YOANI 7
7
Denga la Yesu baloni omodimea
1Ngɔngɔ djia, Yesu adala ta mɔɔngɔ masusu ma Galilai; aipalaka okɛ ta Yuda, tina ɛ boo bakumu ba Bayuda bahombaka bamowoe. 2Tɛkɛ ɛ Bayuda ɛ Mitɔbɛ#7, 2 Tɛkɛ ɛ mitɔbɛ ɛdaka tɛkɛ ɛ Bayuda ena ɛnɛngɛdjaka eyenga emɔti, ɛkɔmɔkɔ ta ehole ɛ yanga ko ɛsakaka na tɛkɛ ɛ obuka mbuma. Badaka ibo basusu ta mitɔbɛ mia ta Yelusalɛmɛ. Ɛdaka tin'ɛ olɛdja mwɛngɔ ma bobo ta esobe (Hokea ta Lewi 23,34-36; Det 16,13) ɛimeaka mbuti 3ko denga la nde babala na nde boo: «Donga haa ko kɛɛ ta Yuda, bɛngɛ boo batingami ba wɛ, ibo koko, baenɛ misala makɔkɔ wɛ. 4Moto ata mikɔ ta mbombi nga akapala boo adjebame. Elengɛɛ ɔkɔkɔ wɛ misala minɛnɛ, mikɔɔ boso ba bato basusu bɛngɛ bamienɛ.» 5Na bea, denga la nde mɛɛnɛ baimodhimeaka. 6Yesu abala na bu boo: «Ehole ɛ mbai epakita imea. Tina ɛ bono, ehole esusu edii seko epele. 7Ngondo etahɔnɔ ookeani swɛ, endolo edii na swɛ na mbai, tina ɛ napaka tati boo misala ma yu midii mibe. 8Ino kɛɛni ta tɛkɛ. Mbai, nakɛɛtelea ta tɛkɛ ena, tina ɛ boo ehole ɛ mbai epakitaimea.» 9Ngɔngɔ dja obala bea, adikama ta Galilai.
Yesu ta tɛkɛ ɛ mitɔbɛ
10Endolo ehole ɛkɛɛ denga la nde ta tɛkɛ, Yesu akɛɛ koko, na mbombi, pɛpɛ osaenɛmɛdja. 11Ta ehole ɛ tɛkɛ bakumu ba Bayuda bahombaka Yesu ko bahɔdjaka boo: «Odii yo hɔɔ?» 12Ta emumu, bato babalaka obuke ta tina ɛ nde. Bakina babalaka boo: «Adii moto mopele.» Bakina babalaka boo: «Ngasa, adii okosea bato.» 13Ta bɔɔ ba Bayuda pɛpɛ moto ɔbalaka ohuu, tina ɛ nde. 14Ɔimea bo ta ndanda ɛ maswi ma tɛkɛ, Yesu akɛɛ ta tepelo ko abanga oleha. 15Bayuda bakamwa ko babala boo: «Moda ndani moto hoo ɔ pɛpɛ oikoa ahɔni osipoa Makomi moda muu?» 16Yesu abasɔmbɛdja boo: «Eleho ɛpaka mbai edongiti odii mbai, endolo odii ona ɔɔlomani. 17Ona ɔpalaka okɔ opala ba Ndjambe adjebalea kaoko eleho ɛ mbai ɛdonga odii Ndjambe kaoko edii boo nabalaka ta tina ɛ mbai mɛɛnɛ. 18Moto ona ɔbalaka ta tina ɛ kombe ɛ nde mɛɛnɛ ahombaka ekumu ɛ nde mɛɛnɛ. Endolo ona ɔsalaka ta tina ɛ ekumu ɛ ona ɔmoloma akabale sooti ko okosa boditi ta tei ɛ nde. 19Mose aopani mibeko, editi bea? Endolo pɛpɛ omɔti ɔ boono okamisume. Tina ɛhombakano boo ɔwonini nda?» 20Emumu ɛ bato ɛmosɔmbɛdja boo: «Odii na mongɔli! Ona ohombaka boo aowoe nda?» 21Yesu abasɔmbedja boo: «Tina ɛ modjɔ momɔti mokɔi mbai ino basusu okamoini. 22Olenama epole ɛidonga odii Mose, ɛdonga odii bataatasu. Endolo Mose apa enɔli ɛ olena bana bami epole. Ta tina hee, ɔdhimakani olena epole noko ta busa ba sabata. 23Ekadaa boo ɔlenakani epole ta busa ba sabata tina ɛ osuma mobeko ma Mose, tina ɛlemoakano na mbai nakaheledja moto ta busa ba sabata nda? 24Pɛpɛ osambedjani na imaenɛkɛno sokolu, endolo sambedjani na odjoo.»
