YOANI 5
5
Yesu aheledjai etumbɛ
1Ngɔngɔ djia, Yesu akɛɛ ta Yelusalɛmɛ tina ɛ tɛkɛ ɛ Bayuda. 2Bea, ta Yelusalɛmɛ, mbuti na edipako ɛ Bhata, ɛdaka na ediba ɛosasosa ɛbeakabo ta liebele Betezata, ɛdaka na ngbungbu itano. 3Ta ngbungbu djia, bato bike ba bigo badaka basambi: bato ba miso mago, bato bamitɛngu na bitumbɛ. [Baombaka boo madiba makumane; 4tina ɛ boo obwendi ɔ Kumu atitaka bihole bikina ta ediba ɛosasosa ko akumanaka madiba. Moto ɔ ego ɔ boso ɔtitiaka ta ehole ekumani madiba, ahelaka na ego ɛ nde, noko ego ɛdae ɛ moda ndani.] 5Moto omɔti adaka ena ona ɔnɛngɛdja na epeko mbua tuku isato na mwaambe. 6Ehole ɛmoenɛ Yesu asambi ko ɔɔka yo boo anɛngɛdja na epeko ehole eyai, amohɔdja boo: «Ɔpalaka ɔhele?» 7Moto ɔ epeko amosɔmbɛdja boo: «Kumu, naditi na moto ɔ otitedjani ta ediba ɛ osasosa ehole ekakumane madiba; ko okameke mbai boo nakɛɛ atitea, moto okina akatitee boso bambai.» 8Yesu abala na nde boo: «Emaa, tomba itɔkɔ la we ko dala.» 9Oko ena ambuku, moto ona ahela; atomba itɔkɔ la nde ko abanga odala. Modjɔ mua manɔkɔ ta iswi la sabata, 10ko bakumu ba Bayuda babala na moto ona ɔhela boo: «Busabu edii sabata, obwaniti ɔtombe itɔkɔ la wɛ.» 11Abasɔmbɛdja boo: «Moto ona oohelɛdjaini abali na mbai boo: “Tomba itɔkɔ la wɛ ko dala.”» 12Bato bia bamohɔdja boo: «Moto ona ndani obali na wɛ boo: “Tomba itɔkɔ la wɛ ko dala”?» 13Endolo moto ona ɔhela aimodjeba, tina ɛ boo Yesu adimoa ta tei ɛ bato bike ibadaka ta esika ena.
14Ngɔngɔ dja maa ehole, Yesu asaka na nde otei ba tepelo ko abala na nde boo: «Hadɛdi oheli. Pɛpɛ okɔ koko masumu, emiti daa bea modjɔ monɔi na obe mootanealea.» 15Moto ona akɛɛ abala na bakumu ba Bayuda boo ɛdaka Yesu moto ɔmoheledja. 16Na bea, Bayuda bahombaka bakɔe Yesu obe, tina ɛ boo aheledja moto ta iswi la sabata. 17Endolo Yesu abasɔmbɛdja boo: «Tata adii ehole esusu ta mosala ko mbai koko nasalaka.» 18Ta tina ɛ ebaeli ena, bakumu ba Bayuda bahombaka na ndjia djisusu baowoe Yesu; tina ɛ boo tabuke otoko mobeko ma sabata, endolo abalaka koko boo Ndjambe adii Sango mɛɛnɛ ko asaedjɛkɛ na Ndjambe.
Kpati ɛ Mwana ɔ Ndjambe
19Yesu abasɔmbɛdja boo: edii bea, nabali na nu, Mwana atahɔnɔ okɔ modjɔ momɔti na opala ba nde mɛɛnɛ; emiti daa mua moeni yo Sango amokɔ. Midjɔ misusu mikakɔe Sengɛmoto, Mwana akamikɔe koko. 20Sɛngɛmoto apali Mwana ko amoinedjaka midjɔ misusu mikakɔe yo mɛɛnɛ. Amoinedjabi koko mikɔ mikina iminɔi mii na onɛnɛ ko omikamoabini. 21Oko moda mokaongɔdjae Sɛngɛmoto bago ko abapabi mohelo, oko moda mua momɔti Mwana akapɛ mohelo odii ona opali yo boo apɛ. 22Ko Sɛngɛmoto tasambedjae moto, endolo apa odii Mwana kpati ɛ osambedja midjɔ misusu, 23bɛngɛ boo bato basusu bakumedjae Mwana moda mokakumedjae bo Sɛngɛmoto. Ona odii pɛpɛ okumedja Mwana, atakumedja Sɛngɛmoto ona ɔmoloma.
