenga na mashwa. Emashwa ngo ase mo mukene mwingi. 17Wabucha ianikira na kwishisha mbu: ‹Nikie buni buno bwarukwa ani buari bw'ibike mo emukene wani uti?› 18Nampo ke weba mbu: ‹Niseronja buno: nasekakura esambicho sani kongo nimba simpe nkiri-nkiri sibike mo emukene wani, n'ebimpe behe byani. 19Kuruma nampo, ani kisine nasiebeshayo mbu: "Ani namibike behe bingi itukire myaka mingi. Kai ngie namiruhuke, nirise, n'omu n'imoa."›
20«Ina Ongo wamwire mbu: ‹Rero-rero ǒngo kitengi! Mu butu bwa runotu, ǒngo ukukwa. Nampo ke, ebikai biti byarekwibike ǒngo byasebese byanye?›»
21Yesu wamina ke kinwa mbu: «Bimbyo nge bibesenga kuri emwea ingu wibikengi behe bingi wisine, ina iwe ntíwanswa ibese na kikai mu makako a Ongo.»
Erikwinyihire Ongo
(Mat 6.25-34)
22Kuruma nampo, Yesu were ebanafunsi bae mbu: «Ngyasingwa nabwire mbu: kiro mwianya bushwa n'ebuingo bwinu, bushwa n'ebiserisa banu, abe kiro mwinubya bushwa n'emibi yinu kuba mukumbara inki. 23Bushwa mbu ebuingo bwarenga ebio n'emubi warenga esanchangi. 24Musunge ebikona: bitekanga mirime, bitakaonga nakuba, bisira buari bw'ibike mo mukene na bisira mbicho. Ina Ongo urishanga byo. Kasa banu murenga kore emirónge! 25Inye mu banu, bushwa n'erikwianya rae, wamitarike otu ho ruma mu buingo bwae? 26Kuba ke mutukoche ironja kikai kikeke buri ncho, banu mwianyange mu bikai bimpe bushwa nki? 27Musunge kasa ebushukanga esantondo mu mashwa. Sitakoranga murimo, anga kwiruke na nchangi. Ina nibwirengi mbu nakiro emwami Soromono, mu busime bwae, ntwambaranga nchangi yakonda yarenga n'entondo nima. 28Kuba ke Ongo wambichange bisu by'emashwa, imbi bisungwange runotu na bisekama mukoma n'itawa n'ishikwa, kai ke watamubumbaricha shu banu b'erisimira rikeke?
29«Kai kiro mwianya mwisondekanya ebyarisa n'iomo banu. 30Entí Bayuta b'echuo kino ibo nge basondekanyanga ebikai biti mbyo. Ina banu, Iso winu wosi mbu murae mu bikai biti mbyo. 31Kai banu mwendi musodekanya eBwami bwa Ongo kasa, nae usebutarikeyo ebikai bino biti.»
Erikwibike ebutumba mu mbingu
(Mat 6.19-21)
32Yesu were tu bo mbu: «Banu bea bakeke, kiro mwendi musubaha! Bushwa mbu Iso winu washimanga ibuninka eBwami bwae. 33Mwendi muchuya ebikai byinu mu risake ebasene. Mwendi mwibike busoki imbu butabihiyo na butasiriyo, nge kiku kitasiriyo mu mbingu. Inko, ebǐbi bateyiyo ko n'erunsenge naro rutarisiyo ebehe mbyo. 34Bushwa mbu impi habike banu ebutumba bwinu nge harikangǎ n'emitima yinu.»
Eririndire ikuruka r'eMwami
35Yesu were tu bo mbu: «Mwendi murika nti banu mwitunganyanyange ikora murimo n'ematara inu na o nti arika asakange. 36Mubesenga buri bakori barindirengi nyere kurwabo utukange ekukibimbi ch'eriherucha, kongo entambi iserembera we n'ikongota, hiha-hiha nti bamurundure erubi. 37Bakasanirwa ebakori imbi basekumanwayo bashere entambi iseyayo we! Nibwirengi muriira mbu: wasembarayo enchangi y'emurimo, warikechi bo n'ishee bo bio. 38Bakasanirwa ebakori imbi basekumanwayo na Nyere kurwabo nti bashere munkati ebutu abe mu richa r'ebutu nti bakiri bamurindirengi.
