YOANI 6
6
Yesu ayedjai bato koto itano
(Hokea koko Mat 14, 13-21; Mal 6, 30-44; Luk 9, 10-17)
1Ngɔngɔ djia, Yesu akɛɛ ta dɔngɔ ikina la ibeke ilinɔi na onɛnɛ la Galilai – ekabee bo koko ibeke ilinɔi na onɛnɛ la Tibelia. 2Emumu ɛ bato bamokimanaka, tina ɛ boo baenɛkɛ bimbete baokamoa ibakɔmɔkɔ na nde ena ɔheledjaka yo bato ba bipeko. 3Ta tina hee, Yesu ahwea ta ngomba ko adaa ena yo na batingami ba nde. 4Na bea, tɛkɛ ɛ Bayuda ɛ Pasika eimeaka mbuti. 5Yesu ahokea ko aenɛ emumu ɛ bato ɛdoe odii yo; bea ahɔdja Pilipo boo: «Ohɔniso osomba mapa bɛngɛ labapɛ oya ibo basusu hɔɔ?» 6Abala bea tina ɛ omeka Filipo, tina ɛ boo adjebaka ehele modjɔ imahombaka yo boo akɔe. 7Pilipo amosɔmbɛdja boo: «Noko na pata dja falanga mikama mibae, lohɔnɛtelea osomba mapa boo moto na moto adihe maa ekenge mokɛkɛ.» 8Okina ɔ batingami ba nde, Andele, mwɛngɛ Simo Piɛlɛ, abala na nde boo: 9«Yɛngɛ moomi omɔti adii haa na mapa matano ma ɔlɔdje na swi babae. Endolo ena edii yee ta emumu hee ɛ bato?» 10Yesu abala boo: «Badedjani basusu.» Ndjani djadaka djinɛnɛ ta esika ena. Na bea badaa bami mbuti na koto itano. 11Bea Yesu atomba mapa, ko ngɔngɔ dja osakoa Ndjambe, amakaana odii bato ibadaka ena. Akɔɔ moda momɔti na swi, abapa moda imapalaka bo. 12Ehole ɛgola bo, Yesu abala na batingami ba nde boo: «Tutani bikenge ibidikai, bɛngɛ boo eka emɔti etabunga.» 13Babituta ko balumedja mapole doomi na mabae na bikenge ba mapa ba ɔlɔdje bitaano ibayaka bo. 14Ɔenɛ bato embete ena ɛokamoa ɛkɔɔ Yesu, babala boo: «Moto hoo adii sooti mɛɛnɛ motɛli ɔboanaka odoa ta ngondo.» 15Yesu adjeba boo badaka na malei ma omoimedja kumu. Na bea asatswa naikina ta ngomba, tina ɛ odaa oko yo mɛɛnɛ.
Yesu adali diko la madiba
(Hokea koko Mat 14, 22-33; Mal 6, 45-52)
16Mɔkɔmɔkɔ ɔimea mo, batingami ba Yesu batita ta ekulu ɛ ibeke inɛnɛ, 17batitea ta bwato ko babanga okatisa ibeke inɛnɛ ta dɔngɔ la Kapalanauma. Busa basiaka odipa oko Yesu pɛpɛ obatanea. 18Lungu ɛtɔmbɛdja madiba ma ibeke inɛnɛ ko mula madaka monɛnɛ. 19Batingami baduka mbuti na kilometele itano kaoko isamano, baenɛ Yesu adale diko la madiba; ena ɔbatama yo mbuti na bwato; badaa na bɔɔ. 20Endolo Yesu abala na bu boo: «Pɛpɛ obangani, edii mbai!» 21Batingami bapalaka bamotitedjae ta bwato, endolo oko ena ambuku bwato basɛmɛɛ ta mokpɔtɔ esika ɛkɛkɛ bo.