Yesu adii Masia?
25Bakina bato ba Yelusalɛmɛ babalaka boo: «Editi moto hoo ɔhombakabo baowoe? 26Hokeani: abalaka boso ba bato basusu ko pɛpɛ noko moto ɔmobaleaka eka! Bakumu ba booso basipoi opele mɛɛnɛ boo adii Masia? 27Endolo moto hoo, ladjebaka esika edongi yo, ehole edoabi Masia, moto adjebetebi dɔngɔ lidongi yo.»
28Na bea Yesu alehaka ta tepelo; abala na moholi diko boo: «Ɔdjebakanini sooti mɛɛnɛ ko na esika ɛdonga mbai? Naidoa na opala ba mbai mɛɛnɛ, endolo Moto ɔlomani adii sooti ko ino tomodjebeni. 29Mbai, namodjebaka tina ɛ boo nadongake odii yo ko edii yo moto ɔlomani.» 30Na bea, bahombaka bamopee, endolo moto aibakea ebɔ diko la nde, tina ɛ boo ehole ɛ nde ɛipakaimea. 31Endolo ta emumu, bato bike bamodhimea. Babalaka boo: «Ehole edoabi Masia, akɔbi bimbete baokamoa onɔ moto hoo?»
Bafalusai balomi basindjili ba tepelo tina ɛ opea Yesu
32Bafalusai baoka midjɔ misusu imabalaka emumu na popoli diko la Yesu. Bea bakumu ba banganga ba Ndjambe na Bafalusai baloma basindjili ba tepelo tina ɛ omopea. 33Yesu abala boo: «Nadii nanu maa ehole mokɛkɛ, ngɔngɔ djia nakɛlɛa odii ona ɔlomani. 34Ohombabinini, endolo odihetebinini, esika edabi mbai, ohɔnetebini oimea.» 35Bayuda basahɔdjanaka boo: «Esika ekɛlea yo ndani boo lotahɔnɔ omodiha? Ekɛlea yo odii Bayuda ibahelaka odii ba Gɛlɛke? Ekɛlea yo aleha ba Gɛlɛke? 36Ɛpalaka yo abale na bibaeli bii: Ohombaleanini, endolo odihetebinini, tina ɛ boo ohɔnetebini oimea ta esika edabi mbai?»
Dua dja madiba ma mohelo
37Iswi lasuka, ladaka iswi inɛnɛ la tɛkɛ. Iswi dia, Yesu aema, abala na moholi diko boo: «Nga moto akadaa na posa ɛ madiba, adoe odii mbai ko amwɛ. 38“Moto ona ɔdhimeakani, dua dja madiba ma mohelo djikɛlɛbi ta molema ma nde”, elengɛɛ ɔbalaka Makomi.» 39Abalaka bea diko la Mwembo imoosɔbi bato ibamodhimeabi. Ta ehole ena, Mwembo maipakaa dua, tina ɛ boo Yesu aipakaa kumedjama.
