Ruka 9
9
Yesu watuma esantumwa ikumi na sibi
(Mat 10.5-15; Mar 6.7-13)
1Otu ruma, Yesu warikecha esantumwa sae ikumi na sibi, waninka to maa na burai bwerihensa ebifwasi n'iramya ebakoni. 2Watuma to katura emyasi y'eBwami bwa Ongo n'iramya ebakoni. 3Were to mbu: «Mu ruendo rwinu, anga muria kikai kiti-kiti abe nkoma, abe inku, abe bio, abe behe, kira mwea warianga ho nchangi nima. 4Murikanga mu numba yasekokerwa mu banu nambu bwatuki banu murubungu ndo. 5Mu kinsi ubungu indu rwasekia bisa kuro batina ibukoke, mutukanga mu ro nti banu mutitongi emukungú w'ebisando byinu.#9.5 Itito emukungú w'ebisando: nge rieba mbu emwea ewakutumwanga usira tu mwinda kuri ebea ebakurishiwanga emwasi nabo bitine o. Ekinwa ncho kiseshea bo mbu bakukora bubi.» 6Esantumwa senda, seta ubungu m'ubungu, siturange eMwasi Wakonda n'iramya ebea ekuti.
Herote wasubaha emwasi wa Yesu
(Mat 14.1-12; Mar 6.14-29)
7Herote, mukwakare w'echuo cha ku Ngariraya, warukira emyasi iti y'ebinwa bikorwange. Nawe wakwa koha bushwa mbu bea bima babesenga bebange mbu Yohana Murubiki ngwamafuka. 8Na bampe babesenga bebange mbu emutahwa Eria nge wamasungwa tu. N'ebampe beba mbu uma mu batahwa ba karekare nge wamafuka. 9Ina Herote weba mbu: «Ani nge nebanga mbu bakere emuntwe wa Yohana. Mbeni ingu nirukirange emyasi yae, iwe inye tu?» Bushwa nancho, Herote wasonda ke buni bwasesunga we Yesu.
Yesu wasukucha bea erefu isanu
(Mat 14.13-21; Mar 6.30-44; Yoh 6.1-14)
10 Esantumwa sarekia sakuruka, bature Yesu emyasi iti nji yakukora bo. Naha wenda nabo hima. Kuruma nampo, Yesu wishika nabo kwihi na ku Betesaita. 11Ebikembe by'ebea byarekia byamasiba mbu kuko nge kwameta we, byamutucha ko. Yesu wakoke bo n'ibucha ieba nabo bushwa n'eBwami bwa Ongo. Nampo waramya ebati mbi bahunanga mbu waramye bo.
12Emwishi warekia wamabucha itamba, entumwa ikumi na sibi sa Yesu samweyere n'imwire mbu: «eNyere Kuritu, Reke ebea bano bendi kasonda nkambi na bio mu sambungu esiri kwihi-kwihi bushwa mbu hano turi hasira bea.» 13Ina Yesu wasako bo mbu: «Banu bisine muninke bo bio!» Nabo bamusako mbu: «Bate turi ho na mikati isanu na bikwa bibí. Ǒngo uhunange mbu twendi kachure ebea bati bano bio?» 14Himpo habesenga nti harikire babume buna erefu isanu. Yesu were esantumwa sae mbu sirikeche bo mu bikembe bya bea makumi asanu-asanu.
15Esantumwa sakora bumbo, sarikecha ebea bati ekwansi. 16Kuruma, Yesu watinge emikati isanu njo n'ebikwa bibí mbyo, wakae ekwio, watata Ongo. Nampo, wabengaa byo, waninka byo ebanafunsi bae mbu babanyii ebea bati. 17Ebati barisa n'isukuta. Esantumwa sasombo ebyasianga bo, barísia mitundu ikumi na ibi.
Petero weba mbu Yesu nge Kirisitu
(Mat 16.13-19; Mar 8.27-29)
18Otu ruma Yesu wabesenga uhemange Ongo iwe wisine. Ebanafunsi bae babesenga barikire kwihi nae, washisha bo mbu: «Mbeni ebea bebange mbu ani ng'inye?» 19Nabo mbu: «Bima bebange mbu ǒngo nge Yohana Murubiki, bampe mbu ǒngo nge Eria, n'ebampe mbu ǒngo uma mu batahwa ba karekare ewafukanga.» 20Yesu washisha bo mbu: «Na banu ke mwebange mbu ani ng'inye?» Petero wamusako mbu: «Ǒngo nge Kirisitu ingu watutumire Ongo.»
