2 Kɔlɛntiɛ́ŋ 3
3
1Didiguánd guamba gubíkánya anyɛ́ bɔsɔ́gɔ́ bómodió bálaná. Gúmén dínuɔ́yɔɔn ká núdiɔ́ŋɔ́n imbɔbɔnɔ ságúdɛ́kánya ká dɛ́baan na sɛ́ aga band bóndodió ɔ́gɔ́ ká dínúdíyenyi sɛ́. 2Banuá nunyá mbɔbɔnɔ yasɔ inyá iŋɔ́ŋɔ́n agás gá ɛdɛm. Mɔnd gidigid gúlɛnsan yɛ́, wond ubanan yɛ́. 3Búnyɛ́ nɔ́ sáŋŋŋ ká Kilíse muát umɔ́ɔŋ mbɔbɔnɔ iyaány, basuá idiílén yɛ́. Ɛdɛbá ɛŋɔ́ŋɔ́n na tínde, inyɛ ɛŋɔ́ŋɔ́n gɔg na Mefúny má Gɔdányá usɔ́dɔnɔ́. Saá agá adany inyá iŋɔ́ŋɔ́n, inyɛ iŋɔ́ŋɔ́n gɔ́g agá ɛdɛm sá band. 4Kilíse walaná ká digála anaány agá eŋís yá Gɔdányá ta guákɛ́nan. 5Didiguámba guɔyɛd ká dinyɛ bágúbiálɛn nɛnama ná buand iniány na bugaga bás. Buanda gidigid dinyá waguál, bugaga gúdílenin aga Gɔdányá. 6Ɔwɔ́ umáal ká dɛ́bá agá edény wɔ́guɔyɔɔn band nɛlad nɛgɔ́s. Nɛlad iniány dɛbá anyɛ bisele bá Moyíso, Ɛsámb yá Mefúny ímáal ká nɛ́bá. Gágual ká bisele bɔ́mɔ́ɔŋɔ́ gúfudenyi band agá nigú, Ɛsámb yá Mefúny éŋeen gusɔ́d. 7Bɔ́mɔ́ɔŋ bisele agá adany, nugúm ná Gɔdányá unuésegimine, busió bá Moyíso meségédé giodó giod nɛnama nínyá ká band bá Ísalayɛ́la dɛmabá bágúlɛ́ŋa wɔ́ sóŋŋ, nánié guségéde uguány mabá gá mɔɔn wá gɛsɛgɛl. Ímábá bisele bíméeŋén nigú meségédé nɛnama iniány, 8nanyá buól bá Ɛsámb yá Mefúny álaná ganuál búdíségédé gudɔ́mb anaány e? 9Anyɛ́ gúnyɛ ká buól bá bisele bífúdenye band meségédé, buól buóndonyó band besi agá eŋís yá Gɔdányá geségéde gudúmbídenyi. 10Dinyɛ bɔ́guɔyɛd muát ká guségéde gá nsuá dɛbá ta onkól gú gá nɛ́nuán. 11Ímábá manda mámáabá gá mɔɔn wá gɛsɛgɛl mabá mofuógón na nugúm, saá mányá kɔ́ bɛsɛgɛl gidigid gegúme gudúmbídenyi e?
12Didigúbianan buwa gágual ká digúbianan giondiɔdɛ́mɔ́. 13Dɛdɛbá anyɛ Moyíso umáabɛ́bɔ́gán busió ká band Bísalayɛ́la dián guman gá gúsegimine gúmáabá gá mɔɔn wá gɛsɛgɛl. 14Kányɛ mbíne máaguɛ́n nsiŋi yɔbɔ. Ta ínen muát, gɛsɛgɛl bábánaná agá mbɔbɔnɔ ya nɛlad nóbusió, mbíne iyaány gúbɔgaan yɛ́. Idibá béguélíki, asiá anyɛ aladán na Kilíse. 15Gutɔ gusiám ínen, bɛsɛgɛl gidigid band bananá mbɔbɔnɔ ya bisele bá Moyíso, mbíne gúbugaan ɛdɛm sɔ́b. 16Gɛsɛgɛl gɔg mɔnd bɛ́gɔ́ŋɔ́naná gá gulád Ɔgúnɔ́, Ɔgúnɔ́ gúségínenyi mbíne iyaány. 17Ɔgúnɔ́ aya unyá Ɛsámb yá Mefúny. Kɔɔ́m Mefúny má Ɔgúnɔ́ nyá, bufilí nyɛ kɔ́. 18Basuá gidigid, mbíne dɛguánd gúbɔgaan mosió más, gise gá nugúm ná Ɔgúnɔ́ gísánaná agás gá mosió. Ɔgúnɔ́ unyá Ɛsámb yá Mefúny gúdínúgúne, udióndonyi anyɛ ɔwɔ́. Nugúm nág gabaan nobusió na gubídíyenyi agasuá.
လက္ရွိေရြးခ်ယ္ထားမွု
2 Kɔlɛntiɛ́ŋ 3: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