Bato bike bahomba Yesu
22Ngɔngɔ dja iswi imɔti, emumu ɛ bato ɛɛdikaka ta dɔngɔ ikina la ibeke inɛnɛ, baenɛ boo oko bwato bomɔti badaka ko Yesu aititea ta bu engbanga na batingami ba nde, endolo batingami bakɛɛ oko ibo mɛɛnɛ. 23Noko bea, makina mato, imadonga ta Tibelia, maimea mbuti na esika ɛyaka bato mapa ngɔngɔ dja miɔngɔnɔ ma Kumu ma osɔmbɛdja misakoa odii Ndjambe. 24Ehole ɛɛnɛ emumu ɛ bato boo Yesu na batingami ba nde baidaka ena, batitea ta mato ko bakɛɛ ihombi la nde ta Kapalanauma.
Yesu, ipa la mohelo
25Ehole ɛtanea bo Yesu ta dɔngɔ ikina la ibeke inɛnɛ ko babala na nde boo: «Labi, ehole eimei wɛ haa nda?» 26Yesu abasɔmbɛdja boo: «Edii bea, nabali na nu sooti, otahombakanini ɛlɔkɛ boo oenini bimbete baokamoa, endolo tina ɛ boo oyakini ipa ko ogolini. 27Pɛpɛ osalani tin'ɛ mia imakabehe, endolo ɛlɔkɛɛ mia makanɛngɛdjae tina ɛ mohelo ma kɔbili. Mia mia Mwana ɔ moto aopaleani mo, tina ɛ boo Ndjambe Sɛngɛmoto aisa odii yo embete ɛ kpati.» 28Bea bamohɔdja boo: «Eboani so okɔ yee bɛngɛ boo lakokedjae misala imaombaka Ndjambe odii so?» 29Yesu abasɔmbɛdja boo: «Mosala imaombaka Ndjambe odii no, edii boo ɔdhimeeni ona ɔloma yo.» 30Bea babala na nde boo: «Embete ɛ okamoa ndani ehɔni wɛ oloinedja bɛngɛ boo laodhimee? Mosala makɔkɔ wɛ nda? 31Bataatasu bayaka mana ta esobe, elengɛɛ ɔbalaka Makomi boo: “Abapa ipa iladonga ta busa boo bayake.”» 32Yesu abasɔmbɛdja boo: «Edii bea, nabali na nu sooti boo: editi Mose moto ɔopani ipa la busa, endolo edii Tata moto oopini ipa la sooti la busa. 33Tina ɛ boo ipa ilidongi odii Ndjambe edii ona ootiti ta busa tina ɛ opa mohelo ta ngondo.» 34Bea bato babala na nde boo: «Kumu, lopa maswi masusu ipa dia.»
35Yesu abasɔmbedja boo: «Nadii ipa la mohelo. Ona odoi odii mbai aoketebi ndja ko ona ɔdhimeakani aoketebi posa ɛ omwa. 36Endolo nabala na nu boo: oenini ko noko bea odhimitini. 37Basusu ibapini Tata baduabi odii mbai ko nadumbetebi sokolu noko omɔti ona odoi odii mbai; 38ɛlɔkɛɛ boo naidonga ta busa tina ɛ okɔ opala ba mbai, endolo tina ɛ okɔ opala ba ona ɔɔlomani. 39Hokea modjɔ mokapale ona ɔlomani: edii boo natabungedja noko omɔti ɔ bia ibapani yo, endolo bɛngɛ nabaongɔdjae ta ogwa ta iswi la suka. 40Edii bea, opala ba Tata bodii boo: basusu ibaeni Mwana ko bamodhimi badihe mohelo ma kɔbili ko nabaongɔdjae ta ogwa ta iswi la suka.»
