Ruka 10
10
Yesu watuma banafunsi makumi arinda
(Mat 10.7-16)
1Kuruma n'ebinwa mbyo, Nyere Kuritu warondora bampe bea makumi arinda.#10.1 Bimpe bitabo byeba mbu bea makumi arinda na babi. Watuma babi-babi bamusondori ieta mu kira ubungu na kira nku kwasondanga ienda we. 2Were bo mbu: «Emukene mwingi, ina ebakori nge bakeke. Ngebumbo, mukonge Nyere Kuritu mine emukene watume bakori kakao. 3Mwendi! Ina mukohyanga! Nabutuma banu buri byana bya mburi munkati n'esambibi s'ebusara. 4Anga muria behe, abe kimbesa, abe birato, kiro mukea mwea munkati n'ense. 5Kinsi numba yakime mu banu, mukeanga kasa bo mbu: ‹Ebuhoro bubesi muno!› 6Kuba mu numba njo muri mwea waraa mu buhoro, ebuhoro bwinu busie nae. Ina kuba ntímbo, ebuhoro mbo busebukuruke tu banu. 7Murikanga mu njo numba, murisanga n'iomo kiti-kiti chaninkwa banu, bushwa mbu emukori w'emurimo wakomenwa ininkwa ebihembo byae. Kiro mukime-kime mu kira numba. 8Kinsi ubungu ruti rusekokerwa mu banu, murisanga kiti chaninkwa banu. 9Muramyanga ebakoni b'erubungu ndo na mwebanga na bisa kuro mbu: ‹eBwami bwa Ongo ngie buri kwihi ninu.› 10Ina mu kira ubungu rwakime mu banu, kuba bisa kuro ntíbabukoke, mwetanga mu mitanga nti banu mwerengi bo mbu: 11‹Twabutiture banu emukungú w'erubungu rwinu ingu uri mu bisando bitu. Ina musibiriranga mbu eBwami bwa Ongo ngie buri kwihi ninu.#10.11 Soma Ruk 9.5; Mar 6.11.› 12Nibwirengi muriira, mu rotu rwa hende, mukusungayo muro irenga ku Sondoma.»
Ubansa mu sambungu esatina isimira Yesu
(Mat 11.20-24)
13Yesu wenderee n'ieba mbu: «Buhanya kuri ǒngo ubungu rwa ku Korasini! Buhanya kuri ǒngo ubungu rwa ku Betesaita! Bushwa mbu kuba ebishisharo byakuronjiwa banu byamuronjiwange ku Tiro na ku Sindoni, kongo bisa nko bamabunduka kare, bamumbarange makunia n'irika mu mote mu rishea eminsori yabo, n'ireke esansambi sabo. 14Ngyasingwa, erotu rwa hende, mukusungayo muro irenga bisa ku Tiro na ku Sindoni. 15Na ǒngo ubungu rwa ku Kaperenaumu, ǒngo uhakange mbu basekutarishayo mu mbingu? Ukuhichiwayo ekwerunga.» 16Yesu were tu ebanafunsi bae mbu: «Kinsi waburukira banu, ani ngwandukira, nangu wabutina, wanitina ani, n'ewanitina ani, watina ingu wanitumanga.»
Erikuruka r'ebanafunsi makumi arinda
17Kuruma nampo, ebanafunsi makumi arinda mbo bakuruka na ngoa nti bebange mbu: «eNyere Kuritu, n'ebifwasi nabyo biturikirengi entambi turikitange byo mu rina rabe!» 18Yesu were bo mbu: «Nasungayo Mushumbu uhukange buri kimpenya ituka ekwiyo. 19Murukire! Nabuninka maa inanta nsoka na nkutu hima na maa ihundusa emurenda Mushumbu. Kusira tu kikai kiti-kiti chamabusindika. 20Kai kiro mumoa bushwa mbu ebifwasi biburukirengi, ina mumoe bushwa mbu emina inu amatirwa mu mbingu.»