Bato babɔtɔɔ tina ɛ Yesu
40Ngɔngɔ dja ooka bibaeli bia, bakina, ta emumu, babalaka boo: «Moto hoo adii sooti mɛɛnɛ Motɛli!» 41Bakina babalaka boo: «Adii Masia!» – «Endolo, bakina basɔmbɛdjaka, Masia ahɔni odonga ta Galilai? 42Makomi mabalaka boo Masia adabi omɔti ɔ mbota ɛ Davidi donga Bɛtɛlɛmɛ, ngando ɛ Davidi.» 43Na bea emumu ɛidaka na kope emɔti tina ɛ Yesu. 44Bakina ta ndanda ɛ bobo bapalaka omopea, endolo pɛpɛ moto omɔti ɔbakea ebɔ diko la nde.
Taka ɛ edhimeli ɛ bakumu ba Bayuda
45Basindjili ba tepelo basɔmbɔ odii bakumu ba banganga Ndjambe ko Bafalusai ibabahɔdja boo: «Tina ɛ edai no pɛpɛ ololwɛ Yesu nda?» 46Basindjili basɔmbɛdja boo: «Pɛpɛ moto opakabala elengɛɛ yo!» – 47«Bafalusai babahɔdja boo: Ino koko okoseamini? 48Odini na moto omɔti ta ndanda ɛ bakumu kaoko Bafalusai ona ɔmodhimea? 49Edii oko bato iba pɛpɛ odjeba mobeko ma Mose, ibalakedjama!» 50Nikodɛmɛ ona ɔdaka omɔti ɔ Bafalusai ɔɔkɛɛ asaka na Yesu boso. Abala na bu boo: 51«Okimana na mobeko ma booso, lohɔniti odumba moto na ikambo pɛpɛ omooka ko pɛpɛ odjeba modjɔ mokɔi yo.» 52Bamosɔmbɛdja boo: «Wɛ, edii wɛ koko moto ɔ Galilai? Indja ta Makomi ko oenɛtelea noko motɛli omɔti ɔdonga ta Galilai.»
Yesu na mwali ɔ bɔɔli
[53Ngɔngɔ djia moto na moto asɔmbɔ ta ndako ɛ nde.
လက္ရွိေရြးခ်ယ္ထားမွု
YOANI 7: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
YOANI 7
7
Denga la Yesu baloni omodimea
1Ngɔngɔ djia, Yesu adala ta mɔɔngɔ masusu ma Galilai; aipalaka okɛ ta Yuda, tina ɛ boo bakumu ba Bayuda bahombaka bamowoe. 2Tɛkɛ ɛ Bayuda ɛ Mitɔbɛ#7, 2 Tɛkɛ ɛ mitɔbɛ ɛdaka tɛkɛ ɛ Bayuda ena ɛnɛngɛdjaka eyenga emɔti, ɛkɔmɔkɔ ta ehole ɛ yanga ko ɛsakaka na tɛkɛ ɛ obuka mbuma. Badaka ibo basusu ta mitɔbɛ mia ta Yelusalɛmɛ. Ɛdaka tin'ɛ olɛdja mwɛngɔ ma bobo ta esobe (Hokea ta Lewi 23,34-36; Det 16,13) ɛimeaka mbuti 3ko denga la nde babala na nde boo: «Donga haa ko kɛɛ ta Yuda, bɛngɛ boo batingami ba wɛ, ibo koko, baenɛ misala makɔkɔ wɛ. 4Moto ata mikɔ ta mbombi nga akapala boo adjebame. Elengɛɛ ɔkɔkɔ wɛ misala minɛnɛ, mikɔɔ boso ba bato basusu bɛngɛ bamienɛ.» 5Na bea, denga la nde mɛɛnɛ baimodhimeaka. 6Yesu abala na bu boo: «Ehole ɛ mbai epakita imea. Tina ɛ bono, ehole esusu edii seko epele. 7Ngondo etahɔnɔ ookeani swɛ, endolo edii na swɛ na mbai, tina ɛ napaka tati boo misala ma yu midii mibe. 8Ino kɛɛni ta tɛkɛ. Mbai, nakɛɛtelea ta tɛkɛ ena, tina ɛ boo ehole ɛ mbai epakitaimea.» 9Ngɔngɔ dja obala bea, adikama ta Galilai.