41Bayuda bakotoaka Yesu tina ɛ abala boo: «Nadii ipa iladonga ta busa.» 42Babalaka boo: «Hoo ti Yesu, mwana ɔ Yosepu? Iso ladjebaka opele sango na nango. Moda ndani ahɔni obala hadɛdi boo yo adonga ta busa?» 43Yesu abasɔmbɛdja boo: «Kinani ngoto ta ndanda ɛbono. 44Moto atahɔnɔ odoa odii mbai nga Tata ona ɔlomani amiti motuba odii mbai, ko mbai, namoongɔdjabi ta ogwa ta iswi la suka. 45Hokea moda imakomama ta mikanda ma batɛli: “Ibo basusu balehamabi na Ndjambe.” Moto na moto ona ɔɔki Sɛngɛmoto ko adimi eleho ɛnde akadoe odii mbai. 46Pɛpɛ moto ɔenɛ Sɛngɛmoto; dongedja oko ona ɔdonga odii Ndjambe. 47Edii bea, nabali na nu sooti boo: ona odhimi adii na mohelo ma kɔbili. 48Nadii ipa la mohelo. 49Bataatanu bayaka mana ta esobe ko noko bea bagwa. 50Endolo moto akaya ipa ilidongi ta busa atagwa. 51Nadii ipa la mohelo iladongi ta busa. Moto mosusu oyakalea ipa dia, ahelabi tina ɛ kɔbili. Ipa ilipalea mbai, edii mokuku ma mbai; naopakani lo tina ɛ mohelo ma ngondo.» 52Ehole ɛoka Bayuda bea, babaleana boo: «Moda ndani mohɔni moto hoo olopa mokuku ma nde boo lamoyake?» 53Yesu abala na bu boo: «Edii bea, nabali na nu sooti boo: omiti yakani mokuku ma Mwana ɔ moto ko omiti mwani makia ma nde, odɛteleani na mohelo ta tei ɛ bono. 54Moto ona ɔyaaka mokuku ma mbai ko ɔmwaka makia ma mbai adihi mohelo ma kɔbili ko mbai namoongɔdjabi ta ogwa ta iswi la suka. 55Tina ɛ boo mokuku ma mbai modii mia ma sooti, ko makia ma mbai madii emweeli ɛ sooti. 56Moto ona ɔyaaka mokuku ma mbai ko ɔmwaaka makia ma mbai adii onɛngɛdja iputo na mbai ko mbai odii yo. 57Elɛngɛɛ Sɛngɛmoto ona ɔlomani adii na mohelo ko mbai nahelaka na ndjia ɛ nde; moda momɔti, ona ɔyaakani ahelabi na ndjia ɛ mbai. 58Hee edii ipa iladonga ta busa. Iditi elengɛɛ dia ilayaka bataatanu, ibagwa. Endolo ona ɔyaaka ipa dii ahelabi tina ɛ kɔbili.» 59Bea Yesu aleha midjɔ mia misusu ta ndako ɛ miongɔnɔ ɛ Bayuda ta Kapalanauma.
Bibaeli ba mohelo ma kɔbili
60Ngɔngɔ dja ooka Yesu, batingami ba nde bike babala boo: «Bibaeli bia bidii bipipo ta obioka! Ona ohɔni obidhima nda?» 61Yesu adjeba boo batingami ba nde bamokotoaka ta tina ɛ modjɔ mabala yo. Abala na bu boo: «Eotɛdjaini modjɔ mua ibaku? 62Na bea, ebalabino yee ehole enɛbino Mwana ɔ moto asɔmbɛ ta esika ɛdaka yo boso? 63Edii Mwembo imokapɛ mohelo; muni moditi na eka. Bibaeli bibali mbai na nu bidii Mwembo ko bidii mohelo. 64Endolo bakina ta ndanda ɛ bono tebadhime.» Tina ɛ boo, Yesu adjebaka donga ibange bia ibalonaka omodhimea ko adjebaka ona omokababi. 65Ko abakea boo: «Hokea tina ɛbala mbai na nu boo: moto atahɔnɔ odoa odii mbai Tata amiti mopa enɔli.»
66Donga ehole ena, batingami ba nde bike basasua na nde ko bakina odala na nde. 67Bea, Yesu ahɔdja batingami doomi na babae boo: «Ino koko opalaka ɔkɛɛni?» 68Simo Piɛlɛ amosɔmbɛdja boo: «Kumu, ohɔni so okɛɛ odii nda? Odii na bibaeli ba mohelo ma kɔbili. 69Iso lodhimi ko lodjebi boo: wɛ odii Mosɛnɔke ɔdonga odii Ndjambe.» 70Yesu abasɔmbɛdja boo: «Naiohɔni ino doomi na babae? Noko bea omɔti ɔ bono adii djabulu!» 71Abalaka bea tina ɛ Yudasi, mwana ɔ Simo Isikaliote. Tina ɛ boo Yudasi, noko ɔdaka yo omɔti ɔ batingami doomi na babae, edii yo moto omokababi.
