LUKA 11
11
Yesu alehi batingami ba nde miongɔnɔ
(Endja pongono ta Mat 6, 9-13; 7, 7-11)
1Busa bo mɔti, Yesu aongɔnɔkɔ ta polo ekina. Ehole esidjaka yo, motingami omɔti amohɔdjɔkɔ: «Kumu, loleha moda mo bongɔnɔ, elenge Yoane alehaka yo batingami ba nde.» 2Yesu abalaka na bu: «Ehole eongɔnɔkɔ no, balani:
“Sangwasu,
kinabo bato basusu badjebe odi Ndjakomba Mosɛnɔke,
Bokumu bo wɛ bodue!
3Lopa, engi busa, mia maboani na su.
4Loyɛ mabe ma biso,
Elenge akayɛso pongono adi bia bakalokɔe bobe.
Ko pɛ bololɔndɔ ta bomekama.” »
5Yesu abalaka na bu naikina: «Ekadabo: omɔti ta ndanda e bino akada na mopalani, bea akɛi adi yo ta ndanda e bulu ko abali na nde: “Mopalani, bekedjani miɛmbɛ misato. 6Omɔti o maninga o mbi aimeini naditi na eka e bomopa.” 7Bea yona odaka ta ndako, amosɔmbedja: “Kina botungeani! Ekukɛ edipami ehele, mbi na bana lowɛi, natabɔngɔ nagɔe tine bopa miɛmbɛ.” 8Nabali na nu, atangɔke tine bomopa miɛmbɛ elɔke adi mopalani o nde, endolo angɔke tine itungea i nde ko amopake eka akambaka na nde.
9Na bea mbi, nabalaka na nu: sɛngɛni, baopakeni; hombani, wadiakeni; bomani, bodipoakeni. 10Tengasa moto okahɔdje, akadie; yona okahombe, akenɛ; ko yona okabome bakamodipoe. 11Ta ndanda e bino omɔti akada sange moto, aboani bopa ibate adi mwana o nde ta ehole emohɔdji yo moswi? 12Kaoko, akahɔdjɔ itɔ, aboani bomopa koolo? 13Nongo ekada bea ino bato babe odjebini bopa bana ba bino leka lopele; edabi bo adi Sange bino yona odi ta busa, apɛtebi Mwembo Mosɛnɔke adi bia bakamohɔdje!»
Yesu asɔmbedji tine pundi e nde
(Endja pongono ta Mat 12, 22-30; Mlk 3, 22-27)
14Busa bomɔti Yesu abenganaka mwembo mobe imua moimedjaka momi omɔti emimi. Ehole eimaka mwembo mobe momina, emimi abalaka, emumu e bato bakamoaka. 15Endolo ekenge e bato babalaka: «Edi Bɛlɛdjɛbulɛ, mokondji o miembo mibe, yo moto okamopɛ ngulu ebobengana miembo mibe!» 16Bakina, ta bopikea Yesu elambo babalaka: «kɔɔ embete boinedja boo ngulu e wɛ adongaka ta busa adi Ndjakomba.» 17Endolo elenge Yesu adjebaka malɛnɔ ma bobo, abalaka na bu: Bokumu bosusu bokasakabane suka e bu bokanangane; ndako djimina djikakwɛ ta diko i ndako djikina. 18Ekada satana asakabani yo mɛnɛ, moda nda bokumu bo nde boboani boyeyoa? Obalini edi na ngulu e Bɛlɛdjɛbulɛ abenganaka na mbi satana? 19Ko mbi nakabengane miembo mibe na ngulu e Bɛlɛdjɛbulɛ, bana ba bino, ba kabengane na ngulu e nda? Na tina emina badabi bo bɛnɛ badjudji ba bino. 20Endolo ekada na ngulu e Ndjakomba nakabengane miembo mibe, edi boo Bokumu bo Ndjakomba bobatami mbuti na nu. 21Ehole edi moto o ngulu na bipeko bi bila ta ndako e nde, leka lo nde losusu lodi ta e bana.
22Endolo moto omonɔi na ngulu akaimea akamolongea, amokatoake bipeko bi bila bisaki yo molema ko akabanake losusu lomokatoi yo.
23«Moto odi pɛ bopalani adi moloni o mbi; ko yona odi pɛ boda elenge mbi akakabane.»