Yesu watura emwasi w'erikwa n'erifuka rae
(Mat 16.20-28; Mar 8.30—9.1)
21Yesu wahangire bo nguru mbu kiro bereka iture umpe mwea emwasi ngo. 22Were tu bo mbu: «Rakomenwa ani Mwana w'eMwea ninube n'itinwa n'ebakungu, n'ebakuhani hima n'ebahani b'eMyomba. Niseshurwa, ina erotu rw'emeta ashatu nti nafuka.»
23Ngerikia were ebea bati mbu: «Kuba emwea warae inimisa, watendi wiraengi mo. Ina wenda uriange emusaraba wae n'initucha ematu ati. 24Bushwa mbu ingu usondange iramya ebuingo bwae waseriminyayo bo, ina ingu waseshia ebuingo bwae bushwa nani waseramyayo bo. 25Emwea wamashee ebusoki bw'echuo kiti, wabese ntwamashee kikai nki ke kuba wariminya ebuingo bwae abe kwitaa mu roku wisine? 26Emwea wamanikwire nkene n'ikwire ebinwa byani nkene, ani eMwana w'eMwea nasemukwireyo hotu nkene. Rasebeseyo buno mu rotu ruseyayo ani mu busime bwani, na nge busime bwa Tita, na nge bw'ebamaraika bashurukara. 27Iira, nibwirengi mbu: bima mu banu mbi muri hano, batakwiyo kuti ntíbasunga nensi ebwasimana eBwami bwa Ongo.»
Yesu wabundurwa embaso
(Mat 17.1-8; Mar 9.2-8)
28Kuruma na matu buna munani Yesu warekia wamakinda ieba ebinwa mbyo, iwe waringa Petero, Yakobo na Yohana, wataya nabo hiyo n'erou kahema Ongo. 29Warekia uhemange, embaso yae yabinduka, n'esanchangi sae wasana n'inyenya nguru. 30-31Nampo, kumunda n'echaka ncho kwasaa babume babi, Musa bana Eria. Ebabume babi mbo, babesenga nti bebanange na Yesu bushwa n'ebusekinda we emurimo wae, mu rikwire ku Yerusaremu. 32Entambi njo, Petero na babine babesenga bamenda toro twingi. Ina barekia basimuka, basunga ebusime bwa Yesu n'ebabume babi mbo babesenga basimana hima nae. 33Ebabume babi mbo barekia basonda isiana na Yesu, Petero wamwire mbu: «eNyere Kuritu, rakonda buno buri bate hano. Twimbe hema ishatu: nima yabe, impe ya Musa na impe ya Eria.» Nae wabesenga webange nti tíwosi echebange we.
34Mu ntambi Petero wabesenga webange mbo, erutundo rwahita n'ibumbe bo. Esantumwa nso sasubaha mu ribumbirwa n'erutundo ndo. 35Kwarukirwa murenge uma wasaa mu rutundo ndo ntwebange mbu: «Uno nge Musikyani ewarondoranga ani. Mwendi banu mumutee mate!» 36Kuruma n'erirukira emurenge o, Yesu wasungwa ntwamasia wisine. Ebinwa biti mbyo ebyasunganga esantumwa mpo, ntíbaturenga mwea uti-uti enama njo ematu ati ngo.
Yesu waramya mwana uri na kifwasi
(Mat 17.14-18; Mar 9.14-27)
37Mu richa r'ebutu, Yesu n'entumwa sae ishatu nso bahita erou. Kikembe kikiri cha bea bamweyere. 38Hiha-hiha, mwea uma munkati n'ekikembe wakua mbu: «eMuhani, nakukonga unikairi mu musikyani, bushwa mbu iwe nge mwanani uma ho! 39Ukiange wamatingirwa n'ekifwasi, hiha-hiha, emwana ntwirake, nti chamuinya-inya nguru n'erihuro nti ramutuka mu bunu. Ekifwasi ncho kitangamutuka mo tete, kimunubyange nguru. 40Nakongayo ebanafunsi babe mbu bahense cho, ina karankuso.»