Yesu ta tɛkɛ ɛ mitɔbɛ
10Endolo ehole ɛkɛɛ denga la nde ta tɛkɛ, Yesu akɛɛ koko, na mbombi, pɛpɛ osaenɛmɛdja. 11Ta ehole ɛ tɛkɛ bakumu ba Bayuda bahombaka Yesu ko bahɔdjaka boo: «Odii yo hɔɔ?» 12Ta emumu, bato babalaka obuke ta tina ɛ nde. Bakina babalaka boo: «Adii moto mopele.» Bakina babalaka boo: «Ngasa, adii okosea bato.» 13Ta bɔɔ ba Bayuda pɛpɛ moto ɔbalaka ohuu, tina ɛ nde. 14Ɔimea bo ta ndanda ɛ maswi ma tɛkɛ, Yesu akɛɛ ta tepelo ko abanga oleha. 15Bayuda bakamwa ko babala boo: «Moda ndani moto hoo ɔ pɛpɛ oikoa ahɔni osipoa Makomi moda muu?» 16Yesu abasɔmbɛdja boo: «Eleho ɛpaka mbai edongiti odii mbai, endolo odii ona ɔɔlomani. 17Ona ɔpalaka okɔ opala ba Ndjambe adjebalea kaoko eleho ɛ mbai ɛdonga odii Ndjambe kaoko edii boo nabalaka ta tina ɛ mbai mɛɛnɛ. 18Moto ona ɔbalaka ta tina ɛ kombe ɛ nde mɛɛnɛ ahombaka ekumu ɛ nde mɛɛnɛ. Endolo ona ɔsalaka ta tina ɛ ekumu ɛ ona ɔmoloma akabale sooti ko okosa boditi ta tei ɛ nde. 19Mose aopani mibeko, editi bea? Endolo pɛpɛ omɔti ɔ boono okamisume. Tina ɛhombakano boo ɔwonini nda?» 20Emumu ɛ bato ɛmosɔmbɛdja boo: «Odii na mongɔli! Ona ohombaka boo aowoe nda?» 21Yesu abasɔmbedja boo: «Tina ɛ modjɔ momɔti mokɔi mbai ino basusu okamoini. 22Olenama epole ɛidonga odii Mose, ɛdonga odii bataatasu. Endolo Mose apa enɔli ɛ olena bana bami epole. Ta tina hee, ɔdhimakani olena epole noko ta busa ba sabata. 23Ekadaa boo ɔlenakani epole ta busa ba sabata tina ɛ osuma mobeko ma Mose, tina ɛlemoakano na mbai nakaheledja moto ta busa ba sabata nda? 24Pɛpɛ osambedjani na imaenɛkɛno sokolu, endolo sambedjani na odjoo.»
Yesu adii Masia?
25Bakina bato ba Yelusalɛmɛ babalaka boo: «Editi moto hoo ɔhombakabo baowoe? 26Hokeani: abalaka boso ba bato basusu ko pɛpɛ noko moto ɔmobaleaka eka! Bakumu ba booso basipoi opele mɛɛnɛ boo adii Masia? 27Endolo moto hoo, ladjebaka esika edongi yo, ehole edoabi Masia, moto adjebetebi dɔngɔ lidongi yo.»
28Na bea Yesu alehaka ta tepelo; abala na moholi diko boo: «Ɔdjebakanini sooti mɛɛnɛ ko na esika ɛdonga mbai? Naidoa na opala ba mbai mɛɛnɛ, endolo Moto ɔlomani adii sooti ko ino tomodjebeni. 29Mbai, namodjebaka tina ɛ boo nadongake odii yo ko edii yo moto ɔlomani.» 30Na bea, bahombaka bamopee, endolo moto aibakea ebɔ diko la nde, tina ɛ boo ehole ɛ nde ɛipakaimea. 31Endolo ta emumu, bato bike bamodhimea. Babalaka boo: «Ehole edoabi Masia, akɔbi bimbete baokamoa onɔ moto hoo?»
