Ruka 13
13
Rakomenwa ireke esansambi
1Mu ntambi njo, bea bima beya kature Yesu emwasi imbu bwakianga Pirato watuma bea kashiria bisa ku Ngariraya bima, imbi babesenga bachinjange esanyama s'erisibure Ongo. 2Yesu washisha bo mbu: «Mbeni banu mwanikirange mbu bisa ku Ngariraya mbo bakushurwa bumbo, bushwa mbu babesenga bea ba nsambi irenga bisa ku Ngariraya bampe bati? 3Anga ntímbo! Ina nibwirengi mbu kuba ntímubunduka ireke esansambi sinu, na banu bati mukushirira bumbo hotu. 4N'ebea ikumi na munani ebasikirwanga n'enumba nere murubungu rwa ku Siroamu, mbeni banu muhakange mbu ibo babesenga nge bea bema irenga bisa ku Yerusaremu bati? 5Anga ntímbo! Ina nibwirengi mbu kuba ntímubunduka ireke esansambi sinu, na banu bati hotu mukushirirǎ bumbo».
Mushinga w'emuti ingu ntíwarebuta byuma
6Kuruma nampo, Yesu wakere bo emushinga uno mbu: «Kwabesenga mwea uma weka muti wa tini mu rishwa rae r'emisabibu. Otu ruma, weya kasonda mu o byuma, ina warukwa mo kiro n'echuma kima. 7Nampo, were emukori w'erishwa rae ndo mbu: ‹Kae ke! Ngie myaka ishatu ino neyanga kǎsonda byuma mu muti uno w'etini, ina karankuso! Konda o, bushwa mbu ubisha-bishange ho eroto busa-busa.› 8Ina emukori ngo wamusako mbu: ‹Enyere kuritu, rekerere tu kasa o mu mwaka uno. Nashekere tu o n'itereka mu o bumpe buinu. 9Kuri ntambi wamubuta byuma mu mwaka musindu, na kuba ntiwabuta ho, nti ngie ukukondao.›»
Yesu waramya mumina uma otu rwa Sabato
10Otu ruma rwa Sabato, Yesu wabesenga uhanange ebea mu sinangoki. 11Kai mu sinangoki mo nti muri mumina uma mukoni. Emumina ngo wabesenga wamaronja myaka ikumi na mumane nt'unubiwange n'ishumbu. Erishumbu ndo rabesenga rarimukunya, na nti watakochanga tu ioro emongo. 12Yesu warekia wamusunga, wamubikira n'imwire mbu: «Ekoyo, umakinda irama ebukoni bwabe.» 13Nampo Yesu watereka emine yae kuri we, nae woro emongo hiha-hiha n'ibucha itata Ongo.
14Ina emukwakare w'esinangoki wasunga bubi bushwa na Yesu mu riramya mwea mu rotu rw'eSabato. Bushwa nancho, were ebea ebabesenga batumana mpo mbu: «Kurikanga matu mutuba ikora. Mwendi mweyange karamyiwa mu matu ngo, ina kiro rwabunduke otu rwa Sabato!»
15Ina Nyere Kuritu wamusako mbu: «Banu bea b'enkuse! Mbeni inye mu banu ingu wataboranga enkambu abe embunda yae haminirwanga yo n'ienda komosha yo mecha otu rwa Sabato? 16Emumina uno w'erubuto rwa Iburahimu, wabesenga waminwa na Mushumbu myaka ikumi na munani, mbeni ntwakomenwa rero iborwa erotu rw'eSabato?»
17Yesu warekia wameba mbo, ebarenda bae bati bakwa nkene. Ina enteko iti y'ebea yakokoma mwisunga emikorere y'ebishisharo biti ebyabesenga bikorange we.
Mushinga w'ekambuto kakeke nguru
(Mat 13.31-32; Mar 4.30-32)
18Kuruma nampo, Yesu weba tu mbu: «Mbeni eBwami bwa Ongo bwasusana nanki? Namususanya bo nanki? 19eBwami mbo bwasusanyiwa na kambuto kakeke ka harandari, inki kakianga mwea uma watinge n'ieka ko mu rishwa rae. Embuto njo y'oshuka, yabese ke muti mukiri, n'emirónge yeya k'umba birumba mu santabi sao.»
Emushinga w'echachu
(Mat 13.33)
20Yesu weba tu mbu: «Nisesusanya eBwami bwa Ongo nanki? 21eBwami mbo bwasusanyiwa na chachu eyakianga mumina uma wakubure yo mu nengo ishatu sa nchano y'ironja mikati, ieya na mu ntambi nji enchano iti yabimba.»
Erubi rwekene
(Mat 7.13-14,21-23)
22Yesu warekia wendange ku Yerusaremu, weta mu mbungu nkiri-nkiri na mbungu nkeke-nkeke nt'uhanange ebea. 23Mwea uma wamushisha mbu: «eNyere Kuritu, mbeni bea bakeke ho nge baseshukarayo?» Yesu wasako ebati mbu: 24«Mwisumyanga ikime mu rubi rwekene. Bushwa nibwirengi mu riira mbu bea bingi baseerekayo mbu bakimi mu ro, ina batakochiyo.
