LUKA 10
10
Elomu e batingami tuku sambo na babae
1Ngɔngɔ imina, Kumu ahɔkɔ batingami bakina tuku sambo na babae ko abalomaka babae babae, boso bo nde, ta bisika bisusu ibipalaka yo bokɛ. 2Abatɔndeaka: «Mbuma ibobuka idi inɛnɛ ta gbie, endolo basali badi bakɛkɛ. Ongɔnɔni moswa gbie alome bakina basali ta gbie e nde. 3Kɛni! Naolomini elenge bhata ta ndanda e swa. 4Pɛ botombani ibenga i palanga, sɛki kaoko sapato. Pɛ boiseani moto na ndjea. 5Okakweani ta ndako emɔti, balani boso boo: “Bogo bodae ta ndako ye.” 6Moto o bogo akada ena, bogo bo bino badake adi yo; emiti da bea, bogo bo bino bosɔmbeakeni. 7Dani ta ndako emina, yakani ko mwakani ilua lopakeni bo; tengasa mosali aboani na iputi i nde. Pɛ bokweanani ndako na ndako. 8Okaimeani ta ibonga imɔti ko bakoasɔni, yakani mia maopakeni bo; 9heledjani bato ba bipeko ba ngando yena ko balani na bato ba ngando emina: “Bokumu bo Ndjakomba boimei mbuti na nu.” 10Ehole ekweino ta ibonga imɔti, bamiti oasɔni kɛni ta ndjea e ibonga imina ko batɔndeani: 11“Dutu i ibonga i bino ikalimeaki ta mako ma biso, lodjibhubholi tine bosundoleani! Endolo, odjebeni bopele boo: Bokumu bo Ndjakomba boimei mbuti.” 12Nabali na nu: ehole esambedjabi Ndjakomba bato ba sɔdɔmɔ etumbo epabi yo bato bamina edabi epipo bonɔ bato ba Sɔdɔmɔ.»
Ngando i lona bodimea
(Endja pongono ta Mat 11, 20-24)
13Ndjokwa na wɛ ibonga i Koladji! Ndjokwa na wɛ, ibonga i Betesaida! Tengasa, midjɔ mibokamoa imi makɔmɔkɔ adi no ekada mikɔmɔkɔ ta ibonga i Tula ko ta ibonga i Sidona, bato ba ibonga imina bapalaka bolwa sɛki na bada ta mihulu, tine boinedja boo bahombedja milema mi bobo. 14Na tina emina, ehole esambedjabi Ndjakomba bato, ibonga i Tula na i Sidona badiabi etumbo ekɛkɛ bonɔ no. 15Ko wɛ ibonga i Kapalanauma, odi bolɛdjɛ boo okɛbi o diko? Otitabi mbunoko ta makila! 16Yesu abalaka naikina na batingami ba nde: «Moto yona okeini, aokei mbi; yona olonini, aloni pongono mbi. Endolo yona olonini, aloni pongono mbi ko yona olomani.»
Ihule i batingami tuku sambo na babae
17Ehole, ehulaka batingami tuku sambo na babae, balumaka na sepi ko babalaka: «Kumu, nongo miembo mibe milosumi ta kombe wɛ!» 18Yesu abasɔmbedjaka: «Naenɛkɛ Satana bokwa ta kpɔtɔ donga o diko elenge mokalikali. 19Endjani, naopini ngulu e bodala ndjɔ, na koolo, na ngulu isusu i moloni ko pɛ eka emɔti eboaniti bokɔni bobe. 20Enakobea, pɛ bosepani oto tine boo miembo mibe miosumi, endolo sepani bonɔ mɛnɛ kombe i bino ikakomami ta busa.»
Sepi e Yesu
21Oko ta ehole emina, Yesu alumaka na sepi e Mwembo Mosɛnɔke ko abalaka: Tata, Kumu o diko na ngondo, nokumedji; tine boo obombaka meako imi adi bato ba djebeli na bato ba bowɛi endolo omidjebedji na bato bakɛkɛkɛ. Tata, ta bwela bo wɛ, wadimaka boo edae oko ama wɛ bɔngedja.
22«Sange mbi apa midjɔ misusu ta mɔmɔ ma mbi. Pɛ moto omɔti odjebi Mwana, dongedja oko Sango; ko pɛ moto odjebi Sango, dongedja oko Mwana ko bato bia ibadima Mwana bobangɔdjɔ.»