41Yesu wasako mbu: «Ah! Banu ebea b'ematu ano, banu bea bema! Murukwa n'erisimira! Naserikayo ninu tu matu anga? Niseshireyo kuni n'erirukira ebinwa binu? Risha musikyabe hano.» 42N'emwana ngo warekia weyange hari Yesu, ekifwasi ncho chamutaa ekwansi n'imuinya-inya nguru. Ina Yesu wakeme cho, waramya emwana n'imukurucha kuri ishe. 43Ebea bati bashishara mu risunga ebunkangwe bwa Ongo.
Yesu watura tu ebusesiburwa we
(Mat 17.22-23; Mar 9.30-32)
Ebea bati barekia bashisharange mu binwa biti ebyamaronja Yesu, iwe were ebanafunsi bae mbu: 44«Munitee emate shu: Ani Mwana w'eMwea nisesiburwa mu mine y'ebea.» 45Ina ibo batateereri ebweba ebinwa mbyo, bushwa mbu byabesenga byamabiswa kuri bo kongo batasibi byo, nabo basubaha imushisha buni nge bwebange byo.
Inye nge mukwakare?
(Mat 18.1-5; Mar 9.33-37)
46Otu ruma, ebanafunsi ba Yesu basonda isiba inye nge mukwakare munkati nabo. 47Yesu warekia wamasiba emihaki yabo, warisha mwana, wamuria hamushi nae, 48were bo mbu: «Emwea uti wasekokeyo emwana uno mu rina rani, ntyani ngwamanikoke. Na kinsi ngu wanikoke, wakoke ingu warinituma. Bushwa mbu emwanunke munkati ninu nge mukwakare.»
Kinsi ngu ntímurenda winu uri mu ruharo rwinu
(Mar 9.38-40)
49Ngyasingwanga Yohana weba mbu: «eNyere Kuritu, twakusunga mwea uma uhensange kifwasi mu rina rabe, twamuhangireyo, bushwa mbu iwe ntíuma mu bate.» 50Yesu wamusako mbu: «Kiro mumuhangire, bushwa mbu kinsi ingu ntímurenda winu urikire mu ruharo rwinu.»
eBasamaria batina ikoke Yesu
51Ematu erikuruka ra Yesu mu mbingu arekia ari keya, wasunga mbu rakonda wataye ku Yerusaremu. 52Watuma kasa bea bima kubusondori nae. Benda, beya mu ubungu ruma rwa Basamaria kongo bamutunganyie ekwasehiere we. 53Ina ebea b'erubungu ndo batina ikoke Yesu ku rwabo bushwa mbu wabesenga uteanange ienda ku Yerusaremu.#9.53 Itukire karekare, eBayuta n'eBasamaria nti batashimanga. Bushwa nancho, eBasamaria babesenga batananga mbu eBayuta bete munkati n'echuo chabo mu rienda kahema ku Yerusaremu. 54Ebanafunsi bae, Yakobo na Yohana barekia basunga mbo, beba mbu: «eNyere Kuritu, ushima tuheme kasha kahitiri bo ituka ekwio n'ishiria bo?» 55Ina Yesu wikebera kuri bo n'ifine bo. 56Ituka mpo benda mu rumpe ubungu.
Ebasondange itucha Yesu
(Mat 8.19-22)
57Yesu n'ebanafunsi bae barekia bari mu munse, mwea uma were Yesu mbu: «Nendi nikumisange ekuti kwaseta ǒngo.» 58Ina Yesu wamwire mbu: «Emiterere irikanga na biribu by'isame mo, n'emirónge irikanga na birumba, ina ani Mwana w'eMwea nisira n'ehamusame ani.»
59Yesu were umpe mwea mbu: «Nimise.» Emwea o nae weba mbu: «eNyere Kuritu, nikuhemange mbu nendi kasa kataa tita.»#9.59 EkuBayuta, itaa tita ng'erimuranga mu matu ebukungu bwae ieya n'erotu rusekwayo we. 60Yesu wamwire mbu: «Reke ebakwire batae ebakwi babo, ina ǒngo enda katura emwasi w'eBwami bwa Ongo.»
61Umpe mwea were Yesu mbu: «eNyere Kuritu, nendi nikumisange, ina nikuhemange mbu nendi kasa karaa eruanda rwani.» 62Yesu wamusako mbu: «Emwea wamabucha ihinga nukaengi tu kuruma, nti twakomenwa ikora mu Bwami bwa Ongo.»
