Ruka 11
11
Yesu uhanange ebanafunsi bae ihema
(Mat 6.9-13; 7.7-11)
1Otu ruma, Yesu wabesenga uhemange Ongo fasi nima. Mu rihea ihema, uma mu banafunsi bae wamwire mbu: «eNyere Kuritu, tuhanise ihema, bwakianga Yohana wahana ebanafunsi bae.» 2Yesu were bo mbu: «Entambi banu muhemange, mwendi banu mwebange buno mbu:
‹eTita!
Erina rabe ritatwe,
eBwami bwabe bweye.
3Wendi utuninka ebio bitu kirotu.
4Wendi utusasira esansambi situ,
bushwa mbu na bate hotu tusasiranga ebati mbi batukorengi bibí,
ang'iturekerere ikire mu myereko.›»
5Kuruma were tu ebanafunsi bae mbu: «Kuba uma mu banu uri na mira we, nae wamamwendere munkati ebutu n'imwire mbu: ‹Era mira'ni, nisombye mikati ishatu, 6bushwa mbu uma mu bira bani wamaneyere na uri mu ruendo, nani namarukwa bio by'imushee.› 7Nangu uri kumunda n'enumba kuba wamamusako mbu: ‹Ndeki, ang'ininubya! Namakinda irindika erubi. Ani n'ebana bani twamikinde, ntakochi tu isimana bushwa ho n'erikuninka emikati.› 8Nibwirengi mbu, nakiro ngu uri kumunda enumba watamurindo bushwa erimuninka emikati bushwa n'ebwira ho, ina wamusumuka n'imuninka ebiti ebimuhemange we bushwa n'erikwimima rae.
9«Nani nibwirengi mbu: mwendi muhema kongo mwendi muninkwa, mwendi musonda kongo mwendi mushee, mwendi mukongota kongo bendi baburundurengi erubi. 10Ngyasingwa, kinsi mwea ingu uhemange ng'uninkwanga, nangu usondange ng'usheenga, nangu ukongotange ng'urundurirwanga erubi. 11Inye ishe wa mwana wamamuninka nsoka kuba emwanae wamukonga kikwa? 12Abe wamuninke nkutu kuba wamukonga ii? 13Banu kasa bea bema, ina banu mwosi ininka ebana binu bikai byahunda, nge rashea mbu Tita winu wa mu mbingu waseninkanayo eMutima Washurukara kuri mbi bamukongange!»
Yesu wahensa ebifwasi
(Mat 12.22-30; Mar 3.22-27)
14Otu ruma, Yesu wabesenga uhensange kifwasi inchi chabunduranga mwea uma wabe karumbu na mutwitwi. Ekifwasi ncho chakianga chatuka, hiha-hiha emwea ngo wabucha ieba. Ebea bashishara nguru. 15Ina bima munkati nabo, ibo babura mbu: «Emwea ngu uhensange ekifwasi mu maa a Bereseburi, mukwakare w'ebifwasi.» 16Na bampe bahuna imweka, bamukonga mbu waronjei bo kengeko kashea mbu ebishisharo byae bitukange kwa Ongo. 17Ina bushwa mbu Yesu wasibanga emyanikiri yabo, were bo mbu: «Kuba bea b'ebwami buma bamakwana ibo mu ibo, ebwami mbo nti bwahona. Kuba tu ebana b'eruanda ruma bakwana ibo mu ibo, eruanda ndo nti rwakire. 18Ramabese ke mbu Mushumbu wikwanisha wisine, ebwami bwae butakochi tu isimana. Nibwirengi mbo mu risunga banu mwebange mbu ani nihensange ebifwasi mu kara ka Bereseburi. 19Na kuba ke ani nihensange ebifwasi mu kara ka Bereseburi, mbeni ebashukira binu bahensange ebifwasi mu kara kanye? Ngyasingwa ebashukira binu mbo basebusheayo mbu banu bariu 20Kuti ani nihensange ebifwasi mu kara ka Ongo, ngerieba mbu eBwami bwa Ongo bwamakinda ieya kuri banu.
21«Kuba emurai wambara ebikai biti byae byerikwana nabyo mwiranga enumba yae, himpo ebehe byae byarangwa mu buhoro. 22Ina wamahendwa na umpe murai wamurenga, nampo wasemubaka ebikai biti byae byerikwane ebinyihire rero we n'ibanya ebikai by'emushokoro. 23Kinsi mwea ngu ntíuri hima nani nti murenda wani, na kinsi mwea watangasonja hima nani usebese nti unsansabanyange.»