23Ko Yesu ahombanaka ta pamba e batingami ba nde, abatɔndeaka oko bo mɛnɛ: «Sepi e miso mia maeni imi maenɛkɛno! 24Tine boo, notɔndeini bohu: Ba mbaeli ba Ndjakomba na bakondji banɛnɛ bahombaka boenɛ imi mienɛkɛno, endolo baimienɛ, bahombaka boka imi miokakano endolo baimioka.»
Isɛ i mo Samalia mopele
25Okina molehi o mobeko angɔkɔ tine bomeka Yesu. Abalaka na nde: «Molehi, nakɔe bo tine bodia bomɔ bo seko?» 26Yesu amosɔmbedjaka: «Ta buku e mobeko bakomi bo? Okamisipoe bo?» 27Amosɔmbedjaka: «“Pala Kumu Ndjakomba o wɛ na molema mo wɛ mosusu, na mwembo mo wɛ mosusu, na ngulu e wɛ esusu ko na malɛno ma wɛ masusu.” Ko pongono: “Pala mwange e wɛ oko elenge akasapale wɛ mɛnɛ.”» 28Ibea Yesu amosɔmbedjaka: «Osɔmbedji bopele. Kɔɔ oko bea odabi na bomɔ#10, 28 Lew 18, 5.» 29Endolo molehi o mobeko apalaka bosalongedja. Ibea ahɔdjɔkɔ Yesu: «Mwange e mbi nda?» 30Yesu asɔmbedjaka: «Moto omɔti adongaka ta Yelusalɛmɛ akɛkɛ ta ibonga i Yeliko. Na ndjea, asakanaka na bato babe ko bamopeaka, ba mokatoaka losusu lodaka na nde, bamobomakaka ko bakɛkɛ, bamokinaka mbuti na bogwa. 31Ekɔmɔkɔ na Nganga o Ndjakomba omɔti anɔkɔ ta ndjea emina, amoenɛkɛ ko amobambaka ta dɔngɔ i ndjea ekina ko akɛkɛ. 32Molewi omɔti pongono aimeaka ta polo emina, amoenɛkɛ, amobambaka ta dɔngɔ i ndjea ekina ko akɛkɛ. 33Endolo mo Samalia yona odaka akɛe mo nde mɔndɔ, aimeaka mbuti na moto omina: amoenɛkɛ ko amokeaka ndjokwa. 34Asalindaka mbuti na nde, asosaka pola i nde, aisopeaka munɛ na mana ma vino ko anangaka bandi. Amobakeaka ta diko i punda o nde, akɛkɛ na nde ta ndako ekasɔebo bakɛndɛli oho amosaloaka bopele. 35Aya busa, aiwaka denalio#10, 35 Denalio edi na motuya mo iputi li moto o sali mosala isu isusu. ibae, aipaka adi moto okabane ndako ekasɔe bo bakɛndɛli ko abalaka na nde: “Mosaloa, ta ihule i mbi, nosɔmbedjake djia djisusu iboani na wɛ bobakea.”»
36Yesu abalaka: «A ndanda e bo basato, moto nda? Osinedja mwange e nde adi moto oboma bato babe nda?» 37Molehi o mobeko asɔmbedjaka: «Edi yona omokeaka ndjokwa.» Yesu abalaka na nde: «Kɛɛ, wɛ ko kɔɔ oko bea.»
Yesu ta ndako e Malia na Malata
38Ta ehole edaka Yesu na batingami ba nde na ndjea, akweaka ta ngando emɔti ko mwali omɔti bamobeaka Malata amoasɔkɔ ta ndako e nde. 39Yo adaka na mwange e nde o mwali kombe e nde Malia. Adaka na mobondo ta mako ma Kumu tine boka mibalo mi Yesu. 40Malata asatungeaka na mosala mo bokalea mia ta ndako. Aduaka ko abalaka: «Kumu, otaenɛkɛ bobe mwange e mbi mwali yana asundolini yo na misala misusu ta ndako? Mohɔdjɔ adoi akamoani.»
41Kumu amosɔmbedjaka: «Malata, Malata, odi bosatungea ko bosinedja saya tine meako minɛnɛ. 42Endolo modjɔ monɔi na tina: Malia ahɔi ibondo inɔi na bopele, bamokatoetebi.»