Bafalusai balomi basindjili ba tepelo tina ɛ opea Yesu
32Bafalusai baoka midjɔ misusu imabalaka emumu na popoli diko la Yesu. Bea bakumu ba banganga ba Ndjambe na Bafalusai baloma basindjili ba tepelo tina ɛ omopea. 33Yesu abala boo: «Nadii nanu maa ehole mokɛkɛ, ngɔngɔ djia nakɛlɛa odii ona ɔlomani. 34Ohombabinini, endolo odihetebinini, esika edabi mbai, ohɔnetebini oimea.» 35Bayuda basahɔdjanaka boo: «Esika ekɛlea yo ndani boo lotahɔnɔ omodiha? Ekɛlea yo odii Bayuda ibahelaka odii ba Gɛlɛke? Ekɛlea yo aleha ba Gɛlɛke? 36Ɛpalaka yo abale na bibaeli bii: Ohombaleanini, endolo odihetebinini, tina ɛ boo ohɔnetebini oimea ta esika edabi mbai?»
Dua dja madiba ma mohelo
37Iswi lasuka, ladaka iswi inɛnɛ la tɛkɛ. Iswi dia, Yesu aema, abala na moholi diko boo: «Nga moto akadaa na posa ɛ madiba, adoe odii mbai ko amwɛ. 38“Moto ona ɔdhimeakani, dua dja madiba ma mohelo djikɛlɛbi ta molema ma nde”, elengɛɛ ɔbalaka Makomi.» 39Abalaka bea diko la Mwembo imoosɔbi bato ibamodhimeabi. Ta ehole ena, Mwembo maipakaa dua, tina ɛ boo Yesu aipakaa kumedjama.
Bato babɔtɔɔ tina ɛ Yesu
40Ngɔngɔ dja ooka bibaeli bia, bakina, ta emumu, babalaka boo: «Moto hoo adii sooti mɛɛnɛ Motɛli!» 41Bakina babalaka boo: «Adii Masia!» – «Endolo, bakina basɔmbɛdjaka, Masia ahɔni odonga ta Galilai? 42Makomi mabalaka boo Masia adabi omɔti ɔ mbota ɛ Davidi donga Bɛtɛlɛmɛ, ngando ɛ Davidi.» 43Na bea emumu ɛidaka na kope emɔti tina ɛ Yesu. 44Bakina ta ndanda ɛ bobo bapalaka omopea, endolo pɛpɛ moto omɔti ɔbakea ebɔ diko la nde.
Taka ɛ edhimeli ɛ bakumu ba Bayuda
45Basindjili ba tepelo basɔmbɔ odii bakumu ba banganga Ndjambe ko Bafalusai ibabahɔdja boo: «Tina ɛ edai no pɛpɛ ololwɛ Yesu nda?» 46Basindjili basɔmbɛdja boo: «Pɛpɛ moto opakabala elengɛɛ yo!» – 47«Bafalusai babahɔdja boo: Ino koko okoseamini? 48Odini na moto omɔti ta ndanda ɛ bakumu kaoko Bafalusai ona ɔmodhimea? 49Edii oko bato iba pɛpɛ odjeba mobeko ma Mose, ibalakedjama!» 50Nikodɛmɛ ona ɔdaka omɔti ɔ Bafalusai ɔɔkɛɛ asaka na Yesu boso. Abala na bu boo: 51«Okimana na mobeko ma booso, lohɔniti odumba moto na ikambo pɛpɛ omooka ko pɛpɛ odjeba modjɔ mokɔi yo.» 52Bamosɔmbɛdja boo: «Wɛ, edii wɛ koko moto ɔ Galilai? Indja ta Makomi ko oenɛtelea noko motɛli omɔti ɔdonga ta Galilai.»
Yesu na mwali ɔ bɔɔli
[53Ngɔngɔ djia moto na moto asɔmbɔ ta ndako ɛ nde.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)