လက္ရွိေရြးခ်ယ္ထားမွု
Ruka 9: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 9
9
Yesu watuma esantumwa ikumi na sibi
(Mat 10.5-15; Mar 6.7-13)
1Otu ruma, Yesu warikecha esantumwa sae ikumi na sibi, waninka to maa na burai bwerihensa ebifwasi n'iramya ebakoni. 2Watuma to katura emyasi y'eBwami bwa Ongo n'iramya ebakoni. 3Were to mbu: «Mu ruendo rwinu, anga muria kikai kiti-kiti abe nkoma, abe inku, abe bio, abe behe, kira mwea warianga ho nchangi nima. 4Murikanga mu numba yasekokerwa mu banu nambu bwatuki banu murubungu ndo. 5Mu kinsi ubungu indu rwasekia bisa kuro batina ibukoke, mutukanga mu ro nti banu mutitongi emukungú w'ebisando byinu.#9.5 Itito emukungú w'ebisando: nge rieba mbu emwea ewakutumwanga usira tu mwinda kuri ebea ebakurishiwanga emwasi nabo bitine o. Ekinwa ncho kiseshea bo mbu bakukora bubi.» 6Esantumwa senda, seta ubungu m'ubungu, siturange eMwasi Wakonda n'iramya ebea ekuti.
Herote wasubaha emwasi wa Yesu
(Mat 14.1-12; Mar 6.14-29)
7Herote, mukwakare w'echuo cha ku Ngariraya, warukira emyasi iti y'ebinwa bikorwange. Nawe wakwa koha bushwa mbu bea bima babesenga bebange mbu Yohana Murubiki ngwamafuka. 8Na bampe babesenga bebange mbu emutahwa Eria nge wamasungwa tu. N'ebampe beba mbu uma mu batahwa ba karekare nge wamafuka. 9Ina Herote weba mbu: «Ani nge nebanga mbu bakere emuntwe wa Yohana. Mbeni ingu nirukirange emyasi yae, iwe inye tu?» Bushwa nancho, Herote wasonda ke buni bwasesunga we Yesu.
Yesu wasukucha bea erefu isanu
(Mat 14.13-21; Mar 6.30-44; Yoh 6.1-14)
10 Esantumwa sarekia sakuruka, bature Yesu emyasi iti nji yakukora bo. Naha wenda nabo hima. Kuruma nampo, Yesu wishika nabo kwihi na ku Betesaita. 11Ebikembe by'ebea byarekia byamasiba mbu kuko nge kwameta we, byamutucha ko. Yesu wakoke bo n'ibucha ieba nabo bushwa n'eBwami bwa Ongo. Nampo waramya ebati mbi bahunanga mbu waramye bo.
12Emwishi warekia wamabucha itamba, entumwa ikumi na sibi sa Yesu samweyere n'imwire mbu: «eNyere Kuritu, Reke ebea bano bendi kasonda nkambi na bio mu sambungu esiri kwihi-kwihi bushwa mbu hano turi hasira bea.» 13Ina Yesu wasako bo mbu: «Banu bisine muninke bo bio!» Nabo bamusako mbu: «Bate turi ho na mikati isanu na bikwa bibí. Ǒngo uhunange mbu twendi kachure ebea bati bano bio?» 14Himpo habesenga nti harikire babume buna erefu isanu. Yesu were esantumwa sae mbu sirikeche bo mu bikembe bya bea makumi asanu-asanu.
15Esantumwa sakora bumbo, sarikecha ebea bati ekwansi. 16Kuruma, Yesu watinge emikati isanu njo n'ebikwa bibí mbyo, wakae ekwio, watata Ongo. Nampo, wabengaa byo, waninka byo ebanafunsi bae mbu babanyii ebea bati. 17Ebati barisa n'isukuta. Esantumwa sasombo ebyasianga bo, barísia mitundu ikumi na ibi.
Petero weba mbu Yesu nge Kirisitu
(Mat 16.13-19; Mar 8.27-29)
18Otu ruma Yesu wabesenga uhemange Ongo iwe wisine. Ebanafunsi bae babesenga barikire kwihi nae, washisha bo mbu: «Mbeni ebea bebange mbu ani ng'inye?» 19Nabo mbu: «Bima bebange mbu ǒngo nge Yohana Murubiki, bampe mbu ǒngo nge Eria, n'ebampe mbu ǒngo uma mu batahwa ba karekare ewafukanga.» 20Yesu washisha bo mbu: «Na banu ke mwebange mbu ani ng'inye?» Petero wamusako mbu: «Ǒngo nge Kirisitu ingu watutumire Ongo.»