Ihule i mwembo mobe
(Endja pongono ta Mat 12, 43-45)
24«Ehole eimi mwembo mobe adi moto, mokɛi alebalebe ta etengelenge, bohomba polo e iheme. Endolo emiti dia, ekasabalei: “Nadoi asɔmbɔ ta ndako, yena eima mbi.” 25Ehole eimeake mo, ataneaka ndako eombɔmɔke edi ebɔngedjamake bopele. 26Ibea akɛke atomba miembo sambo mimonɔi na bobe; bakweake ta ndako ko badake ena. Suka, e moto yona edi boimea bobe bonɔ moda modaki yo boso.»
Odi moto omongandi nda?
27Ehole edaka Yesu abala meako mia, mwali omɔti ta emumu e bato agamaka: «Sepi adi mwali oloa demi i wɛ ko onungea mabɛ!» 28Endolo Yesu asɔmbedjaka: «Sepi edi adi bia bokaka mobalo mo Ndjakomba ko bamosaleaka.»
Ihɔdjɔ i embete e ngindola
(Endja pongono ta Mat 12, 38-42)
29Elenge emumu e bato ehikaka Yesu, aimeaka bobala na bu: «Bato ba ehole ye badi babe. Bahɔdjɔkɔ embete e ngindola, endolo pɛ nongo embete e ngindola ekina ekɔmetebi; emitida oko embete e ngindola e Yona. 30Enakobea, Yona adaka embete tina e bato ba Niniwe, oko moda momina Mwana o moto adake embete tina e bato ba ehole ye. 31Ta busa bo esambi, mokondji mwali o sude angɔbi engbanga na bato ba ehole ye ko abapundabi. Tine boo adonga ta suka e ngondo tine booka mibalo midjebeli e Salomo; enakobea iyo oemi ya anɔi Salomo na bonɛnɛ. 32Ta busa bo esambi, bato ba Niniwe bangɔbi ta boso bo bato ba ehole ye ko babapundabi. Tengasa bato ba Niniwe bahombedja mida ehole eokabo eleho e Yona. Ko enakobea odi ya anɔi Yona na bonɛnɛ!»
Molinda mo mokuku
(Endja pongono ta Mat 5, 15; 6, 22-23)
33«Moto omɔti ta bwanedje molinda tine bomobomba kaoko bomokunda na katini. Enako bea bakamosɛpɛe ta esɛpɛi tine bato bia bakweake ta ndako baɛnɛ bohu. 34Miso ma wɛ madi molinda mo mokuku: Ehole edi miso ma wɛ bopele, mokuku mosusu modi ta bohu; endolo miso ma wɛ makada na epeko na bea mokuku mo wɛ pongono modi ta modidi. 35Na bea, kɔɔ engɛlɛ na bohu bua bodi ta tei e wɛ bosakadipama na modidi. 36Ekada mokuku mo wɛ mosusu modi ta bohu, ko pɛ nongo ekenge emɔti edi ta modidi, mokuku mosusu mo wɛ modi ta bohu, elenge molinda akabwanedje mo mokuku na bohu bo nde.»
Yesu apundi bapalusai na balehi ba mobeko
(Endja pongono ta Mat 23, 1-36; Mlk 12, 38-40)
37Ehole esidjaka Yesu bobala, Mopalusai omɔti amohɔdjɔkɔ akayaka ta ndako e nde. Yesu akweaka ko adaka ta mesa. 38Mopalusai akamoaka yana aenɛkɛ yo Yesu ayaka pɛ bososa mɔmɔ. 39Kumu abalaka na nde: «Endja, ino Bapalusai: okasoseni sokolu e kɔbɔ ko na sani, endolo ta tei olumini na posa i boiba ko milema mibe. 40Bato bataka e mawɛi! Yona okɔi sokolu akɔiti otei? 41Pani adi batakeli ilodi ta kɔbɔ ko ta sani i bino, ko losusu ladake losɛnɔke tina e bino.
42«Ndjokwa na nu bapalusai! Okapɛni adi Ndjakomba ekenge emɔti na domi e ndjua elenge matungulu, pongono na mida misusu mi ndjua. Endolo okaboseni bodjo ko bopala Ndjakomba: edi midjɔ miboani na nu bokɔ, endolo napɛ bobosanani mia mikina.