39«Musibanga mbu kuba mine numba wamusibange rero entambi yameya emwibi kashuma mu mwae, watamusiange enumba yae ikakurwe. 40Kai na banu mukohyanga, bushwa mbu ani eMwana w'eMwea nisekurukayo mu ntambi ntíyaanikire rero banu.»
Emukori wakoma n'emukori wema
(Mat 24.45-51)
41Nampo Petero washisha Yesu mbu: «eNyere Kuritu, mbeni emushinga watukere ǒngo watukae ho bate bisine abe w'ebea bati?»
42Nyere Kuritu wasako mbu: «Inye ke nge kapita k'eriira na kari na bwenge? Nge ingu watumwa na nyere kurwabo mwisimane babine ininka bo bio mu ntambi yakomenwa. 43Kakasanirwa ekapita nko kuba kakumanwa kakiri kakorange emurimo entambi yakuruka nyere kurwabo. 44Nibwirengi muriira mbu: nyere kurwabo waseria ho ekapita nko kasimaniri ebehe byae biti. 45Ina ekapita nko kuba kiebesha kisine mbu: ‹Nyere Kuritu wasɨa nguru kwendanga we!› N'ibucha ihumba ebakori banachae babume na bamina, n'ibucha irisa, n'ibucha iomo n'itamira. 46Ekapita nko, Nyere kurwabo usekurukayo erotu ntírwaanikira we n'ekashangi ntíkosi rero we. Nampo Nyere kurwabo wasemukekeraa mo byunda bibí n'imusunga buri uma mu mbi bea ntíbinyihirwa.
47«Emukori ngu wosi ebyashima nyere kurwabo, ina wamarukwa kwitunganyanya n'irukwa ikora imbi byashima nyere kurwabo, waseraswayo tushushu twingi. 48Ina emukori ingu wamubese ntwosi ebishimanga nyere kurwabo, wamakora ebyamusingwa wahumbwa, waseraswayo tushushu tukeke. Emwea waninkwanga bingi, wasekongwayo bingi. Nangu wabichiwanga bingi waseshishiwayo bingi nguru.»
Yesu weyanga kasianya ebea
(Mat 10.34-36)
49«Neyanga kataa kasha mu chuo, na namushimange nguru kabesǐ nti kamasaka! 50Naria murio wa minubo ingu wakomenwa iria ani. Na niburubikange nguru mu mutima ieya nambu bwakia eminubo njo yabererera! 51Mbeni banu mwanikirange mbu nareya karisha buhoro mu chuo? Anga! Nibwirengi mbu nareya karisha isiana. 52Itukire runotu, bea basanu b'uanda ruma basesiana. Bea bashatu bendi babanganange na babi, na babi bendi babanganange na bashatu. 53Bamwana n'ishe bendi babanganange, na kikumi na nina bendi babanganange. Bamwasana n'inabe bendi babanganange.»
Isiba ebiteerere by'esantambi
(Mat 16.2-3)
54Yesu were esangenche s'ebea nabo hotu mbu: «Mumasunga erutundo rwasaire mu ruharo ruraamanga mo emwishi, hiha-hiha banu mwebanga mbu: ‹embura iseeke›, nayo nti yake nakuba. 55N'entambi isunganga banu eriuhu rasaire uharo rwa kumbo, banu mwebanga mbu: ‹Kusebese chuka kingi›, n'echuka nti chabesa hona. 56Banu bea b'enkuse! Banu musibanga ebiteerere by'echuo na by'ekwiyo, bushwa nki mufundwa iteerera ebinwa byetange ematu ano?»
Murongane n'ebarenda binu
(Mat 5.25-26)
57Yesu weba tu mbu: «Inki chasingwa banu mutukoche ikora kinwa chakonda inchi chakomenwa ikorwa? 58Umenda kaburana na mwea, wisumyanga urongane nae munkati n'ense. Kuba ntímbo, wasekusongere mu makako emushunguri, n'emushunguri nae wamukuria ekubaporisi, n'eporisi nae ntwakutaa mu mwiyororo. 59Nikwirengi mbu utukoche isaa mo kuba ntí utua nensi erufaranga rwa hende.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development