24«Edii bea, nabali na nu sooti boo: ona ooki bibaeli ba mbai ko oodimi ona ɔɔlomani, adii na mohelo ma kɔbili, asambedjametebi, endolo adongi ta ogwa ko adihi mohelo. 25Edii bea, nabali na nu sooti boo: ehole ɛdoake, esi oimea ehele, ena eokabi bago moholi ma Mwana ɔ Ndjambe ko bii ibamookabi bahelabi. 26Tina ɛ boo, oko moda modii Sɛngɛmoto na mohelo ta tei ɛ nde oko moda mua apa odii Mwana boo adae na mohelo ta tei ɛ nde. 27Ko apa odii Mwana kpati ɛ osambedja, tina ɛ boo adii Mwana ɔ moto. 28Pɛpɛ okamoani na modjɔ mua, tina ɛ boo ehole ɛduake ena eokabi bago basusu ibakundama moholi ma nde 29ko bapusoabi ta mibombo ma bobo. Bii ibakɔɔ opele bapusoabi tin a ɛ odiha mohelo, endolo bii ibakɔɔ obe bapusoabi tina ɛ odiha etumbu. 30Nitahɔnɔ okɔ modjɔ na malei ma mbai mɛɛnɛ. Nasambedjaka okimana na mua imaoka mbai, ko esambi ɛ mbai edii odjoo tina ɛ boo nitahombaka nakɔe mua mapalaka mbai, endolo mua mapalaka ona ɔlomani.»
Tati diko la Yesu
31Ekadaa boo napi tati tina ɛ mbai mɛɛnɛ, tati ɛ mbai edɛtelea tati ɛ sooti. 32Endolo edii moto okina ona ɔpaka tati tina ɛ mbai ko nadjebi boo tati ɛ nde ta tina ɛ mbai edii sooti. 33Ino ɔlomani bato odii Yoani ko yo apa tati diko la sooti. 34Mbai natakambaka na tati ɛ moto; endolo nabalaka bea oko ta tina ɛ boo ɔheleni. 35Yoani adaka elengɛɛ moinda imokayodjaebo bɛngɛ mapɛ ohuu endolo ino ɔdhimani boo ɔsepeni maa ehole na ohuu ba mu. 36Tina ɛ mbai nadii na tati eenɔi tati ɛ Yoani: edii mikɔ imakɔkɔ mbai imapani Sɛngɛmoto boo nakokedjae, maenɛmɛdjaka ohuu boo Sɛngɛmoto alomani. 37Ko Sɛngɛmoto ona ɔlomani apaka koko tati tina ɛ mbai. Endolo, ino ɔiokani moholi ma nde ko ɔienɛni mbanda ɛ nde. 38Tobanyeeni bibaeli ba nde tina ɛ boo todhimeni ona ɔloma yo. 39Ɔikoakani Makomi opele tina ɛ ɔlɛdjakani boo odihaleani ta tei ɛ mu mohelo ma kɔbili: edii Makomi mia imadii opa tati tina ɛ mbai! 40Endolo, olonini odoa odii mbai bɛngɛ boo ɔdiheni mohelo ma sooti.
41«Nitahombaka ekumu odii bato. 42Noko bea naodjebakani: nadjebi boo ta tei ɛ bono oditini na epaeli tina ɛ Ndjambe. 43Nadoa ta kombe ɛ Tata ko olonini oosɔni. Endolo moto okina akadua ta kombe ɛ nde mɛɛnɛ, omoosɔbini! 44Moda ndani ohɔnini odhima, ino ibakaosɛ ekumu bakina odii bakina ko ibakadae pɛpɛ ohomba ekumu ekadonge oko odii Ndjambe? 45Endolo pɛpɛ olɛdjani boo mbai moto oopundabini odii Tata. Edii Mose moto opundabini, ona ɔɔisano elɛndɛ. 46Ɔkɔkɔno dhimea Mose sooti, eke odimeini koko mbai, tina ɛ boo yo akoma ta tina ɛ mbai. 47Endolo omiti dhimani Makomi ma nde, moda ndani odhimaleani bibaeli ba mbai?»