လက္ရွိေရြးခ်ယ္ထားမွု
LUKA 10: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 10
10
Elomu e batingami tuku sambo na babae
1Ngɔngɔ imina, Kumu ahɔkɔ batingami bakina tuku sambo na babae ko abalomaka babae babae, boso bo nde, ta bisika bisusu ibipalaka yo bokɛ. 2Abatɔndeaka: «Mbuma ibobuka idi inɛnɛ ta gbie, endolo basali badi bakɛkɛ. Ongɔnɔni moswa gbie alome bakina basali ta gbie e nde. 3Kɛni! Naolomini elenge bhata ta ndanda e swa. 4Pɛ botombani ibenga i palanga, sɛki kaoko sapato. Pɛ boiseani moto na ndjea. 5Okakweani ta ndako emɔti, balani boso boo: “Bogo bodae ta ndako ye.” 6Moto o bogo akada ena, bogo bo bino badake adi yo; emiti da bea, bogo bo bino bosɔmbeakeni. 7Dani ta ndako emina, yakani ko mwakani ilua lopakeni bo; tengasa mosali aboani na iputi i nde. Pɛ bokweanani ndako na ndako. 8Okaimeani ta ibonga imɔti ko bakoasɔni, yakani mia maopakeni bo; 9heledjani bato ba bipeko ba ngando yena ko balani na bato ba ngando emina: “Bokumu bo Ndjakomba boimei mbuti na nu.” 10Ehole ekweino ta ibonga imɔti, bamiti oasɔni kɛni ta ndjea e ibonga imina ko batɔndeani: 11“Dutu i ibonga i bino ikalimeaki ta mako ma biso, lodjibhubholi tine bosundoleani! Endolo, odjebeni bopele boo: Bokumu bo Ndjakomba boimei mbuti.” 12Nabali na nu: ehole esambedjabi Ndjakomba bato ba sɔdɔmɔ etumbo epabi yo bato bamina edabi epipo bonɔ bato ba Sɔdɔmɔ.»
Ngando i lona bodimea
(Endja pongono ta Mat 11, 20-24)
13Ndjokwa na wɛ ibonga i Koladji! Ndjokwa na wɛ, ibonga i Betesaida! Tengasa, midjɔ mibokamoa imi makɔmɔkɔ adi no ekada mikɔmɔkɔ ta ibonga i Tula ko ta ibonga i Sidona, bato ba ibonga imina bapalaka bolwa sɛki na bada ta mihulu, tine boinedja boo bahombedja milema mi bobo. 14Na tina emina, ehole esambedjabi Ndjakomba bato, ibonga i Tula na i Sidona badiabi etumbo ekɛkɛ bonɔ no. 15Ko wɛ ibonga i Kapalanauma, odi bolɛdjɛ boo okɛbi o diko? Otitabi mbunoko ta makila! 16Yesu abalaka naikina na batingami ba nde: «Moto yona okeini, aokei mbi; yona olonini, aloni pongono mbi. Endolo yona olonini, aloni pongono mbi ko yona olomani.»
Ihule i batingami tuku sambo na babae
17Ehole, ehulaka batingami tuku sambo na babae, balumaka na sepi ko babalaka: «Kumu, nongo miembo mibe milosumi ta kombe wɛ!» 18Yesu abasɔmbedjaka: «Naenɛkɛ Satana bokwa ta kpɔtɔ donga o diko elenge mokalikali. 19Endjani, naopini ngulu e bodala ndjɔ, na koolo, na ngulu isusu i moloni ko pɛ eka emɔti eboaniti bokɔni bobe. 20Enakobea, pɛ bosepani oto tine boo miembo mibe miosumi, endolo sepani bonɔ mɛnɛ kombe i bino ikakomami ta busa.»
Sepi e Yesu
21Oko ta ehole emina, Yesu alumaka na sepi e Mwembo Mosɛnɔke ko abalaka: Tata, Kumu o diko na ngondo, nokumedji; tine boo obombaka meako imi adi bato ba djebeli na bato ba bowɛi endolo omidjebedji na bato bakɛkɛkɛ. Tata, ta bwela bo wɛ, wadimaka boo edae oko ama wɛ bɔngedja.
22«Sange mbi apa midjɔ misusu ta mɔmɔ ma mbi. Pɛ moto omɔti odjebi Mwana, dongedja oko Sango; ko pɛ moto odjebi Sango, dongedja oko Mwana ko bato bia ibadima Mwana bobangɔdjɔ.»