လက္ရွိေရြးခ်ယ္ထားမွု
YOANI 6: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
YOANI 6
6
Yesu ayedjai bato koto itano
(Hokea koko Mat 14, 13-21; Mal 6, 30-44; Luk 9, 10-17)
1Ngɔngɔ djia, Yesu akɛɛ ta dɔngɔ ikina la ibeke ilinɔi na onɛnɛ la Galilai – ekabee bo koko ibeke ilinɔi na onɛnɛ la Tibelia. 2Emumu ɛ bato bamokimanaka, tina ɛ boo baenɛkɛ bimbete baokamoa ibakɔmɔkɔ na nde ena ɔheledjaka yo bato ba bipeko. 3Ta tina hee, Yesu ahwea ta ngomba ko adaa ena yo na batingami ba nde. 4Na bea, tɛkɛ ɛ Bayuda ɛ Pasika eimeaka mbuti. 5Yesu ahokea ko aenɛ emumu ɛ bato ɛdoe odii yo; bea ahɔdja Pilipo boo: «Ohɔniso osomba mapa bɛngɛ labapɛ oya ibo basusu hɔɔ?» 6Abala bea tina ɛ omeka Filipo, tina ɛ boo adjebaka ehele modjɔ imahombaka yo boo akɔe. 7Pilipo amosɔmbɛdja boo: «Noko na pata dja falanga mikama mibae, lohɔnɛtelea osomba mapa boo moto na moto adihe maa ekenge mokɛkɛ.» 8Okina ɔ batingami ba nde, Andele, mwɛngɛ Simo Piɛlɛ, abala na nde boo: 9«Yɛngɛ moomi omɔti adii haa na mapa matano ma ɔlɔdje na swi babae. Endolo ena edii yee ta emumu hee ɛ bato?» 10Yesu abala boo: «Badedjani basusu.» Ndjani djadaka djinɛnɛ ta esika ena. Na bea badaa bami mbuti na koto itano. 11Bea Yesu atomba mapa, ko ngɔngɔ dja osakoa Ndjambe, amakaana odii bato ibadaka ena. Akɔɔ moda momɔti na swi, abapa moda imapalaka bo. 12Ehole ɛgola bo, Yesu abala na batingami ba nde boo: «Tutani bikenge ibidikai, bɛngɛ boo eka emɔti etabunga.» 13Babituta ko balumedja mapole doomi na mabae na bikenge ba mapa ba ɔlɔdje bitaano ibayaka bo. 14Ɔenɛ bato embete ena ɛokamoa ɛkɔɔ Yesu, babala boo: «Moto hoo adii sooti mɛɛnɛ motɛli ɔboanaka odoa ta ngondo.» 15Yesu adjeba boo badaka na malei ma omoimedja kumu. Na bea asatswa naikina ta ngomba, tina ɛ odaa oko yo mɛɛnɛ.
Yesu adali diko la madiba
(Hokea koko Mat 14, 22-33; Mal 6, 45-52)
16Mɔkɔmɔkɔ ɔimea mo, batingami ba Yesu batita ta ekulu ɛ ibeke inɛnɛ, 17batitea ta bwato ko babanga okatisa ibeke inɛnɛ ta dɔngɔ la Kapalanauma. Busa basiaka odipa oko Yesu pɛpɛ obatanea. 18Lungu ɛtɔmbɛdja madiba ma ibeke inɛnɛ ko mula madaka monɛnɛ. 19Batingami baduka mbuti na kilometele itano kaoko isamano, baenɛ Yesu adale diko la madiba; ena ɔbatama yo mbuti na bwato; badaa na bɔɔ. 20Endolo Yesu abala na bu boo: «Pɛpɛ obangani, edii mbai!» 21Batingami bapalaka bamotitedjae ta bwato, endolo oko ena ambuku bwato basɛmɛɛ ta mokpɔtɔ esika ɛkɛkɛ bo.