လက္ရွိေရြးခ်ယ္ထားမွု
YOANI 5: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
YOANI 5
5
Yesu aheledjai etumbɛ
1Ngɔngɔ djia, Yesu akɛɛ ta Yelusalɛmɛ tina ɛ tɛkɛ ɛ Bayuda. 2Bea, ta Yelusalɛmɛ, mbuti na edipako ɛ Bhata, ɛdaka na ediba ɛosasosa ɛbeakabo ta liebele Betezata, ɛdaka na ngbungbu itano. 3Ta ngbungbu djia, bato bike ba bigo badaka basambi: bato ba miso mago, bato bamitɛngu na bitumbɛ. [Baombaka boo madiba makumane; 4tina ɛ boo obwendi ɔ Kumu atitaka bihole bikina ta ediba ɛosasosa ko akumanaka madiba. Moto ɔ ego ɔ boso ɔtitiaka ta ehole ekumani madiba, ahelaka na ego ɛ nde, noko ego ɛdae ɛ moda ndani.] 5Moto omɔti adaka ena ona ɔnɛngɛdja na epeko mbua tuku isato na mwaambe. 6Ehole ɛmoenɛ Yesu asambi ko ɔɔka yo boo anɛngɛdja na epeko ehole eyai, amohɔdja boo: «Ɔpalaka ɔhele?» 7Moto ɔ epeko amosɔmbɛdja boo: «Kumu, naditi na moto ɔ otitedjani ta ediba ɛ osasosa ehole ekakumane madiba; ko okameke mbai boo nakɛɛ atitea, moto okina akatitee boso bambai.» 8Yesu abala na nde boo: «Emaa, tomba itɔkɔ la we ko dala.» 9Oko ena ambuku, moto ona ahela; atomba itɔkɔ la nde ko abanga odala. Modjɔ mua manɔkɔ ta iswi la sabata, 10ko bakumu ba Bayuda babala na moto ona ɔhela boo: «Busabu edii sabata, obwaniti ɔtombe itɔkɔ la wɛ.» 11Abasɔmbɛdja boo: «Moto ona oohelɛdjaini abali na mbai boo: “Tomba itɔkɔ la wɛ ko dala.”» 12Bato bia bamohɔdja boo: «Moto ona ndani obali na wɛ boo: “Tomba itɔkɔ la wɛ ko dala”?» 13Endolo moto ona ɔhela aimodjeba, tina ɛ boo Yesu adimoa ta tei ɛ bato bike ibadaka ta esika ena.
14Ngɔngɔ dja maa ehole, Yesu asaka na nde otei ba tepelo ko abala na nde boo: «Hadɛdi oheli. Pɛpɛ okɔ koko masumu, emiti daa bea modjɔ monɔi na obe mootanealea.» 15Moto ona akɛɛ abala na bakumu ba Bayuda boo ɛdaka Yesu moto ɔmoheledja. 16Na bea, Bayuda bahombaka bakɔe Yesu obe, tina ɛ boo aheledja moto ta iswi la sabata. 17Endolo Yesu abasɔmbɛdja boo: «Tata adii ehole esusu ta mosala ko mbai koko nasalaka.» 18Ta tina ɛ ebaeli ena, bakumu ba Bayuda bahombaka na ndjia djisusu baowoe Yesu; tina ɛ boo tabuke otoko mobeko ma sabata, endolo abalaka koko boo Ndjambe adii Sango mɛɛnɛ ko asaedjɛkɛ na Ndjambe.
Kpati ɛ Mwana ɔ Ndjambe
19Yesu abasɔmbɛdja boo: edii bea, nabali na nu, Mwana atahɔnɔ okɔ modjɔ momɔti na opala ba nde mɛɛnɛ; emiti daa mua moeni yo Sango amokɔ. Midjɔ misusu mikakɔe Sengɛmoto, Mwana akamikɔe koko. 20Sɛngɛmoto apali Mwana ko amoinedjaka midjɔ misusu mikakɔe yo mɛɛnɛ. Amoinedjabi koko mikɔ mikina iminɔi mii na onɛnɛ ko omikamoabini. 21Oko moda mokaongɔdjae Sɛngɛmoto bago ko abapabi mohelo, oko moda mua momɔti Mwana akapɛ mohelo odii ona opali yo boo apɛ. 22Ko Sɛngɛmoto tasambedjae moto, endolo apa odii Mwana kpati ɛ osambedja midjɔ misusu, 23bɛngɛ boo bato basusu bakumedjae Mwana moda mokakumedjae bo Sɛngɛmoto. Ona odii pɛpɛ okumedja Mwana, atakumedja Sɛngɛmoto ona ɔmoloma.