25«Etambi mine numba wakii wamasimana n'irindika erubi, mukusiayo hambuka n'ibucha ikongota erubi, n'ieba mbu: ‹eNyere Kuritu, turunduri!› Ina wasebusakoyo mbu: ‹Muntukiriri, ntínosi kusairengi banu.› 26Nampo ke mukubuchayo imwire mbu: ‹Twabesenga turisange n'iomo hima nabe, ubesenga ongo uhanange ebea mu mitanga ya kuritu.› 27Ina iwe wasebusakoyo tu mbu: ‹Ntínosi ekusairengi banu. Mutuke kwihi nani, banu bati bakori bema.›
28«Mukusungayo Iburahimu, Isake, Yakobo n'ebatahwa bati mu Bwami bwa Ongo. Ina banu mukurekerwayo habutara! Nanko mukureyo n'ishiisha emeno. 29Ebea basesaireyo ekuti mu chuo, nabo baserikayo nti barisange bio hima mu Bwami bwa Ongo. 30Murukire! Bima mu basindu runotu basebeseyo baroso, na bima mu baroso runotu basebeseyo basindu.»
Yesu warire erubungu rwa ku Yerusaremu
(Mat 23.37-39)
31Mu ntambi njo, Bafarisayo bima beyere Yesu n'imwire mbu: «Tuka hano, iiri rabe kumpe, bushwa mbu Herote usondange ikushura.» 32Yesu wasako bo mbu: «Mwendí kere emuterere o mbu runotu na mukoma nasehensa ebifwasi n'iramya ebakoni, na mukakoma nasekindanya emurimo wani. 33Kasa nahwa imisa eruendo rwani runotu, mukoma na mukakoma, bushwa mbu emutahwa ntwakomenwa ishurwa mu rumpe ubungu kuba ntí ku Yerusaremu.
34«Banu bisa ku Yerusaremu! Banu nge mushuranga ebatahwa, n'esantumwa sibutumirenga Ongo banu mushuranga to na makoi. Meta mingi nakusonda ibusonja bukianga enkoko yasonja etunyau kumunda ebyubi byae, ina banu mwitinire! 35Murukire ke! Erubungu rwinu rusesia kima. Na nibwirengi mu riira mbu: mutunisungiyo tu ieya n'erotu rusebayo banu mbu: ‹Wákasanirwe ingu weya mu rina ra Nyere Kuritu.›»#13.35 Soma Sab 118.26.
လက္ရွိေရြးခ်ယ္ထားမွု
Ruka 13: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 13
13
Rakomenwa ireke esansambi
1Mu ntambi njo, bea bima beya kature Yesu emwasi imbu bwakianga Pirato watuma bea kashiria bisa ku Ngariraya bima, imbi babesenga bachinjange esanyama s'erisibure Ongo. 2Yesu washisha bo mbu: «Mbeni banu mwanikirange mbu bisa ku Ngariraya mbo bakushurwa bumbo, bushwa mbu babesenga bea ba nsambi irenga bisa ku Ngariraya bampe bati? 3Anga ntímbo! Ina nibwirengi mbu kuba ntímubunduka ireke esansambi sinu, na banu bati mukushirira bumbo hotu. 4N'ebea ikumi na munani ebasikirwanga n'enumba nere murubungu rwa ku Siroamu, mbeni banu muhakange mbu ibo babesenga nge bea bema irenga bisa ku Yerusaremu bati? 5Anga ntímbo! Ina nibwirengi mbu kuba ntímubunduka ireke esansambi sinu, na banu bati hotu mukushirirǎ bumbo».
Mushinga w'emuti ingu ntíwarebuta byuma
6Kuruma nampo, Yesu wakere bo emushinga uno mbu: «Kwabesenga mwea uma weka muti wa tini mu rishwa rae r'emisabibu. Otu ruma, weya kasonda mu o byuma, ina warukwa mo kiro n'echuma kima. 7Nampo, were emukori w'erishwa rae ndo mbu: ‹Kae ke! Ngie myaka ishatu ino neyanga kǎsonda byuma mu muti uno w'etini, ina karankuso! Konda o, bushwa mbu ubisha-bishange ho eroto busa-busa.› 8Ina emukori ngo wamusako mbu: ‹Enyere kuritu, rekerere tu kasa o mu mwaka uno. Nashekere tu o n'itereka mu o bumpe buinu. 9Kuri ntambi wamubuta byuma mu mwaka musindu, na kuba ntiwabuta ho, nti ngie ukukondao.›»
Yesu waramya mumina uma otu rwa Sabato
10Otu ruma rwa Sabato, Yesu wabesenga uhanange ebea mu sinangoki. 11Kai mu sinangoki mo nti muri mumina uma mukoni. Emumina ngo wabesenga wamaronja myaka ikumi na mumane nt'unubiwange n'ishumbu. Erishumbu ndo rabesenga rarimukunya, na nti watakochanga tu ioro emongo. 12Yesu warekia wamusunga, wamubikira n'imwire mbu: «Ekoyo, umakinda irama ebukoni bwabe.» 13Nampo Yesu watereka emine yae kuri we, nae woro emongo hiha-hiha n'ibucha itata Ongo.