Emakurukiro ekifwasi mu mwea
(Mat 12.43-45)
24Yesu wenderana n'erieba mbu: «Ekifwasi chamakinda ituka kumunda n'emwea nti chatubatuba mu bweru mwisondekanya maruhukiro. Chamarukwa maruhukiro, nti cheba mbu: ‹Nasekuruka mu numba yani emwakutuka ani.› 25Chamakuruka, chakumana enumba yahairwa n'itondwa shu. 26Himpo ke, chasenda karinga bimpe bifwasi birinda byema nguru imurenga, nabyo nti byakime n'irika mo. N'emwea o wasebinduka wema nguru irenga mbu ebwabesenga we raroso.»
Emukisa w'eriira
27Yesu warekia webange ebinwa mbyo, mumina uma munkati n'enteko wakua murenge mukiri mbu: «Emumina ingu wakubutanga n'ikurisha mabere, wakasanirwa!» 28Ina Yesu wasako mbu: «Ebakasanirwa nge bimbi barukirange n'ironja mbu bweba ekinwa cha Ongo.»
Ebea bakonga Yesu kashingishiro
(Mat 12.38-42)
29Bea bingi barekia batumanange hari Yesu, iwe wabucha ieba mbu: «Ebea b'ekiranga kino bema. Basondange isunga kashingishiro. Ina batasungiyo ko kuba ntínki ka Yona. 30Bushwa ebwabesanga Yona kashingishiro mu bea ba ku Ninawi,#11.30 Soma Yon 3.3-5. nge bwabeseyo hotu ani eMwana w'eMwea kashingishiro mu bea ba runotu. 31Mu rotu rwahende, Nyamumbo ingu watukirenga kumbo echuo#11.31 Soma 1Bam 10.1-10. wasefukayo hima ninu banu bea b'ematu ano kongo wabusongere. Bushwa mbu iwe watukirenga kore nguru mwienda karukira binwa by'ebutesa by'emubake Soromono. Na hano nge harikire ngu warenga Soromono!
32«Erotu rwa hende rwakii rweya, bisa ku Ninawi nabo basefukayo hima ninu ebea b'ematu ano n'ibusongere. Bushwa ibo babundukanga n'ireke esansambi sabo bakianga barukirǎ emahubiri a Yona! Na hano nge harikire ngu warenga Yona!»
Eriso ng'eritara r'emubi
(Mat 5.15; 6.22-23)
33«Kusira mwea usachanga eritara na wabise tu ro abe wabumbi ro na mbeketi. Ina urembeanga ro mu kango kongo ebea bakimengi basunga chaka. 34Emeso ng'eritara r'emubi. Kuba emeso abe akaengi shu, emubi wabe uti userika mu chaka. Ina kuba emeso abe abiha-biha, emubi wabe na o hotu usebese mu mwirimya. 35Bushwa nancho, ukohyanga. Echaka kiri kumunda nabe kitabinduki mwirimya. 36Kuba emubi wabe uti uri mu chaka na kusira kitambo inchi kiri mu mwirimya, kai emubi wabe uti na o wasebese mu chaka, imbu bukianga eritara rakurishie chaka.»
Yesu watonde eBafarisayo n'ebahani
(Mat 23.1-36; Mar 12.38-40)
37Yesu wakianga wahea ieba, Mufarisayo uma were Yesu wendi karisa bio mu mwae. Yesu wenda mo n'ibucha irisa. 38eMufarisayo ngo washishara isunga Yesu warisa na nti twakushua emine. 39Nampo Nyere Kuritu wamwire mbu: «Banu Bafarisayo, banu mushuanga ho ekusungwange mu rusara na mu ntengi. Ina banu murisere mbusha ya bwibi na bumpe bubi kumunda ninu. 40Banu birunge! Ntíbanu mwosi mbu ingu wabumbanga imbi bisungwange ngwabumbanga hotu kumunda? 41Kai mwendi musake ebasene n'ebikai imbi birikire kumunda n'esansara sinu nambi birikire kumunda n'esantengi sinu. Mumaronja mbo, ebiti biseshurukara mu mongerero winu.
42«Murikinda iherwa banu Bafarisayo! Banu muninkanga Ongo echakumi ch'ematunguru, na ch'isusa, na ch'esanyenyi siti. Ina banu munenanga eriombokara n'inena erishima Ongo. Bimbyo nge byakomenwa rero ienda bikorange banu. Kiro mwobya tuna erikuto echakumi ch'ebimpe mbyo.