Yesu watura emwasi w'erikwa n'erifuka rae
(Mat 16.20-28; Mar 8.30—9.1)
21Yesu wahangire bo nguru mbu kiro bereka iture umpe mwea emwasi ngo. 22Were tu bo mbu: «Rakomenwa ani Mwana w'eMwea ninube n'itinwa n'ebakungu, n'ebakuhani hima n'ebahani b'eMyomba. Niseshurwa, ina erotu rw'emeta ashatu nti nafuka.»
23Ngerikia were ebea bati mbu: «Kuba emwea warae inimisa, watendi wiraengi mo. Ina wenda uriange emusaraba wae n'initucha ematu ati. 24Bushwa mbu ingu usondange iramya ebuingo bwae waseriminyayo bo, ina ingu waseshia ebuingo bwae bushwa nani waseramyayo bo. 25Emwea wamashee ebusoki bw'echuo kiti, wabese ntwamashee kikai nki ke kuba wariminya ebuingo bwae abe kwitaa mu roku wisine? 26Emwea wamanikwire nkene n'ikwire ebinwa byani nkene, ani eMwana w'eMwea nasemukwireyo hotu nkene. Rasebeseyo buno mu rotu ruseyayo ani mu busime bwani, na nge busime bwa Tita, na nge bw'ebamaraika bashurukara. 27Iira, nibwirengi mbu: bima mu banu mbi muri hano, batakwiyo kuti ntíbasunga nensi ebwasimana eBwami bwa Ongo.»
Yesu wabundurwa embaso
(Mat 17.1-8; Mar 9.2-8)
28Kuruma na matu buna munani Yesu warekia wamakinda ieba ebinwa mbyo, iwe waringa Petero, Yakobo na Yohana, wataya nabo hiyo n'erou kahema Ongo. 29Warekia uhemange, embaso yae yabinduka, n'esanchangi sae wasana n'inyenya nguru. 30-31Nampo, kumunda n'echaka ncho kwasaa babume babi, Musa bana Eria. Ebabume babi mbo, babesenga nti bebanange na Yesu bushwa n'ebusekinda we emurimo wae, mu rikwire ku Yerusaremu. 32Entambi njo, Petero na babine babesenga bamenda toro twingi. Ina barekia basimuka, basunga ebusime bwa Yesu n'ebabume babi mbo babesenga basimana hima nae. 33Ebabume babi mbo barekia basonda isiana na Yesu, Petero wamwire mbu: «eNyere Kuritu, rakonda buno buri bate hano. Twimbe hema ishatu: nima yabe, impe ya Musa na impe ya Eria.» Nae wabesenga webange nti tíwosi echebange we.
34Mu ntambi Petero wabesenga webange mbo, erutundo rwahita n'ibumbe bo. Esantumwa nso sasubaha mu ribumbirwa n'erutundo ndo. 35Kwarukirwa murenge uma wasaa mu rutundo ndo ntwebange mbu: «Uno nge Musikyani ewarondoranga ani. Mwendi banu mumutee mate!» 36Kuruma n'erirukira emurenge o, Yesu wasungwa ntwamasia wisine. Ebinwa biti mbyo ebyasunganga esantumwa mpo, ntíbaturenga mwea uti-uti enama njo ematu ati ngo.
Yesu waramya mwana uri na kifwasi
(Mat 17.14-18; Mar 9.14-27)
37Mu richa r'ebutu, Yesu n'entumwa sae ishatu nso bahita erou. Kikembe kikiri cha bea bamweyere. 38Hiha-hiha, mwea uma munkati n'ekikembe wakua mbu: «eMuhani, nakukonga unikairi mu musikyani, bushwa mbu iwe nge mwanani uma ho! 39Ukiange wamatingirwa n'ekifwasi, hiha-hiha, emwana ntwirake, nti chamuinya-inya nguru n'erihuro nti ramutuka mu bunu. Ekifwasi ncho kitangamutuka mo tete, kimunubyange nguru. 40Nakongayo ebanafunsi babe mbu bahense cho, ina karankuso.»