43«Ndjokwa na nu, bapalusai! Okapaleni polo i gala ta sinagoga ko okapaleni bodima ndese i isuma ta polo i bhuda. 44Ndjokwa na nu! Odini elenge makila mataki embete ko bakamadalakake napɛ bodjeba!»
45Okina molehi o mobeko abalaka na nde: «Molehi, yana abalaka wɛ bea, olosingi!» 46Yesu asɔmbedjaka: «Ndjokwa na nu pongono balehi ba mobeko! Okaloadjeni bato mina mi mandi mia mikadae no pɛ bobɛndjɛni nongo na sɔngɔ e mosapi! 47Ndjokwa na nu! Okatongeni makila ma ba mbaeli ba Ndjakomba, enakobea edi ba sangwanu bato ba bowa! 48Na tina emina wainedjakani misala mi ba sangwanu. Tengasa ibo baowa ba mbaeli ba Ndjakomba ko ino, watongakani makila ma bobo! 49Na tina emina Ndjakomba na djebeli e nde, abalaka: “Nabalomeabi ba mbaeli ba Ndjakomba na bapɔsɔlu: baowabi ekenge ekina ko bonɔngedja bakina.” 50Na tina emina, bato ba ehole ye baputabi lindo e makia ma ba mbaeli ba Ndjakomba basusu donga ta mbangi e ngondo. 51Donga makia ma Abɛlɛ mbunoko makia ma Djakalia, yona owabo ta polo ekatumbebo mbeka ko ta polo esɛnɔke. Soti, nabali na nu, bato ba ehole ye batombabi mandi ma makia ma ba mbaeli ba Ndjakomba basusu ibowa bo!
52«Ndjokwa tina e bino balehi ba mobeko! Odongedjani pongola djebeli; ino bɛnɛ oikweani ko oipani ndjea adi bato ibapalaka bokwea.» 53Ehole eima Yesu ta ndako emina, balehi ba mobeko na bapalusai badaka na kɛlɛ na nde epipo badaka bamohɔdjɔ mahɔdjɔ tungu na tungu: 54badaka bomomeka, bɛngi badie mo ekenge o kɔpi ebe ekaima ta monɔkɔ mo nde.
လက္ရွိေရြးခ်ယ္ထားမွု
LUKA 11: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 11
11
Yesu alehi batingami ba nde miongɔnɔ
(Endja pongono ta Mat 6, 9-13; 7, 7-11)
1Busa bo mɔti, Yesu aongɔnɔkɔ ta polo ekina. Ehole esidjaka yo, motingami omɔti amohɔdjɔkɔ: «Kumu, loleha moda mo bongɔnɔ, elenge Yoane alehaka yo batingami ba nde.» 2Yesu abalaka na bu: «Ehole eongɔnɔkɔ no, balani:
“Sangwasu,
kinabo bato basusu badjebe odi Ndjakomba Mosɛnɔke,
Bokumu bo wɛ bodue!
3Lopa, engi busa, mia maboani na su.
4Loyɛ mabe ma biso,
Elenge akayɛso pongono adi bia bakalokɔe bobe.
Ko pɛ bololɔndɔ ta bomekama.” »
5Yesu abalaka na bu naikina: «Ekadabo: omɔti ta ndanda e bino akada na mopalani, bea akɛi adi yo ta ndanda e bulu ko abali na nde: “Mopalani, bekedjani miɛmbɛ misato. 6Omɔti o maninga o mbi aimeini naditi na eka e bomopa.” 7Bea yona odaka ta ndako, amosɔmbedja: “Kina botungeani! Ekukɛ edipami ehele, mbi na bana lowɛi, natabɔngɔ nagɔe tine bopa miɛmbɛ.” 8Nabali na nu, atangɔke tine bomopa miɛmbɛ elɔke adi mopalani o nde, endolo angɔke tine itungea i nde ko amopake eka akambaka na nde.
9Na bea mbi, nabalaka na nu: sɛngɛni, baopakeni; hombani, wadiakeni; bomani, bodipoakeni. 10Tengasa moto okahɔdje, akadie; yona okahombe, akenɛ; ko yona okabome bakamodipoe. 11Ta ndanda e bino omɔti akada sange moto, aboani bopa ibate adi mwana o nde ta ehole emohɔdji yo moswi? 12Kaoko, akahɔdjɔ itɔ, aboani bomopa koolo? 13Nongo ekada bea ino bato babe odjebini bopa bana ba bino leka lopele; edabi bo adi Sange bino yona odi ta busa, apɛtebi Mwembo Mosɛnɔke adi bia bakamohɔdje!»