43«Muriherwa banu Bafarisayo! Banu mumoerenga irika mu bitumbi bya kubusondori mu masinangoki. Banu mumoerenga tu nakuba ikeiwa n'isubahwa n'ebea mu sankumanano. 44Muriherwa banu! Mususanyiwa n'emasinda ingi asira tu biteerere, ebea banantange o nti tíbasiba tu mbu hari masinda.»
45Uma mu bahani b'eMyomba were Yesu mbu: «eMuhani, mu rieba ongo mbo, na bate utukamba.» 46Yesu wamwire mbu: «Na banu ebahani b'eMyomba, muriherwa! Banu murieshanga ebea mirio yaritohyaa, ina banu bisine mutwerekanga itinge mu yo mu risake bo.
47«Muriherwa banu! Banu mwimbishanga emasinda ebatahwa, nakuba batitanku binu nge bashuranga bo. 48Rashea mbu banu mubere n'emikorere ya batitanku binu, bushwa mbu basuku bashuranga batahwa, na banu nge mwimbengi bo emasinda. 49Nge chasingwanga Ongo mu butesa bwae weba mbu: ‹Naseburebeka batahwa hima na ntumwa. Baseshurayo bima n'inubya bampe mu bo.› 50Ngyasingwa ebea b'ematu ano basetuayo enchama y'ebatahwa eyakubukanga itukire echuo chabumbwa, 51itukire erishurwa ra Aberi ieya na mu rikwa ra Sakaria#11.51 Soma Ntan 4.8; 2Bir 24.20-22. ewashurwanga mu Numba ya Ongo munkati n'ebutanda bw'emaherero n'endikaro yashurukara. Iira, nibwirengi mbu enchama y'ebea bati mbi bashurwanga isebeseyo hambasiro n'emintwe yinu.
52«Muriherwa banu ebahani b'eMyomba! Mumabisa erufunguo rw'eririndo erubi rw'erisiba Ongo. Mutukimenga mpo banu bisine. Nambi basondange ikime, banu muminirenga bo erubi.»
53Yesu warekia wamasaa mu numba y'eMufarisayo ngo, ebahani b'eMyomba hima n'eBafarisayo babucha imusubuke nguru n'imushisha-shisha binwa bingi. 54Benda bamwekange binwa kongo bashee buni bwasemusongere bo.
လက္ရွိေရြးခ်ယ္ထားမွု
Ruka 11: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 11
11
Yesu uhanange ebanafunsi bae ihema
(Mat 6.9-13; 7.7-11)
1Otu ruma, Yesu wabesenga uhemange Ongo fasi nima. Mu rihea ihema, uma mu banafunsi bae wamwire mbu: «eNyere Kuritu, tuhanise ihema, bwakianga Yohana wahana ebanafunsi bae.» 2Yesu were bo mbu: «Entambi banu muhemange, mwendi banu mwebange buno mbu:
‹eTita!
Erina rabe ritatwe,
eBwami bwabe bweye.
3Wendi utuninka ebio bitu kirotu.
4Wendi utusasira esansambi situ,
bushwa mbu na bate hotu tusasiranga ebati mbi batukorengi bibí,
ang'iturekerere ikire mu myereko.›»
5Kuruma were tu ebanafunsi bae mbu: «Kuba uma mu banu uri na mira we, nae wamamwendere munkati ebutu n'imwire mbu: ‹Era mira'ni, nisombye mikati ishatu, 6bushwa mbu uma mu bira bani wamaneyere na uri mu ruendo, nani namarukwa bio by'imushee.› 7Nangu uri kumunda n'enumba kuba wamamusako mbu: ‹Ndeki, ang'ininubya! Namakinda irindika erubi. Ani n'ebana bani twamikinde, ntakochi tu isimana bushwa ho n'erikuninka emikati.› 8Nibwirengi mbu, nakiro ngu uri kumunda enumba watamurindo bushwa erimuninka emikati bushwa n'ebwira ho, ina wamusumuka n'imuninka ebiti ebimuhemange we bushwa n'erikwimima rae.
9«Nani nibwirengi mbu: mwendi muhema kongo mwendi muninkwa, mwendi musonda kongo mwendi mushee, mwendi mukongota kongo bendi baburundurengi erubi. 10Ngyasingwa, kinsi mwea ingu uhemange ng'uninkwanga, nangu usondange ng'usheenga, nangu ukongotange ng'urundurirwanga erubi. 11Inye ishe wa mwana wamamuninka nsoka kuba emwanae wamukonga kikwa? 12Abe wamuninke nkutu kuba wamukonga ii? 13Banu kasa bea bema, ina banu mwosi ininka ebana binu bikai byahunda, nge rashea mbu Tita winu wa mu mbingu waseninkanayo eMutima Washurukara kuri mbi bamukongange!»