Erimoa ra Yesu
(Mat 11.25-27; 13.16-17)
21Mu ntambi iya-iya, eMutima Washurukara warisia Yesu ngoa, nampo Yesu weba mbu: «eTita, Nyere Kuritu w'embingu n'echuo, nikutatange bushwa mbu ebinwa byabisanga ǒngo ebea b'ebutesa n'ebasomi, umakando byo mu bana banunke. Ae Tita, ebiti mbyo ng'erisasa rabe.» 22Nampo, Yesu were ebea mbu: «Tita wareria ebikai biti mu mine yani. Kusira mwea unosi ani eMwana kuba ntí Tita, abe kusira mwea wosi Tita kuba ntíani eMwana nambi ebahunange ani mbu bamusibe.» 23Kuruma nampo, Yesu wabinduke ebanafunsi bae bisine, were bo mbu: «Ebasungange ebinwa bisungange banu, bakasanirwa! 24Bushwa mbu, nibwirengi: batahwa bingi na babake bahunanga isunga ebinwa bino bisungange banu, ina ntíbarisunga byo, n'irukira ebinwa birukirange banu, ina ntíbarerukira byo.»
Mushinga w'eMusamaria murongu
25Kuruma nampo, muhani uma w'emyomba wasimana mwiereka Yesu. Wamushisha mbu: «eMuhani, mbeni namuronja buni kongo nashee ekaramo k'ematu ati?» 26Yesu wasako mbu: «Inki chatirwa mu myomba yitu? Buni nge burukiranga ǒngo yo kuba usoma yo?» 27Emwea ngo wasako mbu: «‹Ushimanga Nyere kurinu Ongo mu mutima wabe uti, mu mihaki yabe iti, mu maa abe ati na mu bwenge bwabe buti. Ushimanga hotu minu imbu bwishima ǒngo kisine.›»#10.27 Soma Isub 6.5; Bar 19.18. 28Nampo, Yesu wamwire mbu: «Umasubya shu, wenda uronja ebwameba ǒngo, kongo usheeyo ekaramo.»
29Ina emwea ngo, mwisonda kwininka eriira, washisha Yesu mbu: «Na inye nge mitu?» 30Yesu wasako mbu: «Mwea uma watukanga ku Yerusaremu mwihite ku Yeriko. Warekia uri mu munse, ebanyai bamuhenda, bamunyaa ebiti byabesenga nae. Bamuhumbaka n'imusia mu nsanga nareke, biire rabo. 31Isisimuke, kwasaa kuhani uma uhitirengi munse njo. Warekia wasunga emwea o, weta kumushi nae, witeane rae. 32Bumbo hotu, Murawi uma nae weya mpo. Wakianga wamusunga, nae weitire mu uharo rwanse, na kwiire. 33Ina Musamaria uma wabesenga wetange munse njo, weya mpo hari emwea ngo. Wakianga wamusunga, wamukwire bonso. 34Wákensere kwihi nae, wakubure mu bihuru ndifai na mafuta mwimushakire, wamina byo. Kuruma nampo, wamutarisha hiyo n'embunda yae, wamusicha hankambi y'ebeni n'irangana nae. 35Mu richa r'ebutu, wakuto byunda bibí bya rufaranga n'itua byo kuri mine numba n'imwire mbu: ‹Uranganga emwea uno ishu, n'esafaranga siti sakoresha tu ǒngo hiyo nansi faranga mu rimushakire, nasekurucha to mu rikuruka rani.›»
36Ngerikia ke Yesu washisha ingo muhani w'eMyomba mbu: «Inye mu bashatu bano ngwasunga ǒngo buri munachabo emwea ingu wahendwanga n'ebanyai?» 37Emuhani w'eMyomba wasako mbu: «Ingu wamukwirenga ebonso.» Nampo ke Yesu wamwire mbu: «Na ǒngo hotu, wenda ukia mbo.»
Yesu wakime mwa Marita na Maria
38Yesu n'ebanafunsi bae barekia bendange, bakime mu kubungu kima. Nanko, mumina uma nge Marita wamukoke mu mwae. 39Marita ngo nti uri na motowawe nti nge Maria. Iwe weya karika kumushi na Nyere Kuritu, mu rirukira ebyebange we. 40Ina Marita iwe wabesenga nti utubatubange bushw'emirimo y'eriteka ebio. Ngyasingwanga weya kuri Yesu n'imushisha mbu: «eNyere Kuritu, utungakae bwakia moto wani wansiere emurimo ani kisine? Mwiri mbu wanisaki.» 41Nyere Kuritu wamusako mbu: «Marita! Marita! Ǒngo utubatubange n'inuba mu bikai bingi. 42Ina kuri kikai kima ho nge charaisha. Maria iwe wamarondora muhango wakoma nguru ingu utabakwiyo we.»