Yesu asɔmbedji tine pundi e nde
(Endja pongono ta Mat 12, 22-30; Mlk 3, 22-27)
14Busa bomɔti Yesu abenganaka mwembo mobe imua moimedjaka momi omɔti emimi. Ehole eimaka mwembo mobe momina, emimi abalaka, emumu e bato bakamoaka. 15Endolo ekenge e bato babalaka: «Edi Bɛlɛdjɛbulɛ, mokondji o miembo mibe, yo moto okamopɛ ngulu ebobengana miembo mibe!» 16Bakina, ta bopikea Yesu elambo babalaka: «kɔɔ embete boinedja boo ngulu e wɛ adongaka ta busa adi Ndjakomba.» 17Endolo elenge Yesu adjebaka malɛnɔ ma bobo, abalaka na bu: Bokumu bosusu bokasakabane suka e bu bokanangane; ndako djimina djikakwɛ ta diko i ndako djikina. 18Ekada satana asakabani yo mɛnɛ, moda nda bokumu bo nde boboani boyeyoa? Obalini edi na ngulu e Bɛlɛdjɛbulɛ abenganaka na mbi satana? 19Ko mbi nakabengane miembo mibe na ngulu e Bɛlɛdjɛbulɛ, bana ba bino, ba kabengane na ngulu e nda? Na tina emina badabi bo bɛnɛ badjudji ba bino. 20Endolo ekada na ngulu e Ndjakomba nakabengane miembo mibe, edi boo Bokumu bo Ndjakomba bobatami mbuti na nu. 21Ehole edi moto o ngulu na bipeko bi bila ta ndako e nde, leka lo nde losusu lodi ta e bana.
22Endolo moto omonɔi na ngulu akaimea akamolongea, amokatoake bipeko bi bila bisaki yo molema ko akabanake losusu lomokatoi yo.
23«Moto odi pɛ bopalani adi moloni o mbi; ko yona odi pɛ boda elenge mbi akakabane.»
Ihule i mwembo mobe
(Endja pongono ta Mat 12, 43-45)
24«Ehole eimi mwembo mobe adi moto, mokɛi alebalebe ta etengelenge, bohomba polo e iheme. Endolo emiti dia, ekasabalei: “Nadoi asɔmbɔ ta ndako, yena eima mbi.” 25Ehole eimeake mo, ataneaka ndako eombɔmɔke edi ebɔngedjamake bopele. 26Ibea akɛke atomba miembo sambo mimonɔi na bobe; bakweake ta ndako ko badake ena. Suka, e moto yona edi boimea bobe bonɔ moda modaki yo boso.»
Odi moto omongandi nda?
27Ehole edaka Yesu abala meako mia, mwali omɔti ta emumu e bato agamaka: «Sepi adi mwali oloa demi i wɛ ko onungea mabɛ!» 28Endolo Yesu asɔmbedjaka: «Sepi edi adi bia bokaka mobalo mo Ndjakomba ko bamosaleaka.»
Ihɔdjɔ i embete e ngindola
(Endja pongono ta Mat 12, 38-42)
29Elenge emumu e bato ehikaka Yesu, aimeaka bobala na bu: «Bato ba ehole ye badi babe. Bahɔdjɔkɔ embete e ngindola, endolo pɛ nongo embete e ngindola ekina ekɔmetebi; emitida oko embete e ngindola e Yona. 30Enakobea, Yona adaka embete tina e bato ba Niniwe, oko moda momina Mwana o moto adake embete tina e bato ba ehole ye. 31Ta busa bo esambi, mokondji mwali o sude angɔbi engbanga na bato ba ehole ye ko abapundabi. Tine boo adonga ta suka e ngondo tine booka mibalo midjebeli e Salomo; enakobea iyo oemi ya anɔi Salomo na bonɛnɛ. 32Ta busa bo esambi, bato ba Niniwe bangɔbi ta boso bo bato ba ehole ye ko babapundabi. Tengasa bato ba Niniwe bahombedja mida ehole eokabo eleho e Yona. Ko enakobea odi ya anɔi Yona na bonɛnɛ!»