24«Edii bea, nabali na nu sooti boo: ona ooki bibaeli ba mbai ko oodimi ona ɔɔlomani, adii na mohelo ma kɔbili, asambedjametebi, endolo adongi ta ogwa ko adihi mohelo. 25Edii bea, nabali na nu sooti boo: ehole ɛdoake, esi oimea ehele, ena eokabi bago moholi ma Mwana ɔ Ndjambe ko bii ibamookabi bahelabi. 26Tina ɛ boo, oko moda modii Sɛngɛmoto na mohelo ta tei ɛ nde oko moda mua apa odii Mwana boo adae na mohelo ta tei ɛ nde. 27Ko apa odii Mwana kpati ɛ osambedja, tina ɛ boo adii Mwana ɔ moto. 28Pɛpɛ okamoani na modjɔ mua, tina ɛ boo ehole ɛduake ena eokabi bago basusu ibakundama moholi ma nde 29ko bapusoabi ta mibombo ma bobo. Bii ibakɔɔ opele bapusoabi tin a ɛ odiha mohelo, endolo bii ibakɔɔ obe bapusoabi tina ɛ odiha etumbu. 30Nitahɔnɔ okɔ modjɔ na malei ma mbai mɛɛnɛ. Nasambedjaka okimana na mua imaoka mbai, ko esambi ɛ mbai edii odjoo tina ɛ boo nitahombaka nakɔe mua mapalaka mbai, endolo mua mapalaka ona ɔlomani.»
Tati diko la Yesu
31Ekadaa boo napi tati tina ɛ mbai mɛɛnɛ, tati ɛ mbai edɛtelea tati ɛ sooti. 32Endolo edii moto okina ona ɔpaka tati tina ɛ mbai ko nadjebi boo tati ɛ nde ta tina ɛ mbai edii sooti. 33Ino ɔlomani bato odii Yoani ko yo apa tati diko la sooti. 34Mbai natakambaka na tati ɛ moto; endolo nabalaka bea oko ta tina ɛ boo ɔheleni. 35Yoani adaka elengɛɛ moinda imokayodjaebo bɛngɛ mapɛ ohuu endolo ino ɔdhimani boo ɔsepeni maa ehole na ohuu ba mu. 36Tina ɛ mbai nadii na tati eenɔi tati ɛ Yoani: edii mikɔ imakɔkɔ mbai imapani Sɛngɛmoto boo nakokedjae, maenɛmɛdjaka ohuu boo Sɛngɛmoto alomani. 37Ko Sɛngɛmoto ona ɔlomani apaka koko tati tina ɛ mbai. Endolo, ino ɔiokani moholi ma nde ko ɔienɛni mbanda ɛ nde. 38Tobanyeeni bibaeli ba nde tina ɛ boo todhimeni ona ɔloma yo. 39Ɔikoakani Makomi opele tina ɛ ɔlɛdjakani boo odihaleani ta tei ɛ mu mohelo ma kɔbili: edii Makomi mia imadii opa tati tina ɛ mbai! 40Endolo, olonini odoa odii mbai bɛngɛ boo ɔdiheni mohelo ma sooti.
41«Nitahombaka ekumu odii bato. 42Noko bea naodjebakani: nadjebi boo ta tei ɛ bono oditini na epaeli tina ɛ Ndjambe. 43Nadoa ta kombe ɛ Tata ko olonini oosɔni. Endolo moto okina akadua ta kombe ɛ nde mɛɛnɛ, omoosɔbini! 44Moda ndani ohɔnini odhima, ino ibakaosɛ ekumu bakina odii bakina ko ibakadae pɛpɛ ohomba ekumu ekadonge oko odii Ndjambe? 45Endolo pɛpɛ olɛdjani boo mbai moto oopundabini odii Tata. Edii Mose moto opundabini, ona ɔɔisano elɛndɛ. 46Ɔkɔkɔno dhimea Mose sooti, eke odimeini koko mbai, tina ɛ boo yo akoma ta tina ɛ mbai. 47Endolo omiti dhimani Makomi ma nde, moda ndani odhimaleani bibaeli ba mbai?»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)