လက္ရွိေရြးခ်ယ္ထားမွု
Ruka 10: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 10
10
Yesu watuma banafunsi makumi arinda
(Mat 10.7-16)
1Kuruma n'ebinwa mbyo, Nyere Kuritu warondora bampe bea makumi arinda.#10.1 Bimpe bitabo byeba mbu bea makumi arinda na babi. Watuma babi-babi bamusondori ieta mu kira ubungu na kira nku kwasondanga ienda we. 2Were bo mbu: «Emukene mwingi, ina ebakori nge bakeke. Ngebumbo, mukonge Nyere Kuritu mine emukene watume bakori kakao. 3Mwendi! Ina mukohyanga! Nabutuma banu buri byana bya mburi munkati n'esambibi s'ebusara. 4Anga muria behe, abe kimbesa, abe birato, kiro mukea mwea munkati n'ense. 5Kinsi numba yakime mu banu, mukeanga kasa bo mbu: ‹Ebuhoro bubesi muno!› 6Kuba mu numba njo muri mwea waraa mu buhoro, ebuhoro bwinu busie nae. Ina kuba ntímbo, ebuhoro mbo busebukuruke tu banu. 7Murikanga mu njo numba, murisanga n'iomo kiti-kiti chaninkwa banu, bushwa mbu emukori w'emurimo wakomenwa ininkwa ebihembo byae. Kiro mukime-kime mu kira numba. 8Kinsi ubungu ruti rusekokerwa mu banu, murisanga kiti chaninkwa banu. 9Muramyanga ebakoni b'erubungu ndo na mwebanga na bisa kuro mbu: ‹eBwami bwa Ongo ngie buri kwihi ninu.› 10Ina mu kira ubungu rwakime mu banu, kuba bisa kuro ntíbabukoke, mwetanga mu mitanga nti banu mwerengi bo mbu: 11‹Twabutiture banu emukungú w'erubungu rwinu ingu uri mu bisando bitu. Ina musibiriranga mbu eBwami bwa Ongo ngie buri kwihi ninu.#10.11 Soma Ruk 9.5; Mar 6.11.› 12Nibwirengi muriira, mu rotu rwa hende, mukusungayo muro irenga ku Sondoma.»
Ubansa mu sambungu esatina isimira Yesu
(Mat 11.20-24)
13Yesu wenderee n'ieba mbu: «Buhanya kuri ǒngo ubungu rwa ku Korasini! Buhanya kuri ǒngo ubungu rwa ku Betesaita! Bushwa mbu kuba ebishisharo byakuronjiwa banu byamuronjiwange ku Tiro na ku Sindoni, kongo bisa nko bamabunduka kare, bamumbarange makunia n'irika mu mote mu rishea eminsori yabo, n'ireke esansambi sabo. 14Ngyasingwa, erotu rwa hende, mukusungayo muro irenga bisa ku Tiro na ku Sindoni. 15Na ǒngo ubungu rwa ku Kaperenaumu, ǒngo uhakange mbu basekutarishayo mu mbingu? Ukuhichiwayo ekwerunga.» 16Yesu were tu ebanafunsi bae mbu: «Kinsi waburukira banu, ani ngwandukira, nangu wabutina, wanitina ani, n'ewanitina ani, watina ingu wanitumanga.»
Erikuruka r'ebanafunsi makumi arinda
17Kuruma nampo, ebanafunsi makumi arinda mbo bakuruka na ngoa nti bebange mbu: «eNyere Kuritu, n'ebifwasi nabyo biturikirengi entambi turikitange byo mu rina rabe!» 18Yesu were bo mbu: «Nasungayo Mushumbu uhukange buri kimpenya ituka ekwiyo. 19Murukire! Nabuninka maa inanta nsoka na nkutu hima na maa ihundusa emurenda Mushumbu. Kusira tu kikai kiti-kiti chamabusindika. 20Kai kiro mumoa bushwa mbu ebifwasi biburukirengi, ina mumoe bushwa mbu emina inu amatirwa mu mbingu.»