Bato bike bahomba Yesu
22Ngɔngɔ dja iswi imɔti, emumu ɛ bato ɛɛdikaka ta dɔngɔ ikina la ibeke inɛnɛ, baenɛ boo oko bwato bomɔti badaka ko Yesu aititea ta bu engbanga na batingami ba nde, endolo batingami bakɛɛ oko ibo mɛɛnɛ. 23Noko bea, makina mato, imadonga ta Tibelia, maimea mbuti na esika ɛyaka bato mapa ngɔngɔ dja miɔngɔnɔ ma Kumu ma osɔmbɛdja misakoa odii Ndjambe. 24Ehole ɛɛnɛ emumu ɛ bato boo Yesu na batingami ba nde baidaka ena, batitea ta mato ko bakɛɛ ihombi la nde ta Kapalanauma.
Yesu, ipa la mohelo
25Ehole ɛtanea bo Yesu ta dɔngɔ ikina la ibeke inɛnɛ ko babala na nde boo: «Labi, ehole eimei wɛ haa nda?» 26Yesu abasɔmbɛdja boo: «Edii bea, nabali na nu sooti, otahombakanini ɛlɔkɛ boo oenini bimbete baokamoa, endolo tina ɛ boo oyakini ipa ko ogolini. 27Pɛpɛ osalani tin'ɛ mia imakabehe, endolo ɛlɔkɛɛ mia makanɛngɛdjae tina ɛ mohelo ma kɔbili. Mia mia Mwana ɔ moto aopaleani mo, tina ɛ boo Ndjambe Sɛngɛmoto aisa odii yo embete ɛ kpati.» 28Bea bamohɔdja boo: «Eboani so okɔ yee bɛngɛ boo lakokedjae misala imaombaka Ndjambe odii so?» 29Yesu abasɔmbɛdja boo: «Mosala imaombaka Ndjambe odii no, edii boo ɔdhimeeni ona ɔloma yo.» 30Bea babala na nde boo: «Embete ɛ okamoa ndani ehɔni wɛ oloinedja bɛngɛ boo laodhimee? Mosala makɔkɔ wɛ nda? 31Bataatasu bayaka mana ta esobe, elengɛɛ ɔbalaka Makomi boo: “Abapa ipa iladonga ta busa boo bayake.”» 32Yesu abasɔmbɛdja boo: «Edii bea, nabali na nu sooti boo: editi Mose moto ɔopani ipa la busa, endolo edii Tata moto oopini ipa la sooti la busa. 33Tina ɛ boo ipa ilidongi odii Ndjambe edii ona ootiti ta busa tina ɛ opa mohelo ta ngondo.» 34Bea bato babala na nde boo: «Kumu, lopa maswi masusu ipa dia.»
35Yesu abasɔmbedja boo: «Nadii ipa la mohelo. Ona odoi odii mbai aoketebi ndja ko ona ɔdhimeakani aoketebi posa ɛ omwa. 36Endolo nabala na nu boo: oenini ko noko bea odhimitini. 37Basusu ibapini Tata baduabi odii mbai ko nadumbetebi sokolu noko omɔti ona odoi odii mbai; 38ɛlɔkɛɛ boo naidonga ta busa tina ɛ okɔ opala ba mbai, endolo tina ɛ okɔ opala ba ona ɔɔlomani. 39Hokea modjɔ mokapale ona ɔlomani: edii boo natabungedja noko omɔti ɔ bia ibapani yo, endolo bɛngɛ nabaongɔdjae ta ogwa ta iswi la suka. 40Edii bea, opala ba Tata bodii boo: basusu ibaeni Mwana ko bamodhimi badihe mohelo ma kɔbili ko nabaongɔdjae ta ogwa ta iswi la suka.»
