1 Kɔlɛntiɛ́ŋ 6
6
Bidié bá beédéb ná beédéb
1Nanyá búnyá ká, eŋédéb médién na sɔ́gɔ́ eŋédéb udɛgábán wɔ́ aga beédéb ká bádábɔ́na, wɔsɔ́mɔɔ́n wɔ́ agá band bádiálɛ́nsáná Gɔdányá e? 2Nudɛgɔ́lɛnsan ká nigúl ná Gɔdányá gegélenyi band bá gus e? Búmábá ká banuá nubiananá ká núgélenyi band bá gus, nanyá nudiábá báguádɔ́n bidié bá siɔdɛd e? 3Nudɛ́gɔ́lɛnsan ká digegélenyi ɛngɛlɛs a, bɛsɛgɛl bíník baan bá bidié bá gusɔ́d e? 4Gigúl nunyá na bidié nɛnama iniány gá moóny má gusɔ́d, band ɔbɔ́ giɔ́b gá beédéb diálɛ́nsaná, bɔ́bɔ́ nudényigenye ká bánuádɔ́na e? 5Ngúnuɔyɔn ká búnyɛ́ ɔduɔ́ gɔnɔ́ nanɔ. Agán gá gadágadá, mɔnd wa nsiŋi dɛbá kɔ́ wagual ká wádɔ́n belimen béseégudién e? 6Kányɛ búnyá agá meliŋítas gɔg ká, eŋédéb médién na sɔ́g eŋédéb, bédélímín gá nɛgál aga band bádiábá beédéb e? 7Búdígubíŋen agá idú ta siɔdɛd ká banuá beédéb nusɔ́mɔnɛn banuá na banuá. Gá giág nudiɔ́mínɔ́nɔ́ ká bánuála manda mádiásɛgɛ́mánáná ká bánuála e? Gá giág núdiábɛ́nɛɛ́náná ká bɔ́gɔ manda mán e? 8Gá guán, banuá nualaná bɔsɔ́gɔ́ bɔbɛ nuond nuébenin bɔ́, band ɔbɔ́ nualaná bɔ́ manda amaány nyɛ bɔsɔ́gɔ́ beédéd. 9Nudɛgɔ́lɛnsan ká ebe bálaná bɛfal dɛgabia niluku agá bufuŋ bá Gɔdányá e? Nudibínéŋ! Ta band bɔbídɔ́bɔnɔ́, ta band bégúmenyé bagɔdányá bóndodió, ta ebe bábɛ́dɛ́maná na band bádiábáná begiŋen, ta banɔ́mandɔ bɔ́sɔ́ŋɔninɔ́ bɔ́bɔ́ na bɔ́bɔ́, 10ta beéb, tá ebe bébísesenyé manda má bɔsɔ́gɔ́, ta bebél magɛ́b, ta ebe bálaná muódón, ta ɛmɔnd, anama yá band ayány dɛgabia niluku agá bufuŋ bá Gɔdányá. 11Anaány gɛdam gá band agán gá ɔlɔŋ máabá nsua. Gɔdányá uwasɔga bɛfal bán bese na bese, uwɔnúdɔ́bɔ́n uwaal ká núbá besi ogóbusió bág agá ɔfɛ́n wá Ɔgúnɔ́ Yésu Kilíse, na Ɛsámb yá Mefúny yá Gɔdányá wasɔ.
12«Bóndodi agán gá ɔlɔŋ guɔ́yɔ ká bányɛ́ báguala buand gidigid ubú bébílénené». Saá buand gidigid gɔg búnyá bese gán. Bóndodi agán gá ɔlɔŋ guɔ́yɔ sɔ́n ká: «Dɛnyɛ báguala buanda ubú dibílénené», ndɛbá bágɔ́bɛ́nɛn gɔg ká mbá giɔ́l gá buanda. 13Manyán nyɛ góbusió bá duna, duna góbusió bá manyán, anaány Gɔdányá genúmenyi manda amaány mem mándɛ. Duɔ́l dás gɔg dɛbá dúlɔŋán góbusió bá gúbídɔ́bɔ, dúnyɛ́ góbusió bá Ɔgúnɔ́, Ɔgúnɔ́ nyɛ góbusió bá duɔ́l. 14Gɔdányá uméenyí Ɔgúnɔ́ aga ebeguén na bugaga bág, ugediényi basuá sɔ́n agá nigú. 15Nudɛgɔ́lɛnsan ká duɔ́l dán nyɛ dá Kilíse e? Búnyɛ́ gɔg bese ká mɔnd gɔ́l nuɔ́l núnyá ná Kilíse wéŋin nú gá giendid gá agánd e? Ágó! 16Nudɛgɔ́lɛnsan ká ewe usɔŋɔnɔ giendíd gá agánd guondon nuɔ́l númoom naga e? Gagual ká búnyɛ́ buɔ́ŋɔ́n ká: Bem bándɛ gond nuɔ́l númoom. 17Mɔnd mɔ́gɔ́l nuɔ́l nág ká wéŋin nú gá Ɔgúnɔ́, mɔnd uwaány ganyɛ mɔnd ómoom na Ɔgúnɔ́. 18Ánɔtɛɛ́n gubídɔ́bɔ! Gágual ká bɛfal bímodió dɛguágaan nuɔ́l biíle. Ewe gidigid ubídɔ́bɔnɔ́ guála nuɔ́l nág ná muát bɔbɛ. 19Duɔ́l dán nyɛ ɔnyɛb wá Ɛsámb yá Mefúny ɛyɛ́ núnyá na yɛ́, ínúleniné agá Gɔdányá, Nudɛgɔ́lɛnsan nɔ́ e? Duɔ́l dán dɛ́bá dán. 20Gɔdányá méeŋín bɛnama giod ká núbá bág. Kánɛ gɔ́g nubiananá ká núgúmenyi Gɔdányá na duɔ́l dán.
လက္ရွိေရြးခ်ယ္ထားမွု
1 Kɔlɛntiɛ́ŋ 6: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