Yesu wahensa ebifwasi
(Mat 12.22-30; Mar 3.22-27)
14Otu ruma, Yesu wabesenga uhensange kifwasi inchi chabunduranga mwea uma wabe karumbu na mutwitwi. Ekifwasi ncho chakianga chatuka, hiha-hiha emwea ngo wabucha ieba. Ebea bashishara nguru. 15Ina bima munkati nabo, ibo babura mbu: «Emwea ngu uhensange ekifwasi mu maa a Bereseburi, mukwakare w'ebifwasi.» 16Na bampe bahuna imweka, bamukonga mbu waronjei bo kengeko kashea mbu ebishisharo byae bitukange kwa Ongo. 17Ina bushwa mbu Yesu wasibanga emyanikiri yabo, were bo mbu: «Kuba bea b'ebwami buma bamakwana ibo mu ibo, ebwami mbo nti bwahona. Kuba tu ebana b'eruanda ruma bakwana ibo mu ibo, eruanda ndo nti rwakire. 18Ramabese ke mbu Mushumbu wikwanisha wisine, ebwami bwae butakochi tu isimana. Nibwirengi mbo mu risunga banu mwebange mbu ani nihensange ebifwasi mu kara ka Bereseburi. 19Na kuba ke ani nihensange ebifwasi mu kara ka Bereseburi, mbeni ebashukira binu bahensange ebifwasi mu kara kanye? Ngyasingwa ebashukira binu mbo basebusheayo mbu banu bariu 20Kuti ani nihensange ebifwasi mu kara ka Ongo, ngerieba mbu eBwami bwa Ongo bwamakinda ieya kuri banu.
21«Kuba emurai wambara ebikai biti byae byerikwana nabyo mwiranga enumba yae, himpo ebehe byae byarangwa mu buhoro. 22Ina wamahendwa na umpe murai wamurenga, nampo wasemubaka ebikai biti byae byerikwane ebinyihire rero we n'ibanya ebikai by'emushokoro. 23Kinsi mwea ngu ntíuri hima nani nti murenda wani, na kinsi mwea watangasonja hima nani usebese nti unsansabanyange.»
Emakurukiro ekifwasi mu mwea
(Mat 12.43-45)
24Yesu wenderana n'erieba mbu: «Ekifwasi chamakinda ituka kumunda n'emwea nti chatubatuba mu bweru mwisondekanya maruhukiro. Chamarukwa maruhukiro, nti cheba mbu: ‹Nasekuruka mu numba yani emwakutuka ani.› 25Chamakuruka, chakumana enumba yahairwa n'itondwa shu. 26Himpo ke, chasenda karinga bimpe bifwasi birinda byema nguru imurenga, nabyo nti byakime n'irika mo. N'emwea o wasebinduka wema nguru irenga mbu ebwabesenga we raroso.»
Emukisa w'eriira
27Yesu warekia webange ebinwa mbyo, mumina uma munkati n'enteko wakua murenge mukiri mbu: «Emumina ingu wakubutanga n'ikurisha mabere, wakasanirwa!» 28Ina Yesu wasako mbu: «Ebakasanirwa nge bimbi barukirange n'ironja mbu bweba ekinwa cha Ongo.»
Ebea bakonga Yesu kashingishiro
(Mat 12.38-42)
29Bea bingi barekia batumanange hari Yesu, iwe wabucha ieba mbu: «Ebea b'ekiranga kino bema. Basondange isunga kashingishiro. Ina batasungiyo ko kuba ntínki ka Yona. 30Bushwa ebwabesanga Yona kashingishiro mu bea ba ku Ninawi,#11.30 Soma Yon 3.3-5. nge bwabeseyo hotu ani eMwana w'eMwea kashingishiro mu bea ba runotu. 31Mu rotu rwahende, Nyamumbo ingu watukirenga kumbo echuo#11.31 Soma 1Bam 10.1-10. wasefukayo hima ninu banu bea b'ematu ano kongo wabusongere. Bushwa mbu iwe watukirenga kore nguru mwienda karukira binwa by'ebutesa by'emubake Soromono. Na hano nge harikire ngu warenga Soromono!
32«Erotu rwa hende rwakii rweya, bisa ku Ninawi nabo basefukayo hima ninu ebea b'ematu ano n'ibusongere. Bushwa ibo babundukanga n'ireke esansambi sabo bakianga barukirǎ emahubiri a Yona! Na hano nge harikire ngu warenga Yona!»