41Bayuda bakotoaka Yesu tina ɛ abala boo: «Nadii ipa iladonga ta busa.» 42Babalaka boo: «Hoo ti Yesu, mwana ɔ Yosepu? Iso ladjebaka opele sango na nango. Moda ndani ahɔni obala hadɛdi boo yo adonga ta busa?» 43Yesu abasɔmbɛdja boo: «Kinani ngoto ta ndanda ɛbono. 44Moto atahɔnɔ odoa odii mbai nga Tata ona ɔlomani amiti motuba odii mbai, ko mbai, namoongɔdjabi ta ogwa ta iswi la suka. 45Hokea moda imakomama ta mikanda ma batɛli: “Ibo basusu balehamabi na Ndjambe.” Moto na moto ona ɔɔki Sɛngɛmoto ko adimi eleho ɛnde akadoe odii mbai. 46Pɛpɛ moto ɔenɛ Sɛngɛmoto; dongedja oko ona ɔdonga odii Ndjambe. 47Edii bea, nabali na nu sooti boo: ona odhimi adii na mohelo ma kɔbili. 48Nadii ipa la mohelo. 49Bataatanu bayaka mana ta esobe ko noko bea bagwa. 50Endolo moto akaya ipa ilidongi ta busa atagwa. 51Nadii ipa la mohelo iladongi ta busa. Moto mosusu oyakalea ipa dia, ahelabi tina ɛ kɔbili. Ipa ilipalea mbai, edii mokuku ma mbai; naopakani lo tina ɛ mohelo ma ngondo.» 52Ehole ɛoka Bayuda bea, babaleana boo: «Moda ndani mohɔni moto hoo olopa mokuku ma nde boo lamoyake?» 53Yesu abala na bu boo: «Edii bea, nabali na nu sooti boo: omiti yakani mokuku ma Mwana ɔ moto ko omiti mwani makia ma nde, odɛteleani na mohelo ta tei ɛ bono. 54Moto ona ɔyaaka mokuku ma mbai ko ɔmwaka makia ma mbai adihi mohelo ma kɔbili ko mbai namoongɔdjabi ta ogwa ta iswi la suka. 55Tina ɛ boo mokuku ma mbai modii mia ma sooti, ko makia ma mbai madii emweeli ɛ sooti. 56Moto ona ɔyaaka mokuku ma mbai ko ɔmwaaka makia ma mbai adii onɛngɛdja iputo na mbai ko mbai odii yo. 57Elɛngɛɛ Sɛngɛmoto ona ɔlomani adii na mohelo ko mbai nahelaka na ndjia ɛ nde; moda momɔti, ona ɔyaakani ahelabi na ndjia ɛ mbai. 58Hee edii ipa iladonga ta busa. Iditi elengɛɛ dia ilayaka bataatanu, ibagwa. Endolo ona ɔyaaka ipa dii ahelabi tina ɛ kɔbili.» 59Bea Yesu aleha midjɔ mia misusu ta ndako ɛ miongɔnɔ ɛ Bayuda ta Kapalanauma.
Bibaeli ba mohelo ma kɔbili
60Ngɔngɔ dja ooka Yesu, batingami ba nde bike babala boo: «Bibaeli bia bidii bipipo ta obioka! Ona ohɔni obidhima nda?» 61Yesu adjeba boo batingami ba nde bamokotoaka ta tina ɛ modjɔ mabala yo. Abala na bu boo: «Eotɛdjaini modjɔ mua ibaku? 62Na bea, ebalabino yee ehole enɛbino Mwana ɔ moto asɔmbɛ ta esika ɛdaka yo boso? 63Edii Mwembo imokapɛ mohelo; muni moditi na eka. Bibaeli bibali mbai na nu bidii Mwembo ko bidii mohelo. 64Endolo bakina ta ndanda ɛ bono tebadhime.» Tina ɛ boo, Yesu adjebaka donga ibange bia ibalonaka omodhimea ko adjebaka ona omokababi. 65Ko abakea boo: «Hokea tina ɛbala mbai na nu boo: moto atahɔnɔ odoa odii mbai Tata amiti mopa enɔli.»
66Donga ehole ena, batingami ba nde bike basasua na nde ko bakina odala na nde. 67Bea, Yesu ahɔdja batingami doomi na babae boo: «Ino koko opalaka ɔkɛɛni?» 68Simo Piɛlɛ amosɔmbɛdja boo: «Kumu, ohɔni so okɛɛ odii nda? Odii na bibaeli ba mohelo ma kɔbili. 69Iso lodhimi ko lodjebi boo: wɛ odii Mosɛnɔke ɔdonga odii Ndjambe.» 70Yesu abasɔmbɛdja boo: «Naiohɔni ino doomi na babae? Noko bea omɔti ɔ bono adii djabulu!» 71Abalaka bea tina ɛ Yudasi, mwana ɔ Simo Isikaliote. Tina ɛ boo Yudasi, noko ɔdaka yo omɔti ɔ batingami doomi na babae, edii yo moto omokababi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)