23Ko Yesu ahombanaka ta pamba e batingami ba nde, abatɔndeaka oko bo mɛnɛ: «Sepi e miso mia maeni imi maenɛkɛno! 24Tine boo, notɔndeini bohu: Ba mbaeli ba Ndjakomba na bakondji banɛnɛ bahombaka boenɛ imi mienɛkɛno, endolo baimienɛ, bahombaka boka imi miokakano endolo baimioka.»
Isɛ i mo Samalia mopele
25Okina molehi o mobeko angɔkɔ tine bomeka Yesu. Abalaka na nde: «Molehi, nakɔe bo tine bodia bomɔ bo seko?» 26Yesu amosɔmbedjaka: «Ta buku e mobeko bakomi bo? Okamisipoe bo?» 27Amosɔmbedjaka: «“Pala Kumu Ndjakomba o wɛ na molema mo wɛ mosusu, na mwembo mo wɛ mosusu, na ngulu e wɛ esusu ko na malɛno ma wɛ masusu.” Ko pongono: “Pala mwange e wɛ oko elenge akasapale wɛ mɛnɛ.”» 28Ibea Yesu amosɔmbedjaka: «Osɔmbedji bopele. Kɔɔ oko bea odabi na bomɔ#10, 28 Lew 18, 5.» 29Endolo molehi o mobeko apalaka bosalongedja. Ibea ahɔdjɔkɔ Yesu: «Mwange e mbi nda?» 30Yesu asɔmbedjaka: «Moto omɔti adongaka ta Yelusalɛmɛ akɛkɛ ta ibonga i Yeliko. Na ndjea, asakanaka na bato babe ko bamopeaka, ba mokatoaka losusu lodaka na nde, bamobomakaka ko bakɛkɛ, bamokinaka mbuti na bogwa. 31Ekɔmɔkɔ na Nganga o Ndjakomba omɔti anɔkɔ ta ndjea emina, amoenɛkɛ ko amobambaka ta dɔngɔ i ndjea ekina ko akɛkɛ. 32Molewi omɔti pongono aimeaka ta polo emina, amoenɛkɛ, amobambaka ta dɔngɔ i ndjea ekina ko akɛkɛ. 33Endolo mo Samalia yona odaka akɛe mo nde mɔndɔ, aimeaka mbuti na moto omina: amoenɛkɛ ko amokeaka ndjokwa. 34Asalindaka mbuti na nde, asosaka pola i nde, aisopeaka munɛ na mana ma vino ko anangaka bandi. Amobakeaka ta diko i punda o nde, akɛkɛ na nde ta ndako ekasɔebo bakɛndɛli oho amosaloaka bopele. 35Aya busa, aiwaka denalio#10, 35 Denalio edi na motuya mo iputi li moto o sali mosala isu isusu. ibae, aipaka adi moto okabane ndako ekasɔe bo bakɛndɛli ko abalaka na nde: “Mosaloa, ta ihule i mbi, nosɔmbedjake djia djisusu iboani na wɛ bobakea.”»
36Yesu abalaka: «A ndanda e bo basato, moto nda? Osinedja mwange e nde adi moto oboma bato babe nda?» 37Molehi o mobeko asɔmbedjaka: «Edi yona omokeaka ndjokwa.» Yesu abalaka na nde: «Kɛɛ, wɛ ko kɔɔ oko bea.»
Yesu ta ndako e Malia na Malata
38Ta ehole edaka Yesu na batingami ba nde na ndjea, akweaka ta ngando emɔti ko mwali omɔti bamobeaka Malata amoasɔkɔ ta ndako e nde. 39Yo adaka na mwange e nde o mwali kombe e nde Malia. Adaka na mobondo ta mako ma Kumu tine boka mibalo mi Yesu. 40Malata asatungeaka na mosala mo bokalea mia ta ndako. Aduaka ko abalaka: «Kumu, otaenɛkɛ bobe mwange e mbi mwali yana asundolini yo na misala misusu ta ndako? Mohɔdjɔ adoi akamoani.»
41Kumu amosɔmbedjaka: «Malata, Malata, odi bosatungea ko bosinedja saya tine meako minɛnɛ. 42Endolo modjɔ monɔi na tina: Malia ahɔi ibondo inɔi na bopele, bamokatoetebi.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)