41Yesu wasako mbu: «Ah! Banu ebea b'ematu ano, banu bea bema! Murukwa n'erisimira! Naserikayo ninu tu matu anga? Niseshireyo kuni n'erirukira ebinwa binu? Risha musikyabe hano.» 42N'emwana ngo warekia weyange hari Yesu, ekifwasi ncho chamutaa ekwansi n'imuinya-inya nguru. Ina Yesu wakeme cho, waramya emwana n'imukurucha kuri ishe. 43Ebea bati bashishara mu risunga ebunkangwe bwa Ongo.
Yesu watura tu ebusesiburwa we
(Mat 17.22-23; Mar 9.30-32)
Ebea bati barekia bashisharange mu binwa biti ebyamaronja Yesu, iwe were ebanafunsi bae mbu: 44«Munitee emate shu: Ani Mwana w'eMwea nisesiburwa mu mine y'ebea.» 45Ina ibo batateereri ebweba ebinwa mbyo, bushwa mbu byabesenga byamabiswa kuri bo kongo batasibi byo, nabo basubaha imushisha buni nge bwebange byo.
Inye nge mukwakare?
(Mat 18.1-5; Mar 9.33-37)
46Otu ruma, ebanafunsi ba Yesu basonda isiba inye nge mukwakare munkati nabo. 47Yesu warekia wamasiba emihaki yabo, warisha mwana, wamuria hamushi nae, 48were bo mbu: «Emwea uti wasekokeyo emwana uno mu rina rani, ntyani ngwamanikoke. Na kinsi ngu wanikoke, wakoke ingu warinituma. Bushwa mbu emwanunke munkati ninu nge mukwakare.»
Kinsi ngu ntímurenda winu uri mu ruharo rwinu
(Mar 9.38-40)
49Ngyasingwanga Yohana weba mbu: «eNyere Kuritu, twakusunga mwea uma uhensange kifwasi mu rina rabe, twamuhangireyo, bushwa mbu iwe ntíuma mu bate.» 50Yesu wamusako mbu: «Kiro mumuhangire, bushwa mbu kinsi ingu ntímurenda winu urikire mu ruharo rwinu.»
eBasamaria batina ikoke Yesu
51Ematu erikuruka ra Yesu mu mbingu arekia ari keya, wasunga mbu rakonda wataye ku Yerusaremu. 52Watuma kasa bea bima kubusondori nae. Benda, beya mu ubungu ruma rwa Basamaria kongo bamutunganyie ekwasehiere we. 53Ina ebea b'erubungu ndo batina ikoke Yesu ku rwabo bushwa mbu wabesenga uteanange ienda ku Yerusaremu.#9.53 Itukire karekare, eBayuta n'eBasamaria nti batashimanga. Bushwa nancho, eBasamaria babesenga batananga mbu eBayuta bete munkati n'echuo chabo mu rienda kahema ku Yerusaremu. 54Ebanafunsi bae, Yakobo na Yohana barekia basunga mbo, beba mbu: «eNyere Kuritu, ushima tuheme kasha kahitiri bo ituka ekwio n'ishiria bo?» 55Ina Yesu wikebera kuri bo n'ifine bo. 56Ituka mpo benda mu rumpe ubungu.
Ebasondange itucha Yesu
(Mat 8.19-22)
57Yesu n'ebanafunsi bae barekia bari mu munse, mwea uma were Yesu mbu: «Nendi nikumisange ekuti kwaseta ǒngo.» 58Ina Yesu wamwire mbu: «Emiterere irikanga na biribu by'isame mo, n'emirónge irikanga na birumba, ina ani Mwana w'eMwea nisira n'ehamusame ani.»
59Yesu were umpe mwea mbu: «Nimise.» Emwea o nae weba mbu: «eNyere Kuritu, nikuhemange mbu nendi kasa kataa tita.»#9.59 EkuBayuta, itaa tita ng'erimuranga mu matu ebukungu bwae ieya n'erotu rusekwayo we. 60Yesu wamwire mbu: «Reke ebakwire batae ebakwi babo, ina ǒngo enda katura emwasi w'eBwami bwa Ongo.»
61Umpe mwea were Yesu mbu: «eNyere Kuritu, nendi nikumisange, ina nikuhemange mbu nendi kasa karaa eruanda rwani.» 62Yesu wamusako mbu: «Emwea wamabucha ihinga nukaengi tu kuruma, nti twakomenwa ikora mu Bwami bwa Ongo.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development