Eriso ng'eritara r'emubi
(Mat 5.15; 6.22-23)
33«Kusira mwea usachanga eritara na wabise tu ro abe wabumbi ro na mbeketi. Ina urembeanga ro mu kango kongo ebea bakimengi basunga chaka. 34Emeso ng'eritara r'emubi. Kuba emeso abe akaengi shu, emubi wabe uti userika mu chaka. Ina kuba emeso abe abiha-biha, emubi wabe na o hotu usebese mu mwirimya. 35Bushwa nancho, ukohyanga. Echaka kiri kumunda nabe kitabinduki mwirimya. 36Kuba emubi wabe uti uri mu chaka na kusira kitambo inchi kiri mu mwirimya, kai emubi wabe uti na o wasebese mu chaka, imbu bukianga eritara rakurishie chaka.»
Yesu watonde eBafarisayo n'ebahani
(Mat 23.1-36; Mar 12.38-40)
37Yesu wakianga wahea ieba, Mufarisayo uma were Yesu wendi karisa bio mu mwae. Yesu wenda mo n'ibucha irisa. 38eMufarisayo ngo washishara isunga Yesu warisa na nti twakushua emine. 39Nampo Nyere Kuritu wamwire mbu: «Banu Bafarisayo, banu mushuanga ho ekusungwange mu rusara na mu ntengi. Ina banu murisere mbusha ya bwibi na bumpe bubi kumunda ninu. 40Banu birunge! Ntíbanu mwosi mbu ingu wabumbanga imbi bisungwange ngwabumbanga hotu kumunda? 41Kai mwendi musake ebasene n'ebikai imbi birikire kumunda n'esansara sinu nambi birikire kumunda n'esantengi sinu. Mumaronja mbo, ebiti biseshurukara mu mongerero winu.
42«Murikinda iherwa banu Bafarisayo! Banu muninkanga Ongo echakumi ch'ematunguru, na ch'isusa, na ch'esanyenyi siti. Ina banu munenanga eriombokara n'inena erishima Ongo. Bimbyo nge byakomenwa rero ienda bikorange banu. Kiro mwobya tuna erikuto echakumi ch'ebimpe mbyo.
43«Muriherwa banu Bafarisayo! Banu mumoerenga irika mu bitumbi bya kubusondori mu masinangoki. Banu mumoerenga tu nakuba ikeiwa n'isubahwa n'ebea mu sankumanano. 44Muriherwa banu! Mususanyiwa n'emasinda ingi asira tu biteerere, ebea banantange o nti tíbasiba tu mbu hari masinda.»
45Uma mu bahani b'eMyomba were Yesu mbu: «eMuhani, mu rieba ongo mbo, na bate utukamba.» 46Yesu wamwire mbu: «Na banu ebahani b'eMyomba, muriherwa! Banu murieshanga ebea mirio yaritohyaa, ina banu bisine mutwerekanga itinge mu yo mu risake bo.
47«Muriherwa banu! Banu mwimbishanga emasinda ebatahwa, nakuba batitanku binu nge bashuranga bo. 48Rashea mbu banu mubere n'emikorere ya batitanku binu, bushwa mbu basuku bashuranga batahwa, na banu nge mwimbengi bo emasinda. 49Nge chasingwanga Ongo mu butesa bwae weba mbu: ‹Naseburebeka batahwa hima na ntumwa. Baseshurayo bima n'inubya bampe mu bo.› 50Ngyasingwa ebea b'ematu ano basetuayo enchama y'ebatahwa eyakubukanga itukire echuo chabumbwa, 51itukire erishurwa ra Aberi ieya na mu rikwa ra Sakaria#11.51 Soma Ntan 4.8; 2Bir 24.20-22. ewashurwanga mu Numba ya Ongo munkati n'ebutanda bw'emaherero n'endikaro yashurukara. Iira, nibwirengi mbu enchama y'ebea bati mbi bashurwanga isebeseyo hambasiro n'emintwe yinu.
52«Muriherwa banu ebahani b'eMyomba! Mumabisa erufunguo rw'eririndo erubi rw'erisiba Ongo. Mutukimenga mpo banu bisine. Nambi basondange ikime, banu muminirenga bo erubi.»
53Yesu warekia wamasaa mu numba y'eMufarisayo ngo, ebahani b'eMyomba hima n'eBafarisayo babucha imusubuke nguru n'imushisha-shisha binwa bingi. 54Benda bamwekange binwa kongo bashee buni bwasemusongere bo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development