14Ina emukwakare w'esinangoki wasunga bubi bushwa na Yesu mu riramya mwea mu rotu rw'eSabato. Bushwa nancho, were ebea ebabesenga batumana mpo mbu: «Kurikanga matu mutuba ikora. Mwendi mweyange karamyiwa mu matu ngo, ina kiro rwabunduke otu rwa Sabato!»
15Ina Nyere Kuritu wamusako mbu: «Banu bea b'enkuse! Mbeni inye mu banu ingu wataboranga enkambu abe embunda yae haminirwanga yo n'ienda komosha yo mecha otu rwa Sabato? 16Emumina uno w'erubuto rwa Iburahimu, wabesenga waminwa na Mushumbu myaka ikumi na munani, mbeni ntwakomenwa rero iborwa erotu rw'eSabato?»
17Yesu warekia wameba mbo, ebarenda bae bati bakwa nkene. Ina enteko iti y'ebea yakokoma mwisunga emikorere y'ebishisharo biti ebyabesenga bikorange we.
Mushinga w'ekambuto kakeke nguru
(Mat 13.31-32; Mar 4.30-32)
18Kuruma nampo, Yesu weba tu mbu: «Mbeni eBwami bwa Ongo bwasusana nanki? Namususanya bo nanki? 19eBwami mbo bwasusanyiwa na kambuto kakeke ka harandari, inki kakianga mwea uma watinge n'ieka ko mu rishwa rae. Embuto njo y'oshuka, yabese ke muti mukiri, n'emirónge yeya k'umba birumba mu santabi sao.»
Emushinga w'echachu
(Mat 13.33)
20Yesu weba tu mbu: «Nisesusanya eBwami bwa Ongo nanki? 21eBwami mbo bwasusanyiwa na chachu eyakianga mumina uma wakubure yo mu nengo ishatu sa nchano y'ironja mikati, ieya na mu ntambi nji enchano iti yabimba.»
Erubi rwekene
(Mat 7.13-14,21-23)
22Yesu warekia wendange ku Yerusaremu, weta mu mbungu nkiri-nkiri na mbungu nkeke-nkeke nt'uhanange ebea. 23Mwea uma wamushisha mbu: «eNyere Kuritu, mbeni bea bakeke ho nge baseshukarayo?» Yesu wasako ebati mbu: 24«Mwisumyanga ikime mu rubi rwekene. Bushwa nibwirengi mu riira mbu bea bingi baseerekayo mbu bakimi mu ro, ina batakochiyo.
25«Etambi mine numba wakii wamasimana n'irindika erubi, mukusiayo hambuka n'ibucha ikongota erubi, n'ieba mbu: ‹eNyere Kuritu, turunduri!› Ina wasebusakoyo mbu: ‹Muntukiriri, ntínosi kusairengi banu.› 26Nampo ke mukubuchayo imwire mbu: ‹Twabesenga turisange n'iomo hima nabe, ubesenga ongo uhanange ebea mu mitanga ya kuritu.› 27Ina iwe wasebusakoyo tu mbu: ‹Ntínosi ekusairengi banu. Mutuke kwihi nani, banu bati bakori bema.›
28«Mukusungayo Iburahimu, Isake, Yakobo n'ebatahwa bati mu Bwami bwa Ongo. Ina banu mukurekerwayo habutara! Nanko mukureyo n'ishiisha emeno. 29Ebea basesaireyo ekuti mu chuo, nabo baserikayo nti barisange bio hima mu Bwami bwa Ongo. 30Murukire! Bima mu basindu runotu basebeseyo baroso, na bima mu baroso runotu basebeseyo basindu.»
Yesu warire erubungu rwa ku Yerusaremu
(Mat 23.37-39)
31Mu ntambi njo, Bafarisayo bima beyere Yesu n'imwire mbu: «Tuka hano, iiri rabe kumpe, bushwa mbu Herote usondange ikushura.» 32Yesu wasako bo mbu: «Mwendí kere emuterere o mbu runotu na mukoma nasehensa ebifwasi n'iramya ebakoni, na mukakoma nasekindanya emurimo wani. 33Kasa nahwa imisa eruendo rwani runotu, mukoma na mukakoma, bushwa mbu emutahwa ntwakomenwa ishurwa mu rumpe ubungu kuba ntí ku Yerusaremu.
34«Banu bisa ku Yerusaremu! Banu nge mushuranga ebatahwa, n'esantumwa sibutumirenga Ongo banu mushuranga to na makoi. Meta mingi nakusonda ibusonja bukianga enkoko yasonja etunyau kumunda ebyubi byae, ina banu mwitinire! 35Murukire ke! Erubungu rwinu rusesia kima. Na nibwirengi mu riira mbu: mutunisungiyo tu ieya n'erotu rusebayo banu mbu: ‹Wákasanirwe ingu weya mu rina ra Nyere Kuritu.›»#13.35 Soma Sab 118.26.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development