Molinda mo mokuku
(Endja pongono ta Mat 5, 15; 6, 22-23)
33«Moto omɔti ta bwanedje molinda tine bomobomba kaoko bomokunda na katini. Enako bea bakamosɛpɛe ta esɛpɛi tine bato bia bakweake ta ndako baɛnɛ bohu. 34Miso ma wɛ madi molinda mo mokuku: Ehole edi miso ma wɛ bopele, mokuku mosusu modi ta bohu; endolo miso ma wɛ makada na epeko na bea mokuku mo wɛ pongono modi ta modidi. 35Na bea, kɔɔ engɛlɛ na bohu bua bodi ta tei e wɛ bosakadipama na modidi. 36Ekada mokuku mo wɛ mosusu modi ta bohu, ko pɛ nongo ekenge emɔti edi ta modidi, mokuku mosusu mo wɛ modi ta bohu, elenge molinda akabwanedje mo mokuku na bohu bo nde.»
Yesu apundi bapalusai na balehi ba mobeko
(Endja pongono ta Mat 23, 1-36; Mlk 12, 38-40)
37Ehole esidjaka Yesu bobala, Mopalusai omɔti amohɔdjɔkɔ akayaka ta ndako e nde. Yesu akweaka ko adaka ta mesa. 38Mopalusai akamoaka yana aenɛkɛ yo Yesu ayaka pɛ bososa mɔmɔ. 39Kumu abalaka na nde: «Endja, ino Bapalusai: okasoseni sokolu e kɔbɔ ko na sani, endolo ta tei olumini na posa i boiba ko milema mibe. 40Bato bataka e mawɛi! Yona okɔi sokolu akɔiti otei? 41Pani adi batakeli ilodi ta kɔbɔ ko ta sani i bino, ko losusu ladake losɛnɔke tina e bino.
42«Ndjokwa na nu bapalusai! Okapɛni adi Ndjakomba ekenge emɔti na domi e ndjua elenge matungulu, pongono na mida misusu mi ndjua. Endolo okaboseni bodjo ko bopala Ndjakomba: edi midjɔ miboani na nu bokɔ, endolo napɛ bobosanani mia mikina.
43«Ndjokwa na nu, bapalusai! Okapaleni polo i gala ta sinagoga ko okapaleni bodima ndese i isuma ta polo i bhuda. 44Ndjokwa na nu! Odini elenge makila mataki embete ko bakamadalakake napɛ bodjeba!»
45Okina molehi o mobeko abalaka na nde: «Molehi, yana abalaka wɛ bea, olosingi!» 46Yesu asɔmbedjaka: «Ndjokwa na nu pongono balehi ba mobeko! Okaloadjeni bato mina mi mandi mia mikadae no pɛ bobɛndjɛni nongo na sɔngɔ e mosapi! 47Ndjokwa na nu! Okatongeni makila ma ba mbaeli ba Ndjakomba, enakobea edi ba sangwanu bato ba bowa! 48Na tina emina wainedjakani misala mi ba sangwanu. Tengasa ibo baowa ba mbaeli ba Ndjakomba ko ino, watongakani makila ma bobo! 49Na tina emina Ndjakomba na djebeli e nde, abalaka: “Nabalomeabi ba mbaeli ba Ndjakomba na bapɔsɔlu: baowabi ekenge ekina ko bonɔngedja bakina.” 50Na tina emina, bato ba ehole ye baputabi lindo e makia ma ba mbaeli ba Ndjakomba basusu donga ta mbangi e ngondo. 51Donga makia ma Abɛlɛ mbunoko makia ma Djakalia, yona owabo ta polo ekatumbebo mbeka ko ta polo esɛnɔke. Soti, nabali na nu, bato ba ehole ye batombabi mandi ma makia ma ba mbaeli ba Ndjakomba basusu ibowa bo!
52«Ndjokwa tina e bino balehi ba mobeko! Odongedjani pongola djebeli; ino bɛnɛ oikweani ko oipani ndjea adi bato ibapalaka bokwea.» 53Ehole eima Yesu ta ndako emina, balehi ba mobeko na bapalusai badaka na kɛlɛ na nde epipo badaka bamohɔdjɔ mahɔdjɔ tungu na tungu: 54badaka bomomeka, bɛngi badie mo ekenge o kɔpi ebe ekaima ta monɔkɔ mo nde.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)