Erimoa ra Yesu
(Mat 11.25-27; 13.16-17)
21Mu ntambi iya-iya, eMutima Washurukara warisia Yesu ngoa, nampo Yesu weba mbu: «eTita, Nyere Kuritu w'embingu n'echuo, nikutatange bushwa mbu ebinwa byabisanga ǒngo ebea b'ebutesa n'ebasomi, umakando byo mu bana banunke. Ae Tita, ebiti mbyo ng'erisasa rabe.» 22Nampo, Yesu were ebea mbu: «Tita wareria ebikai biti mu mine yani. Kusira mwea unosi ani eMwana kuba ntí Tita, abe kusira mwea wosi Tita kuba ntíani eMwana nambi ebahunange ani mbu bamusibe.» 23Kuruma nampo, Yesu wabinduke ebanafunsi bae bisine, were bo mbu: «Ebasungange ebinwa bisungange banu, bakasanirwa! 24Bushwa mbu, nibwirengi: batahwa bingi na babake bahunanga isunga ebinwa bino bisungange banu, ina ntíbarisunga byo, n'irukira ebinwa birukirange banu, ina ntíbarerukira byo.»
Mushinga w'eMusamaria murongu
25Kuruma nampo, muhani uma w'emyomba wasimana mwiereka Yesu. Wamushisha mbu: «eMuhani, mbeni namuronja buni kongo nashee ekaramo k'ematu ati?» 26Yesu wasako mbu: «Inki chatirwa mu myomba yitu? Buni nge burukiranga ǒngo yo kuba usoma yo?» 27Emwea ngo wasako mbu: «‹Ushimanga Nyere kurinu Ongo mu mutima wabe uti, mu mihaki yabe iti, mu maa abe ati na mu bwenge bwabe buti. Ushimanga hotu minu imbu bwishima ǒngo kisine.›»#10.27 Soma Isub 6.5; Bar 19.18. 28Nampo, Yesu wamwire mbu: «Umasubya shu, wenda uronja ebwameba ǒngo, kongo usheeyo ekaramo.»
29Ina emwea ngo, mwisonda kwininka eriira, washisha Yesu mbu: «Na inye nge mitu?» 30Yesu wasako mbu: «Mwea uma watukanga ku Yerusaremu mwihite ku Yeriko. Warekia uri mu munse, ebanyai bamuhenda, bamunyaa ebiti byabesenga nae. Bamuhumbaka n'imusia mu nsanga nareke, biire rabo. 31Isisimuke, kwasaa kuhani uma uhitirengi munse njo. Warekia wasunga emwea o, weta kumushi nae, witeane rae. 32Bumbo hotu, Murawi uma nae weya mpo. Wakianga wamusunga, nae weitire mu uharo rwanse, na kwiire. 33Ina Musamaria uma wabesenga wetange munse njo, weya mpo hari emwea ngo. Wakianga wamusunga, wamukwire bonso. 34Wákensere kwihi nae, wakubure mu bihuru ndifai na mafuta mwimushakire, wamina byo. Kuruma nampo, wamutarisha hiyo n'embunda yae, wamusicha hankambi y'ebeni n'irangana nae. 35Mu richa r'ebutu, wakuto byunda bibí bya rufaranga n'itua byo kuri mine numba n'imwire mbu: ‹Uranganga emwea uno ishu, n'esafaranga siti sakoresha tu ǒngo hiyo nansi faranga mu rimushakire, nasekurucha to mu rikuruka rani.›»
36Ngerikia ke Yesu washisha ingo muhani w'eMyomba mbu: «Inye mu bashatu bano ngwasunga ǒngo buri munachabo emwea ingu wahendwanga n'ebanyai?» 37Emuhani w'eMyomba wasako mbu: «Ingu wamukwirenga ebonso.» Nampo ke Yesu wamwire mbu: «Na ǒngo hotu, wenda ukia mbo.»
Yesu wakime mwa Marita na Maria
38Yesu n'ebanafunsi bae barekia bendange, bakime mu kubungu kima. Nanko, mumina uma nge Marita wamukoke mu mwae. 39Marita ngo nti uri na motowawe nti nge Maria. Iwe weya karika kumushi na Nyere Kuritu, mu rirukira ebyebange we. 40Ina Marita iwe wabesenga nti utubatubange bushw'emirimo y'eriteka ebio. Ngyasingwanga weya kuri Yesu n'imushisha mbu: «eNyere Kuritu, utungakae bwakia moto wani wansiere emurimo ani kisine? Mwiri mbu wanisaki.» 41Nyere Kuritu wamusako mbu: «Marita! Marita! Ǒngo utubatubange n'inuba mu bikai bingi. 42Ina kuri kikai kima ho nge charaisha. Maria iwe wamarondora muhango wakoma nguru ingu utabakwiyo we.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development